Saturday, December 19, 2009

ကိုယ့်အလှည့်...



“ဟယ်လို... မောနင်း... ချစ်သူ”...
  မနက်စောစောစီးစီး ညဆိုင်းအလုပ်ဆင်းရာမှ အိမ်ပြန်တော့မည့်ကျွန်တော်...၊ နှုတ်ဆက်သံကြားလို့ လှမ်း ကြည့်မိတော့ ကျွန်တော်တို့ဌာနမှ ဒီနိုင်ငံသူ အင်ဂျင်နီယာမလေးကိုတွေ့လိုက်ရသည်။
   သူတို့ရဲ့ယဉ်ကျေမှု၊ ဓလေ့ထုံးစံအတိုင်းခေါင်းတွင် ခေါင်းစည်းပုဝါလှလှလေးဖြင့် (ဆံပင်များမပေါ်အောင်) သပ်သပ်ရပ်ရပ် ဖုံးအုပ်ချည်နှောင်ထားသော သူမကိုပြန်ကာ လက်ပြနှုတ်ဆက်ခဲ့လိုက်ရင်း... စက်ရုံအပြင် ဘက်သို့ ခြေချမိခဲ့သည်။ သို့သော်လည်း ကျွန်တော့စိတ်ထဲတွင် ရယ်ချင်နေမိသည်။ ကြည့်ဦးလေ...သူနဲ့ ဘာမှမဆိုင် တဲ့ သာမန်လုပ်ဖော်ကိုင်ဖက် သူစိမ်းယောက်ျားတစ်ယောက်ဖြစ်တဲ့ ကျွန်တော့်ကို သူမ ခေါ်ပုံကြီးက....
   “ချစ်သူ”...တဲ့...။ ပြီးတော့လည်း သူတို့ဘာသာစကားမဟုတ်တဲ့ မြန်မာစကားကို ပြောပုံကလည်း နားထဲ မှာ ထော်လော်ကန့်လန့်ကြီးဖြစ်၏။ “ချစ်သူ”...ဟု..သူမက ခေါ်သော်လည်း...ကျွန်တော့်နားထဲတွင်ကြားမိ တာက..... “ချီးသူ”....။ လေယူလေသိမ်းကွာခြားတာကြောင့်ပင်ဖြစ်မည်..ဟုတွေးမိသည်။ လွန်ခဲ့တဲ့ လက တည်းက သူမ ကျွန်တော့်ကို အဲ့သလို ခေါ်နေခဲ့တာ...။ ကျွန်တော်က “နင်...ငါ့ကို “ချစ်သူ”..လို့ မခေါ် နဲ့...၊  အဲ့ဒါ ဘာအဓိပ္ပါယ် လည်းဆိုတာ...နင်သိလို့လား”.... ဟု မေးခဲ့တော့ သူမက....
    “သိသားပဲ...၊ “ချစ်သူ”...ဆိုတာ..“ဒါလင်” လိုမျိုး အဓိပ္ပါယ်ဆိုတာ..၊ နင်ကငါခင်တဲ့ သူငယ်ချင်းမို့လို့ ခေါ် တာပါဟယ်”..ဟု ရယ်ကာမောကာဖြင့်ရှင်းပြတာကို နားထောင်ခဲ့ရသေး၏။ “ဘယ်သူ...သင်ပေးတာလည်း” ဟု ကျွန်တော်မေးတော့ သူမက အားရပါးရ ရယ်ရင်း ကျွန်တော့်သူငယ်ချင်းတစ်ယောက်နာမည်ကို ပြောပြ ခဲ့သေးသည်။ နောက်သူမက... “ငါက နင်တို့ကို မြန်မာလို ခင်ခင်မင်မင်..ခေါ်ချင်လို့ပါဟယ်”...ဟု ပြောခဲ့ဖူး သေးတာအမှတ်ရမိသည်။ ဟုတ်သည်...၊သူမအဲ့ဒီလိုခေါ်တာ ကျွန်တော့်တစ်ယောက်တည်းကိုတော့ မဟုတ် ၊ သူမခင်မင်သည့် ကျန်သော မြန်မာလူမျိုးများကိုလည်း ထိုသို့ပင်ခေါ်တတ်တာ တွေ့ရ၏။ သို့သော်လည်းသူ မ အဲ့ဒီလို ခေါ်လိုက်တိုင်း ကျွန်တော့်နားထဲတွင် ကြားရသော လေသံကြီးက တစ်မျိုးကြီးမို့ ရယ်ချင်မိတာ အ မြဲပင်...။ တစ်ဆက်တည်း ကျွန်တော်တို့ ဒီကိုရောက်ကာစတုန်းက အဖြစ်အပျက်လေးတစ်ချို့ကိုလည်း ပြန် တွေးမိလာတော့သည်။

