တူညီသင့်တဲ့ အရာ

နေ့လည် (၁၂)နာရီထမင်းစားချိန်မို့လို့ သူအလုပ်လုပ်သော စက်ရုံအနောက်ဘက်ရှိ ထမင်းစား သည့်ကန်တင်း(န်)လေး တွင် လူကခပ်ရှုပ်ရှုပ်ဖြစ်နေ၏။ များပြားလှသော အလုပ်များကြောင့် ကန်တင်း(န်)အဆင်းနောက်ကျလေ့ရှိသော သူ့ရဲ့အ ရှေ့တွင် အရင်ရောက်နှင့်နေသူတွေက အများကြီးပင်....။

ထမင်းဝယ်စားဖို့အတွက် တန်းစီနေခဲ့သော လူတန်းရှည်ရဲ့နောက်ဆုံးတွင် သူဝင်ရပ်လိုက်သည်။ တစ်ရွေ့ ရွေ့နှင့် အရှေ့ ကိုသူရောက်လာခဲ့ပေမယ့် သူ့နောက်တွင်လာရပ်ကာ တန်းစီသူများကိုမတွေ့ရ....။ ထုံးစံအ တိုင်း သူပဲနောက်ဆုံးဖြစ်နေခဲ့ ပြန်ပြီလား.... ဟု တွေးရင်းကျိတ်ပြုံးမိလိုက်သည်။ သူ့အလှည့်ရောက်တော့ လေးထောင့်ပုံစံရှိ ဇောက်နက်နက်လင်ပန်း တွေထဲမှ ရွေးကျန်ဖြစ်သောဟင်းများကို ကောင်းနိုးရာရာခပ် ထည့်လိုက်မိသည်။ ပုဇွန်ထုပ်ခပ်ကြီးကြီး လေးငါးကောင်၊ ရုံးပတီသီး နှစ်တောင့် သုံးတောင့်၊ နောက် ဟင်းနု နွယ်ရွက်ကြော်နည်းနည်းဖြစ်၏။ ဒါဆို သူ့အတွက် လုံလောက်ပြီ....။

ပိုက်ဆံရှင်းကာ ထမင်းပန်းကန်ကိုသယ်ပြီး ကန်တင်း(န်)အနောက်ဘက် အစွန်ကျကျစားပွဲတန်းများဆီသို့ သူလျှောက်သွားလိုက်ပါသည်။ ထိုနေရာတွင် သူတို့မြန်မာလူမျိုးများစုပြီး ထမင်းထိုင်စားတတ်သောကြောင့် ပင်ဖြစ်၏။ စားပွဲခုံပေါ်တွင် ထမင်းပန်းကန်ကို တင်ရုံသာတင်ပြီး ထိုင်ပင်မထိုင်ရသေး...၊ ပျော့ပျောင်းနူးညံ့ လွန်းသောခန္ဓာကိုယ်လေးဖြင့် သူ့ခြေကျင်း နားကိုတိုးဝှေ့ပွတ်တိုက်ရင်း ‘ညောင်’...ခနဲအော်သံပေး လိုက်သောကြောင်ကလေးတစ်ကောင်ရဲ့အသံကြောင့် သူငုံ့ကြည့်လိုက်မိသည်။ ကန်တင်း(န်)မှာရှိသည့် လေး၊ ငါးလသားအရွယ်ကြောင်ကလေး ငါးကောင်အနက်မှ တစ်ကောင်....။

