Sunday, April 14, 2013

အတူ... ပျော်...



လုပ်မှအပြန် ဘတ်စ်ကားပေါ်မှ ဆင်းဆင်းချင်း ဆူညံသည့်သီချင်းသံများက ကိုဦးနားထဲသို့ ရောက်ရှိလာခဲ့၏။ အသံလာရာဆီ လှမ်းကြည့်လိုက်မိတော့ ဘတ်စ်ကားမှတ်တိုင်နှင့် မလှမ်းမကမ်း၊ သူတို့နေသော လမ်းထိပ်တည့်တည့်ရှိ မဏ္ဍပ်တစ်ခုဆီမှ ဖြစ်နေ သည်။ ဒီမဏ္ဍပ်ကို လွန်ခဲ့သောနှစ်ရက်ခန့်လောက်က စ,ဆောက်နေခဲ့တာ ကိုဦး တွေ့နေရသည်။ အခုတော့ အပြီးသတ် အလှဆင်ေ နကြဟန်တူ၏။  ဖွင့်ထားသော အနောက်တိုင်းတေးသွားထဲမှ ဘေ့စ်သံ တဒုန်းဒုန်းက ဆောင်းဘောက်စ်ကြီးများမှနေတဆင့် ကိုဦး ရင်ကို လာရောက်ရိုက်ခတ်နေကြသလိုပင်။

လမ်းထိပ်ဆီသို့ လျှောက်ရင်း ဘာရယ်မဟုတ်ပဲနှင့် ကိုဦး ရင်ခုန်ချင်လာသည်။ ဟုတ်သည်။ မနက်ဖြန်ဆို သင်္ကြန်ကျပြီ။ အင်္ကြန် အကြိုနေ့။ ထို့ကြောင့် မနက်ဖြန်မှနေစ,ပြီး နှစ်ဆန်းတစ်ရက်နေ့အထိ ကိုဦးတို့အလုပ်ပိတ်သည်။ သင်္ကြန်အတွင်း ပျော်ရပေတော့ မည်။ စကားမစပ် ပြောပြရမည်ဆိုလျှင် ကိုဦးအလုပ်က ပရိဘောဂများ ပြုလုပ်ရသော အလုပ်။ ဆိုင်က တာမွေဘက်မှာ ဖြစ်၏။ ထိုဆိုင်မှာ အလုပ်လုပ်ကြသော လက်ခ,စားသမားများထဲမှာ ကိုဦးက လက်သမားခေါင်းဆောင် တစ်ယောက်။ အလုပ်ချိန်က မနက် ကိုးနာရီမှ ညနေ ငါးနာရီအထိ။ သို့သော် သူနေသော ရန်ကုန်မြို့စွန်မှ ဆင်ခြေဖုံးရပ်ကွက်လေးထိပ်သို့ ကိုဦးခြေချမိချိန်ကတော့ အမြဲလိုလို ညနေခြောက် နာရီဝန်းကျင်။

ဒီနေ့တော့ ရပ်ကွက်ထိပ်သို့ ကိုဦးပြန်ရောက်ချိန်က ခါတိုင်းနေ့တွေထက်ပိုပြီး နောက်ကျနေခဲ့ရ၏။ လက်မှနာရီလေးကို ငုံ့ကြည့်မိ လိုက်တော့ ညခုနှစ်နာရီထိုးဖို့ ဆယ့်ငါးမိနစ်သာ လိုတော့သည်။ အိမ်မှ ချစ်ဇနီးငြိမ်းကတော့ ခုချိန်လောက်ဆို မျှော်နေလောက်ပြီ ။ နောက်ပြီး အိမ်ရောက်လျှင်ရောက်ချင်း ‘ ဒီနေ့ ဘာဖြစ်လို့ နောက်ကျနေတာလဲ အစ်ကို’ ဟု ဆီးမေးပေလိမ့်ဦးမည်။ ထိုအခါ ကိုဦး တွင် ပြန်ဖြေစရာစကား အဆင်သင့်ရှိပါသည်။

ဟုတ်သည်။ ဒီနေ့ သူအိမ်ပြန်နောက်ကျရတာ အခြားအကြောင်းကြောင့် မဟုတ်ရ။ သူတို့ဇနီးမောင်နှံ၏ ရှားရှားပါးပါး တစ်ဦး တည်းသော သားလေးဖိုးသားအတွက် စတီးရေပြွတ် အသစ်စက်စက်လေးတစ်ချောင်းကို အလုပ်ဆင်းချိန်တွင် သိမ်ကြီးဈေးမှာ သွားဝယ်နေမိသောကြောင့်သာ ဖြစ်ပါသည်။ ဖိုးသားလေးက အခုမှ လေးနှစ်သားအရွယ်လေးသာ ရှိပေမယ့် သင်္ကြန်ဆို သူမတူေ အာင် ပျော်ချင်လှတာ နှစ်တိုင်းပင်။  နှစ်နှစ်သားအရွယ်လောက်မှ စတင်ပြီး သင်္ကြန်ဆို အိမ်ရှေ့မှာ ရေထွက်ပက်ချင်နေပြီ။ မပက်ရ လျှင် အာခေါင်ခြစ်ကာ ငိုမည်။ ထို့ကြောင့် သင်္ကြန် အကြိုနေ့မှစပြီး အတက်နေ့အထိ  ရေဇလားတစ်လုံး၊ ပလတ်စတစ် ရေခွက်တစ် ခွက်၊ ရေပြွတ်တစ်ချောင်းနှင့် တစ်ကိုယ်လုံး ရေတွေစိုရွဲနေသော ဖိုးသားလေးအား ကိုဦးတို့အိမ်ရှေ့တွင် တွေ့နိုင်ပါသည်။ လမ်းထဲရှိ အုန်းလက် မဏ္ဍပ်သေးသေးလေးများမှနေ ဖွင့်ကြသော အနောက်တိုင်းသံစဉ်တေးသွားများအတိုင်း ဖိုးသားလေးက သူ့ခန္ဓာကိုယ်ေ လးအား လှုပ်လီလှုပ်လဲ့ဖြင့် စည်းချက်လိုက်ပြီး ရေကစားရင်း ကတတ်ပါသေး၏။

သားလေးအကြောင်းတွေးရင်း ကိုဦးမျက်နှာက ပြုံးမြမြ ဖြစ်လာရသည်။ ထို့ကြောင့် ပခုံးထက်မှ အလုပ်သွားဖော် ကျောပိုးအိတ် အနွမ်းလေးကိုပြင်လွယ်လိုက်ပြီး အိမ်ဆီသို့ ခပ်သွက်သွက်လေး ခြေလှမ်းပြင်မိ၏။ လက်ထဲရှိ ကျွတ်ကျွတ်အိတ်ထဲမှ စတီးရေပြွတ် အသစ်လေးကို ဖိုးသားလေးအား မြင်စေချင်လှပြီ၊ ပေးချင်လှပြီ။ သင်္ကြန်မကျခင်က တည်းက နေ့စဉ် တဖွဖွပူဆာနေခဲ့သော ဒီရေ ပြွတ်အသစ်လေးအား သူပေးလိုက်လျှင် ပျော်မြူးသွားလိမ့်မည့် သားလေး၏မျက်နှာလေးကိုလည်း ကိုဦးမြင်ချင်လှပါပြီ။

