Monday, May 31, 2010

အချိန်မှီ



လင်းမြမြရောင်စဉ်တန်းများဖြင့် လွန်းယှက်ကာလင်းလက်နေခဲ့သောခန်းမကျယ်ကြီးတစ်ခုရဲ့ အ၀ဆီကို သူ ရောက်ရှိလာခဲ့၏။ အလင်းအမှောင်မကွဲပြားခဲ့သောနေရာတစ်ခုမှလာခဲ့ရသူမို့ ခန်းမကျယ်အ၀ကနေပြီး အလင်းတန်းများရဲ့စူးရှမှုကို သူ့မျက်လုံးများကမခံမရပ်နိုင်ခဲ့...။ ထို့ကြောင့် ခန်းမအတွင်းသို့ပင် လှမ်းမျှော်ကာမကြည့်နိုင်တော့ပဲ သူ့မျက်လုံးများကိုချက်ခြင်းပင် တင်းတင်းရင်းရင်းစေ့ပိတ်လိုက်မိသည်။

မျက်လုံးများကို မှိတ်ပစ်လိုက်တော့ ခံစားမှုအာရုံတွင် တစ်စုံတရာက ထင်ထင်ရှားရှားနိုင်လွန်းလှစွာပေါ်ထင် လာခဲ့သည်။ ထိုအရာကို အမိလိုက်ဖမ်းရင်း သူ့သွေးခုန်နှုန်းတွေမြန်လာခဲ့၏။ ရင်ဘတ်ထဲမှ နှလုံးသားတစ်စုံ ကလည်း ပုံမှန်မဟုတ်သည့်နှုန်းဖြင့် တစ်ဒိတ်ဒိတ်ခုန်လာခဲ့၏။ အသက်ရှူသံတွေကလည်း အကြိမ်အရေအ တွက်ခပ်စိပ်စိပ်ဖြစ်လာကာ မြင့်တက်လာခဲ့သည်။ အာရုံထဲတွင်သူအမိဖမ်းလိုက်တာက သူမဟုတ်သော တစ် စုံတစ်ယောက်.....။

မျက်စိမှိတ်ထားရင်း သိစိတ်တစ်ခုဖြင့် ခန်းမကျယ်ထဲသို့ သူခြေလှမ်းစတင်လှမ်းကာဝင်မိခဲ့၏။ နောက်... နှုတ်မှနေပြီး စိတ်အာရုံထဲမှတစ်စုံတစ်ယောက်ကိုမကျေနပ်လွန်းစွာ ‘တောက်တစ်ချက်’ ခေါက်လိုက်မိသည်။ ထိုအခါ မကျေနပ်မှုများက သူ့ရင်ဝဆီသို့ ဒီရေလှိုင်းတံပိုးများအလား ပိုမိုရုန်းကြွစွာဖြင့် ဖိတ်လျှံတက်လာခဲ့ လေတော့၏။ ခါး... သီး... လိုက်..... တာ.....

မျက်စိမှိတ်ထားနေခဲ့သော သူ့မျက်နှာပေါ်မှ နှုတ်ခမ်းတစ်စုံက အလိုလိုပွင့်ဟသွား၏။ နောက် ခါးသီးစွာဖြင့် သံကုန်ဟစ်ကာ အော်လိုက်မိသည်။

“အဲ့ဒီကောင်.... အလကားကောင်”....

ရင်ဘတ်ထဲတွင် နည်းနည်းနေသာထိုင်သာ ရှိသလိုဖြစ်သွားသည်။ မျက်လုံးများပိတ်ထားသော်လည်း ဖွင့်ဟ ထားမိသော သူ့နားစည်တွင် ‘အဲ့ဒီကောင်...အလကားကောင်’.....၊ ‘အဲ့ဒီကောင်...အလကားကောင်’...ဟူ သောပဲ့တင်ထပ်သံများကို အခန်းနံရံများဆီမှပြန်ရိုက်ခတ်လာသဖြင့် ထပ်ခါ ထပ်ခါကြားလိုက်ရ၏။ သူ့ပဲ့တင် ထပ်သံကို သူ့ဘာသာ ကျေနပ်စွာပြန်နားထောင်ရင်း အာရုံဆီမှ သူမဟုတ်သောတစ်စုံတစ်ယောက်ကို မကျေနပ်စွာဖြင့် သူဆက်အော်မိတော့သည်။

“အဲ့ဒီကောင်.... ငတုံး...၊ ငအ”.....

“အဲ့ဒီကောင်... အရူး၊ အပေါ”......

“အဲ့ဒီကောင်... နွားခြေရာခွက်ထဲက ဖားလို... အမြင်မကျယ်တဲ့ကောင်”......

“အဲ့ဒီကောင်.... ငါ့လောက်တောင် မသိ၊ မတတ်တဲ့ကောင်”.......

“အဲ့ဒီကောင်.... ၀ါးလုံးခေါင်းထဲမှာ လ,သာနေတတ်တဲ့ကောင်”.....

“အဲ့ဒီကောင်... ဘာမှမဟုတ်ပဲ.. အခြောက်တိုက် ဘ၀င်မြင့်ရောဂါစွဲကပ်နေတဲ့ ၀မ်းတွင်းရူး”....

“အဲ့ဒီကောင်... ငါ့လောက်မှ စိတ်ထားမကောင်းပဲ စိတ်နှလုံး သေးသိမ်ဖျဉ်းလွန်းတဲ့ကောင်”.....

“အဲ့ဒီကောင်... ကိုယ်အေးနေရင် ကိုယ့်ဖို့ပဲသိ...၊ သူများဖို့ မသိတတ်တဲ့ကောင်”....

“အဲ့ဒီကောင်... ကိုယ့်ထက်သာ မနာလိုဖြစ်တတ်တဲ့ကောင်”.....

“အဲ့ဒီကောင်... ဘာအစွမ်းအစမှမရှိပဲ... သက်သက်မဲ့ အရေခြုံနေတဲ့ အယောင်ဆောင်ကောင်”....

“အဲ့ဒီကောင်...... .... ..... ......... ........”........

“အဲ့ဒီကောင်......... ...... ............”.........

“အဲ့ဒီ..... ........”......

“အဲ့........ ........ ......”..........

“........ ....... .......”

......

~~~~@@~~~~

ဆက်တိုက်ဟစ်အော်လိုက်ရတာမို့ သူအ တော်မောပန်းသွားမိသည်။ အာခေါင်လည်း အ တော်ခြောက်သွား၏။ သို့သော် သူပြောချင်နေ သောစကားများကို စိတ်ထဲမှ တစ်စုံတစ်ယောက် အား နှုတ်မှဖွင့်ဟကာ စိတ်ရှိလက်ရှိ ဟစ်အော်ပြော လိုက်ရတာမို့ သူ့ရင်ထဲတွင် အတော်လေး နေသာ ထိုင်သာရှိသွားသည်။ ပေါ့ပါးသွား၏။

ပိတ်ထားသော မျက်ခွံလွှာပါပါးပေါ်မှ အလင်း စက်များက သူနှင့်ယဉ်ပါးသလိုရှိလာခဲ့၏။ ထို့ ကြောင့် မျက်လုံး များကို ဖြည်းဖြည်းခြင်း သူဖွင့် ကြည့်မိလိုက်သည်။

ထိုအခါ သူ့နှုတ်ခမ်းဖျားများဆီမှ တစ်ခုတည်းသော စကားလုံးလေးတစ်လုံး ဖရိုဖရဲ ထွက်ကျသွားရ၏။

“ဟင်”......

~~~~@@~~~~

နံရံပတ်ပတ်လည်တွင် ကိုယ်လုံးပေါ်မှန်ချပ်ကြီးများနှင့်အတိပြီးစွာကာရံထားသော ခန်းမကျယ်ကြီးအ တွင်းသို့ သူရောက်ရှိနေခဲ့တာကြောင့်ပင်ဖြစ်၏။

အခန်းပတ်ပတ်လည်ကို ချာလည်လည်ဖြစ်သွားအောင် ကိုယ်ကိုတစ်ပတ်လှည့်ကာ လိုက်ကြည့်မိတော့ တွေ့ လိုက်မိရတာက သူ့ကိုယ်ပိုင်ပုံရိပ်များသည်သာ....။ သို့သော် စောစောက မျက်စိမှိတ်ကာစိတ်ထဲမှ သူမဟုတ် ခဲ့သော တစ်စုံတစ်ယောက်အား ပစ်ပေါက်ခဲ့သည့်စကားလုံများအတိုင်း သူ့ပုံရိပ်များက မှန်ချပ်များထဲတွင် အ လဲလဲ...အကွဲကွဲ....။

