ပူစီ၊ ဘရာနီ၊ မုသာဝါဒနှင့် ကျွန်တော်....

အထက်ပါခေါင်းစဉ်လေးအား ဖတ်ရှုပြီးနောက် ကျွန်တော့်မိတ်ဆွေများ အနည်းငယ် စဉ်းစားသွားကြမည် ထင်ပါသည်။ ကိုဏီတစ်ယောက် ဘာတွေထွင်ပြန်ပြီလဲ ဟူ၍။

ရှင်းပြပါမည်။ အခြေခံမှ စပြောရလျှင် ဤသို့ဖြစ်၏။

~~~@~~~

ကျွန်တော့်အိတ်ဆောင်ကွန်ပျူတာလေးသည် လွန်ခဲ့သော သုံး၊ လေးလခန့်မှစ၍ အခြေအနေ သိပ်မကောင်းတော့။ တစ်ခါတစ်ခါ ကောင်းသည်။ တစ်ခါတစ်ခါ သုံးနေရင်း ဗြုန်းဆို သူ့ဘာသာ တစ်ကိုယ်တော် ပိတ်သွားတတ်၏။ သို့သော် သည်းခံခြင်းငါးပါးဖြင့် ကျွန်တော် ဆက်သုံးခဲ့၏။ မှတ်မှတ်ရရ ပြောရမည်ဆိုလျှင် ဒီနှစ်နွေရာသီ သင်္ကြန်အပြီး၊ ကလောမြို့လေးသို့ ကျွန်တော် အလည်မသွားခင်လောက်က စတင်ခဲ့တာ ဖြစ်၏။ ထို့ကြောင့် ကလောတွင် အေးအေးဆေးဆေး အပန်းဖြေနေထိုင်ခဲ့သည့် ကျွန်တော့်နောက်သို့ ကွန်ပျူတာလေးခမြာ လိုက်ပါမလာနိုင်ရှာခဲ့။

ကလောတွင် နှစ်လနီးပါးခန့် ကျွန်တော်ကြာမြင့်ခဲ့သည်။ အမှန်တကယ်တွင် ထို့ထက်ပို၍ကြာအောင်နေဖို့ ကျွန်တော်စဉ်းစားခဲ့သော်လည်း အဖေနှင့်အမေက ပြန်ခေါ်သောကြောင့် ဇွန်လကုန်ခါနီးတွင် ကျွန်တော်ပြန်လာခဲ့ရသည်။ မိဘများက ပြန်ခေါ်တာ အခြားအကြောင်းကြောင့်တော့ မဟုတ်။ မိသားစုကိစ္စတစ်ခုအား ကျွန်တော်နှင့် တိုင်ပင်ချင်လို့သာ ဖြစ်၏။

တိုတိုပြောရလျှင် အဖေသည် ခုလောလောဆယ်နေသောနေရာတွင် မနေချင်တော့။ ထို့အစား ဈေး၊ ကျန်းမာရေးစောင့်ရှောက်မှု၊ ကားဂိတ် စသည်တို့နှင့် နီးသည့်နေရာတစ်ခုတွင် ကျွန်တော်တို့ သားအမိ သားအဖ သုံးယောက်နေရန် အိမ်ခန်းအသစ်ဝယ်ချင်သည်ဟု ပြောလာတာမို့ဖြစ်၏။ အစ်ကိုဖြစ်သူကလည်း အိမ်ထောင်ဖြင့် အိမ်ခွဲသွားသလို သမီးလေးခွန်းချိုနှင့် အစ်မတို့ဇနီးမောင်နှံကလည်း သမီးလေးကိုနိုင်နိုင်နင်းနင်း ထိမ်းနိုင်ပြီဖြစ်၍ သူတို့အိမ်ပြန်ကြတော့မှာကလည်း တစ်ခုအပါအ၀င်ဖြစ်၏။ လက်ရှိအိမ်နေရာက သိပ်အချက်အချာမကျသလို သူ့သားသမီးတွေလျှော့သွားသော အိမ်မှာ အဖေတို့ မနေချင်တော့တာလား မပြောတတ်တော့ပါ။

ထိုအခါ ပြန်ရောက်ရောက်ချင်း အဖေလိုချင်သည့် နေရာမျိုးများတွင် သင့်တော်သော အိမ်ခန်းများ ကျွန်တော်လိုက်ရှာရ၏။ ပင်ပန်းသည်ဟု သဘောမထားနိုင်။ အကျဉ်းချုပ်ပြောရလျှင် နောက်ဆုံး တွေ့ခဲ့၏။ ၀ယ်ဖြစ်၏။ အိမ်ခန်းကလည်း လူမနေရသေးသော အသစ်စက်စက်၊ တိုက်ကလည်း အသစ်၊ နေရာကလည်း အချက်အချာကျတာမို့ အဖေ့မှာ ပျော်တပြုံးပြုံး။

သို့သော် ကျွန်တော့်မှာ မပျော်နိုင်အားသေး။ ၀ါကျွတ်လျှင် ပြောင်းရွေ့ကြမှာမို့ ၀ါမကျွတ်ခင် အခန်းပြီးအောင် ပြင်ဖို့ လုံးပန်းရပြန်သည်။ သံပန်း၊ လက်သမား၊ ဆေးသုတ်ဆရာ၊ မီးကြိုးသွယ်ဆရာ၊ ရေပိုက်ဆရာ၊ အခန်းပါတေးရှင်းကန့်သောဆရာ၊ ကြမ်းခင်းခင်းသည့်နေရာ၊ အခန်းအေးစက် တပ်ဆင်သည့်နေရာ၊ ကြွေပြားခင်းသည့် ကပ်သည့် ပန်းရံဆရာ စသည်တို့ကို ရှာရ၏။ ဒါတောင် တချို့က ကျွန်တော့် အစ်ကို၏အဆက်အသွယ်နှင့်မို့ လွယ်ကူခဲ့ရခြင်း ဖြစ်၏။ နို့မို့ ကျွန်တော်တစ်ယောက်တည်းဆို မလွယ်ကြော။ နောက်ပြီး အိမ်ဆောက်ပစ္စည်းဆိုင်များကိုလည်း တစ်ဆိုင်ဝင် တစ်ဆိုင်ထွက် လုပ်ရသေး၏။

ရန်ကုန်ပြန်ရောက်လျှင် ကလောမှာ စဉ်းစားခဲ့သမျှ၊ ဗလာစာအုပ်ထဲ ချရေးဖြစ်ခဲ့သမျှ ခေါင်းစဉ်များ၊ ဇာတ်လမ်းလေးများအား ပြန်ရေးမည်ဟု တွေးခဲ့မိသည့်အတိုင်း မအားသည့်ကြားမှ ကြိုးစားရေးမိသော်လည်း ကွန်ပျူတာလေးက ဖောက်ပြန်စမြဲ။ ထိုအခါ ကျွန်တော့်မှာ စိတ်ပျက်ရ၏။ အေးဆေးပြင်ဖို့အတွက် ကျွန်တော့်မှာလည်း မအား။ ထို့ကြောင့် စာရေးချင်သောစိတ်အား ရန်ကုန်ပြန်ရောက်ရောက်ချင်း ယောက်ဖဆီမှ လက်ဆောင်အဖြစ် အလကားရသော ပွတ်သဘင်ဖုန်းသစ်လေးထဲမှာ တို့ထိရေးရင်း စိတ်ဖြေရ၏။

~~~@~~~

နှစ်လနီးပါးခန့်အကြာတွင် အိမ်ခန်းပြင်တာ အားလုံးပြီးစီးသွားခဲ့၏။ ထိုအခါကျမှ စာသေချာရေးပြန်ရေးဖို့ အားယူရ၏။ တစ်ယောက်တည်း နားအေးပါးအေးရေးမည်ဟု အားခဲကာ အကုန်ပြီးစီးသွားသော အခန်းသို့ ကျွန်တော်တစ်ယောက်တည်း အရင်ရွေ့သည်။ အိပ်ယာနှင့် စာအုပ်များ၊ အ၀တ်အနည်းငယ်နှင့် ပန်းကန်အချို့ကို တစ်ခါတည်း ယူခဲ့၏။ အမေနှင့်အဖေက သိပ်သဘောမတူ။ အခြားကြောင့်တော့ မဟုတ်။ ကျွန်တော့်ကျန်းမာရေးအခြေအနေအရ နားနားနေနေမနေပဲ စာရေးခြင်းအား မနှစ်သက်တာမို့ပင် ဖြစ်၏။ သို့သော် ကျွန်တော့်အား အလိုလိုက်နေကျမို့ ကန့်တော့ မကန့်ကွက်ကြ။

အိမ်သစ်တွင် တစ်ယောက်တည်း စာရေးဖို့ ကြိုးစားသော်လည်း နဂိုကတည်းက အမောဖောက်နေခဲ့သော ကျွန်တော့်ကွန်ပျူတာလေးမှာ ဘယ်လိုခေါ်ခေါ် မနိုးထတော့။ ထိုအခါ အသစ်ဝယ်ဖို့ပြင်ရတော့၏။ အဖေနှင့်အမေက အသပြာများ ထုတ်ပေးသည်။ ကျွန်တော်က ရှက်ရှက်နှင့်ယူရသည်။

အိမ်ခန်းအသစ်သို့ ကျွန်တော်ရွေ့အပြီး သုံးရက်မြောက်တွင် ကွန်ပျူတာ ၀ယ်ဖြစ်၏။ ကွန်ပျူတာဝယ်ရာတွင် ကျွန်တော်က သိပ်နားမလည်၍ ငယ်သူငယ်ချင်းတစ်ယောက်ကို အကူအညီတောင်းရသည်။ သူကလည်း နည်းပညာနှင့်ပတ်သတ်၍ တော်တော်နားလည်တာမို့ ကျွန်တော့်အား လိုလိုချင်ချင် ကူညီပေးသည်။ ကျွန်တော်တတ်နိုင်သည့် ဘတ်ဂျက်ထဲဝင်အောင် သေချာတွက်ချက် ၀ယ်ပေး၏။ စက်ဆင်တာ၊ ဆော့ဖ၀ဲလ်တွေထည့်တာကို စိတ်ရှည်လက်ရှည်စောင့်ကာ သူ့အချိန်များအား ကျွန်တော့်အတွက် သုံးပေး၏။ ပြီးနောက်… သူ့ကားနှင့် အိမ်ခန်းအသစ်ထိ လိုက်ပို့၏။ ကျွန်တော် အဆင်သင့် ထိုင်သုံးလို့ရအောင် သေချာတပ်ဆင်ပေး၏။ အားလုံးပြီးနောက်… သူငယ်ချင်းက…

“ဒီအိမ်မှာ အခုလောလောဆယ် မင်းတစ်ယောက်တည်းပေါ့ ဟုတ်လား”….