စားပွဲရှည်နှင့်တွဲလျှက်ရှိသော ခုံတန်းရှည်ရဲ့အစွန်းတစ်ဖက်တွင် ထိုင်ချလိုက်ရင်း စားပွဲတန်းအရှည်များ အောက်ကိုငုံ့ကာ တစ်ချက်ဝေ့၀ဲကြည့်လိုက်တော့ ကျန်သည့်ကြောင်လေးများက သူ့သူငယ်ချင်းမြန်မာ လူမျိုးများချကျွေးထားသော ကြက်သား၊ ငါးကြော်စသည်တို့ကို မြိန်ယှက်စွာစားနေကြတာကိုတွေ့ရ၏။ ထို ကြောင်ကလေးများရဲ့မိခင်ကြောင်မကြီးမှာ အခု သူတို့ကန်တင်း(န်)တွင် မရှိတော့....။ နို့ခွဲပြီး အခြားနေ ရာသို့ထွက်သွားလေခဲ့သည်မှာ တစ်လကျော်ကျော်ပင်ရှိနေခဲ့တာကို သူသတိထားမိပါသည်။ ထို့ကြောင့် ကျန်ရစ်ခဲ့သောကြောင်ကလေးငါးကောင်ကို အခုလိုမျိုးထမင်းစားချိန်၊ လဖက်ရည်သောက်ဆင်းချိန်များ တွင် သူတို့မြန်မာလူမျိုးအလုပ်သမားတစ်စုက ဂရုတစ်စိုက်ကျွေးမွေးရမြဲ...။ ကြောင်ကလေးများကလည်း အမြဲပုံမှန်ကျွေးတတ်သော သူတို့အနားသို့ပင်ကပ်မြဲ....။

“သားကြီးက ဘာမှမစားရသေးဘူးလားဟ”.....

ကင်တင်း(န်)ကြမ်းပြင်တွင် ခြင်္သေ့ထိုင် ဆောင့်ကြောင့်ထိုင်ရင်း လည်ပင်းလေးထောင်ကာ သူ့ကိုမော့ ကြည့်နေသော ထို ကြောင်လေးကို လူတစ်ယောက်နှယ် သူလှမ်းမေးလိုက်ပါသည်။ မလေးရှားနိုင်ငံက ကြောင်ကလေးများပေမယ့် မြန်မာလူ မျိုးဖြစ်သောသူတို့တွေက မြန်မာလိုပြောနေကျကြောင့်မို့ထင်ပါသည်။ သားကြီး... ဟု သူအမည်ပေးထားသော ထိုကြောင် ကလေးက ‘ညောင်’... ဟု ခပ်ညည်းညည်းလေး တစ် ချက်ပြန်အော်ပြ၏။ ထိုကြောင်ကလေး ငါးကောင်ကို သူနာမည်အသီးသီးပေးထားမိသေး၏။ အထွားဆုံး အထီးကောင်လေးကို “သားကြီး”...၊ အစာစားလျှင် ရှပ်ပြာပြာနိုင်လွန်းလှသော အထီးလေးနောက်တစ် ကောင်ကိုကျတော့ “မောင်ပြာလောင်”....၊ နှာခေါင်းနားတစ်ဝိုက်တွင်မည်းကာ မျက်နှာပေါက်ဆိုးလှသော ကြောင်မလေးကိုတော့ “ရုပ်ဆိုးမ”......၊ မျက်နှာဝိုင်းဝိုင်းလေးနှင့် သိပ်ချစ်စရာကောင်းပြီး ကျွေးချင်မွေးချင် စရာအ တော်ကောင်းလှသော ကြောင်မလေးကိုကား... “မီးချစ်ချော”...၊ တစ်ကိုယ်လုံးတွင် အနက်ရောင် များဖုံးနေတတ်သော ကြောင်ထီးကလေးကို ကပ္ပလီ(၁)...၊ (အရင်တုန်းက ကပ္ပလီမူရင်းတစ်ကောင်ရှိ သောကြောင့်.....း)) စသဖြင့်......။

သူခေါ်သော ထိုနာမည်လေးများကို အခြားသူငယ်ချင်းများကလည်း လိုက်ခေါ်ကြသောကြောင့် ထိုကြောင်ကလေးများမှာ သူတို့နာမည်ကို မှတ်မိနေကြဟန်တူ၏။ (မြန်မာပြည်မှာနေခဲ့တုန်းက အိမ်မှ ကြောင်ကလေးများကို စကားပြောနေခဲ့သော သူ့ကိုမေမေက ချစ်စနိုးဖြင့်နောက်တတ်သည့်စကားလေး တစ်ခွန်းရှိသည်။ “သားငယ်လေးက တိရစ္ဆာန်ဘ၀က လာတာ များလားမသိပေါင်”...ဟူ၍.....း))

“အလကား...အစ်ကိုကြီး....၊ ကျွန်တော်ခုနက သားကြီးကို ငါးကြော်ခေါင်း တစ်ခေါင်းကျွေးပြီးသားဗျ”....

