တစ်ဖက်သတ်...

ရာသီဥတုကလည်းဟယ်၊ အခုတစ်လော ဘယ်လိုများဖြစ်နေတာလည်းမသိပါဘူး။ မိုးတွင်းသာဆိုရတယ်။ နေကဖြင့် နေ့ တိုင်းနေ့တိုင်း ပြဲလန်အောင်ပူနေတာ ဘယ်နှစ်ရက်လောက်တောင်မှ ရှိနေပြီလဲ။ မိုးက တစ်စက်ဆို တစ်စက်လေးမှတောင် မရွာဘူး။ အဲ့ဒီတော့ ရန်ကုန်မြို့ကြီးဆိုတာ တစ်မြို့လုံးနီးပါး အုန်းအုန်းကျွတ်ကျွတ် နဲ့ ပူလွန်းအားကြီးလွန်းလို့ တစ်ခါတစ်ခါဆို ဒီက သေချင်စိတ်တောင် ပေါက်မိတယ်... အဟုတ်။

အခုလိုမျိုး ညနေစောင်းတဲ့အချိန်မှာ ထိုးတဲ့နေရောင်များဆို သာတောင်ဆိုးသေးတယ်။ လည်ဂုတ်နေရာကို တည့်တည့်များသာ အထိုးခံလိုက်ရရင်တော့ ပူဆင်းသွားတတ်တာ တစ်ကိုယ်လုံးပဲ။ အမလေး... တွေးရင်းနဲ့ တောင်မှ စိတ်ထဲပိုပူလာသလိုပဲ။ ကားမှတ်တိုင်ရောက်အောင် မြန်မြန်လေးလျှောက်မှပါ။

အင်း... ရှေ့နားမှာရှိတဲ့ ‘ကုန်သည်ကြီးများဟိုတယ်(လ်)’ နားကဖြတ်ရင်တော့ အဲ့ဒီမှာကာထားတဲ့ မှန်ချပ်တွေထဲမှာ ငါ့မျက်နှာေ လးကို တစ်ချက်လောက်တော့ ပြန်ခိုးကြည့်ဦးမှ။ ကုမ္မဏီမှာ အလုပ်မဆင်းခင် အိမ်သာထဲ ၀င်ပြီး မွမ်းမံ၊ အလှဆင်ထားခဲ့ရတဲ့ ငါ့မျက်နှာလေးတော့ ချွေးတွေ၊ အဆီတွေပျံနေလောက်ပြီထင်ပါရဲ့။

အဲ့... ‘ကုန်သည်ကြီးများဟိုတယ်(လ်)’ ဘေးတော့ရောက်လာပြီ။ ဘေးနားက ဖြတ်သွားဖြတ်လာလူတွေလစ်တုန်း မှန်ထဲခိုးကြည့် ဦးမှ။ ဟင်း... ကာထားတဲ့မှန်တွေက အကြည်တွေဆိုတော့ သိပ်ပြီး သဲသဲကွဲကွဲလည်း မမြင်ရဘူး။ ဒါပေမယ့်လည်း ငါ့ မျက်နှာလေးက သိပ်ပြီးအခြေအနေဆိုးမယ့်ပုံ မရှိလောက်သေးဘူးထင်ပါရဲ့။ ငါက နဂိုကတည်းက ရုပ်ရှိပြီးသားပဲဟာကို။ ကုမ္ပ ဏီမှာဆို ငါ့လောက်တောင်မှ ပုံမလာတဲ့ဟာတွေများ တစ်ပုံကြီးပဲ။ ငါက ရိုးရိုးစာရေးမဆိုပေမယ့် ဟိုဘော့(စ်)ရဲ့ စက္ကထရီမထက် ရုပ်ကအပြတ်အသတ်သာနေတာ ကုမ္ပဏီတစ်ခုလုံးသိပါ့။ အဲ့ဒီ့ကောင်မကလည်း ငါ့ကိုမနာလိုတာများ သူ့မျက်နှာမှာပေါ်နေ တာပဲ။ အံမယ် သူကပဲ ပြောရတယ်ရှိသေးတယ် သိလား...။ ငါ့ကိုများ “ကျီးအာသီးမ”... တဲ့လေ...ဟွန်း။ ဒါပေမယ့်လည်း ငါက ဂရုစိုက်ပါဘူး။ ကိုယ်က စင်ပေါ်ကပဲဟာကိုနော့်။ သူ့ကိုလည်း ငါတို့အုပ်စုက တိတ်တိတ်လေးကျိတ်ပြီး ပြန်ပေးထားတဲ့ နာမည် ၀ှက်ရှိတာကို သူလည်းမသိသေးလို့ပါ။ သူ့ကိုယ်သူ ‘စက္ကထရီမ’ ဆိုပြီး မာန်တက်နေတဲ့ အဲ့ဒီဟာမကို သူ့ကွယ်ရာမှာ “စက်ကတ် ကျည်းမ”လို့ ခေါ်ရတာများ သိပ်အရသာရှိတာသိလား၊ အဟင်း...။