ဟု အိမ်ခန်းအား တစ်ခန်းဝင် တစ်ခန်းထွက်ကြည့်ကာ မေးလာ၏။ ကျွန်တော်က…

“ဟုတ်တယ်၊ သီတင်းကျွတ်မှ ငါ့အဖေနဲ့အမေ လိုက်လာမှာ။ ဒါပေမယ့် မင်းတို့ ငါ့အိမ်မှာ အခု ငါတစ်ယောက်တည်း နေတာဆိုပြီး ဘာမှလာသောင်းကျန်းဖို့ စဉ်းစားမနေနဲ့”… ဟု လောလောလတ်လတ် သူကူညီထားခဲ့သော မျက်နှာကိုမှ မထောက်။ အရင် ရာဇသံပေးလိုက်မိ၏။ ဧည့်နှင်စကား ပြောမိ၏။ သို့သော် သူငယ်ချင်းက ကျွန်တော့်အား စိတ်မဆိုးရှာပါ။ ထို့အစား… သူနှင့် နှစ်တန်း၊ သုံးတန်းလောက်ကတည်းက ပေါင်းလာခဲ့သော အေးဆေးနေချင်သည့် ကျွန်တော့်အကြောင်းကို သိသူပီပီ ခပ်ပြုံးပြုံးမျက်နှာဖြင့် နှုတ်ဆက်ပြန်သွားခဲ့၏။

~~~@~~~

ဝယ်သောနေ့၏ နောက်တစ်ရက်တွင် အိမ်ခန်းသစ်မှာ တစ်ယောက်တည်းနေသော ကျွန်တော့်သည် မနက်စောစောတွင် နိုးလာလေသည်။ နိုးတာနှင့် ကွန်ပျူတာအသစ်ကိုဖွင့်သည်။ အင်တာနက် ချိတ်သည်။ နောက် ကော်ဖီတစ်ခွက်ဖျော်ကာ ဖေ့စ်ဘွတ်ခ်ပေါ်တက်၍ လမ်းသလားသည်။

ပြီးလျှင် အရင်ကွန်ပျူတာဟောင်းထဲတွင် ကျွန်တော်ရေးထားသမျှစာလေးများကူးထည့်ထားသော ဖလက်ရ်ှဒရိုက်ဗ်ထဲမှ စာများအား စက်အသစ်ထဲသို့ အကုန်ကူးထည့်ကာ ရေးလက်စများ၊ ရေးပြီးသားများ၊ ရေးရန်များအား လိုက်ဖွင့်ကြည့်၏။ ဖုန်းထဲတွင် ရိုက်ထားသော စာများအားလည်း ကွန်ပျူတာထဲသို့ ပြန်ရိုက်ထည့်ရ၏။ သို့နှင့် နေ့လယ် နှစ်နာရီခွဲသွားသည်။ ဗိုက်က ဆာလာသည်။ မနက်ကတည်းက တမော့မော့ဖြင့် ကွန်ပျူတာနေသော ကျွန်တော်၊ ကော်ဖီတစ်ခွက်မှလွဲ၍ ဗိုက်ထဲတွင် ဘာမှမရှိ။

ယောင်တိယောင်တောင်ဖြင့် မီးဖိုချောင်သို့ သွားကြည့်မိသေး၏။ သို့သော် အိမ်သစ်မှာမို့ ခါတိုင်းလို အမေချက်ထားသော ဘာဟင်း၊ ဘာထမင်းမှလည်း မရှိ။ သို့သော် ကိစ္စမရှိ။ လွန်ခဲ့သောရက်တွေကလည်း ထမင်းဖြူဝယ်၍ ကျွန်တော်ကြိုက်သော အသုပ်တစ်မျိုးမျိုးဝယ်ကာ မနက်စာ ညစာကို ကျွန်တော်စားခဲ့သေးတာ။ အသုပ်များကိုသာ ၀ယ်စားတာက အခြားကြောင့်မဟုတ်။ ကိုယ်တိုင်ချက်သောဟင်းနှင့် အမေချက်သော ဟင်းများမှလွဲ၍ တော်ရုံဟင်းကို ကျွန်တော် မစားတတ်တာမို့သာ ဖြစ်၏။

ထို့ကြောင့် စားစရာဝယ်ရန် ပိုက်ဆံအိတ်လေးနှင့် ဖုန်းကိုယူကာ ဆံပင်စုတ်ဖွား၊ ဘောင်းဘီတို၊ အင်္ကျီ ကပိုကရိုတို့ဖြင့် ထီးကောက်ရှည်ကြီးဆွဲ၍ တံခါးသော့ပိတ် အိမ်အောက်ဆင်းရ၏။

လမ်းထိပ်မှ ၀ယ်နေကျ ထမင်းဆိုင်လေးတွင် ထမင်းဖြူ တစ်ရာဖိုးဝယ်သည်။ တစ်ရာဖိုးဝယ်တာမို့ ကပ်စေးနဲသည်ဟု ကျွန်တော့်ကို မထင်စေလိုပါ။ အရင်ရက်တွေက ကျွန်တော် နှစ်ရာဖိုးဝယ်ပါသည်။ သို့သော် တစ်ယောက်တည်း စားလို့မကုန်။ ထို့ကြောင့် နောက်တစ်ကြိမ် နှစ်ရာဖိုးဝယ်ခိုက် ထမင်းထည့်ပေးသော ကောင်လေးအား…

“ထမင်းဖြူနှစ်ရာဖိုး၊ နည်းနည်းလောက်… လျှော့ထည့်ပေးပါဗျာ”…

ဟု ခပ်တိုးတိုး ပြောမိခဲ့၏။ ထိုအခါ ထမင်းထည့်နေသော ကောင်လေးက ကျွန်တော့်ကို အထူးအဆန်းလို လှည့်ကြည့်လာခဲ့သေး၏။ နောက်… ထမင်းကို ကျွတ်ကျွတ်အိတ်ထဲ ဆက်ထည့်၏။ နောက်… ထမင်းအိတ်လေးအား ကျွန်တော့်ကို ကမ်းပေး၏။ ကျွန်တော်က ထမင်းထုပ်ကို ကြည့်ရင်း…၊ ပိုက်ဆံနှစ်ရာတန်ကို ထိုးပေးရင်း…

“တစ်ဇွန်းလောက် ထပ်လျှော့ပေးပါဦးဗျာ၊ ကျွန်တော်က တစ်ယောက်တည်းစားရတော့ မကုန်ပဲ သွန်ပစ်ရတာ နှမြောလို့ပါ” ဟု တောင်းပန်သံဖြင့် ထပ်ပြောမိ၏။ ထိုအခါ ဆိုင်ရှင်ကောင်လေးက…ပြုံး၍…

“ဒါဆို တစ်ရာဖိုးပဲ ယူပါလားအစ်ကိုရာ”… ဟု ပြောလာခဲ့၏။ ကျွန်တော်က “တစ်ရာဖိုးဝယ်ရမှာ ကျွန်တော် အားနာလို့ပါ” ဟုပြောသော်လည်း ကောင်လေးက ပြုံးရင်း ခေါင်းခါ၏။ နောက်… ထမင်းပြန်လျှော့ပြီး ကျွန်တော့်ကို တစ်ရာပြန်အမ်း၏။ ထိုအချိန်မှစ၍ သူ့ဆိုင်မှာ ကျွန်တော်ထမင်းဝယ်တိုင်း သူက တစ်ရာဖိုးပဲ ရောင်းတော့တာမို့ပင် ဖြစ်သည်။

ထမင်းတစ်ရာဖိုးဝယ်ပြီးနောက်… ဘာနဲ့စားရရင် ကောင်းမလဲဟု အနီးအနား မျက်လုံးဝေ့ကြည့်သည်။ ကျွန်တော့်ပတ်ဝန်းကျင်ကတော့ နေ့ခင်း နှစ်နာရီခွဲလောက်ကြီးတွင်ပင် စည်ကားသိုက်မြိုက်နေခဲ့သည်။ ထိုအထဲတွင် ၀က်ခေါင်းသုပ်သည်ကို သွားတွေ့၏။ တစ်ပွဲဝယ်ကာ အိမ်ပြန်ခဲ့သည်။

အိမ်ပေါ်အရောက်တွင် ကွန်ပျူတာရှေ့ပြန်ထိုင်ကာ စာရိုက်လိုက်၊ ထမင်းဖြူ၊ ၀က်ခေါင်းသုပ်တို့ကို တစ်ဇွန်းစီခပ်စားလိုက်၊ ရေတစ်ကျိုက်သောက်လိုက်ဖြင့် အကျအန ပွဲတော်တည်နေဆဲ တံခါးဖွင့်သံနှင့်အတူ ဗြုန်းဆို အဖေက ရောက်လာသည်။ အမှန်အတိုင်းပြောရမယ်ဆို အဖေရောက်လာ၍ ကျွန်တော်လန့်သွားသည်။ အခြားကြောင့်တော့ မဟုတ်။ ၀က်ခေါင်းသုပ်၊ ထမင်းဖြူ၊ ရေတစ်ခွက်တို့နှင့် ကျွန်တော်ထမင်းစားနေပုံအား အဖေမြင်သွားတာမို့ပင်တည်း။