@@@@@@@@@

     ကျွန်တော်တို့ ဒီကိုရောက်ကာစတုန်းက (လွန်ခဲ့သည့် ခြောက်နှစ်နီးပါးကာလတုန်းက) အလုပ် လုပ် ရတဲ့စက်ရုံမှာ ပထမဦးဆုံးမြန်မာလူမျိုးများမို့ အားလုံးရဲ့ အထူးအဆန်းဖြစ်စွာ စိတ်ဝင်စားမှုကို အနည်း နှင့်အများ ခံစားခဲ့ရဖူးသည်။ သူတို့ ဘာသာစကားကို လုံးဝဥဿုံ မပြောတတ်သောကျွန်တော့်ထံတွင် မြန်မာပြည်ရဲ့အကြောင်းများကို စပ်စုကြသည်။ ထိုအခါများတွင် “တောက်တဲ့၊ ခွေးအ”...စသည်တို့ လှည်း နင်းရာမှ ထွက်ပေါ် လာတတ်သော အသံများထက်ဆိုးရွားသည့် မတောက်တခေါက် အင်္ဂလိပ်စကားဖြင့် ကျွန်တော့်မှာ ကြိုးစား ၍ရှင်းပြခဲ့ရဖူးတာ...မှတ်မိနေခဲ့သေးပါသည်။
     တစ်နေ့ ကျွန်တော့် ဌာနမှ အရည်အသွေးစစ်ဆေးသော ဒီနိုင်ငံသူကောင်မလေးက ကျွန်တော့်ထံတွင် မြန်မာစကားသင်ပါသည်။ သူသင်သည်မှာ တစ်လုံးတည်း...။ " I hate you"...ဆိုတာကို မြန်မာလိုမျိုးဘယ် လိုပြောသလဲ... ဟု။ ကျွန်တော်က... “မင်းကို... ငါမုန်းတယ်”...ဟု သင်ပေးလိုက်ပါသည်။ ထိုအခါ သူမက ပါးစပ်မှနေပြီး “မင်း... ရို... ရာ... မွန်း... ဒယ်”...ဟု တစ်လုံးချင်း ဆီမန်းမန်းသလို ရွတ်နေလေတော့၏။
     ကျွန်တော့်စိတ်ထင် တစ်ပတ်လောက်အကြာတွင်ဖြစ်၏။ ကျွန်တော်နှင့် ထိုကောင်မလေး အတူတူတွဲ၍ အလုပ်လုပ်နေသော စားပွဲခုံသို့ တစ်ဌာနတည်းမှ ဒီနိုင်ငံသား ကောင်တစ်ကောင်ရောက်လာပါသည်။ ထို့ နောက် ကျွန်တော့်ကိုမျက်စိတစ်ဖက်မှိတ်ပြကာ ထိုကောင်မလေးကို ပြီတီတီမျက်နှာထားဖြင့် ငုံ့ကိုင်းကြည့် ကာ... အလုပ်လုပ်နေသော စားပွဲပေါ်တွင် လက်ထောက်ပြီး....
     “မင်းရို... ရာချီးတယ်”... ဟု...မတိုးမကျယ်လေး...ပြောလိုက်ပါသည်။ ကျွန်တော်တို့နှစ်ယောက်စလုံးအ တူကြားလိုက်ရတာမို့ အံ့သြစွာဖြင့် ထိုကောင်ကို ကျွန်တော်မော့ကြည့်မိသည်။ ဟုတ်သည်လေ...၊ အဲ့ဒီနိုင်ငံ သားပြောတာ ကျွန်တော်တို့ မြန်မာစကားပဲကိုး...။ အသံမပီပေမယ့် “မင်းကို...ငါချစ်တယ်”...လို့ပြောမှန်းသိ လိုက်တာကြောင့်ပင်...။
      ထိုအခါ ကျွန်တော့်ဘေးမှ ကောင်မလေးကလည်း... အားကျမခံ ပက်ခနဲပြန်ပြောလိုက်ပါသည်။ “မင်း.. ရို ရာမွန်း ဒယ်”...ဟု...။ မျက်စောင်းပါထိုးလိုက်သေး၏။ ကျွန်တော့်မှာ မြန်မာစကားဖြင့် အတိုင်အဖောက် ညီနေကြသော သူတို့နှစ်ယောက်ကိုကြည့်ရင်း..တစ်ခွိခွိဖြစ်နေခဲ့ရဖူးသည်။ နောက် ကျွန်တော်က ထိုကောင် မလေးကို “သူဘာပြောတာလဲဆိုတာ...နင်သိလို့လား”..ဟုမေးတော့ ခေါင်းခါပြ၏။ “ဒါပေမယ့် သူငါမကြိုက် တာ တစ်ခုခုလာပြောတာတော့ သိတယ်”...ဟု ဆိုသည်။ မိန်းကလေးများ၏ မွေးရာပါအရေအချင်းများလား ဟု တွေးမိခဲ့သေးသည်။ ဟို ကောင်ကလည်း..ဘယ်ကနေများ သင်လာတယ်မသိ...။ ကျွန်တော်က မနေနိုင် စွာ မီးမြိုက်ခံထားရသည့် ခရမ်းသီးတစ်လုံးလို ရှုံ့မဲ့၊ လိမ်တွန့်သွားသည့် မျက်နှာထားဖြစ်သွားရှာသော အဲ့ဒီ ကောင်ကိုလည်း...“သူ ဘာပြန်ပြောတာလည်းဆိုတာ... မင်းနားလည်လို့လား”...ဟု သိချင်စွာမေးတော့ “မ သိဘူး”...ဟု ပြန်ဖြေရင်းခေါင်းခါပြရှာပါသည်။ “ဒါဆို... မင်းမျက်နှာက ဘာဖြစ်လို့ မဲ့နေတာလည်း”...ဟုရေ လာမြောင်းပေးစကားဖြင့် ကျွန်တော်ကမေးတော့ “သူ... ငါ့ကို လက်မခံချင်တာတော့ ငါသိတယ်လေ”...ဟု ပြန်ပြောခဲ့၏။ အင်း... ဒါလည်း ယောက်ျားလေးတွေရဲ့ မွေးရာပါ အရည်အချင်းတစ်ခုပင် ဖြစ်မည်ထင်ပါ၏။
      ဘာပဲပြောပြော ကျွန်တော်ကတော့ မျက်စိရှေ့တွင် မြန်မာစကားကို အချီအချညီညာစွာဖြင့် တစ်ဦးနှင့် တစ်ဦး နားမလည်ပါးမလည်၊ တစ်ဦးဆိုလိုတာကို တစ်ယောက်က အဓိပ္ပာယ်မသိစွာ ပြောနေခဲ့ကြသော သူ တို့နှစ်ယောက်ကိုကြည့်ရင်း... အတောမသတ်နိုင်အောင် ရယ်မိခဲ့ဖူးပါသည်။