အတွေးနှင့် ငိုက်စိုက်ငိုက်စိုက် လျှောက်လာရင်း စောစောက မဏ္ဍပ်ရှေ့မှအဖြတ်တွင် သူ့ခန္ဓာကိုယ်တစ်ခုလုံး အေးခ,နဲဖြစ်သွားရ၏ ။ ရေတွေ။  ကြောင်တက်တက်နိုင်စွာ မဏ္ဍပ်ဆီသို့ လှမ်းကြည့်မိတော့ တစ်ရပ်ကွက်တည်းနေသော ကိုသန်းမောင်တို့အုပ်စုကို ရေ ပိုက်ကိုယ်စီဖြင့် မဏ္ဍပ်ပေါ်မှာ တွေ့လိုက်ရသည်။ သူတို့က ကိုဦး၏အပေါင်းအသင်း၊ ရောင်းရင်းများဖြစ်ကြ၏။ သို့သော် အထိတ်တ လန့်ဖြင့် ရေလွတ်ရာသို့ပြေးရင်း မဏ္ဍပ်အောက်မှနေ ကိုဦး အော်လိုက်မိသည်။

“ဟေ့လူတွေ၊ ဒါဘာလုပ်ကြတာလဲဗျ...။ သင်္ကြန်က မနက်ဖြန်မှ အကြိုနေ့ဟာကို”

“ဟား...ဟား။ ကျုပ်တို့က ဒီညထဲက ရေပိုက်တွေစမ်းရင်း စ,ကြိုတာ။ ဘာဖြစ်သလဲဗျာ။ ခုမှ သင်္ကြန်ရေကို ကြောက်သလိုလို ဘာလိုလို လုပ်မနေစမ်းပါနဲ့”

“အေးလေ။ ဟေ့လူ ကိုဦး။ ခင်ဗျားနက်ဖြန်ကျရင် မဏ္ဍပ်လာခဲ့ဦး။ ဒီမှာ ကျုပ်တို့တွေရေပက်ရင်း သောက်မယ်၊ စားမယ်၊ ပြီးရင် မူးကြမယ်ဗျာ။ အရင်နှစ်တွေအတိုင်းပေါ့”

မဏ္ဍပ်ပေါ်ကနေ တစ်ယောက်တစ်ပေါက် ၀ိုင်းပြောနေကြသော အပေါင်းအသင်းများအား လက်သာပြခဲ့ရင်း ကိုဦး ရှေ့ဆက်ေ လျှာက်ခဲ့၏။ ကြည့်ရတာ ဒီညကတည်းက ရေပိုက်စမ်းရင်း သူတို့တွေ ကောင်းနေကြပြီထင်သည်။ သူ့ ကို လှမ်းပြောကြသော အသံတွေက ပုံမှန်မဟုတ်၊ အာလေး လျှာလေးဖြစ်နေကြတာမို့ပင်။ ဖြစ်နိုင်လျှင် ဒီညတော့ သူမသောက်ချင်သေး။ သားလေးကို ရေ ပြွတ်လေးပေးရင်း ပျော်မြူးသွားမည့် သားလေး၏ပုံရိပ်လေးကို ကိုဦး တစိမ့်စိမ့် ထိုင်ကြည့်နေမိချင်းကြောင့်သာ ဖြစ်ပါသည် ။ နောက်ပြီး ကိုဦးက နေ့စဉ်ပုံမှန်သောက်နေတတ်သော လူတစ်ယောက်မဟုတ်။ သင်္ကြန်အပါအ၀င် ပျော်ပွဲရွှင်ပွဲ နေ့ရက်တချို့တွင် သာ အပျော်အနေဖြင့် သောက်တတ်သူ။

သို့သော် မဏ္ဍပ်ကို ကျောခိုင်းလျှောက်လာရင်း ကြားနေရဆဲဖြစ်သော သီချင်းသံများနှင့်အတူ ရေအနည်းငယ်စိုသွားသော ခန္ဓာ ကိုယ်ကြောင့် ကိုဦးစိတ်တို့ မြူးကြွလာသလိုလို ဖြစ်လာရ၏။ ထိုအခိုက် တန်ခူးညဦးလေပြေက သူ့ကိုယ်ပေါ် ဝေ့ခနဲတိုက်ခတ်လာ ခဲ့ကြတော့ ကိုဦး စိမ့်ခနဲဖြစ်သွားမိ၏။ ထို့ကြောင့် လမ်းမကြီးပေါ်မှနေ အိမ်ရှိရာ လမ်းသွယ်လေးဆီသို့ဖဲ့ဆင်းလျှောက်ရင်း ခြေ လှမ်းတွေကို ခပ်သွက်သွက် လှမ်းနေမိလိုက်သည်။ ခြေလှမ်းကသာ ခပ်သွက်သွက်လှမ်းနေမိသော်လည်း ကိုဦးစိတ်က စောစောက မဏ္ဍပ်ဆီမှာ ကျန်ရစ်ခဲ့ရသလိုပင်။

ဟုတ်သည်။ သင်္ကြန်ကို သူချစ်သည်။ အိမ်ထောင်မကျခင် လူပျိုလူလွတ်အရွယ်တုန်းကဆို သင်္ကြန်ရက်ကုန်မှ အိမ်ပြန်ဖြစ်သည့်အ ထိ ကိုဦး အလည်ကျူး၊ အပျော်ကျူးခဲ့ဖူးသည်။ ဒါက တစ်နှစ်တည်းမဟုတ်၊ နှစ်စဉ်နှစ်တိုင်းဆိုသလိုပင် ဖြစ်ခဲ့၏။ ကားဖြင့်လည်၊ သူငယ်ချင်းတွေနှင့် မဏ္ဍပ်ထိုင်၊ သောက်စား၊ ခုန်ပေါက်က၊ ရေကစားရင်း ည ကျလျှင် ကြုံရာမဏ္ဍပ်၊ သူငယ်ချင်းအိမ်တွေမှာအိပ် လိုက်တာချည်းသာ ဖြစ်သည်။ အိမ်ထောင်သည်ဘ၀ရောက်ခဲ့ရတော့ သင်္ကြန်ဆိုလျှင် လူပျိုဘ၀တုန်းကလောက် မကဲမိတော့သော် လည်း၊ နှစ်စဉ်နှစ်တိုင်း အိမ်တွင် မိန်းမနှင့် ကလေးကိုထားရစ်ခဲ့ပြီး လမ်းထိပ်မဏ္ဍပ်မှာ အပေါင်းအသင်းအသင်းများဖြင့် အတူ တူသောက်ရင်း သင်္ကြန်၏အရသာကို မူးမူးမေ့မေ့ ခံစားတတ်သေးမြဲ။ ကုန်ကုန်ပြောရလျှင် အိမ်မှ ဖိုးသားလေးအမေ၊ ချစ်ဇနီးငြိမ်း သည်ပင် ကိုဦးနှင့် သင်္ကြန်တွင်းမှာတွေ့ပြီး  ဖူးစာစုံ အကြောင်းပါခဲ့တာ ဖြစ်၏။

