မနက်ခြောက်နာရီခွဲတွင် နှိုးစက်ပေးထားမိသော ဖုန်းလေးက စူးရှကျယ်လောင်စွာ မြည်ဟည်းလာခဲ့လေ တော့သည်။
~~~~@@@~~~~
ဟာ...အိပ်လို့တောင်မ၀သေးဘူး...၊ မိုးကလင်းပြန်ပါပြီကွာ....။ နေပါဦး ညတုန်းက ငါဘယ်အချိန် အိပ်မိ တာပါလိမ့်။ ဆယ့်နှစ်နာရီလား....၊ ဟင့်အင်း... တစ်နာရီကျော်ခဲ့တယ်နဲ့ တူတယ်...။ အိပ်ရေးမ၀သလိုပဲ...၊ ဆက်အိပ်ချင်သေးလိုက်တာကွာ...။ ဒါပေမယ့် မဖြစ်ပါဘူး...ထဦးမှပါပဲ...။ နို့မို့ အလုပ်နောက် ကျနေခဲ့လိမ့်ဦးမယ်...။
အယ်.... ငါ့မျက်မှန်လေးရော...။ မအိပ်ခင် ဘယ်နားမှာထားမိလိုက်ပါလိမ့်...၊ ဟင်... ခေါင်းဦးဘေးနားက ငါ ထားနေကျနေရာလေးမှာလည်းမရှိဘူး...၊ ဘယ်ရောက်နေပါလိမ့်...။ အမှောင်ထဲမှာ လိုက်စမ်းကြည့်ဦး မှပါ...။ သြော်... ဒီမှာကိုး.....၊ မိတ်ဆွေက ဒီဖက်က ခေါင်းဦးနဲ့ ဖက်လုံးကြားမှာရောက်နေတာ...။ ဧကန္န တော့ ညကလည်း ငါစာဖတ်ရင်းနဲ့ မျက်မှန်မချွတ်ပဲ အိပ်ပျော်သွားပြန်သေးတာနဲ့တူပါရဲ့...။ ဟုတ်ပ...ခေါင်း ရင်းက ငါ့စက် ကလေးကလည်း ပွင့်လို့....။
အခန်းထဲမှာကလည်း မှောင်နေလိုက်တာ....၊ မီးဖွင့်ဦးမှ...၊ ပြီးရင် ငါ့မျက်မှန်လေးကိုစစ်ကြည့်ရဦးမယ်...။ ကဲ တော်ပါသေးရဲ့...၊ အိပ်ရင်းနဲ့ဖိမိပြီး ငါ့မျက်မှန်လေး မကျိုးသွားဘူး...။ အင်း... မျက်မှန်တပ်ခဲ့ရတဲ့ ကာ လတစ်လျှောက်လုံး ငါ့မျက်မှန်တွေလည်း ဒီလိုနည်းနဲ့ ကျိုးခဲ့ရပေါင်းများလှပြီ...။ ငါကိုကလည်း ငါပါပဲလေ...။ အိပ်ယာထဲမှာ စာဖတ်ရင်းနဲ့ အိပ်ပျော်...၊ နောက် မျက်မှန်ကိုမချွတ်မိနဲ့....။ ကျိုးတော့ အသစ်ပြန်လုပ်ရ...၊ အဲ့ဒီအခါကျတော့ ပိုက်ဆံက အပိုသက်သက်ကုန်....။
အင်း.... မျက်မှန်ကျိုးပြီးခါစ, မျက်မှန်အသစ်လုပ်ပြီးကာစဆိုရင်တော့ အိပ်ခါနီးရင် မျက်မှန်ကို ငါဂရုတစ် စိုက်ချွတ်ပြီး နေရာတကျထားမိတတ်ပါတယ်...။ တစ်ပါတ်နှစ်ပါတ်လောက်ပဲနဲ့တူပါရဲ့...။ ကြာလာ တော့လည်း သတိသိပ်မထားတော့ပဲ... ဖြစ်သလို ချွတ်ပစ်တတ်တာတွေက ခပ်များများရယ်...။ မသိစိတ်က စေ့ဆော်လို့တစ် ခါတစ်ခါ အိပ်ခါနီးရင် ချွတ်ဖြစ်တာနေမှာ....။
“တစ်ခါသေဖူး... ပျဉ်ဖိုးနားလည်”... တဲ့။ ကဲ... အခါခါသေဖူးတာတောင် နားမလည်နိုင်သေးတဲ့ ငါဆိုတဲ့အ ကောင်စားဆိုရင်ရော ဘယ်လိုလူမျိုးပါလိမ့်....။ တော်ပြီ....၊ ရှုပ်ပါတယ်ကွာ....မတွေးတော့ပါဘူး....။ ရေ ချိုးဦးမှပါ....။
~~~~@@@~~~~
ရေချိုးခန်းအပြင်သို့ရောက်ခဲ့တော့......