ထင်သည့်အတိုင်းပင် အဖေသည် ကျွန်တော့်ထမင်းပွဲအား တစ်ချက်စွေကြည့်၏။  နောက်… အလိုမကျသလိုမျက်နှာဖြင့် သူ့လက်မှ နာရီကိုကြည့်သည်။ အဖေသည် အိမ်မှာဆို ကျွန်တော့်အား ထမင်းစားချိန်တန်၍ မစားသေးလျှင် ခဏခဏ သတိပေးတတ်၏။ ထို့ပြင် ထမင်းစားလျှင် ဘာမှလိုက်ရှာမနေပဲ မျက်စိရှေ့တွေ့သည့်ဟင်းဖြင့်သာ စားတတ်သော ကျွန်တော့်အား၊ ဘယ်အိုးထဲမှာ ဘာဟင်းချက်ထားတယ်၊ ဘယ်ဘူးထဲမှာ ဘာကြော်လေးတွေရှိတယ် စသဖြင့် လာလာ ပြောနေကျ။ ကျွန်တော်မကြိုက်သည့် ဟင်းများချက်ထား၍ မစားလျှင်လည်း ကောင်းပါတယ်ကွ… ဟု ဆွယ်တရားဟောကာ ဖွယ်ဖွယ်ရာရာ စားစေချင်သူ။ အမေလည်း ထိုနည်းလည်းကောင်း။ ထို့ကြောင့် အဖေဘာမှ မပြောသေးခင် ကျွန်တော် ပြာပြာသလဲ ညာရ၏။

“သားက ခုမှ ဒီမှာ ထိုင်တာအဖေ။ မနက်တုန်းက ဆယ်နာရီလောက်မှ အိပ်ယာထပြီး ခေါက်ဆွဲပြုတ်တွေသောက်ထားတာနဲ့ ဗိုက်မဆာလို့ ထမင်းက ခုမှစားတာ။ ဒီလမ်းထိပ်က ၀က်ခေါင်းသုပ်က ကောင်းတယ် အဖေရ။ မြည်းကြည့်ပါလား”…

“မစားတော့ပါဘူးကွာ။ ရော့… ဒီမှာ လျှပ်စစ်နဲ့ဟင်းချက်တဲ့ ဒယ်အိုးအသစ်တဲ့။ မင်းအမေ ပို့ခိုင်းလိုက်တာ”…

ဟု အဖေကပြောကာ… သူ့လက်ထဲမှ စက္ကူဘူးကြီးထည့်ထားသော အိတ်အား လှမ်းပေး၏။

နောက်… မီးဖိုချောင်ထဲသို့ ၀င်ကြည့်ကာ “အဆာပြေစားဖို့ ဘာမှလည်း ၀ယ်မထားပါလား။ အခု လာပို့တဲ့ အိုးအသစ်နဲ့ မင်းစားချင်တာလေးတွေ ချက်စားလို့ မင်းအမေက မှာလိုက်သေးတယ်”… ဟု ညည်းညူသံတစ်ဝက်ဖြင့်ပြောသည်။ နောက်… အသစ်ဝယ်ထားသော ကျွန်တော့်စက်ကို ထိုင်ကြည့်၍ ခဏသာနေကာ ပြန်သွား၏။ ကျွန်တော်ကလည်း စာဆက်ရိုက်ရင်း ထမင်းဆက်စားသည်။ ထမင်းစားပြီးတော့လည်း စာဆက်ရိုက်နေမိပြန်၏။ စိတ်ထဲမှာတော့ အဖေ့ကို ညာလိုက်မိတာ စိတ်မကောင်း။

သို့နှင့် ညနေစောင်းအရောက်တွင် ကွန်ပျူတာရှေ့မှာ ကျွန်တော် အိပ်ပျော်သွားခဲ့၏။ ခြောက်နာရီလောက်တွင် အိပ်ယာက ပြန်နိုးသည်။ အိမ်တစ်ခုလုံး တိတ်ဆိတ်နေသည်။ ကွန်ပျူတာက ပွင့်လျှက်သား။ ထို့ကြောင့် ကွန်ပျူတာရှေ့တွင် ပြန်ထိုင်သည်။ ပြန်ထိုင်ရင်း ဆေးပေါ့လိပ်တိုကိုကောက်၍ မီးညှိဖွာကာ ဘာမှ မလုပ်ရသေးခင် တစ်ခု သွားစဉ်းစားမိသည်။ နေ့ခင်းတုန်းက အဖေလာသွားသော ကိစ္စကိုပင်တည်း။

အဖေသည် နေ့ခင်းတုန်းက ကျွန်တော် အချိန်မမှန်ထမင်းအား ဖြစ်သလိုစားနေပုံကို၊ မီးဖိုထဲတွင် ဘာစားစရာအခြောက်အခြမ်းမှ အသင့်ဝယ်မထားခြင်းတို့ကို အမေ့အား အချိန်မရွေး ပြန်ဖောက်သည်ချမည်မှာမလွဲ။ ထိုအခါ အဖေ့ထက် ပိုဆိုးသော အမေသည် တက္ကစီစီး၍ ခဏတွင်းချင်း ကျွန်တော့်အိမ်သို့ ရောက်လာနိုင်သည်။ ဒီည မရောက်လျှင်တောင် နက်ဖြန် ရောက်လာနိုင်သည်။ ထိုအခါ  အိမ်အသစ်တွင် ကွန်ပျူတာအသစ်ဖြင့် ဇောင်းထဲမှ လွှတ်လိုက်သော မြင်းကဲ့သို့ တစ်ယောက်တည်း ဖြစ်ချင်တိုင်းဖြစ်နေသော ကျွန်တော့်အား….

“မင်းကို ဆူရတာလည်း လူကြားမကောင်းဘူး၊ သူများလို အရက်သောက်၊ ဖဲရိုက်၊ အပျော်လိုက်လို့ ရုံးရောက်ဂတ်ရောက်ဖြစ်နေရင် လူသိရှင်ကြားဆူရတာ တော်သေးတယ်။ ခုတော့ ဒီအသက်အရွယ်ကြီးနဲ့ စားချိန်မှန်မစား၊ အိပ်ချိန်မှန် မအိပ်ပဲ စာတွေ တချောက်ချောက်ရေးနေလို့ ပြောနေရတာ လူကြားမကောင်းပါဘူးဟယ်”…. ဟု ညည်းရင်း စိတ်ဆိုးတော့မှာ…။ စိတ်မကောင်း ဖြစ်နေတော့မှာ။

ထို့ကြောင့် မနက်ကတည်းက ကွန်ပျူတာနေ၍ ရေမချိုး၊ မျက်နှာပင်မသစ်ရသေးသော ကျွန်တော်သည် ရေချိုးခန်းထဲပြေးဝင်ကာ ရေးချိုးမိ၏။ နောက် အ၀တ်လဲကာ အောက်ဆင်း၏။

စားစရာရှာသည်။ မိဘများစိတ်ချမ်းသာအောင် အာဟာရပြည့်စရာ ဘာစားရင်ကောင်းမလဲဟု ကျွန်တော်စဉ်းစားသည်။ ဟင်းလည်း မချက်ချင်၊ ဆိုင်ဟင်းတွေလည်း ၀ယ်မစားချင်။ ထို့ပြင် အကယ်၍ ညကျ အမေဖုန်းဆက်လာလျှင် ထပ်မလိမ်ချင်။ စားသည့်အစားအစာ အမှန်ကို ပြောချင်သည်။ စဉ်းစားရင်း လျှောက်ရင်း မလေးရှားတွင် ဘရာနီဟု ခေါ်ကြသည့် ဒံပေါက်ဆိုင် သွားတွေ့၏။ ဒါအာဟာရဖြစ်တာပဲဟု တွေးကာ တစ်ပွဲဝယ်၏။ အမှန်အတိုင်းပြောရလျှင် ထိုဒံပေါက်တစ်ပွဲသည် ကျွန်တော့်ဘ၀တွင် ကိုယ့်ဆန္ဒနှင့်ကိုယ် ပထမဦးဆုံးဝယ်စားဖြစ်သော ဒံပေါက်တစ်ပွဲသာ ဖြစ်၏။

နောက်… အဆာပြေစားဖို့ တွေ့ကရာ မုန့်ကျွပ်တစ်ထုပ်ဝယ်သည်။ ၀ယ်ပြီးမှ တံဆိပ်ကို ကြည့်မိသည်။ နာမည်က ပူစီ။ ကျွန်တော် ရယ်ချင်သွားသည်။ စိတ်ထဲမှလည်း ပေးစရာနာမည်ရှားလို့ မုန့်ကျွပ်နာမည်များ ပူစီတဲ့။ ပူစီဆိုတာ ငါတို့နိုင်ငံမှာသာ ကြောင်လေးတွေကို ချစ်စနိုးနဲ့ ခေါ်တာ။ ငါရောက်ဖူးတဲ့ နိုင်ငံနဲ့ သူများနိုင်ငံတွေမှာဆို ပူစီဆိုတာ…. ဘာညာ စသဖြင့် တွေးရင်း ဘယ်သူမှမသိပဲ ကိုယ့်ဘာသာကိုယ် ရှက်လာမိသေး၏။ ဒါပေမယ့် ပူစီဆိုတာ… ကျွန်တော်မသိသော တခြားအဓိပ္ပါယ်လည်း ရှိချင်ရှိနေမှာ။

ကော်ဖီကတော့ ရှိနေသေးတာမို့ မ၀ယ်တော့။ အိမ်ပြန်ခဲ့လိုက်သည်။