ခန်းမကျယ်ကြီးထဲတွင် သူတစ်ယောက်မှလွဲပြီး ဘယ်သူမှမရှိ၊ သို့သော် သူ့ကိုယ်သူပြန်ကာ ခပ်တိုတိုးလေး ကျိတ်ရှက်သွားမိခဲ့ရသည်။

~~~~@@~~~~

ကယ်၍များ အချိန်မှီ စွာ သူ့ကိုယ်သူပြန်မရှက်တတ်ခဲ့မိဘူးဆိုလျှင်.........။            ။

                          ~~~~@@@@~~~~@@@@~~~~@@@@~~~~



ပုံလေးကိုဒီနေရာလေးကနေ ယူသုံးပါတယ်ခင်ဗျာ....။
=============================================================
ခင်မင်ရတဲ့ ရေးဖော်သူငယ်ချင်း ကိုမိုး(ဘလော့ဂ်ဂါ မောင်မိုး)တက်ဂ်ထားခဲ့တဲ့ အသိတရားဆိုတဲ့ တက်ဂ် ပို့စ်လေးပါခင်ဗျာ။ ကြာလှပါပြီ.... ခုမှ လက်စသတ်ဖြစ်ခဲ့ရလို့ပါ။ ဘလော့ဂ်စပေါ့(ထ်)နဲ့ ဟော့ရှော့(ခ်)ဆိုတဲ့ ပို့စ်လေးမှာရေးခဲ့သလို ကျွန်တော်နောက်ဆုံးရေးဖြစ်တဲ့ တက်ဂ်ပို့စ်လေးပါပဲခင်ဗျာ....။ ကိုမိုးရေ...ကျွန် တော်သိတဲ့ အသိတရားလေးကို အကြာကြီးနေမှပြီးလို့ တောင်းရော၊ ဇကောရော၊ လင်ပန်းရော၊ ဒိုဘီခြင်း ရော၊ ဇကာရော....  အားလုံးစုပြီး ပန်လိုက်ပါတယ်ဗျာ........:D
=============================================================

ချစ်ခြင်းအားဖြင့်.....
ဏီလင်းညို

Saturday, May 22, 2010

ရီဝေ...ည




သန်းခေါင်ယံအချိန်လွန်ကာစ ညဥ့်ကောင်းကင်တစ်ခုရဲ့အရောင်က အနီရောင်လဲ့လဲ့ သန်းနေ ခဲ့သည်။ ထိုအထက်တွင် တစ်ရိပ်ရိပ် လွင့်မျော၍နေလေခဲ့သော တိမ်အုပ်စုများကို ဟို...ဒီပြန့်ကျဲစွာတွေ့ နေရလေ၏။ မြေပြင်အထက်တွင်အဆက်မပြတ် တိုက်ခတ်နေသော လေထုထဲမှာ အေးစက်စက်ဖြင့် မိုးရနံ့များ ကပ်ငြိနေတာကို “သူ”ခံစားမိသည်။ စောစောကထက် ပိုအေးလာသလိုရှိတာကြောင့် ကိုယ်ပေါ် တွင်ဝတ် ထားသော ဂျင်းဂျက်ကတ် အဟောင်းလေးကို ရင်ဘတ် ဆွဲစေ့လိုက်သည်။ နောက် လက်နှစ်ဖက် ဖြင့်လည်း လက်ပိုက်ကာ ကိုယ့်ကိုယ်ကိုပြန်ပြီး သိုင်းဖက်ထားမိ သေး၏။

မကြာခင် မိုးရွာတော့မည်ထင်ပါသည်။



ခပ်လှမ်းလှမ်းရှိ လမ်းမီးတိုင်လေးမှ အ၀ါရောင်မီးသီးကလေးက ညဥ့်နက်ချိန်မို့ထင်သည်။ တိုက်ခတ်နေ သော လေဒဏ်ကြောင့် တိုင်ထိပ်ဖျားတွင် ယမ်းခါနေခဲ့သော ဒန်မီးစလောင်းဖုံးလေး အောက်တွင် ပြည့်ဝစွာ လင်းဖြာနေခဲ့လေသည်။ သို့သော်လည်း ထိုအလင်းမှာ သူရပ်နေခဲ့သော ဒီလမ်းသွယ်လေးရဲ့နံဘေးက ကံ့ကော်ပင်ကြီးအောက်ကိုတော့ ၀င်ရောက်ထိုးဖောက်နိုင်စွမ်းမရှိနိုင်ခဲ့ပေ။ ခြံအပြင်ဘက်မှနေပြီး ဘေး တိုက်အနေအထားမှ “သူ”လှမ်းငေးနေမိခဲ့တဲ့ “သူမ”တို့ရဲ့ တစ်ထပ်အိမ်ပုပုလေးကတော့ မိုးချုပ် ညနက်ရီရီမှာ ငြိမ်သက်စွာ တိတ်ဆိတ်လျက် တစ်အိမ်လုံး မည်းမှောင်လျက်ရှိသော်လည်း အိမ်ရဲ့အရှေ့ ဆင်ဝင်အောက်မှာတော့ အပြာနုရောင် မီးပွင့်ငယ်ငယ်လေးတစ်ပွင့် မှုန်ဖျဖျလင်းနေခဲ့တာတွေ့ရ၏။ ထိုမီး ပွင့်လေးဆီမှ တစ်စွန်းတစ်စ ဖိတ်စင်ကျနေသော အလင်းတန်းတချို့က ခြံထဲရှိခုံတန်းလေးပေါ်တွင် တစ် ယောက်တည်း ထိုင်နေခဲ့သော “သူမ”ကိုဝိုးတ၀ါး မြင်တွေ့နေရစေလေသည်။ တဟူးဟူး တိုက်ခတ်နေ သောလေစီးကြောင်းများက ခြံထဲမှာရှိသည့် သစ်ပင်ကြီးငယ်များနှင့် “သူမ”ရဲ့ဆံပင်ရှည်ရှည်လေးများကို ၀ဲ ပျံကာ လူးလွန့်နေစေခဲ့၏။

“နင်... အိမ်ပေါ်တက်သင့်နေပြီ”.... အသံမဲ့စွာဖြင့် ထိုစကားတစ်ခွန်းကို သူ့ရင်တွင်းမှနေပြီး သူမကိုပြော လိုက်မိသည်။ နောက်... ‘အပြင်မှာ အရမ်းအေးနေတာ နင်မသိဘူးလား’...၊ ‘နင်ဘာတွေ တွေးနေတာလဲ’ ၊ ‘ဘာတွေဖြစ်နေတာလဲ’....စသည့် မေးခွန်းတွေကို ‘သူမ’ ကြားနိုင်မှာမဟုတ်တဲ့ ရင်ဘတ်အတွင်းပိုင်းကနေ စိုးရိမ်ပူပန်စွာ ဆက်တိုက် ‘သူ’အော်ဟစ်မေးနေမိခဲ့၏။ အဆက်မပြတ်ဆိုသလို တိုက်ခတ်နေသော လေ ဒဏ်ကြောင့် သူ့ခေါင်းပေါ်မှ ကံကော်ပင်ကြီးလည်း ယိမ်းထိုးနေခဲ့ရပြန်သည်။ ကံ့ကော်ရွက်များ အချင်းချင်း ပွတ်တိုက် ရိုက်ခတ်မိရာမှထွက်ပေါ်လာသော အသံတွေက သူ့နားထဲတွင် လိုအပ်တာထက်ပိုပြီး ဆူညံနေ ခဲ့သလိုလို....။

သူ ခေါင်းတစ်ချက် ယမ်းခါလိုက်မိသည်။ သွားစမ်းပါ...၊ ဒီဆူညံသံတွေကို ငါလက်မခံနိုင်တော့ပါဘူး...။ ညနေခင်းတုန်းကကြားခဲ့ရသည့် စကားလေးတစ်ခွန်းနဲ့တင် သူ့နားထဲ....၊ နောက် ရင်ထဲမှာပါ အခုထက်ထိ ဆူညံစွာပဲ့တင်ထပ်နေခဲ့ရတာ...။ ဟုတ်သည်...၊ အဲ့ဒီ စကားလေးတစ်ခွန်းကြောင့်သာပဲ သူအိပ်မရနိုင် အောင်ဖြစ်ခဲ့ရပြီး အသိအမှတ်မဲ့စွာ အိမ်မှထွက်လာခဲ့မိတာ...။ ပြီးတော့ မရည်ရွယ်မိစွာနဲ့ သူမတို့ အိမ်နား ကိုရောက်ခဲ့ရ....၊ နောက်တော့ သူမရဲ့အိမ်ကလေးကို (သူမ မသိနိုင်ခဲ့ပေမယ့်) သူငေးနေမိခဲ့ရ....။ ဒါပေ မယ့် အခုလိုမျိုးသူမကို ခြံထဲမှာတစ်ယောက်တည်း ဆင်းထိုင်နေတာ တွေ့ရလိမ့်မယ်လို့ သူလုံးဝထင်မှတ် မထားမိခဲ့ပါ....။

“ငါသူ့ကို အဖြေပြန်ပေးလိုက်ပြီ.... သိလား”....

ဒီစကားလေးကို သူပြန်ကြားယောင်လာမိပြန်သည်။ တဆက်တည်းမှာပဲ ရင်ဘတ်အတွင်းပိုင်း၊ ဟိုး... အ နက်ရှိုင်းဆုံးနေရာတစ်ထောင့်က အက်ကွဲနေခဲ့ရသလိုခံစားမှုက တစ်ကျော့ပြန်လာကာ အသစ်လို နာကျင် လာမိပြန်လေသည်။ သူသက်ပြင်းတစ်ချက်ကို ကြိတ်ရှိုက်မိပြန်၏။ ဘယ်နှစ်ကြိမ်မြောက် သက်ပြင်းရှိုက်မိ ခြင်းလည်း...ဟု ကိုယ့်ကိုယ်ကိုပင် မသိနိုင်တော့....။ ထိုစဉ်မိုးခြိမ်းသံသဲ့သဲ့ကို သူ့နားထဲကြားလိုက်ရသ လိုရှိသည်။ လျှပ်စီးတစ်ချက် ၀င်းကနဲအလက်တွင် ခေါင်းငုံ့ကာ ငြိမ်သက်နေခဲ့သော သူမရဲ့ခန္ဓာကိုယ်လေး အနည်းငယ်တုန်သွားသလို သူတွေ့လိုက်၏။ မိုးတွေချိမ်း...၊ လျှပ်စီးတွေလက်ပြီဆိုရင် ကြောက်တတ်သော သူမ...၊ အခုလို ညဥ့်နက်သန်းခေါင်အချိန်မှာ အပြင်ဘက်တွင် တစ်ယောက်တည်း…။

 “နင်ဘာတွေဖြစ် နေတာလဲ”.... ဟု သူမ ကြားနိုင်မှာမဟုတ်မှန်း သိရက်နဲ့သူ့ရင်တွင်းမှနေ ထပ်မေးမိပြန် သည်။ တစ်ကယ်ဆို အခုလိုမျိုးအချိန်မှာ နင်ပျော်နေရမှာလေ..၊ ညနေတုန်းကမှ နင်လောလောလတ်လတ် အဖြေပြန်ပေးလိုက်တဲ့ နင့်ချစ်သူ အသစ်စက်စက်နဲ့ နင်ဖုန်းပြောနေသင့်တာလေ...၊ဒါမှမဟုတ်ခဲ့သေး ရင် နင်သူ့အကြောင်းတွေတွေးပြီး အိပ်ယာထဲမှာ နွေးနွေးထွေးထွေးနဲ့နေနေသင့်တာလေ...။ သူ့ရင်ထဲမှ သူမ ကိုတိုက်တွန်းစကားတချို့ တီးတိုးဆိုနေမိ၏။ တကယ်ဆို သူမပျော်ရွှင်နေတာကိုပဲ သူမြင်ချင်ခဲ့တာ အခုမှမ ဟုတ်...။ အရင်ကတည်းက.....၊ ဟုတ်သည်.... ဟိုး.... အရင်ကတည်းက....။