                                                 @@@@@@@@@@

      နောက်တစ်ကြိမ်ကတော့ နည်းနည်းပြင်းထန်ပါသည်။ တစ်နေ့မနက် ကျွန်တော်တို့ ညဆိုင်းသမား များက အလုပ်မှ ပြန်ခါနီး၊ မနက်ဆိုင်းသမားများက အလုပ်ကို ၀င်လာခါစအချိန်တွင်ဖြစ်၏။ ထုံးစံအတိုင်း ထိုအချိန်လေးတွင် တစ်ယောက်နှင့် တစ်ယောက်အပြန်အလှန်နှုတ်ဆက်...၊ နောက် သတင်းတွေ၊ အတင်း တွေကို ပြောကြနှင့် မနက်ခင်းအစည်းအဝေးမစခင် ကျွန်တော်တို့ရုံးခန်းလေးထဲမှာ ကြွက်ကြွက်ကို ညံနေခဲ့ သည်။ ကျွန်တော်တို့ရဲ့ ဌာနအကြီးအကဲလုပ်သူ မရောက်လာသေးတာကြောင့် အားလုံး...ဟေးလား... ၀ါး.. လားဖြင့် ပျော်စရာတောင်ကောင်းနေသေး၏။ တစ်ချို့က ခုံပေါ်တွင်ထိုင်ကြ၊ တစ်ချို့က မတ်တပ်ရပ်နေကြ၊ နောက်..တစ်ချို့က စားပွဲခုံပေါ် တက်ထိုင်နေကြနှင့် လွတ်လပ်နေကြသည်မှာ အတောမသတ်...။
       စကားအများကြီးမပြောချင်တတ်သော ကျွန်တော်ကတော့ ရုံးခန်းထောင့်မှာရှိသည့် ဖိုင်များထည့်သိမ်း သည့် သံလော်ကာ ပုပုလေးပေါ်တွင် ခြေနှစ်ချောင်းတွဲလောင်းချကာ တက်ထိုင်နေမိပါသည်။ အလုအယက် ပြောနေကြသော သူတို့ကို ငေးကြည့်ရင်းပြုံးနေမိသေး၏။ ဒီနိုင်ငံမှ မိန်းကလေးများသာမက၊ အင်ဒိုနီးရှားမှ မိန်းကလေးများသည်လည်း တော်တော် စကားများတာပဲ... ဟုတွေးနေမိခဲ့သေးသည်။
     ထိုစဉ် ရုံးခန်းမှန်တံခါးကို တွန်းဖွင့်ရင်း အခုမှဝင်လာသော မနက်ဆိုင်းမှ အင်ဒိုနီးရှားကောင်မလေးတစ် ယောက်က ထောင့်တွင်တစ်ယောက်ထဲ ထိုင်ကာ ပြုံးနေသော ကျွန်တော့်ကို သူတို့ဘာသာစကားဖြင့်...
      “ဟိုင်း... ဆာရမ်း...ဆလာမတ်ပါဂီး (Hi...sayang... selamat pagi...)...”... ဟု အနားသို့လျှောက် လာရင်း အော်နှုတ်ဆက်လိုက်ပါသည်။ အဓိပ္ပာယ်မှာ “ မင်္ဂလာ နံနက်ခင်းပါ... အချစ်ရေ”... ဟု ရ၏။
       ကျွန်တော်က ပြုံးပြပြီးပြန်ခေါင်းငြိမ့်ပြလိုက်သော်လည်း ဘေးနားမှာရှိနေသည့် အင်ဒိုနီးရှားကောင်မ လေးတစ်ယောက်က၀င်၍....
       “ဟေ့..နှာဘူးမ”...ဟု အော်ဟစ်ခေါ်ကာ နောက်ဆက်တွဲ သူတို့ဘာသာစကားဖြင့် “အလုပ်တောင် မ လုပ်ရသေးဘူး...နင်တော်တော်နှာဘူး ထ,နေပါလား..ဟင်”..ဟုကြားမှ ၀င်သမပါလေတော့သည်။ နောက် ပြီးတော့လည်း “ဘာ့ညာ့... နှာဘူးမ”...ဟုရေရွတ်လိုက်သေး။ (ဘာ့ညာ့ဆိုသည်မှာ အများကြီးဟု အဓိပ္ပါယ် ရပါသည်။) ပြောခံလိုက်ရသော တစ်ယောက်ကလည်း မခေပါ...။ ပက်ခ,နဲပြန်၍ပြောလိုက်သည်မှာ (ကန် တော့ပါနော်...)
       “အာပါး...လင်ခိုးမ”...ဟူ၍ပင်...။ (apa ဆိုသည်မှာ ဘာလည်းဟု အဓိပ္ပါယ်ရပါသည်။)
       တစ်ချို့တစ်ချို့သော မြန်မာလူမျိုးများရဲ့ အသင်အပြကောင်းမှုကြောင့် မဟုတ်တာတွေကို သူတို့အ ရင်တတ်နေတာ အကြောင်းမဟုတ်..၊ မူရင်းအဓိပ္ပါယ်ရဲ့ အတိမ်အနက်ကို မသိပဲ စွတ်ရွတ်ပြောနေကြသော သူတို့ နှစ်ယောက်ရဲ့ကြားမှာ ကျွန်တော်ကပဲ မရှင်းမရှင်းကြီးလိုလိုဖြစ်နေခဲ့ရ၏။ အမှန်က အေးဆေးနေလေ့ ရှိသော ကျွန်တော့်ကို သူတို့လန့်တတ်ကြပါသည်။ သို့သော်လည်း သူတို့ထိုသို့ပြောနေကြသော စကားများ ကြောင့် အကုန်လုံးက အော်ရယ်ကြပါလေတော့သည်။ ကျွန်တော့်မှာလည်း ငိုအားထက်..ရယ်အားသန်ဆို သလိုမျိုးကြီးဖြစ်ခဲ့ရသေးပါသည်။

