Friday, January 21, 2011

ကောင်းကင်များရဲ့အထုပ္ပတ္တိ (ငြိတွယ်...)

အဲ့ဒီညက...
အိမ်အပြင်ဘက်မှာ လ,မသာခဲ့ဘူး......
မြူနှင်းတွေကတော့....ဝေ့ဝေ့၀ဲဝဲနိုင်လို့ရယ်....။

အိမ်အတွင်းမှာတော့.....
ဆောင်းညရဲ့ အေးစက်တဲ့လက်တံတွေ...
ပြိုလဲကာ....ယိုင်နဲ့နေခဲ့ကြရတယ်....
နွေးထွေးမှုတွေက အသင်္ချေနဲ့မို့....။

အဝေးကပြန်ရောက်လာတဲ့ ငါ့သား...
ရေအရင်ချိုးမလား......၊ ထမင်းအရင်စားမလား...
တက်ကြွနေခဲ့တဲ့ အမေ့ရဲ့အသံ.....
ကျွန်တော်သိတယ်....အမေ....
အမေသိပ်ပျော်နေခဲ့တယ်.....။
အမေ့မျက်လုံးလေးတွေက....
ကောင်းကင်က ကြယ်ပွင့်လေးတွေလို......
တဖျတ်ဖျတ်နဲ့ လင်းလက်နေခဲ့လို့....။

ဟိုမှာ ရာသီဥတုဘယ်လိုတုန်း.....။
ငါ့သားလေးက ပင်ပန်းလာခဲ့တာ...
သူ့ကို မနှောက်ယှက်ကြနဲ့.....။
ဒီည သားကြိုက်တဲ့ငါးရံ့ဆီပြန်ဟင်းချက်ထားတယ်....။
သြော် ဒါက အမေ့အတွက်ဝယ်လာတာတဲ့လား.......
ဒီလိုဆိုတော့လည်း ငါ့သားက အမေ့အကြိုက်သိသားပဲ....။
အမေနေကောင်းတယ် စိတ်မပူနဲ့..
မင့်ကိုသာ အမေကစိတ်ပူနေတာ...။
စကားမစပ်လေ....
အဲ့ဒီမင်းသားအသစ်က ငါ့သားလေးလောက်တောင်မချောဘူး.....။
သားသိအောင် အမေပြောပြရဦးမယ်....
သားပြန်လာအောင်ရည်မှန်းပြီး အမေခဏခဏအဓိဌာန်ဝင်တယ်.... ။
အမေ့စကားသံတွေက ရွှန်းရွှန်းဝေ....
သို့ပေမယ့်.....
အမေ့ရဲ့ ဟန်ပန်ကချည့်နဲ့နေ....။

ဒီည အမေသိပ်စကားများနေတယ်ရယ်...လို့....
မိသားစုက ၀ိုင်းကျီစယ်စကားဆိုကြတော့.....
အမေက အပြုံးမျက်စောင်းနဲ့တုန့်ပြန်တယ်...။
ပြီးတော့ပြောတယ်....
ငါ့သားလေး.....ပြန်ရောက်လာတာကိုးဟဲ့....တဲ့...။

ရှင်သန်နေထိုင်ခဲ့ရာ......
မြို့ကြီးပြကြီးနဲ့....
အဆောင်အယောင်အားလုံးကို.....
လွှတ်ချ၊ ကျောခိုင်းပစ်ခဲ့တဲ့ ကျွန်တော်.....
အမေ့မျက်ဝန်းတွေနဲ့ အကြည့်ချင်းဆုံတဲ့ခဏမှာ....
အမေ့အနားနားကပ်ပြီး.....
ကျွန်တော့်ကို သိပ်ချစ်တာပဲလားအမေရယ်...လို့....
ခပ်တိုးတိုးမေးလိုက်မိတော့....
အမေက ငိုတယ်.....။