လွန်ခဲ့သော ခြောက်နှစ်ခန့်က သူငယ်ချင်းတစ်ယောက်အိမ်ရှေ့မှ မဏ္ဍပ်တစ်ခုတွင် သူငယ်ချင်းများနှင့်အတူ ရေကစားရင်း ကိုဦး ဆေးလိပ်သောက်ချင်လာခဲ့မိ၏။ သူငယ်ချင်းများအား အဖော်ညှိဖို့ရာအတွက်လည်း ခေါ်သံပင် မကြားရလောက်အောင် ဆူညံနေသော သီချင်းသံများအောက်တွင် ခုန်ပေါက်ကခုန်နေကြတာမို့ မဏ္ဍပ်အနောက်ဘက်သို့ သူတစ်ယောက်တည်း ထွက်လာခဲ့ လိုက်သည်။ မဏ္ဍပ်အနောက်ဘက်မှ သူငယ်ချင်း၏ ခြံထောင့်တွင် တစ်ယောက်တည်း အေးအေးဆေးဆေး ဆေးလိပ်ထိုင်သောက် ဖို့ရာ ဂျာကင်အိတ်ထဲမှ ပလတ်စတစ်ဖြင့် သေသေချာချာ အထပ်ထပ်ရစ်ပတ်ထားသော စီးကရက်ဘူးနှင့် မီးခြစ်ကိုထုတ်မိ၏။ သို့သော် လက်က ရေစိုနေတာမို့ မီးခြစ်က တော်တော်နှင့်မတောက်။ ခေါင်းငုံ့ကာ မီးတောက်စေဖို့ သည်းကြီးမည်းကြီး သူကြိုး စားနေဆဲ ရေတွေ ဗွမ်းခ,နဲ သူ့ခေါင်းပေါ်မှနေ ကျဆင်းလာခဲ့၏။ လက်ထဲမှ စီးကရက်လည်း ရေစိုသွားရသလို၊ မီးခြစ်သည် လည်း ရေတွေ ရွဲနစ်သွားရလေတော့သည်။

ဆေးလိပ်အရမ်းသောက်ချင်နေသည့်အချိန်ကျမှ အနောက်ကနေ တိတ်တိတ်ခိုး၍ ရေလာလောင်းတာ ခံလိုက်ရတာမို့ ကိုဦး ဒေါ သဖြစ်စွာ အနောက်ဘက်သို့လှည့်ကြည့်မိတော့...

“သင်္ကြန်ကျလို့ ရေပက်တာ စိတ်မဆိုးရဘူးနော်”

ကိုဦး ဘာပြန်ပြောရမှန်းမသိပဲ နှုတ်ဆွံ့သွားခဲ့ရ၏။ ရေစိုစို အ၀တ်အစားလေးများဖြင့် ပိတောက်ပန်းလေးတစ်ခက်နားမှာ ညှပ်ပန် ထားသော မိန်းမလှလေးတစ်ယောက်က အသံသာသာ အပြုံးမျက်နှာလေးဖြင့် သူ့ကိုကြည့်ရင်း ပြောလိုက်သောကြောင့်ပင်။