~~~~@@@~~~~

သူ ဒုတိယနှစ်တုန်းက ရည်းစားထားတော့မယ်ဟု သူမကို အသိပေးစွာပြောခဲ့တုန်းက သူ့ရှေ့မှာတင် သူမငိုခဲ့ဖူးသည်။ သူက ‘ဘာဖြစ်လို့ငိုရတာလဲ’ဟု ချော့မော့စွာမေးခဲ့သောအခါတွင် သူမပြန်မဖြေခဲ့...။ သို့ သော်လည်း မျက်ရည်များကို လက်ခုံဖြင့် ခပ်ကြမ်းကြမ်းပွတ်သုတ်ရင်း ခေါင်းခါပြနေခဲ့သော သူမရဲ့ အငို မျက်နှာလေးကို သူ့ရင်ထဲမှ ဖျောက်ဖျက်ပစ်လို့မရနိုင်စွာဖြင့်ရှိခဲ့ရလေ၏။ ထို့ကြောင့် စိတ်ဝင်စားရုံသာ ဖြစ်ခဲ့ မိသော လေထဲကရည်စူးသူကို သူဆက်ပြီးမကြိုးစားမိခဲ့တော့...။ ဒါပေမယ့် သူမကတော့ နောက်ပိုင်း သူ နှင့်တွေ့တိုင်း‘နင့်ကောင်မလေးနဲ့ နင်အဆင်ပြေရဲ့လား’...ဟု မေးတတ်ခဲ့တာ၊ သူကလည်းပြီးစလွယ် ခေါင်းပြန်ငြိမ့်ပြတတ်ခဲ့ မိတာတွေက အခုလိုမျိုး အခြေအနေတွေကို ရောက်သွားလိမ့်မယ်လို့ သူလုံးဝမထင် ထားခဲ့မိတာအမှန်ပင်....။ တကယ်ဆို‘နင့်ကောင်မလေးကို နင်သိပ်ချစ်တာပဲလား’...ဟု သူမ မေးတိုင်း ‘သိပ် ချစ်တာပေါ့’...ဟု ပြန်ဖြေတတ်ခဲ့သော သူ့မျက်ဝန်းတွေကို သူမတစ်ယောက် နားလည်တတ်ခဲ့မိလျှင်....၊ အ ဓိပ္ပါယ်ဖတ်တတ်ခဲ့မယ်ဆိုရင်တော့... ။

သူပြန်မတွေးချင်တော့ပါ...။

သူမနှင့်အတူရှိနေခဲ့စဉ်အချိန်ခဏတာများမှာ ရင်ထဲက သူ့ခံစားချက်တွေက တစ်ဖြေးဖြေးနှင့် နူးညံ့၊ နောက် စည်းချက် မမှန်စွာမြန်ဆန်လာခဲ့ရတာတွေ...။ ဒါပေမယ့် သူမရဲ့စိတ်ထဲမှာ တွေးထင်နေခဲ့တာက သူ့မှာ ချစ်သူတစ်ယောက်ရှိနေနှင့်ခဲ့ပြီဆိုတာပင်။ ထို့ကြောင့် ရင်ထဲမှာရှိခဲ့တာတွေကို သူ့မှာဖွင့်ဟပြောဖို့ခက်ခဲ နေခဲ့ရသည်။ မရည်ရွယ်မိစွာဖြင့် ထိုအခြေအနေမှာ သူတွန့်ဆုတ်နေဆဲမှာပဲ အချိန်တွေက တစ်ရွေ့ရွေ့နဲ့ သူ့တို့နှစ်ယောက် အနားကနေ တိုးတိုးတိတ်တိတ်ဖြတ်သန်းသွားခဲ့ကြ...၊။

အရိပ်တစ်ကြည့်ကြည့်နဲ့ သူမဘေးနားမှာ ရှိနေခွင့်လေးနဲ့ပဲ သူရောင့်ရဲနေခဲ့တဲ့ ခဏတာများစွာရဲ့အလွန် မှာတော့ သူမမျှော်လင့်ခဲ့သော စကားလေးတစ်ခွန်းကို သူမပြောခဲ့လေတော့တာ...။ အရင်းနှီးဆုံး သူငယ် ချင်းတစ်ယောက် ပီသစွာ သူမ ဖွင့်ဟပြောပြခဲ့သော၊ သူမကို ချစ်ခွင့်ပန်ထားတာ ကြာမြင့်လှပြီဖြစ်သော သူမသိခဲ့တဲ့ လူစိမ်းတစ်ယောက်အကြောင်းနှင့် ထိုလူရဲ့ချစ်ခြင်းကို ပြန်လည်တုန့်ပြန်လိုက်ပြီဖြစ်သော သူမရဲ့ဆုံးဖြတ်ချက်တို့က သူ့ရင်ကို တစ်ငွေ့ငွေ့နဲ့လောင်ကျွမ်းစေခဲ့တာ အခုချိန်အထိ...။ ဘယ်တော့များမှ ငြိမ်းနိုင်မှာလည်းဟု သူရင်ထဲမှကြေကွဲစွာ ကိုယ့်ကိုကိုယ်မေးမိသည်။ တိုက်ခတ်နေသော မိုးသက်လေပြင်း ကြောင့် ကံ့ကော်ပင်ကြီးဆီမှ အရွက်တချို့က ညကြီးမင်းကြီးမှာ လွင့်ကြွေလာခဲ့၏။ ထိုအထဲမှ သက်တမ်း လွန်နေခဲ့သလား...၊ သက်တမ်းနုနေသေးခဲ့သလား ရေရာစွာ သူမသိခဲ့သော သစ်ရွက်ကလေးတစ်ရွက်က သူ့ပခုံးကို တို့ခတ်ကာ မြေပြင်ပေါ်ကိုကြွေဆင်းသွားခဲ့လေသည်။