                                                   @@@@@@@@@@@

     ၂၀၀၆ခုနှစ် နှစ်ဦးပိုင်းလောက်တွင်လည်း ကျွန်တော်တို့စက်ရုံမှာ ဘာအရူးထ,သည်မသိ...။ မနက် မိုးလင်း အလုပ်ဝင်ချိန်ပြန်ချိန်များတွင် စက်ရုံမှ ရှိရှိသမျှသော မန်နေဂျာ၊ ဘာဂျာ၊ ညာဂျာ စသည့်ရာထူးကြီး သော လူကြီးများအားလုံး...စက်ရုံဝင်းအတွင်းဘက် ဂိတ်တံခါးဝနားတွင် တန်းစီရပ်လျှက် ဖြတ်သွားသမျှ သောအလုပ်သမားကြီးငယ်မရွေးကို “မောနင်း...မောနင်း”...ဟု ယိမ်းတိုက်ထားသလို တစ်ယောက်ပြီးတစ် ယောက်နှုတ်ဆက်ကြပါသည်။ အပြုံးတုများလည်းပါသေး၏။ အဲ့ဒါမျိုးကို ကျွန်တော်လုံးဝမကြိုက်နှစ်သက် တတ်ခဲ့ပါ...။ အကျိုးစီးပွားတစ်ခုအတွက် သက်သက်ဟန်လုပ်နေကြမှန်းသိနေတာမို့ပင်...။ အမှန်မှာ ထိုလူ ကြီးလုပ်သူများထဲတွင် အင်မတန်ခွဲခြားတတ်သော၊ နှိမ်ချဆက်ဆံတတ်သော သူများ အများအပြားပါဝင်နေ ခဲ့တာကြောင့်ပင်ဖြစ်ပါသည်။(ကိုယ်တိုင်ခံစားဖူးလို့ပါ...)
         သို့သော်အချို့မှာဖြင့် စိတ်သဘောထားကောင်းကြပါသည်။ ထိုအထဲတွင် မြန်မာအလုပ်သမားများကို ချစ်ခင်တတ်သော ဒီနိုင်ငံသူ မန်နေဂျာ တရုတ်မတစ်ယောက်လည်းပါသည်။ ထိုတရုတ်မက ကျွန်တော်တို့ ကိုမြင်လျှင် အခြားသူများကဲ့သို့ “မောနင်း”..ဟု မနှုတ်ဆက်ပဲ.. ကျွန်တော်အရမ်းကြိုက်သည့် “မင်္ဂလာပါ”.. ဆိုသည့် စကားလေးဖြင့် နှုတ်ဆက်တတ်ပါသည်။ မြန်မာလိုပြောရတာကိုလည်း သူနှစ်သက်ဟန်တူပါ၏။
      တစ်နေ့ ကျွန်တော်တို့ အလုပ်ဝင်ချိန်တွင် ထိုတရုတ်မရှေ့က အဖြတ်တွင် သူမက ကျွန်တော်တို့ကို ထုံး စံအတိုင်း “မင်္ဂလာပါ”...ဟုနှုတ်ဆက်ပါသည်။ ထိုစဉ်ကျွန်တော်တို့ နောက်နားမှ ကပ်ပါလာခဲ့သော ဒီနိုင်ငံ သားဖြစ်သူ maintaince ဌာနမှ အိန္ဒိယကုလားကောင်လေးတစ်ယောက်က ထိုတစ်ရုတ်မကို လှမ်းပြီး မျက် နှာထိ မျက်နှာထားဖြင့်....
     “နားငြီးတယ်...တိတ်တိတ်နေကြ”...ဟု အော်သွားပါလေတော့သည်။ ရုတ်တရက်မို့ ကျွန်တော်တို့လည်း ရယ်ချင်စွာအံ့သြသွားပါသည်။ မြန်မာလို ပီပီသသကြီးပြောသွားသောကြောင့်ပင်...။ ကျွန်တော်တို့နည်းတူ ထိုတရုတ်မတင်သာမက အနားမှာရှိသည့် တစ်ချို့မန်နေဂျာများလည်း အံ့သြသွားကြလေ၏။ သို့သော် နား မလည်ကြ၍ တော်ပါသေးသည်။ ကျွန်တော်တို့မှာ ထိုရှေ့မှလွန်လာခဲ့ပြီးသည့်နောက် ၀ါးလုံးကွဲရယ်မိခဲ့တာ ကိုဒီနေ့အထိမှတ်မိနေခဲ့ပါသည်။ (နောက်မှ ပြန်သိရသည်မှာ ထိုကုလားလေးသည် မနက်တိုင်းမြင်နေရ သော ထိုမန်နေဂျာအုပ်စု၏လုပ်ရပ်ကို အရေမရအဖတ်မရဟုမြင်နေ၍ မြန်မာလိုပြောတတ်အောင် သူနှင့် ဌာနတူ မြန်မာအမျိုးသားထံမှ ထိုစကားလေးကို တမင်တစ်ကာကြိုးစားသင်ထားခဲ့ခြင်းဟူ၍ပင်...။)
      သို့သော်လည်း တစ်ခါတစ်ရံ ကျွန်တော့်မျက်စိရှေ့တွင် ဇာတ်တိုက်ထားသည့်အလား မြန်မာစကားကို အချီအချ... ညီညာစွာပြောနေခဲ့ကြသော သူတို့တွေကိုကြည့်ရင်း အူလှိုက်သည်းလှိုက်ရယ်မောမိခဲ့တာက တော့ အမှန်ပင်ဖြစ်၏။