ကိုဦး ရင်ခုန်သွားရ၏။ သောက်ထားသော အရှိန်ဖြင့် ရီဝေေ၀နိုင်နေသော ခံစားချက်များလည်း ရင်ခုန်သံများအောက် ကြက်ပျောက် ငှက်ပျောက် ဖြစ်သွားခဲ့ရလေသည်။ ထိုမှစ၍ ကိုဦးနှင့် ငြိမ်းတို့၏ ဇာတ်လမ်းစတင်ခဲ့တာ ဖြစ်သည်။ သင်္ကြန်အပြီး နှစ်လလောက် အကြာတွင် ချစ်သူတွေ ဖြစ်ခဲ့ကြပြီး တစ်နှစ်လောက်နေတော့ လက်ထပ်ဖြစ်ခဲ့ကြလေတော့တာ။ အခုဆိုရင် သားလေးဖိုးသား ပင် လေးနှစ်ပြည့်ခဲ့ပြီ။

~~~@~~~

င်္ကြန်အကြိုနေ့....။
အိမ်ရှေ့လမ်းမပေါ်တွင် ရေတွေ ရွှဲရွှဲစိုနေခဲ့၏။ ဖိုးသားလေးသည်လည်း ရေဇလားအကြီးကြီးထဲတွင် ပိုက်ကလေးကိုနှစ်လျှက် အသစ်စက်စက်ရေပြွတ်လေးဖြင့် ဖြတ်သွားဖြတ်လာမှန်သမျှကို မလွတ်တမ်း လိုက်ပက်နေခဲ့လေတော့၏။ တစ်ချက်တစ်ချက် လမ်းထဲရှိ အုန်းလက်မဏ္ဍပ်လေးများဆီမှဖွင့်နေသော သီချင်းသံများနှင့်အတူ လှုပ်လီလှုပ်လဲ့ ကနေတတ်သေး၏။ ကိုဦးနှင့် ငြိမ်းတို့က သင်္ကြန်မှာ ဖူးစာဆုံပြီး ပေါင်းဖက်ခဲ့ကြသော စုံတွဲမို့ ဖိုးသားလေးက အခြားကလေးများထက် သင်္ကြန်ကို ပိုပျော်တတ်၊ စွဲလမ်းတတ်နေခဲ့သလားတော့ မပြောတတ်တော့ပါ။

ဒါကို အနောက်မှနေထိုင်ကြည့်ရင်း ဖိုးသားလေး၏အပျော်က ကိုဦးတို့ ဇနီးမောင်နှံထံသို့ ကူးစက်လာသလို ဖြစ်လာရသည်။ နှစ်ဦး သားမျက်နှာမှာ အပြုံးတွေဝေနေမိကြ၏။ သို့သော် သားလေးကိုထိုင်ကြည့်ရင်း ကိုဦး စိတ်ထဲမှာ တစ်စုံတစ်ရာကို စောင့်စားနေမိခဲ့ ၏။ ထိုစဉ် အင်္ကျီအိတ်ကပ်ထဲ ထည့်ထားမိသော ကိုဦး၏ လက်ကိုင် ဖုန်းလေးက မြည်လာသည်။ ကိုဦးစိတ်ထဲ ထိတ်ခ,နဲ ပျော်သွား မိရင်း ဖုန်းလေးကို ထုတ်ကြည့်မိတော့ ခေါ်သူက ကိုသန်းမောင် ဖြစ်နေတာတွေ့ရ၏။ တစ်မနက်လုံး သူစောင့်နေရသော ဖုန်း လာလေပြီ။ အိမ်ကနေ ဒီအတိုင်းထွက် သွားရတာထက် သူငယ်ချင်းတွေခေါ်လို့ ထွက်သွားရတာ ပိုပြီး ကြည့်ကောင်းမည်ဟု ကိုဦးေ တွးထားခဲ့မိတာမို့ပင်။

“ဟဲလို”...

“ဟေ့လူ... ကိုဦး။ လမ်းထိပ်ထွက်ခဲ့တော့လေ။ သောက်ကြမယ်၊ ကဲကြမယ်”

အာလေးလျှာလေးဖြင့် ကိုသန်းမောင်၏ အသံကို ဖုန်းထဲမှနေကြားလိုက်ရ၏။ ဆူညံစွာဖွင့်ထားဟန်တူသော သီချင်းသံကျယ်ကျယ် ကိုလည်း ဖုန်းထဲမှနေ ကြားနေရသေးသည်။ ကိုသန်းမောင်တို့ကိုကြည့်ရတာ မနက် ရှစ်နာရီ လောက်ပဲရှိသေးပေမယ့် ကောင်းနေပြီ လားမသိ။ ကိုဦးစိတ်ထဲ မရိုးမရွ ဖြစ်လာရ၏။ ဖုန်းနားထောင်ရင်း ဘေးသို့ ကိုဦး ငဲ့ကြည့်လိုက်မိတော့ ငြိမ်းက စူးစမ်းသလိုမျိုး သူ့ကို ကြည့်နေတာ တွေ့လိုက်ရသည်။

“ဟေ့လူ... ကိုဦး မကြားဘူးလား။ လမ်းထိပ်ထွက်ခဲ့လို့”

“ဟုတ်ပြီ...ဟုတ်ပြီ။ ကျုပ် ခဏနေ ထွက်လာမယ်”

“ဒါဆို... ကျုပ်တို့ စောင့်နေမယ်နော်...။ ခင်ဗျား မြန်မြန်ထွက်ခဲ့။ အိမ်က အတွယ်အတာတွေကို သင်္ကြန်တွင်းမှာ ခဏခေါက်သိမ်းထားလိုက်စမ်းပါဗျာ”

ပြောပြောဆိုဆိုဖြင့် ကိုသန်းမောင်က ဖုန်းချသွား၏။ ဘေးက ငြိမ်နေသော ငြိမ်းက ကိုဦးကို မေးလာသည်။

“ဘယ်သူဆက်တာလဲ အစ်ကို”

“အော်... ကိုသန်းမောင်တို့ပါ”

ငြိမ်းမျက်နှာလေးက အနည်းငယ်စူပုတ်ပုတ် ဖြစ်သွား၏။

“ဘာလဲ...၊ လမ်းထိပ်မှာ သွားသောက်ဦးမလို့လား”

“မပြောတတ်သေးပါဘူးကွာ”

ရေရေရာရာမရှိသော ကိုဦး၏အဖြေကြောင့်ငြိမ်းက မျက်စောင်းသဲ့သဲ့ထိုး၏။ ထို့ကြောင့် ကိုဦးက ငြိမ်း၏ လက်ဖမိုးလေးကို ခပ်ဖွဖွ တစ်ချက်လှမ်းပုတ်လိုက်ကာ...

“ကိုယ့်ကို မသွားစေချင်ဘူးလား ငြိမ်းရယ်။ ကိုယ်က သင်္ကြန်ဆို ပျော်ချင်တာ ငြိမ်းလည်း သိရဲ့သားနဲ့”

“ငြိမ်းသိပါတယ် အစ်ကိုရယ်။ ဒါပေမယ့် ပြဿနာဖြစ်လာရင် ဘယ့်နှယ့်လုပ်မလဲ။ ကိုယ်က လူပျိုလူလွတ်လည်း မဟုတ်။ တစ်ခုခုဆို သားလေးမျက်နှာငယ်ရမှာ။ နောက်ပြီး အစ်ကိုပြန်မလာမချင်း အိမ်မှာ ငြိမ်းနေရတာ စိတ်မဖြောင့်ဘူး။ စိတ်ပူနေရတယ်။ ပြီးတော့ မနှစ်တုန်းကလည်း”...