ဟော.. ရှေ့မှာ ‘ဆူးလေမီးပွိုင့်’ တောင်ရောက်တော့မှာပါလား။ ဟယ်..မီးစိမ်းနေတုန်း သူများတွေနဲ့အတူရောပြီး လမ်းမြန်မြ န်ဖြတ်ကူးမှ။ အမလေး.. အရေးအကြောင်းဆို ဒီကုမ္ပဏီကပေးတဲ့ ယူနီဖောင်း ကိုယ်ကျပ်စကပ်အရှည်က ဒုက္ခပေးပြီကြည့်၊ သူ များတွေလို မြန်မြန်လျှောက်လို့ကိုမရဘူး။ ဒါတောင်မှ အနောက်ဘက်က ဒူး ခေါက်ခွက်နေရာနားလောက်မှာ ခွဲကြောင်းထားပေး လို့ တော်သေးတာ။ နို့မို့ အရေးအကြောင်းဆို ဟို.. တရုပ် သရဲကားတွေထဲက သရဲတွေလို ခုန်ဆွ ခုန်ဆွနဲ့ပြေးရမယ့်ကိန်း။ ဒါပေ မယ့်လည်းလေ.. အထက်အောက်နက် ပြာရောင်ဒီလိုစကပ်ရှည်မျိုးနဲ့ အပေါ်ကမိန်းမ၀တ်ကုတ်အင်္ကျီပုံစံယူနီဖောင်းသုံးစုံကို ကုမ္ပ ဏီကထုတ်ပေးထား လို့ တော်သေးတယ်ဆိုရမယ်။ နို့မို့ဆိုရင် အ၀တ်အစားဖိုးနဲ့တင် မွဲရချည်ရဲ့။

အင်း... အ၀တ်အစားဆိုလို့ လကုန်ရင်တော့ ယုဇနပလာဇာဖြစ်ဖြစ် ဒဂုံစင်တာကိုဖြစ်ဖြစ် သွားဦးမှပါ။ ပြီးခဲ့တဲ့ အပတ်တုန်းက Channel 7 မှာလာတဲ့ စလဗျစ်တီပရိုဖိုင်မှာ အဆိုတော် “မိဂန္ဓီ”၀တ်ထားတဲ့ အင်္ကျီလေးက အရမ်းလန်းတာပဲ။ မျက်တောင်အတု ကြီးကလည်း ကော့လို့။ ဟုတ်ပြီ... ဟုတ်ပြီ၊ ဒီလတော့ မျက်တောင်အတုနဲ့ မိဂန္ဓီဝတ်တဲ့ အင်္ကျီမျိုးလေးကိုရှာပြီး ၀ယ်ဖြစ်အောင် ၀ယ်ရမယ်၊ ကြည့်နေ...။ အိမ်ကိုတော့ ကိုယ့်လစာ တွေ မအပ်နိုင်ပါဘူး။ ကိုယ်ရှာတာ ကိုယ်သုံးမှာပဲ။ ဟုတ်တယ်လေ၊ “လူမှာအ၀တ် တောင်းမှာအကွပ်” ဆိုတဲ့ စကားပုံကို ဒီခေတ်ကြီးထဲ ချောင်မှာသွားထိုးထားလို့ ဘယ်ဖြစ်မလဲ။ အင်ပရက်ရှင်ေ ဒါင်းမှာပေါ့၊ မြောင်းထဲ ရောက်သွားမှာပေါ့။

ပြီးတော့ အင်္ကျီအသစ်ဝယ်ပြီးသွားရင်လည်း ငါ့ဗီရိုထဲမှာ သေသေချာချာ သော့ခတ်ပြီး သိမ်းထားဦးမှ။ နို့မို့ဆို အငယ်မကယူပြီး အသုံးတော် ခံနေဦးမယ်။ ပြောလို့ပြောတာမဟုတ်ဘူး၊ အဲ့ဒီ အငယ်မကို ကိုယ့်ရဲ့ တစ်ဦးတည်းသော ညီမဆိုပေမယ့် တစ်စက်ေ လးမှ ကြည့်မရဘူး။ အလကား.. သူ့ကိုယ်သူ စာတော်တယ်ဆိုပြီး အ ဖေနဲ့အမေက ပ,စားပေးထားတိုင်း မဏ္ဍပ်တိုင် တက်ပြချင်နေတဲ့ဟာမ။ ညညဆို မအိပ်ပဲ သူ့ရည်းစားနဲ့ ဖုန်း ခိုးပြောပြောနေတာကို ငါက ပြန်မထောင်ချင်လို့ ကြည့်နေတာ ဒင်းက အကောင်းမှတ်နေသေးတယ်...ဟွန်း။

ဟဲ့...ဟဲ့ အံမလေးနော်၊ ဒီကားတွေကလည်း သူတို့ထွက်ဖို့ မီးအချက်ပြလိုက်တာနဲ့ စွတ်စက်မောင်းတော့တာ ပါပဲလား။ အဲ့ဒါတွေကြောင့်မို့လို့ ကိုယ်ပိုင်ကားစီးနိုင်တဲ့လူတချို့တွေကို ငါသိပ်မုန်းတာ။ ဟုတ်တယ်..သူတို့က ကားပေါ်ရောက်သွားပြီဆိုတာနဲ့ လမ်းပေါ်ကလူတွေကို လူလို့ထင်ချင်ကြတာ မဟုတ်တော့ဘူး။ ခုခေတ်ဆို ပို ဆိုးတာပေါ့။ ကားတစ်စီးကို သိန်းတစ်ရာလောက်နဲ့ ၀ယ်လို့ရနေပြီဆိုတော့ ပိုက်ဆံရှိတွေရော၊ မရှိတရှိတွေ ရော ၀ယ်စီးကြတာ သည်းသည်းလှုပ်မို့ ရန်ကုန်တစ်မြို့လုံး ကားတွေနဲ့ကို ပြည့်ကြပ်နေတော့တာပဲ။ ကုမ္ပဏီ ကို အသွားအပြန်ဆို လမ်းကမီးပွိုင့်တွေမှာ ကားတွေ ခဏခဏပိတ်လို့ အချိန်တွေပုပ်ရတာများ သိပ်မုန်းဖို့ ကောင်းတာပဲ။