                                               @@@@@@@@@

    လွန်ခဲ့သည့် လအနည်းငယ်လောက်က ဖြစ်ခဲ့ပါသည်။ တစ်ည ကျွန်တော်အလုပ်ထဲတွင် ပျင်းလာခဲ့ တာကြောင့် မျက်နှာချင်းဆိုင်တွင်ရှိသည့် မြန်မာသူငယ်ချင်းညီလေးများရှိရာဌာနသို့ ခဏသွားမိခဲ့သည်။ ည ပိုင်းအလုပ်လုပ်ရာတွင် စက်ရုံ၌ ကြောက်ရမည့်လူကြီးများမရှိတာကြောင့် ပုံမှန်အလုပ်လေးတွေလုပ်ရင်း အားလုံးလွတ်လပ်နေကြပါသည်။ အေးအေး...ဆေးဆေးပင်...။
       ထိုဌာနသို့ ကျွန်တော်ရောက်တော့ သူငယ်ချင်းညီလေးများက အလုပ်လုပ်နေကြပေမယ့် အင်ဒိုနီးရှား ကောင်မလေးတစ်ယောက်ကတော့ သူမရဲ့လက်ကိုင်ဖုန်းလေးဖြင့် ဂိမ်းကစားနေပါသည်။ ဒါကို ကျွန်တော် မြင်တော့ နောက်ချင်စိတ်ဖြင့် သူမကို....
         “ဟေ့...နင် အလုပ်မလုပ်ပဲဆော့နေတယ် ဟုတ်လား... အေး..အေး..ဆော့...၊ မနက်ကျရင် နင့်လူ ကြီးနဲ့ ..ငါတိုင်ပြောမယ်”...ဟု မြန်မာလိုပဲ ပြောလိုက်ပါသည်။ သူမ မြန်မာစကားကို နားမလည်ပါ...။ သို့ပေ မယ့် ကျွန်တော့်ကို မျက်စောင်းတစ်ချက်လှမ်းထိုးရင်း ဂျိုကြည့်ကြည့်ကာ...
        “သဒိုးဇား....၊ ရာပါ့ပေ့ရိုက်လွတ်ရ”...ဟု အော်ပြောရင်း ဆောင့်ဆောင့်အောင့်အောင့်လုပ်ကာ ထွက် သွားပါတော့သည်။ သူမ ကျွန်တော့်ကို ဘာပြောသွားသလဲဆိုတာ ရုတ်တရက်တော့ ကျွန်တော်နားမလည်ခဲ့ မိ။ သို့သော်...ဘေးနားမှာရှိသည့် ထိုဌာနမှ မြန်မာညီလေးများက ကျွန်တော်ကိုကြည့်ပြီး..၀ါးခနဲ ၀ိုင်းရယ် ကြပါလေတော့သည်။ နဝေတိမ်တောင်နိုင်စွာဖြင့် ဘေးနားမှာရှိသည့် ညီလေးတစ်ယောက်ကို သူမဘာ ပြောသွားတာလည်းဟုမေးမိတော့...ထိုညီလေးက..ကျွန်တော့်ကို အားနာစွာကြည့်ရင်း...
      “အဲ့ဒါ အစ်ကိုကြီးကို ‘သူတောင်းစား...ငါ..ပါးပိတ်ရိုက်လိုက်ရ’...လို့ ပြောသွားတာ”....ဟု ရှင်းပြလေ၏။
ရှက်လွန်း၍ ထိုနေရာမှာ လဲသေလိုက်ချင်စိတ်ပင်ပေါက်သွားမိပါသည်။ ပါးစပ်အငြိမ်မနေနိုင်ပဲ သွားစမိခဲ့ သောကျွန်တော်... ကိုယ့်အပြစ်နှင့်ကိုပင်....။ ထိုစကားမှာ သူတို့ဌာနမှ မြန်မာလူမျိုးများ ပြောနေကျမို့ သူမ ကောင်းကောင်းတတ်နေခဲ့တာ...ဆန်းတော့မဆန်းပါ...။