သူနှင့်ဘေးချင်းယှဉ်လျှက် (ကြားတွင် လျှောက်လမ်းလေးခြားနေခဲ့သော)တစ်ဖက်စားပွဲအစွန်းမှ ညီလေး တစ်ယောက်က သူ့ကို လှမ်းပြောသည်။ ထိုစကားလေးကို ကြားရတော့ သူပြုံးမိသည်။ ဟုတ်သည်၊ ဒီအုပ်စု ထဲတွင် သားကြီးက အလည် ဆုံးမဟုတ်ပါလား....။ ထို့ကြောင့်သားကြီးကို သူငုံ့ကြည့်ရင်း လူလိုပဲပြောမိ ပြန်သည်။

“ဟေ့ကောင်.... သားကြီး...၊ မင်းစားပြီးပြီဆို....၊ ငါ့ကိုညာနေတာလားဟ”.....

ဒီတစ်ခါတွင်တော့ သားကြီးက သူ့ကို ပြန်အော်မပြတော့....။ သို့သော်... သူ့မျက်လုံးလေးကို သုံးလေးချက် လောက်ပုတ်ခတ် ပုတ်ခတ်လုပ်ပြလေ၏။ ‘ဟုတ်ပါသည်’..... ဆိုသည့် သဘောနှင့်ပင် တူနေသေး၏။ ထိုအ မူအယာလေးကို ရယ်ချင် စိတ်တစ်ဝက်၊ နှစ်သက်စိတ်တစ်ဝက်ဖြင့် ပန်းကန်ထဲမှ ပုဇွန်ထုတ်တစ်ကောင်ကို တစ်ပိုင်းပိုင်းပြီး သားကြီးကို သူချကျွေးလိုက်ပါသည်။ သူချကျွေးလိုက်သော ပုဇွန်ထုတ်တစ်ပိုင်းကို သားကြီး က မက်မက်စက်စက် ဟပ်ကာ..ဟပ်ကာ...စားနေ စဉ်ခဏတွင် သူမထင်မှတ်ထားသော ဖြစ်ရပ်တစ်ခုကို သူနှင့်တစ်စားပွဲတည်း၊ မျက်နှာချင်းဆိုင်ထိုင်စားနေသော မြန်မာလူ မျိုးညီလေးတစ်ယောက်က ပြုမူ လိုက်လေသည်။ (ထိုညီလေးမှာ သူ့ဌာနမှ တစ်ယောက်ဖြစ်ပါသည်။)

တစ်ခြားတော့မဟုတ်...၊ သူနှင့်ထိုညီလေးတို့ နှစ်ယောက်သား မျက်နှာချင်းဆိုင်ထိုင်စားနေသော စားပွဲ ခုံအောက်ခြေအ လယ်နေရာလောက်လေးတွင် ထိုညီလေးဘက်သို့ ဖင်ပေး၍ အမြီးလေးထောင်ကာ သူချ ကျွေးသော ပုဇွန်ထုတ်တစ်ပိုင်း ကို မြိန်ရည်ရှက်ရည်စားနေသော သားကြီး၏ ထောင်နေသော အမြီးလေး ကို ထိုညီလေးက လက်ဖြင့်ဆွဲကာ အပေါ်ကို ကိုင်မြှောက်လိုက်ခြင်းဖြစ်သည်။ အစားငမ်းနေသော သားကြီး ခမြာ ထိုညီလေးရဲ့ လုပ်ရပ်ကြောင့် လေထဲတွင် မြောက်ခနဲ ဖြစ်သွားကာ.... အထိတ်တစ်လန့်ဖြစ်ပြီး ပါးစပ် မှခွီးခနဲအသံပြုကာ စားလက်စ ပုဇွန်ကို ပါးစပ်မှလွှတ်ချကာ သူ့ခြေရင်းနားသို့ ပုန်းခိုလေတော့သည်။