~~~@~~~

အကယ်၍ ခုည အမေဖုန်းဆက်လာပါက ညစာကောင်းကောင်းစား၍ အဆာပြေစားစရာ အခြောက်အခြမ်းဝယ်ထားသည်ဟု ကျွန်တော်ပြောနိုင်လေပြီ။ နက်ဖြန်ကျလျှင်လည်း နေ့လယ်စာ၊ ညစာတို့အား သေချာ စားမည်။ မိဘများအား မုသားသုံးစရာ မလိုတော့။

နောင်လည်း ခုလို မညာဖြစ်အောင် ကျွန်တော် အတတ်နိုင်ဆုံးကြိုးစားရမည်။

အခြားကြောင့်တော့ မဟုတ်။

မိဘက မသိလျှင်တောင်မှ မိဘစိတ်မချမ်းသာစရာ ကိစ္စမျိုးများအား ရှေ့တွင်ဖြစ်စေ၊ နောက်ကွယ်တွင်ဖြစ်စေ၊ ဖြစ်နိုင်လျှင် တတ်နိုင်သလောက် ကျွန်တော်ရှောင်ကျဉ်ချင်မိတာကြောင့်သာ ဖြစ်၏။          ။

~~~@~~~

စာကြွင်း…
-------------

ထိုအကြောင်းများလေးများအား စာရေးချင်စိတ်ပေါက်လာပြီးနောက် အထက်ပါခေါင်းစဉ်ကို ကျွန်တော်ပေးမိခြင်းသာ ဖြစ်ပါသည်။

---------------------------------------------------------

=:::= အဖေနဲ့ အမေ့အတွက် အမှတ်တရ =:::=

-----------------------------------------------------------

ချစ်ခြင်းအားဖြင့်……
ဏီလင်းညို

၂၂၊ စက်တင်ဘာ၊ ၂၀၁၄။

တနင်္လာနေ့။

(၂၂း ၃၈)နာရီ

ရန်ကုန် - မြန်မာပြည်။

မညှိုးပန်း

    

မနက်လင်းအားကြီးချိန်က သည်းထန်စွာရွာသွန်းခဲ့သော မိုးကြောင့်ထင်ပါသည်။ ညဆိုင်းအလုပ်ခွင်မှ အိမ်သို့အပြန်၊ လှမ်းနေဆဲဖြစ်သော သူ၏ခြေလှမ်းများအောက်မှ အနက်ရောင် နိုင်လွန်ကတ္တရာလမ်းညီညီလေး က ရေစက်များဖြင့် စွတ်စိုနေခဲ့၏။ ထို့အတူ လမ်းမထက်တွင် ဟိုဒီပြန့်ကျဲစွာ ကြွေကျနေခဲ့သော သစ်ရွက်စိမ်းစိမ်း လေးများမှာလည်း စိုစွတ်နေဆဲဖြစ်တာ တွေ့နေရသည်။

         

ကောင်းကင်ကို သူတစ်ချက်မော့ကြည့်မိသည်။ မနက်စောစောဖြစ်နေသော်လည်း နေရောင်ကို လုံးဝမမြင်ရ။ အုပ်စုဖွဲ့ကာ ဟိုဒီရွေ့လျားနေခဲ့သော တိမ်မည်းညိုညိုတို့က ကြည့်နေရင်းခဏမှာပင် တဖြည်းဖြည်း နိမ့်ဆင်း လာနေသည် ထင်ရ၏။ အတွေ့အကြုံအရ နောက်ထပ်တစ်ခေါက် ထပ်ပြီး မိုးရွာဖို့ အစပျိုးနေပြန်ပြီဖြစ်ကြောင်း သူ နားလည်လိုက်သည်။ ဝေ့,ခနဲတိုက်ခတ်လာသော မိုးသက်လေတစ်သုတ်ကြောင့် ခန္ဓာကိုယ်တစ်ခုလုံး စိမ့်ခ,နဲဖြစ် အောင် အေးသွားရ၏။ ထို့ကြောင့် ပခုံးနှစ်ဖက်ကို အသာကြုံ့ရင်း လှမ်းနေဆဲဖြစ်သော ခြေလှမ်းများကို ခပ်သွက် သွက်လေး လှမ်းလိုက်မိ၏။

        

နောက်...စိတ်ထဲမှလည်း နောက်ထပ် ဆယ့်ငါးမိနစ်အတောအတွင်း ဒီမိုးမရွာပါစေနဲ့ဟု တိတ်တိတ်ကျိတ်ကာ ဆုတောင်းမိသည်။ အလုပ်မှအပြန် သူ့တွင် ထီးမပါလာခဲ့တာမို့သာ ဖြစ်ပါသည်။

        

နှစ်တစ်နှစ်၏ပြီးဆုံးမှုကို လှပစွာအနားသပ်ပေးမြဲဖြစ်သည့် ဒီဇင်ဘာလလေးဖြစ်တာမို့ သူရှင်သန်ကြီးပြင်းခဲ့ရာ အမိမြေတွင် မြူနှင်းတို့ဝေဖြာစွာဖြင့် အေးမြမြဆောင်းဥတုလေးဖြစ်နေခဲ့မှာ အသေအချာပင်။ သို့သော်လည်း လက်ရှိ သူနေထိုင်ကာ အလုပ်လုပ်နေခဲ့ရသည့် ပြည်ပနိုင်ငံငယ်လေးတစ်ခုတွင်မူ အခုတလော မိုးများရွာသွန်းနေ ခဲ့သည်မှာ နေ့စဉ်ရက်ဆက်ဆိုသလိုပင် ဖြစ်နေပါသည်။

         

ထိုကဲ့သို့ အိမ်အပြန်လမ်းတွင် မိုးတွေရွာသည်ဖြစ်ဖြစ်...၊ အခုလို ရွာခါနီးဆဲဆဲပဲဖြစ်ဖြစ်...သူ့ရင်ထဲတွင်.....

~~~@~~~

        

အုတ်နီခဲအကျိုးအပဲ့များကို ထုခွဲကာခင်းထားသော မညီမညာလမ်းလေး၏ အပေါ်တွင် ခပ်စောစောက ရွာချခဲ့သော မိုးရေစက်များ ပေစွန်းနေခဲ့သည်။ လမ်းလေး အထက်ရှိ ချိုင့်ခွက်နေရာ အတော်များများထဲတွင် ရွံ့ ရောင်ပေါက်နေသောရေများ ၀ပ်ကျန်နေရစ်ခဲ့တာ တွေ့ရ၏။ လမ်းဘေးအစပ်နားရှိ ရေများပြည့်နေခဲ့သော ရေ နှုတ်မြောင်းလေး၏ နှုတ်ခမ်းအစပ်တွင် မြက်နှင့် ကနဖော့ပင်များက စိမ်းလန်းစွာဖြင့် သန်သန်စွမ်းစွမ်း ပေါက်နေ ခဲ့တာကိုလည်း မြင်နေရသည်။

         

မိုးတွင်းစီး ကွင်းထိုးဖိနပ်အနက်ရောင် ခပ်ကြီးကြီးတစ်ရံ၏ အကူအညီဖြင့် (သူ့အတွက်) အချိန်မရွေးပင် ချော်လဲသွားနိုင်သော မညီမညာလမ်းကလေးထက် ဂရုစိုက်ကာ သူလျှောက်လှမ်းနေခဲ့ရသည်။ တစ်ခါတရံတွင် နင်းစရာအမာခံမရှိပဲ ရေပြည့်နေသည့် ချိုင့်ခွက်ငယ်လေးများကိုမူ ကွေ့ပတ်ရှောင်မသွားတော့ပဲ သူခုန်ကျော်ပစ်ခဲ့ လိုက်သည်။ ခပ်ဆိုးဆိုးလမ်းလေးအထက်တွင် လမ်းလျှောက်နေခဲ့ရတာမှန်သော်လည်း မိုးရနံ့ပါသောလေထုကို ရှူရှိုက်ရင်း သူနှစ်သက်စွာပျော်နေမိခဲ့သည်။ ဇူလိုင်လ၏ မိုးရက်တစ်ရက်ဖြစ်တာမို့ ကောင်းကင်ပြင်တစ်ခုလုံးတွင် တိမ်မည်းညိုညိုတို့က မှိုင်းမှိုင်းပြပြဖြင့် ရှိနေခဲ့လေ၏။

        

သူ ဆက်လျှောက်လာခဲ့သည်။ မိုးအုံ့နေခဲ့သော နေ့လယ်ပိုင်းမို့ လမ်းလေးထက်တွင် လူရှင်းနေခဲ့သည်။ တစ်ယောက်စ, နှစ်ယောက်စဆိုသလို ဘေးနားမှဖြတ်သွားကြသော လူတချို့က သူ့ကိုအကဲခတ်သလိုမျိုး ကြည့် သွားကြတာ သတိထားမိ၏။ အလိုလိုနေရင်း ပြုံးနေမိသော သူ့မျက်နှာကြောင့်ပင် ဖြစ်မည်ထင်ပါသည်။

         

သံဇကာကွက်ကျဲကျဲများဖြင့် ခြံစည်းရိုးကျယ်ကျယ်ခတ်ထားသော မူလတန်းကျောင်းလေး တစ်ကျောင်း ရှေ့သို့ သူရောက်လာခဲ့သည်။ ကျောင်းဝင်းတံခါးဝရှိ သစ်သားတံခါးလေးနားမှာရပ်ရင်း အထဲသို့ သူလှမ်းကြည့်မိ၏။ အုတ်ဖြင့် အယ်လ် (L) ပုံစံဆောက်ထားခဲ့သော တစ်ထပ်ကျောင်းဆောင် ရှည်ရှည်လေးက သူ့မျက်စိထဲတွင် ခါတိုင်းထက်ပိုသေးသွားသည်ဟု ထင်ရ၏။ နောက်မှ မမြင်ရတာကြာသွားလို့ဖြစ်မည်ဟု ပြန်တွေးမိလိုက်သည်။ သို့သော် ကျောင်းကလေးကို သုတ်ထားခဲ့သည့် ဆေးအဖြူရောင်ကလေးကမူ အရင်ကထက်ပိုပြီး မှေးမှိန်စွာဖြင့် ညစ်ထပ်ထပ်နိုင်နေတာကတော့ အမှန်ပင်။