သြော်.. ပြောရမယ်ဆိုရင်တော့ ငါကလည်းငါပါပဲလေ။ ကားမှတ်တိုင်ဆီကိုသွားတာ ကားတွေသွားတဲ့ ပလက် ဖောင်း ဘေးနားကကပ်ပြီးတော့ “ပဲ”နည်းနည်းများရင်း လျှောက်နေမိခဲ့တာကိုး၊ ခံရုံပဲရှိတော့တာပေါ့။ အင်း... စိတ်ကသာ ကိုယ့်ကိုယ်ကို ခံရုံပေါ့လို့ ကြိတ်ဖြေနိုင်ပေမယ့် မနက်မနက်ဆို စောစောထ,ထပြီး ဖြောင့်စက်နဲ့ သေသေချာချာ ဆွဲဆန့်ထားခဲ့ရတဲ့ ငါ့ဆံပင်လေးတွေတော့ ကားတွေကနေ လေဟပ်သွားလို့ နည်းနည်းပွ သွားလောက်ပြီ ထင်တယ်။ မသိမသာနဲ့ အသာလေး ပြန်သပ်ပေးဦးမှ၊ နို့မို့ဆို စတိုင်(လ်)ပျက်တယ်။

ဒီဆံပင်ကလည်း နောက်တစ်လလောက်ဆို ပုံပြောင်းဖို့တော့သင့်နေပြီ။ ငါ့မှာတော့လေ.. လွန်ခဲ့တဲ့ လေး၊ ငါး၊ ခြောက်လလောက်တုန်းကဆို နှစ်လလောက်မုန့်အငတ်ခံပြီးစုထားတဲ့ ရှိစုမဲ့စုပိုက်ဆံလေးနဲ့ ဆိုင်မှာသွားပြီး တော့ ဖြောင့်ထားလိုက်ရတာ။ ဟော... အခုကျတော့ ကြည့်ဦး၊ မိန်းကလေးတိုင်းလိုလို သူတို့ရဲ့ဆံပင်တွေကို ပြန်ကောက်ကုန်ကြပြီ။ အဲ့ဒီတော့ ငါလည်းငါ့ဆံပင်တွေကို ကောက်ဖို့ပိုက်ဆံစုဦးမှပါ။ နို့မို့ဆို  ဆံပင်ကောက် ကောက်စတိုင်(လ်)တွေ ပြန်ခေတ်စားလာနေတဲ့ အခုလိုအချိန်မျိုးမှာ သူများလုပ်သလို ကိုယ်ကလိုက် မလုပ် နိုင်ရင် အရမ်းဖီး(လ်)ငုပ်တယ်။ မုန့်အငတ်ခံရတာက ပြဿနာမရှိဘူး။

ဟယ်တော့... ကားမှတ်တိုင်မှာကလည်း လူတွေမနည်းပါလား၊ သေချင်လိုက်တာနော်။ ညည်းနေရုံနဲ့လဲ မပြီး သေးပါဘူး၊ ငါစီးရမယ့် ကားကိုရှာဦးမှပါပဲ။ အဲ့... ဟိုဘက်နား သွားရှာမှ။ ဟယ်... ကြည့်စမ်း ဟိုမှာ အခုလေး တင်ထွက်သွားတာ ငါစီးရမယ့် ဘတ်(စ်)ကားမှတ်လား။ ဒုက္ခပါပဲဟယ်၊ နောက်တစ်စီး စောင့်ရဦးမယ်။

တကယ်လို့ အိမ်အပြန်နောက်ကျရင်တော့ ဒီည ခုနှစ်နာရီမှာလာမယ့် ကိုရီးယားဇာတ်လမ်းတွဲကို လက်လွှတ် ရတော့မှာပဲ။ နေပါဦး..၊ ခုဘယ်နှစ်နာရီ ထိုးပြီလဲ မသိဘူး။ နာရီ ကြည့်ဦးမှပါ။ သြော် ငါးနာရီခွဲပဲ ရှိသေးတယ်။ တော်သေးတာပေါ့။ ဒါဆို မီပါတယ်။ အမလေး.. အဲ့ဒီကားက အရမ်းဂွတ်ဒ်ရှယ်တာ သိလား။ လက်လွှတ်ခံလို့ လုံးဝမဖြစ်ဘူး။ ပြီးတော့ ဒီညလာမယ့်အခန်းကရှယ်ပဲ။ ဇာတ်လမ်းတစ်ခုလုံးရဲ့ အထွဋ်အထိပ်လို့တောင် ပြော လို့ရတယ်။ မနေ့ညက ဇာတ်လမ်းအပြီးမှာပြလိုက်တဲ့ ထွေလာအတိုလေးအတိုင်းဆိုရင် ဒီညလာမယ့် အခန်း တွေမှာ ဟိုမယားငယ်မကို မယားကြီးက သူ့ယောက်ျားနဲ့ ချိန်းတွေ့နေတုန်း ပက်ပင်းမိအောင်ဖမ်းပြီး ပါးရှစ်စိပ် ကွဲအောင် ရိုက်တော့မှာ။ ကောင်းတယ်၊ အဲ့သလိုချမှ အဲ့ဒီအငယ်မ မှတ်မှာ။ ခိုးစရာရှားလို့ သူများယောက်ျား ကိုမှ အမိဖမ်းရသလားနော်။ ကိုရီးယားမတွေများ ရုပ်ကလေးတွေက သနားကမားနဲ့ သူများယောက်ျားခိုးတာ အင်မတန် ၀ါသနာပါပုံရတယ်။ လာလိုက်ရင် ဆယ်ကားမှာ ကိုးကားက သူများတကာယောက်ျားကို ကြာကူ လီရိုက်တဲ့ ကားတွေချည်းပဲ...ဟွန်း။