~~~~@@@~~~~
သေစမ်းကွာ....၊ ရေမချိုးခင် ရေနွေးအိုးလေးကို ပလပ်ထိုးပြီး ခလုပ်မနှိပ်မိခဲ့ဘူး။ တယ်လည်း အသုံးမ ကျတဲ့ ငါပါလား....။ အခုတော့ ရေနွေးကျက်မှ ငါကော်ဖီဖျော်သောက်ရတော့မယ်...။ အင်း... ရေနွေးကျက် ဖို့က ငါးမိနစ်လောက်ပဲ ကြာလို့တော်သေးတယ်...။ အချိန်လည်းရပါသေးတယ်လေ...။
ဟင်း.... ပြီးခဲ့တဲ့ အပတ်တုန်းကဆို ငါနဲ့ အလုပ်ဆင်းရတဲ့ အဆိုင်းတူတဲ့ အခန်းဖော်ညီလေးက ငါရေချိုးပြီး တာနဲ့ အဆင်သင့်သောက်ဖို့ ကော်ဖီဖျော်ထားပေးတတ်တာမို့ ဒီနေ့မနက်လည်း အဲ့ဒီလိုပဲ ငါ့စိတ်ကမှတ်နေ တာနေမှာ...။ အခုတော့ သူက ညဆိုင်းရောက်သွားခဲ့ပြီကိုး......။ အင်းလေ.... ငါကြားဖူးခဲ့မိတဲ့ “အခွင့် အရေးဆိုတာ အမြဲတမ်းပုံမှန်ရမနေနိုင်ဘူးဆိုတာ မှန်တယ်”....။ ကဲပါလေ... အဲ့ဒီလို မရလည်း ကိုယ်ထူကိုယ်ထ စံနစ်ကို ကျင့်သုံးရတော့တာပေါ့...။ ပြောရမယ်ဆို “အလေ့အကျင့်” တောင်မှ ဖြစ်သေးတယ်....။ ကဲ... ရေနွေးမရသေးခင် စက်ရုံအ၀တ်အစားတွေလဲဦးမှပါ....။
ဟော.... ရေနွေးရပြီ...၊ ကော်ဖီဖျော်သောက်ဦးမှ...။ အင်း.... ကော်ဖီသောက်ရင်း ငါငေးနေကျ ပြတင်းက လေးကိုသွားငေးဦးမှ....။ ဟာ.... လေတွေ တိုက်လှချေလား....။ မိုးများရွာမလားမသိဘူး....။ သြော်...ဟုတ်ပ...၊ အနောက်ထောင့်ဖက်မှာမိုးသားတွေခဲနေတာပဲ....။ မိုးကတော့ အခုထက်ထိ မရွာသေးပါဘူး...။ ဒါပေ မယ့် ဒီနိုင်ငံက မိုးကအစိုးကိုမရဘူး....။ ရွာချင်ရင်ကောက်ကာငင်ကာ ထပြီး ရွာတတ်တာမျိုးကြီး...။ အဲ့ဒီလိုနဲ့ အလုပ်သွားရင်း လမ်းမှာမိုးရွာလို့ ခွေးပြေးဝက်ပြေးပြေးရတာခဏခဏပဲကိုး....။ အင်း.... “အတွေ့အကြုံတွေကနေ ယူတတ်ရင် သင်ခန်းစာရတယ်”.... ဆိုတာသိပ်မှန်တာပဲ...။ ကြည့်လေ... အ ခုဆိုရာသီဥတု ဒီလိုဖြစ် နေခဲ့တိုင်း စက်ရုံသွားကာနီး ငါထီးယူသွားတတ်တာ အကျင့်ကိုဖြစ်နေပြီ....။