လူမသိသူမသိကွဲရှသွားခဲ့ရသော သူ့နှလုံးသားတစ်စုံနှင့် အဖြစ်ချင်းတူနေခဲ့ရသလိုပဲ...ဟု သူတွေးမိ လိုက်ပြန်သည်။ “ငါနင့်ကို သိပ်ချစ်ခဲ့တယ်”....ဘယ်တော့မှ သူမ ကြားနိုင်မှာမဟုတ်တဲ့ စကားတစ်ခွန်းကို ဒီ တစ်ခါတော့ သူ့နှုတ်မှ (တစ်ကိုယ်တည်းကြားနိုင်ရုံ)တီးတိုးဆိုမိသည်။ ခါတိုင်းဆိုရင် သူရင်ထဲမှသာ တီးတိုး ဆိုနေခဲ့ရတာလေ...။ လေထုက ပိုမိုစိုထိုင်းလာခဲ့သည်။ ထို့နောက်တွင်တော့ အဝေးဆီမှ မိုးစက်များ၏ ပြိုဆင်းလာနေသော အသံများကို သူနားထဲမှာကြားလိုက်ရသည်။ သူ ကြားလိုက်သလို သူမလည်း ကြားမိ ဟန်တူသည်။ ဖြည်းညှင်းစွာဖြင့် နေရာမှ သူမထရပ်လိုက်တာကို တွေ့လိုက်ရ၏။ နောက်တော့ ဆံပင်လေး တွေ တလွင့်လွင့်ဖြစ်နေလျှက် အိမ်ထဲသို့ဝင်သွားသောသူမရဲ့နောက်ကျောလေးကို ညမီးရောင် လင်းဖျဖျ လေးရဲ့ အောက်မှာဆုံးရှုံးခြင်းများစွာဖြင့် သူငေးနေခဲ့မိသည်။ ရင်ဘတ်ထဲမှ ၀မ်းနည်းဆွေးမြေ့မှုတချို့ ကတော့ သူ့အတွက် ဘာနဲ့မှ နှိုင်းဆလို့ မရနိုင်ခဲ့စွာ လျှံတက်နေခဲ့ဆဲ...။

~~~~@@@~~~~

ထိုတစ်ညက သူရဲ့ အိမ်အပြန်လမ်းတွင် မျက်ရည်တို့က မိုးရေများနှင့် ရောယှက်၊ စွတ်စိုနေခဲ့တာ ဘယ်သူမှမသိနိုင်ခဲ့ပါ.....။                     ။

                                         ~~~~@@~~~~@@~~~~@@~~~~



ပုံလေးကို ဒီနေရာလေးက ယူသုံးတာပါခင်ဗျာ....။
=============================================================
ဟိုးအရင်တုန်းက လောကအလှ အွန်လိုင်းမဂ္ဂဇင်း မှာ သွားရေးထားတဲ့ဝတ္တုလေးပါခင်ဗျာ....။ စာမရေးနိုင်ခဲ့ ရလောက်အောင် ဘာတွေမှန်းမသိရှုပ်နေတဲ့ ကိစ္စတွေရယ်...။ Don Williams ရဲ့ Crying in the rain.ဆို တဲ့ သီချင်းလေးကို ပြန်နားထောင်မိနေတာရယ်....၊ မှိုတက်ခေါက်ဆွဲကို ကိုယ့်ဘာသာပြန်ကြည့်ရင်း စိတ်ကုန်တာရယ်...၊ နောက်ပြီး ဘလော့ဂ်လေးမှာ တစ်ခုခုတင်ချင်နေတာရယ်....စတာတွေ ပေါင်းပြီး ဆား ပြန်ချက်ထားတာပါခင်ဗျာ..။ ဖတ်ပြီးတဲ့ မောင်နှမတွေ ခဏလေးမသိချင်ယောင်ဆောင်ပေးကြပါခင်ဗျာ..း)) ခဏလောက်ထပ်ပျောက်နေဦးမလား ကိုယ်တိုင်တောင် မသေချာသေးပါဘူးခင်ဗျာ....။....:D
=============================================================

ချစ်ခြင်းအားဖြင့်.....

ဏီလင်းညို



Tuesday, May 11, 2010

ဆန်းကြယ်...




ဒီတစ်ပတ်တနင်္ဂနွေနေ့တွင်လည်း ကြားရက်တွေတုန်းက အမျှော်လင့်ကြီးမျှော်လင့်ထားခဲ့မိရသလို သူနားရက်မရခဲ့ပြန်ပါ။ ရှောင်လွှဲလို့မရနိုင်ခဲ့သောအကြောင်းပြချက်မျိုးစုံစုဝေးနေရာလုပ်ငန်းခွင်ဆီသို့သာ ခြေဦးတည်ခဲ့မိရပြန်ပါသည်။ “တနင်္ဂနွေ နေ့မှာ ငါအချိန်ပိုမဆင်းလို့ မရဘူးလား”.... ဟု သူမေးလိုက်တိုင်း၊ ညှိုးငယ်သော မျက်နှာထားအိုအိုဖြင့် “မဖြစ်လို့ပါကွာ” ဟု ပြန်ဖြေတတ်သော (ဦးလေးအရွယ်) သူ့ဘော့စ်ကို လွန်ဆန်ကာ ငြင်းပယ်ပစ်လိုက်ဖို့ သူ့မှာအင်အားလုံးဝမရှိခဲ့ရတာ အခါခါပင်...။ နောက်ပြီး... သူ့ဌာနမှာရှိ သည့်အခက်အခဲ၊ အကျပ်အတည်းများကို သိသိကြီးနှင့် မျက်စိမှိတ်ကာ နေလိုက်ဖို့ရာလည်း သူ့အတွက် မ ဖြစ်နိုင်ခဲ့ရပါ။ ထို့ကြောင့် အလုပ်သွားတိုင်း လွယ်သွားတတ်သည့် အိတ်စုတ်စုတ်လေး ကိုပခုံးထက်တွင် လွယ်ကာ ငိုက်စိုက်၊ ငိုက်စိုက်ဖြင့် အလုပ်ရှိရာစက်ရုံသို့ ဒီတစ်ပတ်တနင်္ဂနွေတွင်လည်း သူရောက်ခဲ့ရပြန်၏။

ဒီတနင်္ဂနွေနေ့တွင် မနက်ခင်းလေးကတည်းက ကောင်းကင်တွင် မိုးတိမ်မည်းမည်းတချို့ကအုံ့အုံ့ ဆိုင်းဆိုင်းနှင့်...။ ဖြစ်နိုင်လျှင် အိမ်ကကိုယ့်အခန်းကျဉ်းလေးထဲမှာသာ စာတွေဖတ်လိုက်၊ ရေးလိုက် လုပ်ချင်နေမိတာ သူ့ဆန္ဒအမှန်ပင်......။ နောက်ပြီး မသိမသာပင်ပန်းချင်နေပြီဖြစ်သော သူ့ခန္ဓာကိုယ်ကို အ နားပေးချင်မိနေတာလည်း အမှန်...။

~~~~@@~~~~

စက်ရုံတွင်အလုပ်လုပ်ရင်း နေ့လည် ၁၂နာရီ ထမင်းစားချိန်အရောက် ကင်(န်)တင်းကိုသူဆင်းခဲ့လေ တော့ ကောင်းကင်တွင် မိုးတိမ်မည်းများက ဟိုဒီရွေ့လျှားလျှက်...၊ နောက် မိုးသက်လေပြင်းများက တဟူး ဟူးတိုက်ခတ်နေခဲ့ကြပြန်၏။ ဒီနေ့ တနင်္ဂနွေနေမို့ စက်ရုံတွင်ရှိသည့် (အရေးကြီးသော) ဌာနတချို့သာ အ လုပ်ဆင်းရတာမို့ လူနည်းနည်းလေးသာ အလုပ် ဆင်းသည့်အတွက် ကင်(န်)တင်းတွင် ခါတိုင်းပုံမှန်ရောင်း နေကျ ထမင်းရောင်းသူမလာပါ...။ သို့သော်လည်း ကိစ္စမရှိ...။ ဒီလိုနေ့မျိုးတွင် ကိုယ်စားချင်သည့် အစားအ သောက်ကို အပြင်တွင် သွားဝယ်ပေးတတ်သော သူငယ်ချင်းတစ်ယောက်ယောက်ကို မှာလိုက်ရုံသာ...။ နေ့ခင်း၊ နေ့ခင်းနေ့လည်ပိုင်းများတွင် ထမင်းကြော်၊ ခေါက်ဆွဲကြော် စသည်တို့ကို မစားချင်သည့်အတွက် ရိုးရိုးထမင်းနှင့် ဟင်းတစ်ခုခုသာဝယ်လာပေးဖို့ သူမှာမိသည်။

ကင်(န်)တင်းကို သူရောက်ခဲ့တော့ အချို့သူငယ်ချင်းများ၊ လုပ်ဖော်ကိုင်ဖက်များက စားပင်နေကြလေပြီ....။

ထမင်းသွားဝယ်ပေးခဲ့သော သူငယ်ချင်းကို ကျသင့်ငွေပေးပြီး သူ့အတွက်ဝယ်လာသည့်ဖော့ထမင်း ဘူးလေးကိုယူ...၊ နောက် (ကင်(န်)တင်းလေးတွင် လူရှင်းနေပါလျှက်) ချောင်ကျကျနေရာရှိစားပွဲလေးတွင် ဖုန်းအစုတ်လေးမှ သူသိပ်ကို နှစ်သက်လွန်းသော သီချင်းတစ်ပုဒ်ကို ခပ်တိုးတိုးလေးဖွင့်....၊ ရေဘူးလေးကို အနားမှာချရင်း ထမင်းစားဖို့ သူပြင်မိသည်။

ဖော့ထမင်းဘူးလေးကို ဖွင့်ကြည့်လိုက်မ်ိတော့ သက်ပြင်းတစ်ချက် သူရှိုက်မိ၏။ ဖော့ထမင်းဘူးလေးထဲတွင် ဘာအရွက် ကိုကြော်ထားမှန်းမသိသော အရွက်ကြော်မကျက်တစ်ကျက် အနည်းငယ်...၊ ပင်လယ်ငါးကြော် ခပ်ပျော့ပျော့ တစ်ကောင်နှင့်အတူ၊ အလတ်စားဆန် (ဆန်စေ့ခပ်တိုတိုလေးများနှင့်)ချက်ထားသော ဆိုင် ချက် ထမင်းဖြူဖြူလေးများသာ....။ အခြား ဘာဆို... ဘာမှမပါ...။