အင်း... နောက်ကားစောင့်ရမယ့်အတူတူ မထူးတော့ပါဘူး။ မှတ်တိုင်ဟိုဘက်အစွန်းမှာရှိတဲ့ နေရာလေးကနေ ပြီးတော့ပဲ သွားစောင့်နေလိုက်တော့မယ်။ ပြောရမယ်ဆို ဒီနားက လူနည်းနည်း ရှုပ်တယ်။ တော်ကြာကျရင် လူရှုပ်ရှုပ်တွေကြားမှာ ရပ်နေလို့ ငါ့အလှအပတွေကို လူတွေ သတိမထားမိပဲ ဖြစ်နေဦးမယ်။ သွားမှ..သွားမှ။

ဟုတ်ပြီ...၊ ဒီနားလေးက လူနည်းနည်း ရှင်းတယ်။ ဒီနားမှာပဲ ရှိုးစမိုးလေးနဲ့ ရပ်မှ။ ဟယ်...ငါ့ဘေးနားက ဒီ ခေါင်းလျှော်ရည်ကြော်ငြာပိုစတာက လူပြောင်းသွားပြန်ပြီလား။ ပြီးခဲ့တဲ့ လတုန်းက “ခွန်ဆာဝင့်ကျော်”ပုံလေး နဲ့ပါ။ အခုတော့ ကြည့်စမ်း၊ “ယွန်းအီတလီလွင်မိုး” ပုံနဲ့ ဖြစ်သွားပြန်ပြီ။ တော်တော် ပိုက်ဆံပေါတဲ့ ကုမ္ပဏီပဲ ထင်ပါရဲ့ဟယ်။ ကြော်ငြာများ တစ်လတစ်ခါ လူပြောင်းနေတော့တာပဲ။ သူတို့တွေများ ချမ်းသာလိုက်ကြတာ။ ငါတို့ကျတော့လည်း တစ်လမှ ကိုးသောင်းလောက်ပဲရတာကို ဟန်မပျက်လေး သုံးနေရတာ။ ဟွန်း... သိပ်ကို မနာလိုဖြစ်စရာ ကောင်းတယ်။

ဘတ်စ်ကားစောင့်ရင် ဖုန်းခဏဖွင့်ပြီး အွန်လိုင်းတက်ရင် ကောင်းမလား။ ဖေ့စ်ဘွတ်ခ် ခဏ၀င်ကြည့်ရင် အ ပျင်းပြေမယ်နဲ့တူတယ်။ အို... မဖြစ်သေးပါဘူးလေ။ ကားလွတ်သွားဦးမယ်။ ပြီးတော့ ဖုန်းဘေလ်လည်း ကုန် သွားလိမ့်မယ်။ ဒီနေ့တစ်နေ့လုံး ရုံးက ကွန်ပျူတာနဲ့ ခိုးသုံးခဲ့တာပဲ။ တော်ရောပေါ့။

အင်း... တော်ရောပေါ့လို့ စိတ်ဖြေရပေမယ့် အဲ့ဒီဖေ့စ်ဘွတ်ခ်ကို သိပ်စွဲလန်းရတာပဲ။ ငါစွဲလန်းရတာကတော့ တစ်ခြားကြောင့် မဟုတ်ပါဘူး။ ငါ့ရဲ့ အလှအပတွေကို ဓာတ်ပုံလှလှလေးတွေရိုက်ပြီး သူများတွေကို မသိမ သာလေး ကြွားခွင့်ရလို့ပဲ။ အံမယ်... ဓာတ်ပုံတင်တာ ဘာရှက်စရာလိုလဲ။ ကိုယ်က မဟုတ်တရုတ်ဝတ်စားပြီး တင်တာမှ မဟုတ်တာ။ ဒီလိုပဲ သူသူကိုယ်ကိုယ် ဓာတ်ပုံတွေ တင်နေကြတာပဲဥစ္စာ။