ငြိမ်းစကားကြောင့် ကိုဦးငဲ့ကြည့်လိုက်သည်။ သူမမျက်နှာလေးက ခပ်နွမ်းနွမ်းဖြင့်ရှိနေခဲ့၏။ ငြိမ်းပြောသော မနှစ်တုန်းကဆိုတာ သူတို့အုပ်စုသောက်ရင်း ပြဿနာ နည်းနည်းတက်ကြခြင်းသာဖြစ်၏။ ရေပက်ခံလာသော ဂျစ်ကန် ကန်လူတစ်စုနှင့် ဖြစ်ကြခြင်း သာ။ ဘေးနားမှ ၀င်ဆွဲကြသော လူများကြောင့်မို့သာ ပြဿနာအကြီးအကျယ်တော့ မတက်ခဲ့ရ။ ဘာပဲဖြစ်ဖြစ် သင်္ကြန်ရောက်တိုင်း သင်္ကြန်၏အရသာကို သူခံစားချင်နေမိသေးပါသည်။ ရုတ်တရက် ဆိုသလို လူငယ်ဘ၀မှ သင်္ကြန်ပုံရိပ်တွေက ကိုဦး၏အနားသို့ ရိုးရိုးရိပ်ရိပ် ပျံသန်းလာကြသလိုပင်။ ကိုဦး၏စိတ် တစ်ဝက်က လမ်းထိပ်မှ ကိုသန်းမောင်တို့ထံ ရောက်နေနှင့်ခဲ့မိ၏။

ထိုစဉ် ဖိုးသားလေးက ကိုဦးတို့အနားသို့ ရောက်လာပြီး နှုတ်ခမ်းလေးထော်ရင်း ပြောသည်။

“ဖေကြီး...၊ သားလမ်းထဲမှာ ပက်ရတာ အားမရဘူး။ အပြင်မှာ လျှောက်ပြီး ပက်ချင်တယ်”

“ဟာ... သားကလည်း အပြင်မှာ ဘယ်လိုပက်မလဲ။ ဘယ်က ရေရမလဲသားရဲ့”

ကိုဦးက ပြောတော့ ဖိုးသားလေးက ထွန့်ထွန့်လူးရင်း ကြူကြူပါအောင် အော်ငိုလေတော့သည်။

“ဟီး... လမ်းထဲမှာ ပက်ချင်ဘူး။ အပြင်ကလူတွေကို လိုက်ပက်ချင်တယ်...ဟီး...ဟီး”

“ဟဲ့...သားလေးရယ်။ သင်္ကြန်တွင်းကြီး ငိုရဘူးကွဲ”

ငြိမ်းက ပြာပြာသလဲ ချော့၏။ သို့သော် ဖိုးသားလေးက လက်မခံ။

“ရဘူး...ရဘူး။ အပြင်မှာ ပက်ချင်တယ်...ဟီး ဟီး”

ပြောရင်း ငိုရင်း ဖိုးသားလေးက မြေကြီးပေါ်ထိုင်ချလိုက်ပြီး ထွန့်ထွန့် လူးနေလေတော့၏။ အချစ်ဆုံးသားလေးကို ကြည့်ရင်း ကိုဦး သက်ပြင်းချမိသည်။ ဒီသားလေးသည် သူ့ဗီဇအတိုင်းပါပဲလား...။ သူ့လိုပဲ သင်္ကြန်ကို အရူးအမူး စွဲလမ်းတတ်တာ။

အိတ်ထဲမှ ဖုန်းလေးကိုထုတ်၊ ဖုန်းပါဝါခလုတ်ကို အပြီးပိတ်လိုက်ရင်း ငြိမ်းအား ကိုဦးပြောလိုက်မိသည်။

“ကဲပါ ငြိမ်းရယ်။ ကိုယ်တို့မှာ ဂါလံပုံးလွတ်ကြီးတစ်ခုရှိတယ်မှတ်လား။ အဲ့ဒါသွားယူကွာ။ ပြီးရင် အဲ့ဒီထဲကို ရေ ထည့်ပြီး ကျောပိုး အိတ်အဟောင်းတစ်ခုထဲကိုထည့်။ ကိုယ်လွယ်မယ်။ ပြီးရင် သားကို စက်ဘီးရှေ့ခုံမှာ ထိုင်ခိုင်းပြီး တွေ့သမျှလူကို သူ့ရေပြွတ်လေးနဲ့ လိုက်ပက်လို့ရအောင် ရပ်ကွက်ထဲနဲ့ လမ်းထိပ်ပိုင်းကို  ခဏပတ်ပေးလိုက် ကြတာပေါ့ကွာ။ ငြိမ်းလည်း နောက်ခုံကနေလိုက်ခဲ့။ ကိုယ်တို့မိသားစုလိုက် ဟိုနား ဒီနားလေးလျှောက်ကြည့်ရင်း သင်္ကြန်လည်ကြတာပေါ့ကွာနော့်၊ အိမ်ထောင်ကျပြီးကတည်းက သင်္ကြန်ဆို ငြိမ်းလည်း အပြင်မရောက်တာ ဘယ်လောက်တောင် ကြာခဲ့ပြီလဲ”...

ကိုဦးစကားကြောင့် ငြိမ်းမျက်နှာက အပြုံးတွေ ဝေသွားသည်။ နေရာမှ သွက်လက်စွာထပြီး အိမ်နောက်ဘက်သို့ သုတ်သီးသုတ်ပြာ ၀င်သွားလေတော့၏။ ကိုဦးသိပါသည်။ ငြိမ်းလည်း သင်္ကြန်အတွင်းမှာ အပြင်ထွက်ချင်နေမိ မယ်ဆိုတာကို။ အဝေးကြီးမဟုတ် ရင်တောင်မှ ကိုယ့်မြို့နယ်တွင်း ခြေဆန့်ချင်နေခဲ့လေမှာ။

မြေကြီးပေါ်မှ ဖိုးသားလေးအား ကိုဦးကောက်ချီလိုက်ရင်း ရေစိုရွှဲနေခဲ့သော သားလေး၏ကိုယ်ခန္ဓာလေးကို ခပ်ကျစ်ကျစ်လေး ဖက်ထားလိုက်သည်။ ဆန္ဒပြည့်ဝတော့မှာမို့ သားလေးကတော့ အငိုတိတ်သွားလေပြီ။ သို့သော် တစ်ချက်တစ်ချက် ခန္ဓာကိုယ်လေး တုန်တုန်သွားကာ ရှိုက်ချင်တုန်း။ သားလေး၏ အေးစက်စက်နှဖူးပြင်လေးအား ငုံ့နမ်းလိုက်ရင်း ကိုဦးစိတ်တွင်းမှ တွေးလိုက်မိ၏။

ဒီနှစ်သင်္ကြရက်တွေအကုန်လုံး လမ်းထိပ်မဏ္ဍပ်မှ အပေါင်းအသင်းများဆီသို့သွားပြီး ခါတိုင်းနှစ်တွေလိုမျိုး တစ် ကိုယ်ကောင်းဆန် စွာ မူးရူးမနေတော့ပဲ မိသားစုလိုက် စက်ဘီးလေးတစ်စင်းဖြင့်...။     