         

စေ့ရုံသာ စေ့ထားသော ခပ်ယိုင်ယိုင် သစ်သားဝင်းတံခါးလေးကို တွန်းဖွင့်ရင်း ကျောင်းဝင်းအတွင်းသို့ သူဝင်ခဲ့လိုက်သည်။ ကျောင်း၏ အရှေ့ဘက်တွင်ရှိသော မကျဉ်းမကျယ် ကစားကွင်းလေးမှာလည်း ရေများစိုနေ ဆဲဖြစ်တာတွေ့ရ၏။ ကွင်း၏အစပ်ရှိ အလံတိုင်လေးအထက်တွင်မူ သိပ်မသစ်တော့သော နိုင်ငံတော်အလံက မိုး ရေများဖြင့် စိုကပ်နေခဲ့သည်။ ထိုနံဘေးမှ သူဖြတ်လျှောက်လာခဲ့လိုက်သည်။ ကျောင်းဆောင်အစပ် ကော်ရစ်ဒါ ပေါ်ခြေချမိတော့ စောစောကတည်းက သူကြားနေခဲ့ရသော ကျောင်းသားလေးများ၏ ဆူညံသံ၊ စာဆိုသံတို့ကို ပိုမိုပီပြင်စွာ ကြားလာရသည်။

         

“ဟယ်... သား”...

        

အလွန်ရင်းနှီးခဲ့ဖူးသော ခေါ်သံကြောင့် သူလှမ်းကြည့်မိသည်။ သူနှင့် အနီးဆုံးနေရာတွင်ရှိသော ရုံးခန်းထဲမှ ထွက်လာသည့် ခန္ဓာကိုယ်ခပ်ဖိုင့်ဖိုင့်နှင့် ဆရာမတစ်ယောက်ကို တွေ့လိုက်ရ၏။ သူနှင့် အရမ်းရင်းနှီးခဲ့ဖူးသော ထိုဆရာမရှိရာသို့ ပြုံးပြရင်း လှမ်းသွားလိုက်သည်။ ဆရာမက အားရ၀မ်းသာစွာ ပြုံးရင်းမေးသည်။

        

 “ဆရာ့ဆီကို လာတာလားသား”

 “ဟုတ်ကဲ့ဆရာမ...အဖေရှိရဲ့လားမသိဘူးနော်”...

         

ဆရာမ၏အမေးကို ခေါင်းငြိမ့်ကာပြန်ဖြေလိုက်ရင်း မေးမိသည်။

        

“ရှိတယ် သားရဲ့၊ လာ ဆရာမ သားအဖေအတန်းကို လိုက်ပို့ပေးမယ်..။ မတွေ့ရတာ ကြာလို့လားမသိဘူး၊ သားက ပိုချောလာသလိုပဲ”....

        

ဆရာမ၏စကားကြောင့် ရှက်ရွံ့၊ အနေခက်စွာသူရယ်လိုက်မိရင်း ထိုဆရာမဘေးနားမှနေ သူလိုက်သွားမိ ခဲ့သည်။ ထိုဆရာမသည် သူ့အဖေနှင့် တစ်ကျောင်းတည်း လုပ်ဖော်ကိုင်ဖက်မိတ်ဆွေတစ်ယောက်၊ သူတို့မိသားစု နှင့် ခင်မင်ရင်းနှီးနေခဲ့သူ တစ်ဦးဖြစ်၏။ ပထမတန်းဟု ရေးထားသည့် စာသင်ခန်းလေး တစ်ခန်းအရှေ့မှ သူတို့အ ဖြတ်တွင် အပေါက်ဝနားရှိ စားပွဲခုံတွင်ထိုင်နေသော ဆရာမတစ်ယောက်က လှမ်းပြီး....

         

“အစ်မရေ... ဧည့်သည်လာတာလား”....

“ဟုတ်တယ် ညီမရေ့။ ဒါ..ဆရာ့သားလေ၊ ပြည်ပမှာ အလုပ်သွားလုပ်နေတာ ကြာပြီ။ အခုမှ အလည်ပြန် ရောက်လာတာလေ။ အဲ့ဒါ အခု သူ့အဖေဆီကို လာလည်တာတဲ့၊ သားအဖတွေက အိမ်မှာမတွေ့ရတာ ကျနေ တာပဲလေ။ ဟင်း...ဟင်း”

        

အတန်းထဲက ဆရာမကအပြင်သို့ထွက်လာရင်း....

     

“သြော်.. အဝေးရောက်နေတဲ့ ဆရာ့သားဆိုတာလား။ သားအဖေ ပြောပြောနေတာတော့ ခဏခဏ ဆိုသလို ဆရာမတို့ ကြားဖူးနေတာ။ လူကိုတစ်ခါမှ မတွေ့ဖူးခဲ့ပေမယ့် နာမည်ကိုတော့ ရင်းနှီးနေခဲ့တာကြာပြီသားရဲ့။ ဆ ရာမက မင်းထွက်သွားပြီးမှ ဒီကျောင်းကို ပြောင်းလာခဲ့တာလေ”

“ဟုတ်ကဲ့ပါ ဆရာမ၊ ကျွန်တော်လည်း တွေ့ရတာ ၀မ်းသာပါတယ်ခင်ဗျာ”

       

အဖေ့ လုပ်ဖော်ကိုင်ဖက် ဆရာမမို့ ယဉ်ကျေးစွာ သူနှုတ်ဆက်လိုက်မိသည်။ ထိုဆရာမက ပြုံးကာ ခေါင်းငြိမ့် ပြသည်။ ဆက်လျှောက်လာခဲ့ကြတော့ “ဒုတိယတန်း”ဟု ရေးထားသော စာသင်ခန်းရှေ့သို့ သူတို့ ရောက်လာကြ ၏။

       

 “လှည်းဘီးများ ရွှံ့ထဲကျွံနေသောအခါ လှည်းသမားသည် မည်သူ့ကို တိုင်တည်သနည်း”....

         

သံနေသံထားဖြင့် မေးလိုက်သော အဖေ့အသံအား သူကြားလိုက်ရတော့ ပြုံးမိသည်။

         

“လှည်းဘီးများရွှံ့ထဲကျွံနေသောအခါ... လှည်းသမားက ရေနတ်မင်းကို တိုင်တည်ပါသည်”...

      

သံပြိုင်ဖြေလိုက်ကြသော ကျောင်းသားလေးများ၏ အသံကြောင့် သူထပ်ပြုံးမိပြန်သည်။ ကျောင်းသားငယ် လေးများ၏ စာဆိုသံသည် သူ့နားထဲတွင် ချိုမြိန်ဖွယ်ကောင်းသော ဂီတသံစဉ်တေးသွားတစ်ပုဒ်လို ဖြတ်သန်းစီး ဆင်းသွားသောကြောင့်သာ ဖြစ်ပါသည်။

         

လိုက်ပို့သောဆရာမက အတန်းဝသို့ဝင်လိုက်ရင်း...

        

“ဆရာ... ဒီမှာဘယ်သူရောက်နေသလဲဆိုတာ လာကြည့်ပါဦး”....

         

အခန်းဝကို ကျောပေးထားသည့် အနေအထားတွင်ရှိသော ကျောက်သင်ပုန်းရှေ့မှာရပ်ရင်း ကလေးများကို စာချပေးနေခဲ့သော အဖေက သူ့အား မြင်သေးဟန်မတူ။ သို့သော်လည်း ကျောင်းသားလေးများ၏ အကြည့်အား လုံးက အတန်းဝမှ သူတို့ဆီသို့ ရောက်လာကြ၏။  ခေါ်လိုက်သော ဆရာမ၏အသံကြောင့် အတန်းဝသို့ ထွက်လာ သောအဖေက သူ့ကိုမြင်တော့...

         

“ဟာ... သား၊ မိုးနဲ့ လေနဲ့ဟာကို အိမ်မှာမနေပဲ ဘာဖြစ်လို့ ဒီကို လိုက်လာရတာတုန်းကွ”....

         

ဟု... အံ့သြစွာဖြင့် ပြုံးရင်းမေးလေတော့သည်။ သူက ‘ပျင်းလို’့ဟု ခပ်တိုးတိုးပြန်ဖြေတော့ အဖေက ရယ်၏။ ဟုတ်သည်၊ အဝေးကြီးမှ အိမ်သို့ခဏပြန်လာရသောသူ့အတွက် အလုပ်လုပ်စရာ မယ်မယ်ရရ မရှိတာမို့ ပျင်း နေခဲ့ရတာ အမှန်ပင်။၊ နောက်ပြီး... လုပ်ငန်းခွင်အသီးသီးသို့ သွားနေကြသော အမေ၊ အဖေနှင့် အစ်ကို၊ အစ်မ တွေကြောင့် အိမ်တွင်ဘယ်သူမှမရှိ၊ သူပြည်ပ မထွက်ခင်က ရှိခဲ့ဖူးသော ငယ်သူငယ်ချင်းတချို့မှာလည်း အလုပ် ကိုယ်စီနှင့်၊ ရှိသည့် သူငယ်ချင်းတချို့ကျပြန်တော့လည်း (သူ့ဘက်က ပြည်ပတွင် အနေကြာလာခဲ့၍ ဘာမှမ ပြောင်းလဲခဲ့သော်လည်း) စည်းခြားသည့် စကားများကိုဆိုသူဆို၊ ထေ့ငေါ့ချင်သလိုမျိုး စကားတွေပြောရင်း ရှောင် ဖယ် ရှောင်ဖယ် လုပ်နေတတ်တာမို့ ထပ်တွေ့ဖို့ရာ သူမကြိုးစားချင်မိတော့တာ အမှန်ပင်ဖြစ်၏။ ထို့ကြောင့် အ လည်ပြန်လာသည့် ရက်များအတွင်း အိမ်မှာ သူတစ်ယောက်ထဲ စာအုပ်ဖတ်နေရတာ များနေခဲ့ပါသည်။ သူစာ အုပ်တွေ ဖတ်နေပြန်တော့လည်း အဖေနှင့်အမေတို့က မြင်တိုင်း “သားရယ်၊ မင်းမျက်စိကို အနားပေးပါဦးကွာ” ဟု ဆိုတတ်ပြန်သေးသည်။

         

“ကဲ..အခု ဘာလုပ်ဖို့ အဖေ့ကျောင်းကို လိုက်လာရတာလဲ”

       

ပြုံးပြီးမေးသော အဖေ့အမေးစကားကို မျက်နှာခပ်ပုပ်ပုပ်လုပ်ထားပြီး သူပြန်ဖြေမိ၏။

        

“လက်ဖက်ရည် သောက်ချင်လို့ လိုက်လာတာ”

 “ဟေ”...