ဒါပေမယ့်လည်း တချို့ကောင်မတွေက လွန်လွန်းပါတယ်။ ၀တ်တာစားတာတွေက လန်ပျံထွက်နေကြတာပဲ။ ပြီးတော့ ဓာတ်ပုံတွေကို ဟောတစ်ပုံ၊ ဟောတစ်ပုံ တင်ကြတာ။ နောက်ပြီး တချို့တွေဆို ဘာလေးဝယ်လာ တယ်၊ ညာလေးဝယ်လာတယ်၊ ဘာချက်စားတယ်၊ ညာချက်စားတယ်၊ ဘယ်မှာ သွားစားတယ်၊ စားကြပါဦး လား၊  ဘယ်ကိုသွားတော့မယ်၊ ဘယ်ကိုရောက်တုန်းက၊ နာမည်ကြီးဘယ်သူနဲ့တွေ့ခဲ့တယ်၊ ဘာညာနဲ့တောင် ဓာတ်ပုံတွေတင်ပြီး မသိမသာ ကြွားကြသေးတဲ့ဟာ။ ကြွားချက်က 9လောက်ရှိလို့ တစ်ခါတစ်ခါ ကြည့်ရတာ သိပ်စိတ်မြင်ကတ်တာပဲ။ ဒါပေမယ့်လည်း ငါနဲ့ကသူငယ်ချင်းတွေဆိုတော့ အားနာပါးနာနဲ့Likeလုပ်ပေး၊ ကော် မန့် ရေးပေးရတာပေါ့။ အဲ့ဒီလိုမှ ငါက မလုပ်ပေးရင် ငါတင်တဲ့ပုံတွေကိုလည်း သူတို့က Likeတွေ၊ ကော်မန့် တွေ ပေးကြတော့မှာ မဟုတ်ဘူး။

အင်း... အဲ့ဒီဟာမျိုးတွေနဲ့ယှဉ်လိုက်ရင် ရိုက်ထားတဲ့ အလှဓာတ်ပုံလေးတွေကိုပဲ နှစ်ရက်တစ်ခါလောက်တင် ပြီး ကြိုက်တဲ့ statusလေးတွေရှယ်နေတဲ့ငါက သူတို့ထက် အများကြီးတော်ပါသေးတယ်။ ဒီကြားထဲမှာ ဖေ့စ် ဘွတ်ခ်ပေါ်က စာရေးဆရာယောင်ယောင်၊ နိုင်ငံရေးသမားယောင်ယောင်၊ ဗော်လွန်တီယာယောင်ယောင်၊ စ လယ်ဗျစ်တီယောင်ယောင်တွေက တစ်မှောင့်။ ဖေ့စ်ဘွတ်ခ်ပေါ်မှာတော့ သူတို့ဟာနဲ့ သူတို့ ဟုတ်နေကြတာ ပဲ။ ပြီးတော့ တစ်ခုခုဆို ဖေ့စ်ဘွတ်ခ်ပေါ်မှာ လက်သီးလက်မောင်းတန်းပြီး သတ္တိရှိကြတာ၊ သွေးရဲကြတာတွေ က “ထွန်းဂိန်ဗရာဘို” ဆိုထားတဲ့ သီချင်းဟောင်းတစ်ပုဒ်ရဲ့ ခေါင်းစဉ်တစ်ခုအတိုင်းပဲ။ ဘာသီချင်း ဖြစ်ရမှာ တုန်း၊ “နှစ်ယောက်မရှိဘူး” ဆိုတဲ့ သီချင်းပေါ့။ ဟွန်း... သူတို့တွေကို မြင်ရတာ အုန်းသိပ်စားတယ်..တကယ်။

ဟယ်တော့... မုန့်ဟင်းခါးနံ့လေးက မွှေးနေတာပဲ၊ စားချင်လိုက်တာနော်။ ဒါပေမယ့် ငါ့အိတ်ထဲမှာ ရေသိပ်မ လျှံတော့ဘူး။ လကုန်ဖို့ကလည်း တစ်ပတ်လောက် လိုသေးတယ်ဆိုတော့ ချွေတာမှပါ။ တစ်လတစ်လ ကုမ္ပ ဏီကရတဲ့ လစာကိုးသောင်းကလည်း လမ်းစရိတ်၊ ဖုန်းဖိုး၊ မုန့်ဖိုး၊ အ၀တ်အစားဖိုးနဲ့ လမကုန်ခင် ပြောင်ချင် နေပြီ။ အိမ်ကနေပြန်ပြီး တောင်းရင်လည်း “ကိုယ်ရတဲ့လစာတွေကို အိမ်ပြန်မပေးပဲ တစ်ယောက်တည်း သုံး နေတာတောင် ညည်းက မလောက်ငနိုင်သေးဘူးလား” ဆိုပြီး မားသားကြီးက ပွမ်နေဦးမှာ။ စားလို့မဖြစ်သေး ပါဘူး။ အိမ်ကျမှပဲ ထမင်းကို အပြတ်ကြိတ်ပစ်လိုက်တော့မယ်။ အံမလေး... တွေးရင်းနဲ့ ဗိုက်တောင် ပိုဆာ လာသလိုပဲဟယ်။ နေစမ်းပါဦး၊ အနံ့လာတဲ့နေရာကို ခန့်မှန်းကြည့်ရရင် ဒီမုန့်ဟင်းခါးဆိုင်ဟာ ငါ့နောက်ကျော ဘက် မျက်စောင်းထိုးနေရာကများလား မသိဘူး။ အနံ့ရတာ တော်တော်စားကောင်းမယ့်ပုံပါပဲလား။ တစ်ချက် လောက်တော့ လှည့်ကြည့်ပြီး ဆိုင်ကို မှတ်ထားဦးမှ။ လစာထုတ်ရင် သူငယ်ချင်းတွေနဲ့ အတူတူ လာအုပ်ဖို့။