“ဘာမှရွေးချယ်စရာမရှိသော အခြေအနေတစ်ခုတွင် ဇီဇာကြောင်နေဖို့အတွက် အခွင့်မရှိ ”... ဟု  ယူဆခဲ့ထားမိသော သူ့အ တွေးအတိုင်း ထိုထမင်းဘူးထဲမှ ထမင်းဟင်းများကို ၀င်သလောက်စားဖို့ သူဆုံးဖြတ်လိုက်၏။ ဟင်းရွက်ကြော်ကို အနည်းငယ်ခပ်စားကြည့်မိတော့ (သူအလွန်မုန်းလှသည့်) အနံ့ပြင်း လွန်းသော ကြက်သွန်ဖြူအနံ့များမွှန်နေသည်မို့ ဟင်းရွက်ကြော်ကို မစားတော့ဖို့ဆုံးဖြတ်လိုက်ရင်း.... ဘေး သို့တွန်းဖယ်လိုက်မိသည်။ ထို့ကြောင့် ငါးကြော်နှင့်ထမင်းသာစားတော့မည်... ဟု တွေးရင်း ငါးကြော်ကိုဇွန်း နှင့်ထိုးကြည့်မိတော့ ပင်လယ်ငါးကြော်က ပျော့စိစိနှင့်....။ ထုံးစံအတိုင်း ငါးကြော်မှ အသားတချို့ကို ဇွန်းနှင့် အနည်းငယ်ဖဲ့ရင်း ခြေထောက်နားမှာ အစာလာတောင်းနေသော (သူချစ်သည့်) ကြောင်ကလေးများကို အ ရင်ချကျွေးရင်း သူပါနည်းနည်းမြည်းကြည့်မိတော့ ငါးကြော်က လုံးဝမကျက်ပါ...။ ညှီစို့စို့နှင့်၊ ပြုတ်ထားတာ ထက်နည်းနည်းပဲသာမည် သူထင်ပါသည်။ သို့သော်လည်း ကြိုးစားပြီးစားရန် ဆုံးဖြတ်ပြီးထားတာမို့ ငါးကြော်ကို အနည်းငယ်ဖဲ့ရင်း ထမင်းတစ်ဇွန်းခပ်ကာ သူစားလိုက်မိသည်။ ပါးစပ်ထဲတွင် သူဝါးလိုက်မိသော ထမင်းတစ်လုပ်က လုံးဝမနပ်ပါ။ သေသေချာချာ သူကြည့်မိတော့ ထမင်းဘူးထဲမှ ထမင်းတချို့က ဆန်စေ့သိပ်မပျောက်၊ ပြောရမယ်ဆိုလျှင် လုံးဝမနပ်...။

အားတင်းပြီး....... သူဆက်စားမိတော့ နှစ်လုပ်၊ သုံးလုပ်ထက် ပိုမ၀င်နိုင်တော့ပါ...။ ထို့ကြောင့် ထမင်းဘူး လေးကို (၀ယ်လာပေးသော သူငယ်ချင်း ကင်(န်)တင်းမှမထွက်ခင်အထိ ဒီအတိုင်းဖွင့်ထားကာ အချိန်ဆွဲနေပြီးမှ) သူ အမှိုက်ပုံးထဲထည့် လိုက်မိတော့သည်။ ဆက်စားဖို့ လုံးဝမဖြစ်နိုင်တော့တာမို့ပင်ဖြစ်ပါ သည်။

တစ်ခါတစ်ရံတွင် အဆင်မပြေဖြစ်စရာ အခြေအနေနှင့်အကြောင်းတရားများသည် မယုံကြည်နိုင် လောက်အောင်ပင်တိုက် ဆိုင်နေတတ်ပါသည်။

~~~~@@@~~~~

နေ လေးနာရီလောက်ကျတော့ သူ့အစာအိမ်က မခံမရပ်နိုင်လောက်အောင် ဆာလောင်လာလေ တော့၏။ အလုပ်လုပ် နေရတာလည်း အားမရှိတော့သလိုပင်...။ ထို့ကြောင့် ညနေ လေးနာရီခွဲ လက်ဖက် ရည်သောက်ဆင်းချိန်တွင် ကင်(န်)တင်းရှိ အကြွေစေ့ထည့်ကာ ၀ယ်ရသောခေါက်ဆွဲ ခြောက်ဘူးရောင်း သည့်စက်မှ ခေါက်ဆွဲခြောက်ဘူးတစ်ဘူး သူဝယ်မိ၏။ အကြွေစေ့အားလုံးပေါင်း မလေးရှားရင်းဂစ် တစ်ကျပ် နှင့်ပြားခုနှစ်ဆယ်တိတိပင်...။ (ပြားခြောက်ဆယ်တန် နက်(စ်)ကော်ဖီ သုံးခွက်လောက် ကော်ဖီစက်မှနေပြီးဝယ်သောက် လို့ရပါသည်၊။း))


အကြွေစေ့ထည့်...၊ သူစားချင်တဲ့ ခေါက်ဆွဲအမျိုးအစားပုံလေး ပြ ထားသောနေရာလေးမှ ခလုပ်ကလေးကိုနှိပ်လိုက်တော့ ‘ဂလုံး’ ဆိုသော မြည်သံလေးနှင့်အတူ ခေါက်ဆွဲခြောက်ဘူး လေးပြုတ် ကျလာသံက သူ့နားထဲတွင်ချိုမြိန်လွန်းလှနေခဲ့ရသလိုလို....။ အ လောတကြီးနှင့် ခေါက်ဆွဲခြောက်ဘူးလေးကို ဖွင့်...၊ သူ့ထုံးစံအ တိုင်း အရသာအထုတ်ကလေးကို ဘေးဖယ်ရင်း ကင်(န်)တင်းရှိ ရေပူ၊ ရေအေးစက်လေးမှ ရေပူခလုပ်ကိုဖွင့်ရင်း ဘူးထဲမှခေါက် ဆွဲခြောက်များကို နှစ်ခါဆေးမိ၏။ နောက်... အရသာအထုတ် လေးကိုဖောက်ထည့်ရင်း ဘူးထဲမှာအသင့်ပါသည့် ကော်ခက် ရင်းလေးနှင့် မွှေနှောက်ကာအဖုံး ပြန်ပိတ်၊ သုံးမိနစ်လောက် သူ စောင့်.......။

နောက်တော့ ပူပူနွေးနွေး ခေါက်ဆွဲပြုတ်ကို ကော်ခက်ရင်း လေး ဖြင့် သူခပ်စားမိသည်။ များသောအားဖြင့် ခေါက်ဆွဲပြုတ်ကို သိပ်မစားဖြစ်ပေမယ့် ဒီတစ်ခါစားလိုက်ရသော ခေါက်ဆွဲပြုတ်ရဲ့အရသာက သူ့ပါးစပ်ထဲတွင် ချိုမြိန်လွန်းလှစွာ...၊ အရသာရှိလွန်းလှစွာဖြင့်...။ ခေါက် ဆွဲပြုတ်များကိုခပ်စားရင်း တစ်ခါတစ်ခါ ဘူးထဲမှ ခေါက်ဆွဲပြုတ်ရည်များကိုပါ မော့လို့ သောက်မိပြန်သည်။ စိတ်ထဲမှနေ အရသာရှိလိုက်တာ.... ဟုထင်မိလိုက်တာလည်း အခါခါ....။

တစ်ယောက်တည်း မြိန်ယှက်စွာစားနေရင်း ခေါက်ဆွဲပြုတ်ဘူးလေးကုန်ခါနီး (သုံးပုံတစ်ပုံပျော့ပျော့ လောက်သာကျန်နေတော့သည့်)အချိန်တွင် ကင်(န်)တင်းကို အနည်းငယ်နောက်ကျမှဆင်းလာသော သူ ငယ်ချင်းညီလေးတစ်ယောက် ရောက်လာသည်။ နောက်... သူ့နံဘေးတွင်ဝင်ထိုင်ရင်း...... မေး၏။

“အစ်ကိုကြီး..... ခေါက်ဆွဲခြောက်ဘူးက အိမ်ကယူလာတာလားဗျ”.......

“မဟုတ်ပါဘူးဗျာ....၊ ဟိုစက်ကနေ၀ယ်ထားတာ...၊ ဘာတုန်း...... မင်းစားချင်လို့လားကွ...၊ အစ်ကို့မှာ အ ကြွေစေ့တွေရှိသေးတယ်”.......

ခေါက်ဆွဲခြောက်ဘူးဝယ်ခဲ့သော စက်ကို မေးငေါ့ပြရင်း သူပြန်မေးမိတော့ ထိုညီလေးက ခေါင်းယမ်းပြ သည်။ ‘မစားချင်ပါ ဘူး အစ်ကိုကြီးရာ’..... ဟုပြောရင်း.... သူ့ရှေ့မှ စားလက်စခေါက်ဆွဲခြောက်ဘူးလေးကို ယူပြီး.. ဖင်မြှောက်ကြည့်လေ၏။ နောက်... သူ့ကို ပြရင်းပြောသည်။

“တွေ့လား... အစ်ကိုကြီး....၊ ဒီစက်ထဲက ခေါက်ဆွဲခြောက်ဘူး တချို့က expire ဖြစ်နေတာဗျ....။ အဲ့ဒါ ကြောင့်မို့လို့ အစ်ကိုကြီးကို အိမ်ကယူလာတာလားလို့ မေးကြည့်တာ”......

ထိုညီလေးပြောမှပင် သူသေချာကြည့်မိတော့သည်။ ဟုတ်၏။ ခေါက်ဆွဲခြောက်ဘူးလေးဖင်တွင်ပါသည့် နောက်ဆုံးစား သုံးသင့်သည့်ရက်စွဲသည် (အခုလက်ရှိရက်နှင့်တွက်ကြည့်လျှင်) နှစ်လလောက် လွန်နေခဲ့ လေပြီ......။ နမော်နမဲ့နိုင်လွန်း လှသောကိုယ့်အဖြစ်ကို ရှက်ကိုးရှက်ရှက်ကန်းဖြစ်ကာ ကယောင်ကတမ်း ဖြင့် ခေါက်ဆွဲကို နည်းနည်းထပ်ခပ်စားမိပြန်၏။ ခေါက်ဆွဲခြောက်ဘူးလေးအတွင်းမှ ခေါက်ဆွဲပြုတ်ပူပူ နွေးနွေးလေးများရဲ့အရသာက မပြောင်းလဲသေး....။ သူ့ပါးစပ်တွင်း ကောင်းနေဆဲပင်.....။ သို့သော်.......