ပြောမယ့်သာ ပြောရတယ်...၊ အခုလို မိုးတွေရွာကာနီးရင်...၊ လေတွေအရမ်းတိုက်ပြီး မိုးတွေရွာလာရင် အိမ် မှာပဲနေရင်း ငါရေးချင်တဲ့ စာလေးတွေထိုင်ရေးချင်နေမိတတ်တာ ငါ့ရဲ့ ဆန္ဒတစ်ခုပဲ....။ ဒါပေမယ့် ဆန္ဒက.... ဆန္ဒ....၊ ဘ၀က... ဘ၀လေ...။ ရောထွေးပစ်လိုက်ဖို့ ဖြစ်မှ မဖြစ်နိုင်တာ....။ အင်း... ဆန္ဒနဲ့ဘ၀ အတူတူ တစ်ထပ်တည်းမကျနိုင်တဲ့လူတွေအများကြီးထဲမှာ ငါလည်း တစ်ယောက်အပါအ၀င်ပဲလေ....။ အဲ့ဒီထဲမှာမှ ငါ ကံဆိုးလှချည်လားဆိုတဲ့.... “ဆုတ်နစ်စေမယ့် အတွေးမျိုးတွေနေလို့ ဘာမှအကျိုးဖြစ်လာ မှာမဟုတ်ပါဘူး”..။ ကဲပါလေ... အခန်းထဲဝင်၊ ငါ့စက်ကလေးကိုပိတ်ပြီး အလုပ်သွားဦးမှပါ....။
~~~~@@@~~~~
အလုပ်ရှိရာ စက်ရုံဆီကို ဦးတည်နေခဲ့သော ကားလမ်းမလေးရဲ့ဘေး၊ ပလက်ဖောင်းအထက်တွင် လက်တစ် ဖက်က ထီးရှည်တစ်ချောင်းကိုကိုင်ရင်း၊ ပခုံးတစ်ဖက်က အလုပ်သွားတိုင်း လွယ်သွားနေကျ အိတ်စုတ်စုတ်လေးကိုလွယ်ကာ ခြေလှမ်းတို့ ခပ်သွက်သွက် လှမ်းလို့နေခဲ့မိဆဲ.....
~~~~@@@~~~~
အင်း... နောက်ထပ်ဆယ့်ငါးမိနစ်လောက်တော့ ငါလမ်းလျှောက်ရဦးမယ်...။ ဟာ... လေကပြင်း လှချေလား။ လေထုတဲမှာ မိုးရနံ့တွေ ပိုမိုငြိတွယ်နေခဲ့သလိုပဲ...။ ဟား...ဟား... ငါဆိုတဲ့ကောင်ကလည်း စာရေးနေခဲ့တာ လည်းမဟုတ်ပဲနဲ့အတွေးထဲမှာတောင် စာရေးနေတဲ့လေသံကြီးပေါက်လို့...၊ အဖွဲ့အနွဲ့တွေ ဘာတွေနဲ့...။ အင်းလေ...“၀ါသနာနဲ့ ဗီဇဆိုတာ တားဆီးပိတ်ဆို့ထားလို့ ရကောင်းတဲ့အရာတွေမှမဟုတ် တာ...။ အခြေအနေနဲ့ အကြောင်းတရားတိုက်ဆိုင်လာရင်ပွင့်ထွက်လာတတ်တာမျိုးပဲ ထင်ပါရဲ့”....။
ဟော... ပြောရင်းဆိုရင်းနဲ့ မိုးဖွဲလေးတွေကျလာပြီ...။ အောင်မလေးဗျာ... ချက်ခြင်းမိုးကစိပ်လာပါပြီ...။ ကဲ... ထီးဖွင့်ဆောင်းဦးမှ...။ ဟင်... ငါ့နောက်က ခြေသံတစ်ဖုတ်ဖုတ်နဲ့ ပြေးလာတာ ဘယ်သူပါလိမ့်...၊ လှည့်ပြီး ကြည့်လိုက်ဦးမှပဲ...။ သြော်... ငါတို့စက်ရုံကို ပြီးခဲ့တဲ့လကမှ အသစ်ထပ်ရောက်လာတဲ့ နီပေါလ်လူ မျိုးကုလား လေးတစ်ယောက်ကိုး...။ ထီးလည်းပါမလာဘူး....။ သေအောင်ပြေးတောင်ဒီမိုးက မင်းမလွတ် ဘူးကွ...။ ကဲပါလေ... သနားစရာပဲ...၊ ငါ့ထီးထဲဝင်ဆောင်းဖို့ ခေါ်လိုက်ပါဦးမယ်...။