ကြည့်စမ်း... မုန့်ဟင်းခါးသည်မက ငါ့ကို ပြူးပြဲပြီး ကြည့်နေပါလား။ ဘယ်အချိန်ကတည်းက ရှိုးနေတာလဲ မ သိဘူး။ ကြည့်နေလိုက်တာများ မျက်လုံးတောင် ကျွတ်ကျတော့မယ်။ ဟင်း... ဧကန္တတော့ ငါ့ကို မနာလိုလို့ပဲ ဖြစ်မှာ။ ဟွန်း... လမ်းဘေးဈေးသည်ကများ ငါ့ကို လာယှဉ်နေချင်သေးတယ် ထင်တယ်။ မောသွားမှာပေါ့။ မ ဖြစ်သေးပါဘူးလေ။ မသိသလိုပုံစံမျိုးနဲ့ မျက်နှာလွှဲလိုက်မှပါ။ သူနဲ့ ပြိုင်ရအောင်လို့ ကလပ်စ်ခြင်းက တူတာမှ မဟုတ်တာ။ ငါက အွန်သယ်အဲလီဖန့်ပဲ၊ စင်ပေါ်ကပဲ။ ဟုတ်တယ်လေ... သူက လမ်းဘေးဈေးသည်၊ ငါက အ ဝေးသင်နဲ့ ကျောင်းပြီးထားတဲ့ ပညာတတ်။ ပြီးတော့ အလုပ်ကလည်း နာမည်ရှိတဲ့ ကုမ္ပဏီက စာရေးမပဲဟာ။

အောင်မာ ဟိုဘက်နားက အကောင်နှစ်ကောင်က ငါ့ကိုကြည့်ပြီး ပကျိပကျိနဲ့ ဘာတွေ တီးတိုးသဖန်းပိုးနေကြ သလဲ မသိဘူး။ ဒင်းတို့ပါးစပ်တွေက လှုပ်စိ လှုပ်စိနဲ့။ မျက်နှာကြောကို နည်းနည်းတင်းထားဦးမှ။ ဟွန်း... ကြည့်ပါလား၊ ရုပ်တွေကိုက ဘောင်းဘီကျပ်ကျပ်တွေဝတ်ပြီး၊ အောလ်စတားဖိနပ်တွေနဲ့။ ဆံပင်တွေကလည်း အီမိုကေတွေနဲ့။ အဲ့ဒီအီမိုကေတွေများ သိပ်မျက်စိနောက်တာပဲ။ ဆံပင်ဖုတ်သိုက်ကြီးကို မျက်နှာရှေ့တစ်ခြမ်း အုပ်ထားကြတာ သူတို့တွေ မအိုက်ကြဘူးလားမသိဘူး။ ဟင်း... သူတို့ကိုယ်သူတို့ ဘာတွေများ မှတ်နေကြ သလဲ မသိဘူး။ မြင်တာနဲ့တင် သိသာပါတယ်။ ရုပ်တွေကိုက မိဘလုပ်စာထိုင်စားပြီး ပေါ့ပေါ့နေ ပေါ့ပေါ့စား ဘော်ကြော့တွေမှန်း။ လက်မှာလည်း ဘာကွင်းတွေ ၀တ်ထားမှန်းမသိဘူး။ အလကား အပေအတေ၊ လမ်းသ ရဲ တေလေဂျပိုးတွေ။ လက်ကြော တင်းမယ့်ကောင်တွေ၊ သစ္စာရှိမယ့်ကောင်တွေမဟုတ်ဘူး။ ဒါမျိုးတွေတော့ ငါက အထင်မကြီးပါဘူး။

ခေတ်မိန်းကလေးဆိုပေမယ့် ဘ၀အတွက်တော့ အများကြီး စဉ်းစားတတ်သေးတယ်။ အဲ့ဒီလိုကောင်တွေများ ငါက စိတ်ကူးထဲတောင် မထည့်ဘူးမှတ်။ သူတို့ထက်စာရင် သူတို့ရဲ့ဘေးဘက်က တစ်ယောက်ကမှ ကြည့်ရ တာ အဆင်ပြေသေးတယ်။ ကြည့်လေ...၊ ရှပ်အင်္ကျီအဖြူ၊ ယောပုဆိုးအနက်ရောင် အဆင်နုပ်နုပ်လေးတွေနဲ့ များ ဘယ်လောက်တောင် တည်ငြိမ်လိုက်သလဲ။ မြင်လိုက်ရတာနဲ့တင် တည်ကြည်ခန့်ငြားပြီး အားကိုးလိုက် ချင်စရာ။ ဟယ်.. ငါဘာတွေ လျှောက်တွေးနေမိပါလိမ့်။ စင်္ကာပူမှာ စားပွဲထိုးသွားလုပ်နေတဲ့ ငါ့ချစ်ချစ်နဲ့တော့ သူ့ကို မလဲနိုင်ပေါင်။ နောက်နှစ် ငါ့ချစ်ချစ်ပြန်လာရင် သူနဲ့ မင်္ဂလာဆောင်ရမယ်။ လက်ထပ်ပြီးရင်တော့လေ.. ယောက်ျားအားကိုးနဲ့ ဒီ့ထက်ပိုပြီး လန်းသွားအောင် ၀တ်ပစ်၊ စားပစ်လိုက်ဦးမှာ...ဟိဟိ။