~~~@~~~

--------------------------------------------------------------------------------------------------------------------------------
အွန်လိုင်းမှ စာရေးဖော်ရေးဖက်မိတ်ဆွေများ၊ စာဖတ်သူ သူငယ်ချင်းမောင်နှမများ၊ ဖဘမှ မိတ်ဆွေများအားလုံး သင်္ကြန်တွင်းမှာ အပြစ်ကင်းသော ပျော်ရွှင်မှုများစွာဖြင့် ပျော်မွေ့ရင်း အောင်မြင်ပျော်ရွှင်သော မြန်မာနှစ်သစ်ကို ကြိုဆိုနိုင်ကြပါစေလို့ ဆုမွန်ကောင်း တောင်းပေးပါရစေခင်ဗျာ...။
-------------------------------------------------------------------------------------------------------------------------------

ချစ်ခြင်းအားဖြင့်...
ဏီလင်းညို
၁၄၊ ၀၄၊ ၂၀၁၃။
(တနင်္ဂနွေ- မဟာသင်္ကြန်အကျနေ့)
ည(၁၈း ၅၁)နာရီ
(အတူ... ပျော်)
(ရန်ကုန်- မြန်မာပြည်)






Thursday, April 4, 2013

ချွေးသိပ်ရာ...


ခုနှစ်နာရီလောက်တွင်ဖြစ်စေ၊ မနက်ရှစ်နာရီလောက်တွင်ဖြစ်စေ ရေမိုးချိုးအ၀တ်အစားလဲပြီး ကျွန်တော် အပြင်ထွက်ဖို့ပြင် တိုင်း မေမေ၊ ဒါမှမဟုတ် ဖေဖေတို့က အသက်သုံးဆယ်ကျော်ခဲ့ပြီဖြစ်သော ကျွန်တော့်အား‘ဘယ်သွားမလို့လဲ’...ဟု မေးလေ့ရှိ ပါသည်။ ကျွန်တော်က....

“လက်ဖက်ရည်ဆိုင်”..ဟုဆိုမိလျှင်တော့ အိမ်ပေါ်မှမဆင်းသေးခင်...

“အိမ်မှာလည်း ကော်ဖီမစ်၊ တီးမစ်တွေရှိရဲ့သားနဲ့...အလကားသက်သက် ငွေကုန်ခံချင်တယ်ကွယ်”
 စသဖြင့် ရေရွတ်မြည်တမ်းတတ်ကြ၏။ သူတို့ပြောလျှင်လည်း လက်ဖက်ရည်ဆိုင်သို့ ကျွန်တော်သွားကို သွားမည်ဖြစ်ကြောင်း သိသိကြီးနှင့်ပင်။

ထိုအခါမျိုးတွင် ကျွန်တော်က ဘာမှပြန်မပြောပဲ ပိုက်ဆံအိတ်ကို ခပ်မြန်မြန်လေးယူပြီး အိမ်ပေါ်မှအမြန်ဆင်းရန်သာ ကြိုးစားမိတတ် ပါသည်။ သို့သော် စိတ်ထဲမှနေပြီး ‘အိမ်မှာသောက်ရတာနဲ့ ဆိုင်မှာသောက်ရတာ မတူ လို့ပါဗျာ’...ဟု ပြန်ပြောမိ၏။
          
ဟုတ်သည်။         
လက်ဖက်ရည်ဆိုင်လေးများကို ကျွန်တော်ချစ်သည်။ ထို့အတူ လက်ဖက်ရည်ဆိုင်လေးများထဲတွင် ထိုင်ရတာကိုလည်း နှစ်သက် သည်။ ထိုဆိုင်များထဲတွင် သောက်ရသော ကော်ဖီမစ်နှင့် လက်ဖက်ရည်များသည်လည်း အိမ်မှာဖျော်သောက်ရတာထက် ပိုကောင်း သည် ထင်မိ၏။ ဘာရယ်ကြောင့်မှန်းတော့မသိ။
                                       
                                      ~~~~~@@@~~~~~
       
ခုနှစ်နာရီခန့်အချိန်တွင် လက်ဖက်ရည်ဆိုင်လေးအတွင်းသို့ ကျွန်တော်ဝင်သွားမိတော့ မှတ်မိနေခဲ့ပြီဖြစ် သော စားပွဲထိုးချာ တိတ်လေးက ‘ပလိန်းဝမ်း...ဟေ့’...ဟု အဖျော်ကောင်တာဘက်သို့ လှမ်းအော်သည်။ လာ ရောက်သောက်သုံးသောသူ၏အကြိုက် ကို စွဲစွဲမြဲမြဲမှတ်ထားတတ်လေ့ရှိသော သူတို့ကြောင့် တစ်ခါတစ်လေ လက်ဖက်ရည်လေးဘာလေး ပြောင်းသောက်ချင်တာတောင်မှ ကျွန်တော့်မှာ ပြောချိန်မရလိုက်တာမျိုးလည်း ရှိသည်။ သို့သော် ကိုယ့်အကြိုက်ကို ခုံတွင်မထိုင်ရသေးခင်အချိန်မှာပင် သိတတ်စွာ ကြိုတင်ပြီး မှာထားပေး တတ်မှုလေးကိုတော့ ကျွန်တော့်စိတ်ထဲမှာ နှစ်သက်မိသည်။
       
ဆိုင်အတွင်းမှာထိုင်နေကြသော လူတော်တော်များများက အမြင့်တစ်နေရာတွင် တင်ထားသောတီဗွီထဲမှ ရုပ်သံဇာတ်လမ်းတစ်ခု ကို ငေးမောကြည့်ရှုနေခဲ့ကြသည်။ ကျွန်တော့်ဘေးဝိုင်းမှ ဆယ်ကျော်သက်အရွယ်လူငယ် လေးတစ်သိုက်ကတော့ သူတို့ကစား ခဲ့ကြသော ကွန်ပျူတာဂိမ်းတစ်ခုအကြောင်းကို အလုအယက် ပြန်လည် ငြင်းခုန် ပြောဆိုနေခဲ့ကြ၏။
         
ဆိုင်အတွင်းတွင် တီဗွီပြနေသော်လည်း အသံမထုတ်ပါ။ ထို့ကြောင့် ဖွင့်ထားသောသီချင်းသံကို ဆောင်း ဘောက်(စ်)မှကြားနေရ၏။ ရှားရှားပါးပါး ဒီညတွင် ဆရာထီး၏သီချင်းဟောင်းလေးများကို ဖွင့်နေတာမို့ ကျွန်တော်နှစ်သက်စွာ နားထောင်နေမိသည်။

“အပိုတွေကို... မဆိုတတ်ဘူး....သာမန်လူတစ်ယောက်မို့လေ....တကယ်ပါမေရယ် ကိုယ်ကတော့....ချစ်တာ တစ်ခုတည်းသိတယ်”....
         
ဆရာထီး၏အသံမဟုတ်ပါ...။ အသက်လေးဆယ်အရွယ်လောက်ရှိသည့် လူတစ်ဦးထံမှ သီချင်းကို လိုက်ဆို သံသာဖြစ်ပါသည်။ ဆိုက်ကားဆရာဖြစ်ဟန်တူသည်။ ဆိုင်ရှေ့ သရက်ပင်လေးနားတွင် ဆိုက်ကားကိုထိုးရပ် ကာ ဆင်းလာခဲ့တာမို့ဖြစ်၏။ သူ့မှာ ဆိုင်ထဲသို့ မရောက်သေးခင် ဆိုက်ကားပေါ်မှဆင်းကာ ပုဆိုးကိုလက် နှစ်ဖက်ဖြင့် ပေါင်ကြားညှပ်ကာ အတွင်းသို့လျှောက်လာရင်း သီချင်းကိုလိုက်ဆိုနေခဲ့တာဖြစ်သည်။ နောက် နီးစပ်ရာခုံတစ်လုံးကိုဆွဲထိုင်ကာ ရေနွေးကြမ်းတစ်ခွက်ကိုငှဲ့သောက်ရင်း သီချင်း နားထောင်ကာ အမောဖြေ နေလေတော့၏။
         