ငါ့ကို အားနာလို့နဲ့တူတယ်..ကုလားလေးက သူ့ကိုယ်လေးကိုရို့ပြီး ဟိုဘက်တိုးပြီးနေရှာတယ်...။ အားမ နာပါနဲ့ကွာ...။ ငါတို့မင်းတို့က တစ်စက်ရုံတည်း အလုပ်လုပ်နေရတဲ့သူချင်းအတူတူပါပဲ...။ သစ်တာနဲ့ ဟောင်းတာ ဒီနှစ်ခုထဲကွာခြားတာပါ...။ အင်း... ဒီကုလားလေးတော့ ငါကူညီလိုက်နိုင်ပေမယ့်...ဟိုးရှေ့မှာ ပြေးသွားနေရတဲ့ ကျန်တဲ့ နီပေါလ်သုံးယောက်ကိုတော့ ငါမကူညီနိုင်တော့ဘူး...။ ဝေးလည်းဝေး၊ ထီးက လည်းတစ်ချောင်း ထဲဆိုတော့ ခက်ပါရဲ့...။ အိုကွာ... ငါနိုင်သလောက်တော့ ကူညီခွင့်ရပြီးသားပဲ...။ ဖြေ သာပါတယ်...။ ဒါပေမဲ့ သူတို့ခမြာ အခုမှဒီရောက်ကာစဆိုတော့ အစစအရာရာချို့တဲ့ကြရရှာတယ်...။ အစစအဆင်ပြေကြပါစေဗျာ။
ဟော... ငါတို့ဘေးကပ်လာပြီးရပ်တဲ့ ကားတစ်စီးက ဟွန်းသံပေးနေပါလား...။ ဟာ... ဒါငါနဲ့ သိပ်ခင်နေတဲ့ ဒီနိုင်ငံသား ငါ့သူငယ်ချင်းရဲ့ကားပဲ...။ ငါတို့ကို ကားကြုံနဲ့ စက်ရုံလိုက်ဖို့ခေါ်နေတာ၊ လိုက်သွားဦးမှ နို့မို့ဆို ဒီမိုးနဲ့ ငါ့ဘောင်းဘီအောက်နားတွေစိုကုန်ရင် အလုပ်ထဲဒုက္ခရောက်နေဦးမှာ...။ ဒီကုလားလေးကိုလည်း ငါနဲ့တစ်ခါတည်း လိုက်ဖို့ခေါ်သွားရမယ်....။
အင်း... “စေတနာဆိုတာ...တူသောအကျိုးပေးတတ်တယ်” ဆိုတာ ငါ့အတွက်တော့ ချက်ချင်းလက်တွေ့ကြုံ ရတာပါပဲ...။ ဒီလိုစိတ်မျိုးလေးများများမွေးနိုင်ဖို့ကြိုးစားရဦးမယ်...။ ခုနကပဲ..ငါ့ထီးအောက်ကို ဒီကု လားလေးကိုခေါ်မိတယ်...၊ အခုတော့ ထီးထက်လုံခြုံတဲ့ ကားထဲမှာသက်တောင့် သက်သာနဲ့ ငါလိုက် နေရပြီ...။ အင်း.. မိုးကလည်း မစဲသေးဘူး...။ ဟော... စောစောက ပြေးသွားနေတဲ့ နီပေါလ်သုံးယောက် နား ငါတို့ကားရောက်ပြီ...။ ငါ့သူငယ်ချင်းကို ကားခဏရပ်ခိုင်းပြီး စောစောက ငါတို့ဆောင်းလာတဲ့ ထီးကို လှမ်းပေးလိုက်ဦးမှ၊ စောစောငါတို့ဆောင်းလာတဲ့ ထီးရှည်ကို သူတို့ဆောင်းလိုက်ရရင် နည်းနည်းတော့ မိုး ဒဏ်ကသက်သာသွားမှာပဲလေ...။ ငါလက်ကိုင်ထားတဲ့ ဆောင်ပုဒ်လေးတစ်ခုလိုပေါ့...။ “ဘာမှမရှိတာထက် စာရင် တစ်စုံတစ်ခုရှိနေခဲ့ရ သေးတာ ပိုကောင်းတယ်”... ဆိုတာလေးလေ...။ နောက်ပြီး “ကူညီတယ်ဆို တာ အခြေအနေနဲ့ အချိန်အခါ တိုက်ဆိုင်မှ ပိုပြီးကောင်းတာမျိုး”....ပဲလေ...။
အင်း...ကားနောက်ကမှန်ထဲကနေပြီး သူတို့သုံးယောက် ငါပေးလိုက်တဲ့ထီးလေးကို ဆောင်းပြီး လမ်း လျှောက် နေကြတာကိုကြည့်ရတာ...စိတ်ချမ်းသာလိုက်တာ...။ “သူတစ်ပါးကို ကူညီလိုက်လို့ အထမြောက် သွားရင် ရလာတဲ့ ကြည်နူးမှုက ဘာနဲ့မှ မလဲနိုင်တဲ့ ခံစားမှုမျိုးများပါလား”....။