       

အဖေက အံ့သြရယ်ချင်သလိုပုံစံဖြင့် ရေရွတ်သည်။ နောက် သူတို့သားအဖကို ဘေးနားမှနေပြုံးရင်း ရပ် ကြည့်နေခဲ့သော စောစောကလိုက်ပို့သည့် ဆရာမအား တစ်ချက်ကြည့်ကာ...

         

“အိမ်မှာ တီးမစ်ခ်အထုတ်တွေ ရှိတယ်လေကွာ။ ဖျော်သောက်ရောပေါ့ သားရယ်”

“ဟင့်အင်း... ဆိုင်ကဖျော်တဲ့ ပေါ့ဆိမ့်လက်ဖက်ရည်ကို ဆိုင်မှာပဲသောက်ချင်တာ”

         

ခေါင်းခါရင်း ဂျစ်တိုက်စွာပြန်ဖြေသော သူ့ကို အဖေကပြုံးရင်းကြည့်ကာ...

        

 “ဒါဆိုလည်း ကိုယ့်ဘာသာ သွားသောက်ပါလားသားရဲ့။ ဘာတုန်း ပိုက်ဆံမရှိလို့လားကွ”

       

အဖေ့အမေးစကားကြောင့် သူခိုးပြုံးလိုက်မိသည်။ ဟုတ်သည်။ ဟိုးအရင် အချိန်တွေတုန်းက (သူ ပြည်ပမ ထွက်ခင် အချိန်တွေတုန်းကဆို) လက်ဖက်ရည်ဖိုးမရှိတိုင်း အဖေ့ဆီက သူတောင်းနေကျ။ တစ်ခါတလေ အိမ်မှာ အဖေ့ကို ပြောပြီး အင်္ကျီအိတ်ထဲကနေ သူကြိုက်သလောက် နှိုက်ယူသွားနေကျ။ အခုတော့ သူပြန်လာခိုက်တွင် သုံးချင်ရာသုံးဖို့ဆိုပြီး သူ့ပိုက်ဆံအိတ်အဟောင်းလေးထဲမှာ အမေထည့်ထားပေးသော ပိုက်ဆံအချို့ရှိနေခဲ့ သော်လည်း အဖေ့ရှေ့မှာ လက်ဝါးဖြန့်လိုက်ပြီး...

        

“ဟုတ်တယ်... ပေး”....

       

ဝတ်ထားသော အဖြူရောင် လည်ကတုံးရှပ်အင်္ကျီအိတ်ကပ်ထဲမှ ငါးရာတန်လေးတစ်ရွက်ကိုထုတ်ပြီး သူ့ လက်ထဲသို့ အဖေကထည့်ပေးသည်။ သူမြန်မြန်လေး လှမ်းယူလိုက်၏။ ဟုတ်သည်။ သူဘယ်လောက်ပဲ ပိုက်ဆံ ရှာနေနိုင်သည်ဖြစ်စေ အဖေပေးသော ထိုပိုက်ဆံလေးကို သူမက်မောပါသည်။ ပိုက်ဆံယူပြီးသော်လည်း သူခေါင်း ခါကာ....

         

“ဟုတ်ဘူးဗျ။ သားတစ်ယောက်ထဲ မသောက်ချင်ဘူး။ အဲ့ဒါကြောင့် အဖေဆီလာခဲ့တာ။ အဖေနဲ့အတူတူ သွားထိုင်ချင်လို့ ကျောင်းအထိလိုက်လာပြီး ခေါ်တာဗျ။ သိပြီလား”

         

သူ့စကားကြောင့် ဘေးနားတွင် ရပ်ကြည့်နေသောဆရာမက ဟက်ဟက်ပက်ပက် ရယ်လေတော့သည်။ အဖေကလည်း ရယ်ရင်း...

        

“ဟာ... သားရယ်။ ဒီမှာ ကျောင်းမဆင်းသေးဘူးလေကွာ။ ကျောင်းက ညနေသုံးနာရီမှဆင်းမှာလေ။ အခုမှ နှစ်နာရီခွဲကျော်ကျော်လေး ပဲရှိသေးတာလေကွာ”

“လိုက်ပို့လိုက်ပါ ဆရာရယ်။ ဆရာ့အတန်း ကျွန်မတို့ကြည့်ထားလိုက်ပါ့မယ်။ ဆရာ့သားလေး သနားပါ တယ်ရှင်။ သူ့ခမြာ အဝေးကြီးကနေ ပြန်လာရတာကို”

      

ဘေးနားမှ ဆရာမက သူတို့သားအဖကိုကြည့်ပြီး မနေနိုင်တော့သလိုဝင်ပြော၏။ အတန်းထဲမှကလေးလေး များကတော့ သူတို့တွေကိုကြည့်ကာ ကြွက်စီ... ကြွက်စီနှင့် ဖြစ်နေကြသည်။ သူက...

       

“ဟုတ်ပါတယ်ဗျ။ သားကလည်း ကျောင်းဆင်းမှ အဖေနဲ့အတူတူသွားဖို့ ကြိုပြီးလာတာပါ။ အခုလောလော ဆယ်သွားမှာ မဟုတ်သေးပါဘူး”

“ဘာတွေဖြစ်နေကြတာလဲ ဒီသားအဖတွေ”

        

စောစောကအတန်းဝမှာ သူ့ကိုနှုတ်ဆက်ခဲ့သော ဆရာမက အနားသို့ရောက်လာရင်း မေးခြင်းဖြစ်လေ၏။ အဖေက ရယ်ရင်း...

        

“ဒီမှာဗျာ။ ကျွန်တော့်ကို လက်ဖက်ရည်ဆိုင်သွားချင်တယ်ဆိုပြီး လာဂျီကျနေလို့ဗျ။ သူ့အရွယ်ကြီးနဲ့လည်း မုန့်ဖိုးတောင်းနေသေးတယ်လေဗျာ။ ဒါကျွန်တော်ပြောပြောနေတဲ့ ကျွန်တော့်သား အငယ်ဆုံးလေ ဆရာမ”

“သိပြီးပါပြီရှင်၊ စောစောက တွေ့ပြီးသားပါ။ ဆရာပြောပြောနေတဲ့ ဆရာ့သားက အပြင်မှာတွေ့ရတော့ တကယ့် လူငယ်လေးလိုပဲနော်”

        

ထိုဆရာမက ခေါင်းစွပ်မိုးကာသားဂျာကင် အနက်ရောင်၊ အောက်ခံတီရှပ်အဖြူ၊ နောက် ဒူးခေါင်းနားအထိ သာရှည်သော ရှော့ပင်န်လေးနှင့်အတူ အောက်က ကွင်းထိုးဖိနပ်အကြီးကြီးကို ၀တ်ထားသော ပိန်ပိန်ပါးပါးနှင့်သူ့ ကိုကြည့်ရင်းပြော၏။ အဖေက ပြုံးကာခေါင်းငြိမ့်ပြရင်း သူ့ကိုကြည့်ကာ...

        

“သား.. မင်းက မိုးရွာခါနီးကို ထီးလည်းမယူလာဘူး။ နောက်ပြီး ဘောင်းဘီတိုလေးနဲ့ အအေးမိနေပါဦးမယ်ကွာ။ မင်းအမေသိရင် အဖေ့ကို ဆူနေဦးမယ်။ နေဦး... ဒီကိုဘာနဲ့လာတာလဲ”

“ဆိုက်ကားနဲ့လာတာ၊ ဒီလမ်းထဲကို ဆိုက်ကားဝင်မရလို့ လမ်းလျှောက်လာတာလေ”

“အေး..အေး..၊ ဒါဆိုခဏစောင့်၊ မိနစ်သုံးဆယ်လောက်ဆို ကျောင်းဆင်းတော့မှာပါကွာ။ အဲ့ဒီကျမှ အတူ တူသွားကြတာပေါ့။ အဖေ လိုက်ပို့မယ်”

“ဟုတ်”....

        

သူနာခံစွာ ခေါင်းငြိမ့်လိုက်ပါသည်။ အသက်နှစ်ဆယ့်ခုနှစ်နှစ်နီးပါး ဖြစ်နေခဲ့ပေမယ့် အဖေ့ကိုသူဆိုးရတာ မရှက်ပါ။ သို့သော် သူစိမ်းများရှေ့တွင်မူ သူဆင်ခြင်သင့်သည် ထင်မိ၏။

         

ကျောင်းသားလေးတစ်ယောက်ယူလာပေးသော သစ်သားခုံလေးကို အဖေ့အတန်းအပြင်ဘက်ရှိ ကော် ရစ်ဒါမှာချပြီး သူထိုင်ချလိုက်မိသည်။ စောစောက ဆရာမနှစ်ယောက်က သူ့ကိုပြုံးပြနှုတ်ဆက်ခဲ့ပြီး အတန်းရှိရာ သို့ ပြန်သွားကြလေ၏။ အဖေကလည်း သူ့ပခုံးကိုတစ်ချက်ပုတ်ရင်း စာဆက်သင်ရန် သူ့အတန်းထဲကိုပြန်ဝင်သွား သည်။

         

“ကဲ..ပြန်စမယ်...၊ ရေနတ်မင်းက လှည်းသမားကို မည်သို့ပြောလိုက်သနည်း”....