ဟော... ဟိုမှာ ငါတို့ ရန်ကင်းဘက်ကိုသွားမယ့် ဘတ်စ်ကားတောင် လာနေပြီ။ ဒီတစ်ခါတော့ ခုနကလို မ ကျန်ခဲ့ရအောင် အမြန်ပြေးတက်မှ။

~~~@~~~

အင်း... ဒီပုံအတိုင်းဆိုရင် ညရှစ်နာရီလောက်မှ ငါ့မုန့်ဟင်းခါးတွေ ပြတ်မယ်ထင်တယ်။ ဒီ့ထက်စောစော ကုန်ပါစေဟယ်။ အဲ့ဒါမှ ငါအိမ်ကို စောစောပြန်ရမှာ။ အမေက နေသိပ်ကောင်းတာ မဟုတ်ဘူး။ အိမ်ပြန်ရင် အမေ့အတွက် ဘာဝယ်သွားရင် ကောင်းမလဲ။ ညီမလေးနဲ့ အဖေ့အတွက်ကရော။ ဘာပဲဖြစ်ဖြစ် အားလုံးစား လို့ရမယ့်ဟာ တစ်ခုခုဝယ်သွားရမယ်။ တော်ကြာ တစ်ယောက် တစ်မျိုးနဲ့ ပိုက်ဆံအပို ကုန်နေမှာစိုးလို့။ ဟုတ် တယ်။ ညီမလေးက နောက်နှစ်ဆို ဆယ်တန်းတက်ရတော့မှာမို့ သူ့ကျောင်းစရိတ်၊ ကျူရှင်စရိတ်တွေအတွက် ငါပိုက်ဆံ ကြိုစုထားရမယ်။ နို့မို့ဆို ငါ့ညီမလေး သူများတွေကြား မျက်နှာငယ်နေရရှာမှာ။

အဖေနဲ့အမေလည်း အသက်ကြီးပြီ။ အမေဆို ငါတို့ညီအစ်မနှစ်ယောက်ကို နေပူမရှောင် မိုးရွာမရှောင် လုပ် ကြွေးခဲ့ရလို့ ခုဆို တရှောင်ရှောင်နဲ့။ တော်သေးတယ်... အဖေက ကျန်းမာရေးကောင်းပြီး ငါဈေးထွက်နိုင်ဖို့ အိမ်ကကိစ္စတွေ လုပ်ပေးနေနိုင်သေးလို့။ သားယောက်ျားလေးမရှိလို့ အဖေနဲ့အမေက ငါ့ကိုပဲ အားကိုးနေကြ ရတာ ကြာလာတော့ အားနာလာကြတယ်နဲ့တူပါရဲ့။ အိမ်မှာဆို ဘာပဲဖြစ်ဖြစ် သမီးကြီးသဘော ဆိုတာချည်း ပဲ။ ဒါပေမဲ့လည်း ငါကတော့ မိဘတွေကျေးဇူးကို စောစောစီးစီး တတ်နိုင်သလောက်ဆပ်ခွင့်ရလို့ ၀မ်းသာမိပါ ရဲ့။ ယောက်ျားတွေနဲ့ ရင်ပေါင်တန်းပြီး ရန်ကုန်မြို့လယ်ခေါင်မှာ မုန့်ဟင်းခါးကို ဆိုင်းထမ်းနဲ့ရောင်းစားနေရပေ မယ့် အဲ့ဒီလိုတွေးလိုက်တိုင်း ငါ့အမောတွေ ပျောက်ပျောက်သွားရတာ။ ဘာပဲဖြစ်ဖြစ် ငါ့ဘ၀က ငါ့ညီမလေးနဲ့ အဖေတို့ အမေတို့အတွက်ပဲ ဖြစ်စေရမယ်။ ငါဒီ့ထက်ပိုပြီး ကြိုးစားရမယ်။

ဟင်... ငါအတွေးလွန်နေတာနဲ့ ဟင်းရည်အိုးအောက်က မီးဖိုမှာ မီးနည်းနေတာ သတိမထားမိလိုက်ပါလား။ မဖြစ်ပါဘူး။ မီးသွေး နည်းနည်းထည့်ပြီး ယပ်လေးဘာလေး ခတ်ပေးဦးမှပါ။ တော်ကြာ ဟင်းရည်တွေ အေး သွားကုန်ရင် ခက်မယ်။ မုန့်ဟင်းခါးဆိုတာ ဟင်းရည်ပူပူလေးနဲ့မှ။ အေးစက်စက်နဲ့ဆို သူများမပြာနဲ့ ကိုယ်တိုင် တောင် မစားချင်ဘူး။ “ဘာပဲလုပ်လုပ် ကိုယ်ချင်းစာတရားနဲ့လုပ်” ဆိုတဲ့ အဖေ့စကားအတိုင်း ဟင်းရည်လေး အပူမလျှော့သွားအောင် လုပ်ဦးမှ။

ဟော... ဟိုနားက ခေါင်းလျှော်ရည်ကြော်ငြာဘုတ်နားမှာရပ်နေတဲ့ နက်ပြာရောင်ကုမ္ပဏီဝတ်စုံနဲ့ ညီမလှလှ လေး ဘတ်စ်ကားပေါ် ပြေးတက်သွားပါလား။ ဖြည်းဖြည်းသွားပါလား ညီမလေးရယ်။ ကားက မှတ်တိုင်မှာ ရပ်ဦးမှာပါ။ ဟုတ်တယ်။ တော်ကြာကျရင် ညီမလေးရဲ့ အလှတွေ ပျက်ကုန်မှာ စိုးရတယ်။