~~~~@@@~~~~

“လူတို့၏ စိတ်သည် ဆန်းကြယ်လွန်းလှသည်”.....ဟု သူထင်မိ၏။ စောစောက စားနေခဲ့မိသော ခေါက်ဆွဲပြုတ်၏ဇစ်မြစ်ကို မသိခင်အချိန်အထိသူ့စိတ်ထဲတွင် ဘာခံစားချက်မှမရှိပဲ နှစ်သက်စွာ စားသုံးနေ ခဲ့မိသေး၏။ သို့သော် သက်တမ်းလွန်နေ၍ မကောင်းမှန်း၊ မစားသင့်တော့မှန်း သိသည့်အချိန်တွင် (မိနစ် ပိုင်းမျှသာခြားနားခဲ့သည့်အချိန်တွင်) အရသာခြင်းတူနေခဲ့ပါလျှက် သူ့စိတ်ထဲတွင် မယုံကြည်တော့သလို လို....။ နောက်.... ခေါက်ဆွဲပြုတ်ရဲ့နေရာတွင် အခြားသက်ရှိ၊ သက်မဲ့များ၏ အနေအထား၊ အမူအကျင့်၊ စိတ်နေစိတ်ထား... စသည်တို့ကို (သူ့ထုံးစံအတိုင်း) အစားထိုးကာ မြင်ယောင်ကြည့်မိရင်း ခြေလှမ်းများက သူနှင့်မနီးမဝေးရှိ အမှိုက်ပုံးဆီသို့ ဦးတည်နေခဲ့မိတော့လေသည်။ အရသာကောင်းနေသေးသော်လည်း ဆက်မစားဖြစ်တော့သော (ဆက်စားဖို့ မဖြစ်နိုင်တော့သော၊ ဆန္ဒမရှိတော့သော)လက်ကျန်ခေါက်ဆွဲ ခြောက်ဘူးလေးအား....... အမှိုက်ပုံးထဲသို့ ထည့်ပြီးလွှင့်ပစ်လိုက်ရန် အတွက်သာ.......။         ။

                         ~~~~~@@@~~~~~@@@~~~~~@@@~~~~~

==============================================================
တစ်ကယ်ကြုံခဲ့၊ တွေးမိခဲ့ရတဲ့ အဖြစ်လေးပါ......။playerမှာတင်ထားတဲ့ ဆရာထီးရဲ့ “တစ်ယောက် သောသူအနမ်း”ဆို တဲ့သီချင်းလေးက အဲ့ဒီနေ့က နားထောင်ဖြစ်ခဲ့တဲ့သီချင်းလေးပါပဲခင်ဗျာ......း)) အိမ် သိပ်မလည်ဖြစ်နိုင်ခဲ့ရပဲ ပျောက်နေမိလို့ အားလုံးကို သတိရနေမိပါတယ်......။ ပုံလေးကတော့ ကျွန်တော် ခေါက်ဆွဲဘူးဝယ်ခဲ့တဲ့ ကင်(န်)တင်းက စက်လေးပါ...။
==============================================================

ချစ်ခြင်းအားဖြင့်........

ဏီလင်းညို


Saturday, May 1, 2010

အဖြေ




ဝင်လုဆဲဆဲနေရောင်ခြည်တန်းများက ကန်ရေပြင်ထက်တွင်ဖျော့ဖျော့ရီမှုန်စွာ ကျဆင်းနေခဲ့လေသည်။ တစ် သုန်သုန်တိုက်ခတ်နေခဲ့သော လေပြေညင်းများကမူ ကန်ရေပြင်ကိုဖြတ်သန်းတိုက်ခတ်လာ ခဲ့ရသောကြောင့် အေးမြနေခဲ့၏။ ထို့အတူ ကန်ဘောင်အစပ်တွင် ၀င်ခါနီးနေလုံးကြီးကို ရပ်တန့်ကာ ငြိမ်သက် ငေးမောနေမိ သော သူနှင့်သူမတို့ရဲ့ အ၀တ်များကိုလည်း တစ်ဖျတ်ဖျတ်လှုပ်ခါနေစေခဲ့လေ သည်။ သူမရဲ့ ဆံပင်ရှည်ရှည် လေးများကတော့ လေထဲတွင် တစ်လွင့်လွင့်ဝဲပျံလျှက်....။


“နေ၀င်ကာနီးအချိန်က လှလိုက်တာနော် မောင်”...

နံဘေးမှ သူမရဲ့စကားကိုထောက်ခံစွာ အသာ အယာပြုံးရင်း သူခေါင်းငြိမ့်ပြလိုက်မိသည်။ နောက် သူမဖက်ကိုငဲ့ကြည့်မိတော့ သူမရဲ့မျက်နှာလေးက ကန်ရေပြင်၏ ဟိုးအဝေးဖက် တစ်နေရာဆီကို ငေးမောနေဆဲပင်...။ စောစောက သူပြုံးကာခေါင်း ငြိမ့်ပြလိုက်သည်ကိုပင် သူမ မြင်ပုံမရပါ...။ ထို့ ကြောင့် နှုတ်မှအသံထွက်ကာ သူ ထပ်ပြောလိုက်မိ သည်။

“အင်း..... ဟုတ်ပါတယ်ဗျာ...၊ သိပ်လှတာပဲ”......

သူ့စကားကြောင့် သူမက လှည့်မကြည့်သေးပဲ ခေါင်းငြိမ့်ပြ၏။ ထို့နောက်......

“ဒါပေမယ့်လည်း.... မောင်ရယ်”.......

“ဒါပေမယ့်.... ဘာဖြစ်လို့လဲဗျာ”.......

စိုးရိမ်စွာမေးလိုက်မိသော အမေးစကားကြောင့် သူမမျက်နှာလေးက သူ့ဖက်ကိုလှည့်လာသည်။ နောက်တော့ နှုတ်ခမ်းလေးများသာမက မျက်ဝန်းလေးများပါ ရီဝေ၊ နူးညံ့စွာပြုံးရင်း.....

“စကားပြောတိုင်း.... အဲ့ဒီလို ဗျာ.... ဗျာ... နဲ့ ထည့်ပြောတတ်တဲ့မောင့်ကို.....၊ ကျွန်မ သိပ်ချစ်တဲ့ မောင့်ကို ဒီ လိုတစ်ယောက်တည်းထားရစ်ခဲ့ရပြီး ကိုယ့်အိမ်ကိုယ်ပြန်သွားရတာ..... ၀မ်းနည်းလွန်းလို့ပါ”......

သူ့ရင်ထဲတွင် အပြာရောင်မြစ်ကလေးတစ်စင်း ကန့်လန့်ဖြတ်စီးဆင်းသွားသလိုခံစားလိုက်ရ၏။ သူ့နှုတ်ခမ်းအ စုံသည်လည်း ပြုံးနေမိလိုက်သည်။ သို့သော်..... သူမကိုယ်သူမ ‘ကျွန်မ’ ...ဟု နာမ်စားသုံးတတ်ပြီး၊ သူ့ကို ‘မောင်’... ဟု မြတ်မြတ်နိုးနိုးခေါ်တတ်သော သူမကိုလည်း ခုလိုအိမ်ပြန်ချိန်များတွင် တစ်ယောက်တည်း အိမ် ပြန်လွှတ်လိုက်ရတိုင်း သူ့ရင်ထဲမှာ ခပ်ဖွဖွ၊ ဆွေးမြမြဖြစ်ကျန်ရစ်နေခဲ့ရမြဲဆိုတာကို ပြောပြမနေဖြစ်တော့ပါ...။ သူနှင့် သူမတို့နှစ်ယောက် နီးစပ်နိုင်ဖို့ရာ သူကြိုးစားနေခဲ့တာ အချိန်နဲ့ အမျှပါပဲဖြစ်ပါသည်။ တစ်ခွန်းတော့ သူ ပြန်ပြောဖြစ်မိ၏။

“မောင်လည်း..... အတူတူပါပဲဗျာ”......