“ရေနတ်မင်းက လှည်းသမားအား... ဟယ်လူပျင်း..လှည်းကို ရှေ့သို့ရွေ့အောင် သင်ကိုယ်တိုင်”....

        

အဖေ့ မေးခွန်းအဆုံးတွင် ကျောင်းသားလေးများ၏ ပြိုင်တူညီညာစွာပြန်ဖြေလိုက်သော စာအံသံလေးများ ကို သူနားထောင်ရင်း ကျောင်းဝင်းအတွင်းမှ ကုက္ကိုလ်ပင်၊ ခရေပင်၊ အုန်းပင် စသည်တို့ လေတိုက်တိုင်း ယိမ်းနွဲ့နေ ခဲ့ကြတာကို သူငေးကာ တွေးနေမိခဲ့သည်။ အဖေသည် သူ့အတွက် ဖခင်တစ်ယောက်တင်သာမက သူ၏ သင်ဆ ရာလည်း ဖြစ်ခဲ့ဖူးသည့် အကြောင်းများကိုပင်။

        

ဟုတ်သည်၊ အဖေသည် ငယ်စဉ်တုန်းက သူတက်ခဲ့ရသည့် မူလတန်းကျောင်းလေးတစ်ခုတွင်လည်း အခုလိုမျိုး မူလတန်းပြဆရာတစ်ဦးအဖြစ် ရှိနေခဲ့ဖူးသည်။ ငယ်ငယ်က ကျောင်းသွားတိုင်း အဖေ့မောင်ဗမာစက်ဘီး ကယ်ရီယာ အနောက်ကနေထိုင်ရင်း ကျောင်းလိုက်တက်ခဲ့ရတာတွေကို မှတ်မိနေသေးသည်။ တစ်ခါတလေ ကျောင်းမှအပြန် လက်ဖက်ရည်ကြိုက်တတ်သောအဖေက လက်ဖက်ရည်ဆိုင်သို့ဝင်ပြီး သောက်တိုင်း အောက်ခံ ပန်းကန်ပြားလေးထဲသို့ ခွက်ထဲမှ လက်ဖက်ရည်များကို နည်းနည်းချင်းထည့်ကာ အေးအောင်မှုတ်ပြီး တိုက်ခဲ့တာ တွေကိုလည်း မှတ်မိနေပါသေးသည်။

        

ထိုစဉ်က အဖေစာသင်သော မူလတန်းကျောင်းကလေးတွင် သူငယ်တန်းမှ လေးတန်းအထိ သူတက်ခဲ့ရ တာမှန်သော်လည်း စတုထ္ထတန်းရောက်မှ အဖေ့အတန်းမှာ သူတက်ခွင့်ရခဲ့သည်။ ကိုယ့်အဖေအတန်းမှာ တက်ရ တာဖြစ်သော်လည်း ဘာအခွင့်အရေးမှ ပိုမရခဲ့ဖူးပါ။ အခွင့်အရေးမရသည့်အပြင် မှတ်မှတ်ရရ ရိုက်ခံထိခဲ့ဖူးလေ သည်။ မုန်းစားကျောင်းဆင်းခါနီး ကစားချင်ဇောကြီးသောစိတ်များဖြင့် မလှမပရေးထားသော သူ့စာအုပ်ကို  အ နားသို့ခေါ်ပြရင်း လက်ဖ၀ါးကိုနာအောင် ကြိမ်လုံးသေးသေးလေးဖြင့် ခပ်စပ်စပ်လေး တွယ်ခံရခြင်းပင်။ နောက် စာရေးတာ အရမ်းကြီးမလှရင်နေပစေ၊ သူများဖတ်လို့ရအောင် ရှင်းရှင်းလင်းလင်းရေးရတယ်ကွ...ဟု ဆိုခဲ့သော အဖေ့ရဲ့စကားများက သူ့နားထဲမှမထွက်နိုင်ခဲ့တာ အခုအချိန်အထိ...။

        

နောက် သူငါးတန်းရောက်တော့ ထိုမူလတန်းကျောင်းလေးကို စွန့်ခွာကာ အထက်တန်းကျောင်းသို့ ပြောင်း ရွေ့ခဲ့ရ၏။ တဖြည်းဖြည်းနှင့် သူအတန်းကြီးလာခဲ့သော်လည်း အဖေ့ရဲ့မူလတန်းပြ ကျောင်းဆရာဘ၀လေးက အ ရင်အတိုင်း မပြောင်းလဲခဲ့။ တစ်ခါတလေ အဖေ့မိတ်ဆွေဆရာ၊ ဆရာမများက အလယ်တန်းပြ၊ အထက်တန်းပြ၊ ကျောင်းအုပ် စသည့် ရာထူးအသီးသီးတိုးသွားအောင် သူ့နည်းသူ့ဟန်များဖြင့် ကြိုးစားသွားကြသောအခါ၊ အဖေ့ ကိုလည်း တိုက်တွန်းစကားတွေ ဆိုတတ်ကြသောအခါ ပြုံးနေတတ်သော အဖေ့အားကြည့်ရင်း သူနားမလည်နိုင် ခဲ့။ သို့သော် အခုတော့ သူနားလည်လာခဲ့မိရ၏။ ကလေးလေးတွေကို အခြေခံမူလတန်းမှစပြီး စာသင်ပေးရခြင်း အား ပျော်နေတတ်သော အဖေရယ်လေ။

         

“ကဲ.... ကိုယ့်ပစ္စည်းတွေကိုယ် စုံအောင်စစ်ပြီးသိမ်းမယ်ဟေ့။ ကျောင်းဆင်းခါနီး ပြန်စစ်ကြပါ”

      

အဖေ့သတိပေးစကားနှင့်အတူ ကျောင်းသားလေးများ၏ ဆူညံသံလေးများကို သူကြားလိုက်ရသည်။ သူငယ်ငယ်တုန်းကလည်း ကျောင်းမှအပြန်လွယ်အိတ်ကို စစ်စေခဲ့တာ၊ သူများပစ္စည်းကို မှားပါလာခဲ့လျှင် နောက် နေ့ပြန်ပေးခိုင်းတတ်သေး၏။ သူများပစ္စည်းကို မမက်မောတတ်စေဖို့ လမ်းပြပေးခဲ့သော အဖေ့ကျေးဇူးများကြောင့် (ဘယ်သူမှမသိနိုင်ခဲ့သည့်) ရိုးသားမှုတစ်ခုက အခုအချိန်ထိ သူ့ရင်ထဲတွင် အမြစ်တွယ်နေခဲ့ဆဲပင်။

         

“ကဲ...သား... ထတော့ ကျောင်းဆင်းပြီကွ။ အဖေတို့သွားကြမယ်လေ”...

“ဟုတ်ကဲ့”....

        

ကျောင်းသားလေးများကြားမှ သူတို့သားအဖနှစ်ယောက် ကျောင်းဝင်းထဲမှထွက်ခဲ့ကြတော့ ဆရာမတချို့က ပြုံးကြည့်ကျန်နေခဲ့ကြ၏။ မိုးသက်လေတစ်ချက်ဝေ့ကာ တိုက်ခတ်လာပြန်တာမို့ အဖေ့ပခုံးကို သူလှမ်းဖက် လိုက်မိပါသည်။ ဖေဖေက ပြုံးနေရင်း...

         

“ချမ်းလို့လားသားရဲ့”....

“ဟုတ်ကဲ့”...

“ဟေ့ကောင်တွေ၊ မဆော့ကြနဲ့ကွ...ချော်လဲမယ်မင်းတို့။ တော်ကြာမိုးရွာတော့မှာ မြန်မြန်ပြန်ကြဦးနော်။ လမ်းမှာ လျှောက်ဆော့မနေကြနဲ့ဦး”

       

သူနှင့်လမ်းလျှောက်နေရင်း အနားမှာလျှောက်နေကြသော ကျောင်းသားလေးများကို အဖေက စိုးရိမ်စွာဖြင့် လှမ်းအော် ပြောနေပြန်လေသည်။ ကလေးလေးများက ‘ဟုတ်ကဲ့ပါ ဆရာကြီး’ဟု လက်ကလေးများကို ပိုက်ရင်း ပြန်ဖြေသွားကြတာ တွေ့ရတော့ သူ့ရင်ထဲတွင်ကြည်နူးမိ၏။ အဲ့ဒါကြောင့် မူလတန်းပြဆရာကြီးဘ၀ကို အဖေမစွန့် လွှတ်နိုင်တာများလားဟု မရေမရာ တွေးလိုက်မိသေးသည်။

        

လက်ဖက်ရည်ဆိုင်ရောက်တော့ သူတို့သားအဖနှစ်ယောက် လက်ဖက်ရည်တစ်ခွက်စီ အတူတူသောက်ကြစဉ် ဘူးထဲမှ စီးကရက်တစ်လိပ်ကို သူထုတ်သောက်တော့ ဆေးလိပ်မသောက်တော့ပြီဖြစ်သောအဖေက...

         

“သားရယ်... မင်းဆေးလိပ်တွေ အရမ်းမသောက်နဲ့နော်”...

“ဟုတ်ကဲ့ပါ... အဖေရဲ့”...