ပြီးတော့.....
ကျွန်တော့်ကို ခပ်တင်းတင်းဖက်တွယ်ပြီး...
တုန်ယင်တဲ့လေသံနဲ့ ဆိုလေတယ်....။
“သားရယ်......
သိပ်လွမ်းခဲ့ရတယ်......
နောက်တစ်ခါ အဝေးကြီးမသွားပါနဲ့တော့နော်...
အမေတို့က အသက်ကြီးခဲ့ပြီ”.......တဲ့လေ....။ ။

===================================================
ချစ်ခြင်းအားဖြင့်....
ဏီလင်းညို
၎၊ ဇန်န၀ါရီလ၊ ၂၀၁၁
ကြာသာပတေးနေ့ (လွပ်လပ်ရေးနေ့)
နံနက် ၀၀း၄၅ နာရီ။
(မြန်မာပြည်)
ငြိတွယ်....

===================================================

ကိုရင်ညိန်းစီစဉ်တဲ့ ၁၉၊ ၀၁၊ ၂၀၁၁ ရက်နေ့(ပြာသိုလပြသိုလပြည့်နေ့)မှာကျရောက်ခဲ့သော အမေများနေ့အတွက် ကဗျာစာအုပ်လေးထဲက ကျွန်တော်ရေးထားတဲ့ ကဗျာလေးပါ..။ ပုံတွေနဲ့ လင့်ခ်တွေနဲ့ တင်ချင်ပေမယ့်လည်း...အဆင်မပြေဖြစ်နေလို့....ဒီအတိုင်းပဲ အလွမ်းပြေတင်မိလိုက်ပါတယ်...။

ပါဝင်.. ရေးသားသူများ ကတော့...

ကောင်းကင်ကို၊ ကျော်ညိုသွေး၊ ခန့်နေ၊ ငြိမ်းစိုးဦး၊ ဆောင်းယွန်းလ၊ ညိမ်းညို၊ တောကျောင်းဆရာ၊ တင့်ထူးရွှေ၊ ထွန်းတောက်နေ၊ ဏီလင်းညို၊ ပန်ဒိုရာ၊ ဗသားချော၊ ဗညားရှိန် (ခ) လင်းခေတ်ဒီနို၊ မိုးမြင့်တိမ်၊ မိုးလှိုင်ည၊ မင်းယွန်း၊ မင်းသုခ၊ မောင်ခင်လေး၊ မောင်ဖုန်းမြင့်၊ ရွှေပြည်သူ၊ ရွှန်းမီ၊ သင်ကာ၊ ဟန်သစ်ငြိမ်၊ ဟယ်ရီလွင်၊ အမရာ၊ ဧဏီမင်း၊ အိုင်လွယ်ပန်၊ အိန္ဒြာ တို့ပဲဖြစ်ပါတယ်။

ကျွန်တော်ရေးတဲ့ ကဗျာလေးကို သရုပ်ဖော်ပုံဆွဲထားပေးတဲ့ မပန်နဲ့ စီစဉ်ခဲ့တဲ့ ကျေးဇူးတင်ထိုက်သူအားလုံးအား...ခင်မင်လေးစားစွာကျေးဇူးတင်လျှက်ပါ။

အောက်ကလင့်ခ်ကလေးကိုသွားပြီး တစ်အုပ်လုံးကို...ဒေါင်းဖတ်နိုင်ပါတယ်.။
ကျွန်တော်တင်ဖို့ အခက်အခဲဖြစ်နေပါ၍........:P
http://www.lynnkhitdeno.net/2011/01/blog-post_19.html


=========================================================
ချစ်ခြင်းအားဖြင့်......
ဏီလင်းညို....
၂၂ရက်၊ ဇန်န၀ါရီလ၊ ၂၀၁၁ခုနှစ်။
စနေနေ့။
နံနက် ၁၁နာရီ ၅၀မိနစ်။
(မြန်မာပြည်)