သူ့စကားကြောင့် မျက်လုံးလေးများ ရွှန်းလဲ့ရီဝေစွာဖြင့် သူမက စိုက်ကြည့်နေလေ၏။ နောက် သူ့လက်ဖ၀ါး တစ်ဖက်ကို ခပ်ဖွဖွဆွဲကိုင်လိုက်ရင်း.....

“မောင်..... ကျွန်မက ချောရဲ့၊ လှရဲ့လားဟင်”.....

မထင်မှတ်ထားသောမေးခွန်းကြောင့် ဟက်ခ,နဲတစ်ချက် သူရယ်လိုက်မိတော့ ရှက်သွေးရိပ်တချို့ သူမ မျက် နှာပေါ်တွင် ပေစွန်းသွားတာတွေ့လိုက်ရသည်။

“ဒီမေးခွန်းကို ဘာလို့မေးရတာလည်းဗျာ”.....

ပြန်မေးလိုက်သော သူ့စကားကြောင့် သူမက ခေါင်းကို ညင်သာစွာ ရမ်းခါသည်။ လေထဲတွင် သူမရဲ့ဆံပင် လေးတွေ ပိုလို့ မျောလွင့်ပါသွားပြန်လေ၏။

“ဟင့်အင်း..... ဖြေပါမောင်ရဲ့....၊ ကျွန်မက ချောရဲ့၊ လှရဲ့လားလို့”.....

“ဟင့်အင်း”......

ခေါင်းယမ်းကာ သူပြန်ဖြေလိုက်မိတော့ သူမရဲ့မျက်နှာလေးက နေထိပန်းလေးတစ်ပွင့်လို နွမ်းခ,နဲဖြစ်သွားရ သည်။ ဒါကို သူမြင်သော်လည်း မျက်နှာလွှဲလိုက်ရင်း ကန်ရေပြင်ဖက်ဆီကို မျှော်ငေးကာ ကြည့်နေမိလိုက်၏။ တစ်ကယ်လည်း သူ မညာပါ...။ အမှန်အတိုင်းဖြေခဲ့လိုက်မိခြင်းသာ...။

“ကျွန်မနဲ့ရော.... အတူတူမနေချင်ဘူးလားဟင်... မောင်”.......

“ဟင့်အင်း”......

သူမမျက်နှာကို လှည့်မကြည့်သေးပဲ နှုတ်မှအသံထွက်ကာ ခေါင်းယမ်းရင်း သူပြန်ဖြေမိပြန်သည်။ သူ့ပြန်ဖြေ သံအဆုံးတွင် စောစောကတည်းက လေတိုးသံသဲ့သဲ့မှလွဲပြီး တိတ်ဆိတ်နေခဲ့လေသောပတ်ဝန်းကျင်မှာ ပိုမို တိတ်ဆိတ်လို့သွားသည်ထင်ရ၏။ အချိန်အတော်ကြာတဲ့အထိ သူမဆီကနေ ဘာစကားသံမှထပ်ထွက်မလာ ခဲ့တာမို့ မျက်နှာကို သူမရှိရာဖက်သို့ လှည့်လိုက်မိသည်။ သူမြင်လိုက်ရသော သူမရဲ့မျက်နှာလေးပေါ်တွင် အ နီရောင် နှုတ်ခမ်းလေးများက တစ်ဆတ်ဆတ်တုန်ယင်လှုပ်ရှားစွာ...၊ နောက်... မျက်ဝန်းဝိုင်းဝိုင်းလေးရဲ့အ ခြေတွင်လည်း ငွေ့ရည်ဖွဲ့ကာ နီမြန်းစွတ်စိုစ,ပြုနေခဲ့လေပြီ....။ သူ သက်ပြင်းတစ်ချက်ကြိတ်ရှိုက်လိုက်ရင်း သူမကို ငေးကြည့်နေမိဆဲခဏ......

“ကဲ.... ဒါဆို မောင့်ဘ၀ထဲကနေ ကျွန်မ အပြီးအပိုင် ကျောခိုင်းထွက်ခွာသွားခဲ့မယ်ဆိုရင်ရော... မောင် ငိုမှာ လား”......

“ဟင့်အင်း..... ဗျာ”......

သူ့ရဲ့ ခပ်ပြတ်ပြတ်ငြင်းဆန်စွာ ပြန်ဖြေလိုက်သံအဆုံးတွင် သူမ၏မျက်ဝန်းအခြေမှာ ခိုတွယ်နေခဲ့လေသော မျက်ရည်စက်တချို့ ပါးပြင်ပေါ်ကိုလျှောခ,နဲ လိမ့်ဆင်းသွားတာ တွေ့လိုက်ရသည်။ သူ့ရင်ထဲတွင် ဆစ်ခ,နဲ တစ်ချက်နာသွားသလိုပင်....။ ထို့ကြောင့် သူတစ်ခုခုထပ်ပြန်ပြောဖို့ ကြိုးစားနေလိုက်မိဆဲခဏတွင် သူမက သူ့ကိုကျောခိုင်းလိုက်သည်။ နောက်... ရှေ့တည့်တည့်မှ သူနှင့်ဆန့်ကျင်ရာအရပ်ဆီသို့ ဦးတည်ကာ ခပ်ဖြည်း ဖြည်း ညင်သာစွာ လှမ်းလျှောက်သွားနေလေတော့၏။ ‘သူမ တစ်ကယ်ပဲ အိမ်ပြန်တော့မှာလား’....။ ရင်ထဲမှ နေတွေးလိုက်မိသည်။ စိတ်ထဲမှနေပြီးတော့လည်း သူမရဲ့ခြေလှမ်းတွေကို လိုက်ရေတွက်နေမိခဲ့၏။ တစ်လှမ်း ......၊ နှစ်လှမ်း.....၊ သုံးလှမ်း.....။

ဒီနေ့ညနေခင်းလေးအတွက် သူနှင့်သူမတို့ရဲ့နှုတ်ဆက်စွာ အိမ်ပြန်ချိန်လေးကို ဒီလိုနည်းမျိုးနဲ့ အဆုံးသတ်ပစ် လိုက်ရတော့မှာလား.... ဟုလည်း တွေးမိပြန်သေး၏။ မဖြစ်နိုင်ပါ.....။ လုံးဝကို သူ့အတွက် မဖြစ်နိုင်ခဲ့ပါ...။

အတွေးနှင့်အတူ သူ့ရဲ့ခပ်သွက်သွက် ခြေလှမ်းများက သူမနောက်ဆီကို လိုက်နေမိခဲ့တော့သည်။ သိပ်မကြာခင် ခဏလေးအတွင်းမှာပင် သူမကို မှီလာခဲ့သည်။ နောက်ဖက်မှနေပြီး သူမရဲ့လက်ကလေးတစ် ဖက်ကို ညင်သာစွာ သူလှမ်းဆွဲကိုင်လိုက်တော့ လှမ်းနေဆဲသူမခြေလှမ်းလေးတွေ ခဏတန့်သွားရသည်။ နောက်တော့ ရှေ့ဆက်လျှောက်နေပြန်၏။

လက်ကလေးကို လွှတ်မပေးသေးပဲ သူမဘေးမှနေကျော်တက်လိုက်ပြီး အရှေ့တွင် သူပိတ်ရပ်လိုက်တော့ သူ မရဲ့ခြေလှမ်းလေးတွေ ရပ်တန့်သွားရတော့သည်။ သူသိပ်မြတ်နိုးတွယ်တာလွန်းရသော သူမရဲ့မျက်နှာ လေး ကို ကြင်နာ သနားခြင်းများစွာဖြင့် ငေးကြည့်မိလိုက်တော့ မျက်ရည်တွေက သူမရဲ့မျက်ဝန်းတွေထဲမှာ၊ ပါးပြင် ပေါ်မှာ... နေရာအနှံ့ သိပ်သည်းစွာနေရာယူထားကြတာ တွေ့ရ၏။

သူ လုံးဝမကြည့်ရက်တော့ပါ.....။ လက်ထဲမှ သူမရဲ့လက်ဖ၀ါးလေးကိုအပေါ်သို့ အသာအယာမြှောက်ယူခဲ့ လိုက်ပြီး လက်ဖမိုးလေးကို သူ့နှုတ်ခမ်းအစုံဖြင့် ခပ်ဖွဖွ၊ ထိသည်ဆိုရုံမျှလေး တို့ထိစွာ သူနမ်းရှိုက် လိုက်မိလေတော့သည်။ သူ့အပြုအမူကြောင့် သူမက ခေါင်းလေးကိုအသာယမ်းရင်း ‘ဟင့်အင်း’... ဟု နှုတ်မှ နေ မပီဝိုးတ၀ါးညည်းညူစွာ ငြင်းဆန်လေတော့သည်။ နောက် သူ့လက်ထဲမှ သူမလက်ဖ၀ါးလေးကို အတင်းရုန်းထွက်ရင်း ‘ဖယ်ပါတော့..... မောင်ရယ်.....၊ မောင် ကျွန်မကိုမချစ်တာ ဒီနေ့ အသေချာဆုံးပါ ပဲ’.... ဟု ဖျော့တော့ဝမ်း နည်းစွာ တုန်ခါသံဖြင့် ဆို၏။

ထို့ကြောင့် ရုန်းနေသောသူမလက်ကလေးကိုလွှတ်မပေးပဲ သူ့ရင်ဘတ်တစ်ဖက်ခြမ်းပေါ်တွင် အသာကပ်တင် ထားလိုက်မိရင်း.....