       သို့သော်ထိုစကားဖြင့် ကျွန်တော့်အပြောကို ချက်ကျလက်ကျ ပြန်ခံပြောသွားသော သူမရဲ့အပြောကို အရင်အခါတွေတုန်းကလို ကျွန်တော်မရယ်နိုင်ခဲ့မိတော့ပါ...။ ရင်ထဲတွင် ဘလိုင်းကြီး ဆဲတာခံလိုက်ရတာ ကြောင့် နင်နေခဲ့မိတာ အမှန်ပင်...။ နောက်မှ စဉ်းစားမိသည်။ အရင်တုန်းက သူများတွေအလှည့်တုန်းက ဟားတိုက်ကာရယ်ခဲ့မိသော ကျွန်တော်...။ အခု ကိုယ့်အလှည့်မှာ ကိုယ့်ကို တည့်တည့်လာမှန်တော့ လုံးဝ ကို မရယ်နိုင်ခဲ့တော့....။ သြော်... ကိုယ့်အလှည့် ပဲလေ...။ ဒီလိုပဲဖြစ်ရမှာပေါ့ဟု ဖြေတွေးတွေးမိ၏။

                                                 @@@@@@@@@@@@

         နောက်တစ်ခါ ကိုယ့်အလှည့်တွင် ကောင်းတာပဲဖြစ်ဖြစ်..ဆိုးတာပဲဖြစ်ဖြစ်..ပြုံးပြုံးလေး လက်ခံ နိုင်ဖို့ကို ကျွန်တော် အများကြီးကြိုးစားရပေဦးမည်။             ။

                                                   @@@@@@@@@@@@
======================================================
(ပုံကလေးကိုဒီနေရာလေး မှ ယူသုံးပါတယ်ခင်ဗျာ...။)
======================================================


ချစ်ခြင်းအားဖြင့်....
ဏီလင်းညို


28 comments:

Unknown said...

ဟုတ်တယ်အစ်ကို ကျွန်တော်လည်း ကြုံဖူးတယ်။ ကိုယ်က သင်ပေးလိုက်ရော..သူကချက်ကျလက်ကျ ပြန်ပြောလာတဲ့အခါမှ အောင့်သက်သက်နဲ့.. :)

ညလင်းအိမ် said...

အစ်ကိုသတိထားနော်....
ဟဲလို မောနင်း ချစ်သူကနေ တက်လာမယ်..အဟားဟား

အစ်ကိုရေးထားတာ ဖတ်ရတာ တော်တော်ကောင်းတယ်...
ကို့အလှည့်ဆိုတဲ့ ခေါင်းစဉ်လေးကို ဘဘောကျမိတယ်...

ဒဏ္ဍာရီ said...

အကိုပြောပြတော့မှ မပီကလာနဲ့ ပြောတဲ့ မြန်မာစကားကို သိတော့တယ်။း) အကို့ရဲ့ အတွေ့အကြုံလေးက ထိသွားတာပဲနော်။ ဒါနဲ့ မနက်တိုင်း မောနင်းချစ်သူ ဆိုတာလေးကတော့ နားဝင်ချိုတယ် ဟုတ်? :P

ဒီလိုပါပဲ အကိုရာ နေရာတနေရာနဲ့ တနေရာ ဘာသာစကားတွေ ကွဲပြားကြသလို အသံထွက်တွေလည်း မတူဘူးနော်။

ခင်မင်လေးစားလျှက်

သိင်္ဂါကျော် said...