ရုတ်တရက်မို့ သူ့ရင်ထဲတွင် ဒေါသလှိုင်းထသွားမိသည်။ သူ့ရှေ့မှ ထိုညီလေးကိုကြည့်မိတော့ မျက်နှာက ပြုံး စိစိဖြင့်။ သား ကြီးရဲ့ အထိတ်တစ်လန့်နိုင်သော အမူအယာကြောင့် ဘေးနားမှ မြန်မာလူမျိုး သူငယ်ချင်း တစ်သိုက်က ရယ်မောလျှက်..။ သားကြီးကတော့ သူ့ပါးစပ်မှ လွတ်ကျသွားသော ထိုပုဇွန်တစ်ပိုင်းကို ဆက် ကာ ပြန်စားဖို့ မ၀ံ့မရဲဖြစ်နေခဲ့ရတုန်း....။

စိတ်ဆိုးလွန်းလျှင်လုပ်နေကျမြဲဖြစ်သော သူ့ပုံစံအတိုင်း မျက်နှာကို အစွမ်းကုန်ပြုံးရင်း...၊ သို့သော်.... လေ သံကိုမြှင့်ကာ အနည်းငယ် တည်ငြိမ်ကျယ်လောင်သော အသံဖြင့် သားကြီးအား ထိုသို့ လုပ်လိုက်သော ညီ လေးကိုသူမေးလိုက်မိသည်။

“ညီလေး...... ဘာဖြစ်လို့ မင်းအဲ့သလို လုပ်ရတာတုန်းကွ”....

“သားကြီးကို နောက်ချင်လို့”........

သူ့အမေးစကားကို ထိုညီလေးက ပြုံးစပ်စပ် မျက်နှာပေးလေးဖြင့်ဖြေ၏။ သူခေါင်းငြိမ့်ပြလိုက်သည်။ နောက်.....

“အိုကေ ညီလေး၊ ဒါပေမယ့် မင်း.... ထမင်း...၊ ဒါမှမဟုတ် တစ်ခုခုကို မြိန်ရည်ရှက်ရည်စားနေတုန်း တစ်ယောက်ယောက် က မင်းရဲ့ဆံပင်ကို အနောက်ဘက်ကနေဇာတ်ကိုလန်သွားအောင် ဆောင့်ဆွဲပြီး နောက်မယ်ဆိုရင် မင်းစိတ်ထဲမှာ ဘယ်လိုခံစားရမလဲကွ”......

သူ့ရဲ့ အမေးကြောင့် စောစောကရယ်မောနေလေခဲ့သော သူငယ်ချင်းအားလုံး တိတ်ဆိတ်သွားလေသည်။ ထို ညီလေးခမြာလည်း သူ့အမေးကို မဖြေနိုင်ခဲ့တော့ပါ....။ မျက်နှာလေးနီမြန်းလျှက် ထမင်းကိုသာ တွင် တွင်ငုံ့စားနေလေတော့၏။

ဟုတ်သည်။ သူ့အတွေးအရ... “ကိုယ်ချင်းစာတရား.... ဟူသည်...... လူလူချင်း ကြားထဲမှာသာ ထားသင့်၊ ထားအပ်ခဲ့သော အရာမဟုတ်”..... ဟူ၍ပင်.......။

+++++++++++

သူ ထမင်းတစ်လုတ်ကို စ,ကာခပ်စားရင်း... ခြေရင်းနားမှ သားကြီးကို တစ်ချက်ငုံ့ကြည့်မိတော့ သားကြီးက စောစောက ပုဇွန်ထုတ်တစ်ပိုင်းအပြင်၊ နောက်ထပ်သူချကျွေးထားသော ပုဇွန်တစ်ပိုင်းကိုပါ (သူနှင့်အနီးဆုံးနေရာတွင်ကပ်လျှက်နေခဲ့ ပြီး) တစ်ကျွပ်ကျွပ်မြည်အောင် ၀ါးစားနေလေတာကိုတွေ့ရ၏။ ။

~~~~~~~@@@@~~~~~~~

(ပုံလေးကို ဒီနေရာလေးမှ ယူသုံးပါတယ်ခင်ဗျာ....။)

==============================================
ကြောင်ကလေးတွေ အကြောင်းဖတ်ချင်သေးရင်........
မေတ္တာတရားဆိုသည်မှာ..... ဆိုတာလေးလည်း... ရှိပါသေးတယ်ခင်ဗျာ....။
==============================================

ချစ်ခြင်းအားဖြင့်.......

ဏီလင်းညို