ဟော... ငါတို့ စက်ရုံရှေ့မှာကားရပ်သွားပြီ...။ ကျေးဇူးတင်ပါတယ်...သူငယ်ချင်းရယ်...။ “သူများပြုပေးခဲ့တဲ့ ကျေးဇူးတရားကို အကောင်းဆုံးအရင်တုန့်ပြန်နိုင်တာက ဒီစကားလေးပါပဲ”....။
~~~~@@@~~~~
သိပ်မဝေးသော စက်ရုံဂိတ်ဝသို့ မိုးရေများကြားထဲမှ ဖြတ်ပြေးသွားလိုက်မိသည်။ သိပ်မစိုသွားပါ...။
~~~~@@@~~~~
အင်း... ဒီနေ့လည်း “အလုပ်ကို အလုပ်လုပ်ချင်လို့ လုပ်တာ...၊ ငွေရနေလို့ ၀တ်ကျေတမ်းကျေ လုပ် နေတာ မဟုတ်ဘူးဆိုတဲ့ စိတ်ကလေးထားပြီး လုပ်ဦးမှပါပဲ”.....။
~~~~@@@~~~~
(ပုံကလေးကို ဒီနေရာလေး မှ ယူသုံးပါတယ်ခင်ဗျာ....။)
========================================================
ခင်မင်ရတဲ့ မချော(အစိမ်းရောင်လွင်ပြင်) တက်ထားတဲ့ အတွေးများ ဆိုတဲ့ တက်ဂ်ပို့စ်လေးကို ကျွန်တော် ရေးတတ်တဲ့ ပုံစံလေးနဲ့ ရေးလိုက်မိပါတယ်...။ မချောရေ... ကျေနပ်မယ်လို့ မျှော်လင့်မိပါတယ်ဗျာ...။ ဒီပို့စ် လေးထဲမှာ ပါတဲ့တချို့ဟာလေးတွေက တစ်ကယ်လို့များအယူအဆမတိုက်ဆိုင်ခဲ့ရင် လွတ်လပ်စွာ ကွဲလွဲနိုင် ပါတယ်ခင်ဗျာ....။
ဆက်တက်ဂ်ချင်တဲ့ မောင်နှမတွေကတော့.... မလေး(အိမ့်ချမ်းမြေ့)၊ မမေ( မေဓာဝီ)၊ မမသီရိ၊ မအနမ်း၊ ကွိကွိစ်(ကိကီ)၊ သူငယ်ချင်း(ခြင်)၊ ခင်တာသိပ်မကြာခဲ့သေးတဲ့ မိုးခေတ်၊ ညီမလေးဆောင်းနှင်းရွက်၊ နောက် ပြီး အိပ်မက်ချယ်ရီ ဆိုတဲ့ မြို့လေးထဲက အပြင်သိပ်မထွက်ပဲ ကဗျာကောင်းလေးတွေ၊ စာစုကောင်းလေး တွေရေးတတ်တဲ့ ညီမလေး၊ စိုင်းစိုင်းမွန်းနဲ့ ကူးလွေ့ တို့ သုံးယောက်စလုံး....ကို ဆက်တက်ဂ်ပါတယ်...။
ကိုယ်ရေးချင်တဲ့ ပုံစံလေးနဲ့သာရေးပေးကြပါဦးဗျာနော်...။ တက်ဂ်ခံရပြီးသားဆိုရင်လည်း ရပါတယ်နော့်...။
အမှတ်တရ ကျွန်တော့်အတွက်ရေးပေးကြမယ်ဆိုရင် အရမ်းဝမ်းသာမိရမှာပါခင်ဗျာ...။
မူရင်း မချောရဲ့ ပို့စ်လေးကတော့ ဒီနေရာမှာ ပါ....။
========================================================
ချစ်ခြင်းအားဖြင့်........
ဏီလင်းညို