ဖတ်ပြီး ပြုံးသွားပါတယ်..

ရွှေရတုမှတ်တမ်း said...

ကပြာကယာဖတ်ပြီး..စိမ်ပြေနပြေပြုံးသွားတယ်..ချီးသူရေ

မြတ်မွန် said...

ကိုဏီး
အဲ့ဒါ ဝဋ်လည်တာ သိလား..
နောက်ဆိုကောင်းကောင်းလေး သင်ပေးလိုက်နော်

Anonymous said...

သေဒဏ် လာပေးတာဘယ်မှတုန်း
မဟုတ်ဖူးလေ ပေးစရာလားသေဒဏ်
အကို အသစ်မတင်သေးလို့ လာမလည်တာကြီးကိုနော့
သိတာပေါ့ အသစ်တင်ရင် လာအသိပေးမယ်ဆိုတာဟဟ
မိုက်တယ် အပေါ်ကလိုပြောလိုက်ရ
စတာ အတည် :P

စိတ်၏ဖြေရာ said...

ကျွန်မတော့ဆဲတဲ့စကားမသင်ပေးဘူး။ဒေါသထွက်ရင်မြန်မာလိုချည်း
ဆဲတာ။သူတို့တွေကရိုင်းစိုင်းကြပေမဲ့သူတို့ကိုဆဲရင်လုံးဝမကြိုက်ဘူး
ပြသနာတက်ပြီသာမှတ်။ဒီတော့ပြုံးပြုံးလေးနဲ့ဆဲတတ်အောင်လေ့ကျင့်
ထားရတယ်။)း

မြစ်ကျိုးအင်း said...

ကျွန်တော်တို့အလုပ်ထဲမှာလည်း မြန်မာစကား သင်ကြတယ်ဗျ
သင်ပေးလိုက်တာလေးတွေနဲ့ သူတို့က တွေ့တိုင်း ပြန်ပြောနေ ကြတာ ပျော်စရာပါပဲ။
နောက်ဆို နိင်ငံတကာမှာ မြန်မာတန်း ဆိုတာပါ ရှိလာနိင်မယ် ထင်တာပဲ။

နေ၀သန် said...

း)).. ဟုတ်တယ်.. မြန်မာတွေအသင်ကောင်းနေတာနဲ့ ကိုယ့်အတတ်ကိုယ်စူးရတယ်...း))

Anonymous said...

သေဒဏ် လာပေးတာဘယ်မှတုန်း
မဟုတ်ဖူးလေ ပေးစရာလားသေဒဏ်
အကို အသစ်မတင်သေးလို့ လာမလည်တာကြီးကိုနော့
သိတာပေါ့ အသစ်တင်ရင် လာအသိပေးမယ်ဆိုတာဟဟ
မိုက်တယ် အပေါ်ကလိုပြောလိုက်ရ
စတာ အတည် :P

ခုနက နာမည်ရေးလိုက်မိဘူး

neking said...

ဖတ်ရတာပျော်ရွှင်ဖွယ်ရာပါအကိုရေ။ အတွေ့အကြုံတွေသေချာဖောက်သည်ချသွား တာပဲ။

မောင်သီဟ said...

ဟားဟား ကုလားလေးတယောက်ကမေးတယ် အစ်ကိုလို့ဘယ်လိုခေါ်လဲတဲ့
ငါ့နှမလင် လို့သင်ပေးလိုက်တာ တွေ့တိုင်းငါ့နှမလင်ပဲခေါ်နေတော့တာ
နီပေါအစောင့်ကုလားလေးတယောက် ကို ...သားကုလား လို့ဘယ်ကောင်
သင်ပေးထားလဲမသိဖူး တွေ့တိုင်း ...သားကုလားတဲ့ဗျာ ပြီးရော
ရယ်ရအခက် ငိုရအခက်ကြီးး)

Beauty Studio USA Branded Store said...

=၀)

အိမ့်ချမ်းမြေ့ said...

အဟမ်း... မနက်မြန်မြန်ရောက်ပါစေပေါ့နေား)

busymozzee said...

ဟားဟား... အူလိုက်ရတာ ရီတွေကို တတ်နေတာပဲ.... ဒီပို့စ်လေးကို အရမ်းကြိုက်တယ်... သူငယ်ချင်းရေ.....
နောက်ဆိုရင် ယောက်ကျားရေလို့ခေါ်နည်းလေးဘာလေး သင်ပေးထားလိုက်.... (အဆင်းဘီးတတ်သွားတာ... )

ကျွန်တော် said...

အဟမ်း.. ကိုဏီရဲ့စာတွေကတော့ အမြဲတန်းဖတ်လို့ကောင်းနေတာပဲဗျာ.. ရီလည်းရီရပါတယ်..

အနမ်း said...

အတွေ့အကြုံလေးတွေက ရယ်စရာလည်းကောင်းသလို၊ လူမျိုးချင်းရင်းနှီးမှု လည်းဖြစ်တာပဲနော်။ ကောင်းပါတယ်၊ နောက်ဆက်တွဲလေးလည်းရေးပါအုံး

မင်းအိမ်ဖြူ Minn Eain Phyu said...