“မောင်က.... မင်းကို မချစ်ဘူဆိုတာ...... ဘယ်သူကများပြောခဲ့သလဲဗျာ”........

ခံစားချက်များစွာဖြင့်တုန်ခါနေခဲ့သော အသံနှင့်၊ သူ့ရင်အုံအောက်မှလှိုင်းထနေခဲ့သော နှလုံးခုန်သံတို့ကို အ ကြားအာရုံနှင့်၊ လက်ဖ၀ါးတို့မှနေတစ်ဆင့်အတိုင်းသား သူမ သိမြင်ခံစားနေနိုင်ပါသည်။ သူမ သိပ်မရုန်းတော့ ပဲ ကျိတ်ရှိုက်ကာ ငိုနေလေတော့သည်။ နောက် သူမရဲ့ ခေါင်းကလေးကိုလည်း ငုံ့နေရင်း မှနေ တွင်တွင်ခါနေ၏။ သူမကို မြတ်နိုးကြင်နာလွန်းရစွာ ငုံ့မိုးကြည့်ရင်း နူးညံ့စွာ သူပြောမိတော့၏။

“သာမန်ယောက်ျားတစ်ယောက်ဖြစ်တဲ့မောင်က သာမန်မိန်းမဖြစ်တဲ့မင်းကို ချစ်တဲ့စိတ်၊ မြတ်နိုးတဲ့စိတ် သက် သက်နဲ့ပဲ ချစ်ခဲ့တာပါဗျာ....။ မင်းဟာ..... မောင်နဲ့ ချစ်ပြီးတဲ့နောက်မှာ အခုရှိနေတဲ့ သာမန်အလှလေး အကြောင်းတစ်ခုခုကြောင့် ပျက်စီး၊ ချွတ်ယွင်းသွားရင်တောင်မှ မောင်က ဆက်ချစ်နေဦး မှာပါပဲ...။ ပြီးတော့ မင်းက မောင့်မျက်စိထဲမှာသာ ချစ်လို့ လှနေတာလေဗျာ....။ အဲ့ဒါကြောင့် မင်းက ချောရဲ့၊ လှရဲ့လားလို့ မေးခဲ့တဲ့ အချိန်မှာ မောင်က ‘ဟင့်အင်း’... လို့ ဖြေခဲ့တာပါပဲဗျာ”.......

သူ့စကားအဆုံးတွင် ငုံ့နေခဲ့သော သူမက မော့ကြည့်သည်။ သူ သိပ်ချစ်ရသော သူမရဲ့မျက်ဝန်း ၀ိုင်းဝိုင်း လေးတွင် မျက်ရည်စတချို့က ခိုသီနေခဲ့ကြဆဲ......။

“နောက်ပြီးတော့ မင်းနဲ့အတူမနေချင်ဘူးဆိုတဲ့ အဓိပ္ပါယ်နဲ့ ဖြေခဲ့တာမဟုတ်ရပါဘူးဗျာ....။ မင်းနဲ့အတူ နေခွင့် ရတာပဲဖြစ်ဖြစ်၊ အတူနေခွင့် မရတော့တာပဲဖြစ်ဖြစ်၊ မောင်ဟာ မင်းကိုစ,တွေ့ကတည်းက၊ မင်းနဲ့ ချစ်ခွင့်ရပြီး ကတည်းက မင်းအတွက် အမြဲတမ်း အသက်ရှင်နေထိုင်သွားဖို့ ဆုံးဖြတ်ပြီးသားမို့ပဲလေဗျာ”.....

ပြောရင်း. သူမကို ထပ်မံငုံ့ကြည့်မိပြန်တော့ နှုတ်ခမ်းလေးများက တစ်ဆတ်ဆတ်တုန်ခါနေခဲ့ကြဆဲ....။ သူမ ကို ချစ်မြတ်နိုးခြင်းများစွာဖြင့် စိုက်ကြည့်ရင်း သူဆက်ပြောမိပြန်သည်။

“နောက်ဆုံးတစ်ခုကတော့ မောင့်ဘ၀ထဲကနေ မင်းးအပြီးအပိုင်ထွက်သွားခဲ့မယ်ဆိုရင်.... မောင်ဟာ တစ်ကယ့်ကိုပဲ ရှင်လျှက်နဲ့ သေလူလိုဖြစ်သွားရမှာလေ....။ အဲ့ဒီတော့ ငိုဖို့ အင်အားမရှိတော့လို့....၊ မစွမ်း နိုင်တော့လို့ မင်းထွက်သွားရင် မငိုဘူးလို့ ဖြေခဲ့တာပါပဲဗျာ....။

ဒါတွေအားလုံးဟာ အများရဲ့အမြင်မှာ ပိုတယ်ထင်စရာ၊ ရယ်ချင်စရာတွေ ဖြစ်ကောင်းဖြစ်နေနိုင်ပါလိမ့် မယ်..။ ဒါပေမယ့် မောင်သိပ်ချစ်ရတဲ့ မင်းအတွက်တော့ မောင့်ရဲ့ မှန်ကန်သော သစ္စာစကားပါပဲဗျာ....။ ကျေးဇူးပြုပြီး ယုံကြည်ပေးပါတော့ ကောင်မလေးရယ်....။ မင်းနဲ့ အမြန်ဆုံးနီးစပ်ခွင့်ရဖို့အတွက် မောင်ကြိုးစားနေခဲ့ပါတယ် .....၊ ကြိုးစားနေဆဲပါပဲဗျာ”......

သူ့စကားအဆုံးတွင် ရှိုက်ငင်သံတစ်ချက်နှင့်အတူ သူမရဲ့မျက်ဝန်းမှ နောက်ဆုံးလက်ကျန်မျက်ရည်တစ်စက် ပါးပြင်ပေါ်သို့ ခုန်ဆင်းသွားလေတော့၏။ သို့သော် သူမရဲ့ မျက်ဝန်းနှင့် နှုတ်ခမ်းဖျားများကတော့ သိပ်ချစ်စ ရာကောင်းလှသော အပြုံးပွင့်များဖြင့် လင်းချင်းတောက်ပလျှက် ရှိနေခဲ့လေသည်။ သူ့ မျက်ဝန်းနှင့် နှုတ်ခမ်း အစုံသည်လည်း သူမနည်းတူပင်ရှိနေခဲ့ပေလိမ့်မည်.......။

~~~~~@@@~~~~~

နေ၀င်သွားခဲ့လေပြီ.....။
သို့သော် အမှောင်ရိပ်က သန်းမလာခဲ့သေးပါ....။

ဆည်းဆာနှောင်းချိန်မရောက်သေးခင် ညနေရီရီအချိန်လေးတွင် အိပ်တန်းပြန်ငှက်ကလေးတချို့ ရေပြင်အ ထက်မှဖြတ်ပျံသွားတာ တွေ့ရ၏။ သူနှင့် သူမတို့သည်လည်း မကြာမီ ကိုယ်စီ ကိုယ့်အိမ်ပြန်ကြရဦးမည်.....။ လေပြေညင်းကတော့ ပတ်ဝန်းကျင်တစ်ခုလုံးတွင်အဆက်မပြတ်၊ အတားအဆီးမဲ့စွာဖြင့် တစ်သုန်သုန် တိုက်ခတ်နေခဲ့ပါသည်။

သို့သော် ထိုလေပြေညင်းမှာ ကန်ဘောင်ထက်မှ တစ်ယောက်လက်ဖ၀ါးကို တစ်ယောက်ကနေ မြဲမြံစွာဆုပ် ကိုင်ထားခဲ့ကြသော ချစ်သူနှစ်ဦးရဲ့ လက်ဖ၀ါးနှစ်ခုကြားသို့ ဖြတ်သန်းကာ ၀င်ရောက်တိုက်ခတ်နိုင်ခြင်း မရှိနိုင်ခဲ့ပါ...... .။          ။

                       ~~~~~@@@~~~~~@@@~~~~~@@@~~~~~


ပုံလေးကို ဒီနေရာလေးမှ  ယူသုံးပါတယ်ခင်ဗျာ....။
==============================================================
ကျွန်တော့်လက်ကိုင်ဖုန်းလေးထဲကို ဌာနက သူငယ်ချင်းညီလေးတစ်ယောက် forward လုပ်ပြီး ပို့ပေးထား ခဲ့တဲ့ (စာကြောင်းလေးကြောင်းစာလောက်ပဲရှိတဲ့) love story, sms လေးကို အကျယ်ချဲ့ ခံစားရေးထား မိကြောင်း.... ၀န်ခံအပ်ပါတယ်ခင်ဗျာ....။ ဒီက သူငယ်ချင်းတချို့လည်း လက်ခံရရှိဖူးမယ်ထင်ပါတယ်.....။

နောက်ပြီး... သို့သော်လည်း ပြီးကတည်းက အချစ်ဝတ္တုလေးတွေ မရေးဖြစ်တာ ကြာနေခဲ့လို့ပါခင်ဗျာ....း))
==============================================================

ချစ်ခြင်းအားဖြင့်.........

ဏီလင်းညို