ကျွန်တော့်ရှေ့စားပွဲဝိုင်းခုံတွင် လူလွတ်နေသည်။ ထို့ကြောင့် လမ်းမပေါ်သို့ ဘာရယ်မဟုတ်စွာဖြင့် ကျွန်တော် ငေးနေမိ၏။ ချုပ်ညရီရီအချိန်တစ်ခုတွင် အချို့ကလုပ်ငန်းခွင်မှနေပြီး ပြန်လာကြသည်။ အချို့က လုပ်ငန်းခွင်သို့ဝင်ရန် ထွက်ခွာကြသည်။ အချို့ကတော့ ကိစ္စအမျိုးမျိုးဖြင့် လမ်းမပေါ်တွင်ရွေ့လျားနေခဲ့ကြသည်။
       
သိပ်မကြာလိုက်။ ကျွန်တော့်ရှေ့မှ လွတ်နေခဲ့သောစားပွဲဝိုင်းဆီသို့ လူရွယ်သုံးဦးရောက်လာ၏။ သုံးယောက် စလုံး လွယ်အိတ်ကိုယ် စီနှင့်ဖြစ်သည်။  စားပွဲဝိုင်းတွင်ဝင်ထိုင်ကာ လက်ဖက်ရည်မှာအပြီးတွင် အနည်းငယ် သပ်ရပ်စွာ ၀တ်ဆင်ထားသောလူရွယ်က ကျန်နှစ်ယောက်အား တစ်ထောင်တန်လေးရွက်စီ ထုတ်ပေးတာကို တွေ့ရသည်။ ‘နက်ဖြန်ကျရင် ဆိုက်ထဲကို စောစောလာကြကွ’... ဟုလည်း ပြောသေးသည်။ ဆောက်လုပ် ရေးလုပ်သားများ ဖြစ်မည်ထင်ရ၏။ လက်ဖက်ရည်ဆိုင်လေးထဲ တွင် နေ့တွက်ခကျသင့်ငွေ ကို(သူတို့အခေါ် ဒေးလီးကို) ပေးကြ၊ ယူကြပြီး... အိမ်မပြန်သေးခင် လက်ဖက်ရည်သောက်ရင်း နောက် တစ်နေ့လုပ်ငန်းခွင်အ တွက် တိုင်ပင်ဆွေးနွေးနေကြတော့၏။
       
ထိုအခိုက် နွေဦးညချမ်း၏လေပြေတစ်သုတ်က ဝေ့ခနဲတိုက်ခတ်လာ၏။ အနီးမှ ဗာဒံပင်၊ သရက်ပင်စသည့်အပင်များက လေထဲ တွင်ယိမ်းနွဲ့ကာ ကျွန်တော်ထိုင်နေခဲ့သော ပတ်ဝန်းကျင်တစ်ဝိုက်ကို အေးမြငြိမ်းချမ်းစေပြန် သည်။ ဆရာထီးသီချင်းကိုနားထောင်ရင်း ကော်ဖီမစ်ကို တစ်ငုံသောက်မိဆဲ....
       
“ဟေ့ကောင်...အသေးလေး...လာဦး”...
“ဘာလဲဗျ”....
“မျိုးကြီးဖွင့်ကွာ...၊ မျိုးကြီး”....
“စိုင်းထီးဆိုင်ပြီးမှ ဖွင့်ဖို့ပြောပေးမယ်...၊ အခုနားထောင်ချင်ရင်တော့ ကျွန်တော်ဆိုပြမယ်လေ”.....
 “မင်းကြီးတော်ကြီးပဲ ဆိုပြ..ဟား....ဟား”.....
       
ကျွန်တော့်နောက်ဝိုင်းမှ လူငယ်လေးများနှင့် စားပွဲထိုးကောင်လေး၏ အချီအချပြောသံများကြောင့် တစ် ယောက်တည်း ပြုံးမိရ သည်။ အင်းလေ...သူတို့လည်း သူတို့ခေတ်မှာ သူတို့ကြိုက်တဲ့ သီချင်းတွေနားထောင် ချင်ကြမှာပေါ့ဟုလည်း တွေးမိလိုက်သေး၏။
         
“ရှင်းမယ်ဟေ့”....
“ဟာ...မင်းတို့က သွားတော့မှာလားကွ”...
“သွားရမယ်....၊ အိမ်မှာ မန်မန်းစားရဦးမယ်....၊ စာကျက်ရဦးမယ်....၊ နို့မို့ဆို နှင်ချခံနေရလိမ့်မယ်”....
         
စောစောက ဂိမ်းအကြောင်းပြောနေကြသော ဆယ်ကျော်သက်အရွယ်လူငယ်လေးများဝိုင်းမှအသံများကြောင့် မသိမသာလှည့် ကြည့်ဖြစ်၏။ သူတို့၏စကားလေးများနှင့် အသိစိတ်ဓာတ်လေးများကြောင့်လည်း သဘောကျ စွာကြိတ်ပြုံးမိပြန်သည်။ ဟုတ်သည်၊ လက်ဖက်ရည်ဆိုင်တွင် နေကုန်နေခမ်းထိုင်ကာ ဘာအလုပ်မှမလုပ်ပဲ ယောင်ခြောက်ဆယ်လုပ်နေခဲ့မည်ဆိုလျှင် ဘယ်မိဘကမှ နှစ် သက်ကြည်ဖြူလိမ့်မည်မထင်ပါ။ အရာရာတိုင်း သည် သူ့အတိုင်းအတာနှင့်သူသာ ကောင်းမည်ထင်ပါ၏။
      
“ပလိန်းနှစ်ခွက်က လေးရာ....၊ တစ်ထောင်တန် လေးရာယူမယ်”....
       
စားပွဲထိုးချာတိတ်လေးရဲ့အသံကြောင့် ပိုက်ဆံရှင်းနေဆဲဖြစ်သော ထိုလူငယ်လေးများ၏၀ိုင်းသို့ မသိမသာ လေး လှမ်းကြည့်မိ သည်။ သောက်တာက ကော်ဖီမစ်ပလိန်းနှစ်ခွက်သာဖြစ်သော်လည်း ထိုင်နေကြတာက စုစုပေါင်း ခြောက်ယောက်လောက်ရှိမည် ထင်ရ၏။ ကျွန်တော် ထပ်ပြုံးမိခဲ့ပြန်သည်။ အခြားအကြောင်း ကြောင့်တော့မဟုတ်၊ တစ်ထောင့်ကိုးရာကိုးဆယ့်ရှစ်ခုနှစ် ၀န်းကျင်လောက်တုန်းက ကျွန်တော်တို့၏ဆယ် ကျော်သက်ဘ၀ကို ပြန်လည်သတိရမိသွားသောကြောင့်သာ ဖြစ်သည်။
      