ဟာဟ

ရီရတယ်ဗျ

ဒီမှာတော့ အဲဒါမျိုး မကြုံ ရသေးဘူး

တခါတခါ ကျွန်တော်လည်း လုပ်ချင်တယ်

ကာလီ ဗနာကန်တို့

အင်ကေရကေတို့လေ

သတိထားမှာ တော်ကြာ မတော်တာတွေ ဖြစ်နေအုံးမယ်

ဟာဟ

ဒါပေမယ့် မောနင်းချစ်သူကိုတော့ သဘောတွေ ကျနေတာ မဟုတ်လားဗျ

မင်းအိမ်ဖြူ

မေကျော် said...

အော် ချီးသူ တဲ့လား... ဟ ဟ ... ဖတ်ပြီး ပြုံးရတယ်... ကိုဘကြိုင် ပြောသွားတာလည်း ရီရတယ်.... စာလာဖတ်တာ နောက်ကျပေမယ့် အားပေးမြဲပါ ကိုဏီလင်းညိုရေ...

မောင်မိုး said...

ချီးသူရေ...ခရီးလွန်နေဆဲမို့ နောက်ကျပြီးမှ ရောက်လာပါတယ်။

Welcome said...

အဟမ်း အဟမ်း

“မင်းရို... ရာချီးတယ်”.

ပျော်ပျော်လေး ဖတ်သွားတယ်။

ပျော်ရွှင်တဲ့ ခရစ္စမတ်နေ့တွေ ပိုင်ဆိုင်နိုင်ပါစေ ..

ခင်မင်စွာဖြင့်

နေ့အိပ်မက် said...

ဖြစ်ရမယ်... “ဒီလိုအဖြစ်မျိုးတွေလည်း ရှိတာပဲလား” (ပေါင်ချိန်လေသံဖြင့်) :P

ဖတ်ရတာ တော်တော်ပျော်ဖို့ကောင်းတယ်.. စိတ်ညစ်နေတာတောင် တခွိခွိနဲ့ဖြစ်သွားတယ် ကျေးဇူး

ချစ်ကြည်အေး said...

ဏီလင်းရေ...အမလဲ မလေးရှားမှာတုန်းက ကြုံခဲ့ဖူးတယ်၊ လုပ်ဖော် ကိုင်ဖက် တရုတ်တယောက်က အိုင်လပ်ဖ်ယူ ဘယ်လိုပြောရမလဲ အမကို လာမေးတာ...။ အမြင်ကတ်တာနဲ့ "အီအီးပါချင်တယ်" လို့ပြောရတယ်လို့ သင်ပေးလိုက်တယ်...။ ထင်တဲ့အတိုင်းပဲ နောက်တော့ အမကိုတွေ့တိုင်း "အီအီးပါရှင်ရယ်" ပဲပြောနေတော့ သူ့တွေ့တိုင်း တခွိခွိမရယ်မိအောင် နေနေရတာ...ဟားဟား...မြင်ယောင်ပြီးရယ်မိတယ် ....

ဆောင်းယွန်းလ said...

ညီလေးရေ
စာရေးကောင်းတော့ ဖတ်လို့ကောင်းတယ်..
အင်း.ဟုတ်တယ်
ကိုယ့်အလှည့်ကျရင် ခံနိုင်အောင်ကြိုးစားဖို့က တော်တော်တော့မလွယ်ဘူး
သူက သေသေချာချာနားမလည်ပဲ ပြောသွားပေမယ့် ကိုယ်ကသေချာနားလည်နေတော့ ခံရခက်တာပေါ့

သူကြီးမင်း (တုံးဖလား) said...

အတုံ့အလှည့်။ ဟုတ်တယ်။
ကိုယ့်အလှည့်ကျတော့ ကိုယ်တိုင်ခံရတာကိုးဗျ။
ဒေါသထွက်သင့်ပါတယ်။ :D

ပျော်ရွှင်ချမ်းမြေ့ပါစေဗျာ။

အကီနို said...

ကိုကြီးရေ
ဖတ်ပြီးတော့ ရီလိုက်ရတာ သူတို့ကရုပ်တည်တယ်နော်။ အကီနိုတရုတ်စာ သင်ပြီး အိမ်မှာအမေကို ရုပ်တည်နဲ့ တလွဲတွေပြောသလိုပေါ့နော်...:P

ရွှေနတ်သား said...

တကယ်တမ်းပြော၇မယ်ဆို ကိုဏီ၇ယ်..
ဒီလိုပေါ့ ပေါ့ ပါးပါးရီနေ၇တာလေးတွေဖတ်ချင်တာဗျ..
ကိုဏီေ၇းတတ်တယ်ဗျာ..လူကို အူနှိပ်နေ၇တယ်
ကျွန်တော်လည်း ပေါက်က၇တွေသင်ပေးကောင်းတာ
တခါတလေကိုယ့်ပြန်ထိတယ်ဗျို့ 