         

စိုးရိမ်ပူပန်စွာဖြင့် ပြောသောစကားမို့ သူသေချာခေါင်းငြိမ့်ပြီး ကတိပေးလိုက်မိပါသည်။ နောက်ပြီး သူတက္ကသိုလ် ပထမနှစ်စတက်တော့ ဆေးလိပ်စသောက်ဖြစ်ခဲ့တာကို တစ်ချက်လွှတ်အမိန့်သုံးကာ အတင်းအကျပ်မတား မြစ်ခဲ့ပဲ ‘မကောင်းတာကိုသိပေမယ့် လုပ်ချင်နေတယ်ဆိုရင် အတိုင်းအတာတစ်ခုအထိပဲ ကောင်းတယ်’... ဟု သ တိပေးခဲ့တာကို မှတ်မိနေပါသေးသည်။

        

လက်ဖက်ရည်ဆိုင်ထဲမှ စားပွဲခုံသေးသေးလေးတွင် နှစ်ယောက်ပူးပြီး ဘေးချင်းယှဉ်လျှက် ထိုင်နေခဲ့ကြသော သူတို့သားအဖကို ဆိုင်အတွင်းရှိ တချို့ဝိုင်းများမှ အထူးအဆန်းလိုကြည့်နေကြတာ သူသတိထားမိ၏။ သူ အလုပ်လုပ်သော နိုင်ငံ၏အကြောင်းများ၊ လုပ်ငန်းခွင်ရဲ့အကြောင်းများကို အဖေက ခပ်တိုးတိုးဖြင့်ပြုံးပြီးမေးသော အခါ သူပြန်ဖြေလိုက်တိုင်း အဖေ့ရဲ့မျက်ဝန်းများက ကျေနပ်ခြင်းရောင်စဉ်များဖြင့် တလက်လက် ရှိနေခဲ့သည်။ ဒီ လိုမျက်လုံးများဖြင့် သူ့ကို လွန်ခဲ့သည့် ဆယ့်ငါးနှစ်လောက်ကတည်းက အဖေကြည့်ခဲ့ဖူးတာ မှတ်မိသည်။

        

သူဆယ်တန်းကျောင်းသားဘ၀က ညဥ့်နက်ပိုင်းအထိတိုင်အောင် စာကျက်နေတတ်သောသူနှင့် မလှမ်းမ ကမ်းတွင် ရေနွေးကြမ်းဓါတ်ဘူးတစ်လုံးဖြင့် ရေနွေးထိုင်သောက်ရင်း ဘယ်လောက် ညဥ့်နက်နေနေ အဖေက ထိုင်စောင့်ပေးခဲ့ဖူးသည်။ နောက် အချိန်တန်လျှင် အိပ်သင့်ပြီဟု တိုက်တွန်းပြောခဲ့ရင်း သူ့ကို အားရကျေနပ်သော မျက်ဝန်းများဖြင့် ကြည့်ခဲ့ဖူးတာ။ သို့သော် အခုတော့ သူ့ကိုကြည့်သောမျက်လုံးများထဲတွင် အားကိုးခြင်း အရိပ်အ ယောင်များလည်း ယှက်သန်းနေခဲ့တာကို သူသတိထားမိတော့ ပိုကြိုးစားဖို့ တိတ်တိတ်လေး ကျိတ်ဆုံးဖြတ်ထား လိုက်မိ၏။ ဆယ်တန်းစာမေးပွဲကြီးဖြေရတော့ အဖေကိုယ်တိုင်လိုက်ပြီး (ငယ်ငယ်တုန်းက စီးခဲ့ရသည့် စက်ဘီးအို လေးပေါ်တင်ကာ) စာမေးပွဲဖြေရမည့်ကျောင်းသို့ လိုက်ပို့ခဲ့၊ ထိုင်စောင့်နေခဲ့တာတွေကိုလည်း သူဘယ်တော့မှ မေ့နိုင်ခဲ့မှာ မဟုတ်တာသေချာလှပါသည်။

         

“ကဲ... သားရေ၊ ပြန်ကြရအောင်ကွာ။ မိုးတွေရွာလာပြီကွ၊ တော်ကြာ မင်း အအေးမိနေလိမ့်မယ်။ နောက် ပြီး မင်းအမေက သူအိမ်ပြန်လာတဲ့အချိန် မင်းကိုမတွေ့ရင် အဖေ့ကိုဆူနေဦးမယ်ကွာ.. ဟား... ဟား”

        

အဖေ့ရဲ့ရယ်သံနှင့်အတူ သူလည်းလိုက်ရယ်မိ၏။ သူတို့သားအဖ လက်ဖက်ရည်ဆိုင်အိုအိုလေးထဲမှ ထွက် ခဲ့ကြတော့ ဆိုင်အပြင်ဘက်တွင် မိုးများသည်းထန်စွာ ရွာသွန်းနေခဲ့ပြီဖြစ်ပါသည်။ အဖေက သူ့ကချင်လွယ်အိတ် အဟောင်းလေးထဲမှ ခိုတံဆိပ် ခေါက်ထီးအနက်ရောင်လေးကို ထုတ်ပြီး ဖွင့်ပေးလာတာကြောင့် သူ လှမ်းယူလိုက် ရင်း အဖေ့ပခုံးကို အသာဖက်ကာ ထီးမိုးပေးလိုက်သည်။ မိုးရေစက်များ သည်းထန်စွာ ကျဆင်းနေခဲ့သော လမ်းမ လေးထက်တွင် သူနှင့်အဖေတို့နှစ်ယောက် ထီးကလေးတစ်ချောင်းအောက်မှာ အတူတူခိုလှုံရင်း အိမ်အပြန်လမ်း သို့ ခြေလှမ်းစ,နေမိခဲ့ကြပါသည်။ မိုးသက်လေကြောင့် အပြင်ဘက်တွင် ချမ်းနေခဲ့ရသော်လည်း အဖေ့ကို ဖက် ထားရတာမို့ သူ့ရင်ထဲ...၊ နောက် စိတ်တွင် နွေးထွေးနေခဲ့မိသည်။ အဖေလည်း သူ့လိုပဲ ရှိနေမှာသေချာပါသည်။ ပြုံးနေခဲ့သော အဖေ့မျက်လုံးနှင့် နှုတ်ခမ်းများက သက်သေခံနေခြင်းအား သူမြင်နေရလို့ပင် ဖြစ်ပါသည်။

                                                       

~~~@~~~

        

အတွေးနှင့်လျှောက်လာခဲ့သောသူ၊ ဘေးနားမှနေဝေါခနဲဖြတ်သွားသော ဆိုင်ကယ်သံကြောင့် လက်ရှိ သူ ကျင်လည်နေခဲ့ရသော ပတ်ဝန်းကျင်သို့ စိတ်ဝိညာဉ်တို့ ပြန်ရောက်လာရတော့၏။ မိုးမရွာခင် ခပ်သွက်သွက်လေး လျှောက်လာခဲ့မိလေတာ၊ ခုတော့ ရှေ့မှာ သူတို့နေသော တိုက်ခန်းများကိုပင် လှမ်းမြင်နေရလေပြီ။ သို့ရာတွင် မီးပွိုင့်လေးတစ်ခုကို သူဖြတ်ကူးရပေဦးမည်။ မီးပွိုင့်လေးမှ အချက်ပြမီးကို လမ်းကူးရန်အတွက်စောင့်နေရင်း ပြီးခဲ့ သောရက်က အမိမြေရှိသူ့အိမ်သို့ ဖုန်းဆက်စဉ် အဖေပြောခဲ့သော စကားလေးကို ပြန်သတိရလာမိတော့ ပြုံးမိ လိုက်သည်။ အဖေပြောသော စကားလေးမှာ အခြားတော့မဟုတ်...“သား... အဲ့ဒီမှာ ကားတွေအများကြီးနေမယ်၊ ကားလမ်းကူးရင် သေချာကြည့်ကူးနော်” ဟူသော စကားလေးပင် ဖြစ်ပါသည်။ အသက်သုံးဆယ်နီးပါး ရှိနေခဲ့ပြီ ဖြစ်သော သူ့ကို ကလေးလေးတစ်ယောက်လို စိတ်ပူပန်စွာဖြင့် ချစ်ခင်နေနိုင်သေးတဲ့ အဖေရယ်လေ။ အဖေ့ရဲ့ မေတ္တာတရားများက သူ့အတွက်တော့ ဘယ်တော့မှ ညှိုးနွမ်းမသွားနိုင်သည့် မညှိုးပန်းလေး တစ်ပွင့်လိုသာ။

        

မီးပွိုင့်လေးကို ကားတွေအကုန်ရှင်းမှ သူဖြတ်ကူးမိသည်။ သူ့ပတ်ဝန်းကျင်မှ မိုးသက်လေထဲတွင် ဘယ်သူ မှမမြင်နိုင်သည့် မညှိုးပန်းရနံ့လေးက လွင့်ပျံ့နေဆဲဖြစ်တာကို သူတစ်ယောက်ထဲခံစားမိရင်း ရှေ့ဆက် လျှောက်ရ မည့်လမ်းကို တည့်မတ်စွာ လျှောက်ရင်း...။            ။

===========================================================

အငြိမ်းစားမူလတန်းပြကျောင်းဆရာကြီး ဖေဖေ့ရဲ့ ဒီဇင်ဘာ (၂၅)ရက်နေ့က ကျရောက်ခဲ့သော (၆၂)နှစ် မြောက်မွေးနေ့အတွက် အမှတ်တရအဖြစ်.... ၂၀၀၇ဇူလိုင်လတုန်းက အိမ်ခဏပြန်ဖြစ်တုန်း ဖေဖေနှင့်အ တူ လဖ္ဘက်ရည်ဆိုင်ထိုင်ခဲ့ရတဲ့ အဖြစ်လေးကို ခံစားရေးဖွဲ့ထားတာပါခင်ဗျာ....။      ။

===========================================================

ချစ်ခြင်းအားဖြင့်....

ဏီလင်းညို

အပျိုစင်မဂ္ဂဇင်း၊ ၂၀၁၄၊ ဇန်န၀ါရီ။