ထိုစဉ်ကလည်း လက်ဖက်ရည်ဆိုင်များတွင် ကျွန်တော်တို့တစ်သိုက် ဒီကောင်လေးများလိုပင် လုပ်ခဲ့ကြဖူးသည်။ သောက်တာက လက်ဖက်ရည်တစ်ခွက်၊ နှစ်ခွက်...၊ ထိုင်တာက လေးငါး၊ ခြောက်ယောက်၊ တစ်ပြုံ တစ်မကြီး...။
     
ထိုင်ရင်း တစ်ယောက်တစ်ပေါက်ပြောကြ၊ ရယ်ကြနှင့်။ ပြီးတော့ ရေနွေးကြမ်းကို တစ်အိုးပြီးတစ်အိုး လှမ်း အော်တောင်းရင်း အာခြောက်တိုင်း သောက်ခဲ့ကြသည်။ ဆိုင်ရှင်က တစ်ခါမှ ထပ်မပေးနိုင်ဘူးဟု... မပြောခဲ့။ နှင်လည်းမထုတ်ခဲ့ပါ။

                                      ~~~~~@@@~~~~~

        
ကယ်တော့ ပလက်ဖောင်းပေါ်မှာ၊ လမ်းနံဘေးမှ အပင်များအောက်မှာ၊ လမ်းနံဘေးတွင်တဲထိုးကာ ဖွင့် ထားတတ်သော (နေရာတိုင်းလိုလိုတွင် တွေ့မြင်နိုင်သည့်) လက်ဖက်ရည်ဆိုင်လေးများသည် အဆောင်အ ယောင်ကင်းလွန်းပါသည်။ (အဆင့်မြင့်သော စားစရာမျိုးစုံရသည့် လက်ဖက်ရည်ဆိုင်ကြီးများကို မဆိုလိုပါ။)
       
မှန်လုံခန်းမများထဲတွင် စားရသောက်ရသလို မသိမသာရော၊ သိသိသာသာပါ ထိန်းချုပ်စားသောက်စရာလည်းမလို။ လူအချို့ သတ်မှတ်ထားသော အဆင့်အတန်းဆိုသည့် မြင့်ခြင်း၊ နိမ့်ခြင်း သတ်မှတ်ချက်ပေတံ များလည်း သိပ်မရှိ၊ အဆောင်အယောင်နှင့် အသုံးအဆောင်ပစ္စည်းများလည်း တစ်ခမ်းတစ်နား ၀တ်စားပြင် ဆင်စရာမလိုပဲ  သာမာန်လူများအဖို့ ၀င်ရောက်အပန်းဖြေ၊ ခိုနားနိုင်သော နေရာလေးတစ်ခုဟု... ကျွန်တော် တွေးမိ၏။
       
ထိုနေရာလေးများတွင် ရန်ပွဲများလည်းရှိချင်ရှိနေမည်။ ပျော်ရွှင်သော ရယ်မောသံနှင့် စိတ်ညစ်စွာ ညည်းညူ သံလေးများလည်း ရှိကောင်းရှိမည်။ ဖွင့်ထားသောသီချင်းများကို ဟန်ဆောင်မှုကင်းမဲ့စွာဖြင့် စိတ်ပါလက်ပါ လိုက်ပြီးတော့လည်း ဆိုညည်းနိုင်သည်။ ထို့ပြင် ဘောလုံးပွဲများကိုလည်း ဆူညံကျယ်လောင်စွာ အားပေးနိုင် သေးသည်။ ငြင်းခုန်သံများ၊ ဆွေးနွေးသံများလည်း ရှိနိုင်သည်။ အားပေးနှစ်သိမ့်မှုနှင့် အကြံပေးမှုများလည်း ရှိနိုင်သေး၏။ ဘ၀အမောနှင့် ချွေးစက်များလည်း ရှိချင်ရှိပေလိမ့်ဦးမည်။ သူငယ်ချင်း မိတ်ဆွေများအချင်း ချင်းလည်း အချိန်းအချက်လုပ်ကာ အားမနာစတမ်းထိုင်စောင့်နိုင်သေးသည်။ ရမ္မက်ထ,ချင်စဖွယ် မြှူဆွယ် မှု တွေကတော့ သိပ်မရှိနိုင်ခဲ့။
      
ကျွန်တော်သည်လည်း ထိုလက်ဖက်ရည်ဆိုင်လေးများထဲတွင် ရင်ဖွင့်ခဲ့ဖူးသည်။ စိတ်ဓာတ်ကျဖူးသည်။ ထို့အတူ တက်ကြွခဲ့ဖူး သည်။ နောက်ဆုံး မျှော်လင့်ချက်အိပ်မက်များကိုလည်း မွေးဖွားခဲ့ဖူး၏။
       
ထို့နောက် ဘ၀ပေးအခြေအနေအရ ကျွန်တော်သည် လက်ဖက်ရည်ဆိုင်လေးများနှင့် အဝေးဆုံးနေရာတစ်ခု ဖြစ်သော ပြည်ပနိုင် ငံငယ်လေးတစ်ခုတွင် အချိန်တွေအများကြီးကြာအောင်နေရင်း အလုပ်လုပ်ခဲ့ရသည်။ ထို နေရာတွင် ကျွန်တော်စိတ်ပျက်သည့် မှန်လုံခန်းများနှင့် စားသောက်ဆိုင်များသာ အများဆုံးရှိခဲ့တာမို့  လက် ဖက်ရည်ဆိုင်လေးများကို အဝေးမှနေ လွမ်းခဲ့ရဖူးသည်။
      
အခုတော့ ကျွန်တော် လက်ဖက်ရည်ဆိုင်လေးများထဲတွင် ပြန်ထိုင်ခွင့်ရရှိနေခဲ့လေပြီ။ သို့သော် ဘယ်အချိန် ကာလတွင်ပြန်ပြီး လက်ဖက်ရည်ဆိုင်လေးများနှင့် ဝေးရာအရပ်ဆီသို့ နောက်တစ်ခေါက် ထပ်ရောက်ရဦးမ လဲမပြောတတ်သေးပါ။

                                           ~~~~~@@@~~~~~

       
သာမာန်လူတန်းစားများ၏ချွေးသိပ်ရာ လက်ဖက်ရည်ဆိုင်ကလေးများအား သာမာန်လူတစ်ယောက်ဖြစ် သော ကျွန်တော်နှစ် သက်မိခြင်းမှာ သာမာန်အဖြစ်အပျက်တစ်ခုဟုသာ ဆိုချင်မိပါသည်။       

                                          ~~~~~@@@~~~~~


ချစ်ခြင်းအားဖြင့်...
ဏီလင်းညို
(၀၇၊ ၀၃၊ ၂၀၁၁ - တနင်္လာနေ့)
ည ၁၁း၃၅နာရီ
(ချွေးသိပ်ရာ...)
(ရန်ကုန် - မြန်မာပြည်)