တကယ်ပြောတာ...။ အဲ့ဒီညီမလေးက လှတယ်။ နက်ပြာရောင် ကုမ္ပဏီဝတ်စုံလေးနဲ့ သူ့အသားဖြူဖြူလေး နဲ့က သိပ်လိုက်တာပဲ။ ဆံပင်လေးတွေကလည်း ကျောလည်လောက်ရှည်ပြီး ဖြောင့်ဖြောင့် စင်းစင်းလေးတွေ။ အရပ်လေးကလည်း ခပ်မြင့်မြင့်နဲ့။ ကြည့်ရတာ ပိုက်ဆံရှိမယ့်ပုံ၊ ပညာတွေ တတ်မယ့်ပုံ၊ သဘောကောင်းမယ့် ပုံပါပဲ။ စောစောက ငါကြည့်နေတာကို မြင်သွားတော့ ပြုံးတောင် ပြလိုက်သေးသလားလို့။

သြော်... သူများတွေကျတော့ ကံကောင်းလိုက်တာနော်။ ကံကောင်းကြပါစေလေ။ အဲ့ဒီလိုလေးတွေမြင်ရရင် သူတို့လို ငါက မချမ်းသာပေမယ့်၊ မလှပေမယ့် မြင်ရတွေ့ရတာ တကယ်ပဲ စိတ်ချမ်းသာမိပါရဲ့။

အလို... မှတ်တိုင်နားမှာ ယောပုဆိုးအနက်၊ ရှပ်အင်္ကျီအဖြူနဲ့ရပ်နေတာ ဘယ်သူလဲလို့။ လတ်စသတ်တော့ ငါတို့ရပ်ကွက်ထဲက ပွဲစားဒေါ်စိန်တင့်ကြီးနဲ့ ဘာလိုလိုဖြစ်နေတဲ့ အကောင်ပါလား။ ဒင်း ဘယ်သွားမလို့ပါလိမ့်၊ ဧကန္တတော့ ဒေါ်စိန်တင့်ကြီးဆီက ဘယ်လောက်ချူခဲ့ပြီလည်း မသိဘူး။ အခုခေတ်မှာ တချို့ယောက်ျားလေး တွေများ သိပ်ခက်တာပဲ။ ကိုယ့်အမေ အရွယ်လောက်ရှိတဲ့ မုဆိုးမကြီးကို ကြာကူလီရိုက်ပြီး ချူစားတတ်ကြ တာ။ ဒင်းရုပ်နဲ့ အကြောင်းမသိတဲ့သူဆိုရင် ယုံချင်စရာတောင်မကောင်းဘူး။ ကြည့်ပါလား၊ ရုပ်ကြည့်တော့ တည်တည်ကြည်ကြည်လိုလို ဘာလိုလိုနဲ့။ အလကား ရုပ်ကလေးဗန်းပြပြီး ချူစားတတ်တဲ့ ယောက်ျားပိုင်းလုံး ကောင်။ အဲ့ဒီလိုယောက်ျားတွေများ သိပ်ရွံစရာ ကောင်းတာပဲ။

ဟော... အစ်မတို့ ဘာကြော်နဲ့စားကြမလဲ။ ဘူးသီးကြော်နဲ့လား။ ဘယ်နှစ်ပွဲလည်း။ သြော်... သုံးပွဲလား။ တစ် ပွဲက ညှပ်နဲ့နော်... ဟုတ်လား။ ဟုတ်ကဲ့... ရမယ် အစ်မ၊ ခဏလေးနော်။

အင်း... ဒီအစ်မတွေ စားပြီးသွားရင်... ဆိုင်မှာ လူပါးတုန်း ဟိုဘက်နားမှာ ရောင်းနေတဲ့ ပန်းသီးသည်ဆီက ပန်းသီးလေး နှစ်လုံး၊ သုံးလုံးလောက်တော့ အမေနဲ့အဖေ့အတွက် သွားဝယ်ထားဦးမှပါ။ တော်ကြာ ဆိုင်သိမ်း သွားရင် ခက်မယ်။ ပန်းသီးသွားဝယ်တုန်း ဆိုင်ကိုခဏကြည့်ထားပေးဖို့ ဘေးဆိုင်က ၀က်သားတုတ်ထိုးသည် ဦးကျော်ကြီးကို ပြောထားရဦးမယ်...။      ။

~~~@~~~

-------------------------------------------------------------------------------------------------------------------------------

၂၀၁၃၊ သြဂုတ်လ လောက်တုန်းက ရွှေဒေါင်းတောင် အွန်လိုင်းမဂဇင်းမှာ ရေးခဲ့တဲ့ ၀တ္ထုတိုလေးပါ။ ဖတ်ဖူးသားမိတ်ဆွေတွေ ရှိတာသိပေမယ့်လည်း ဘလော့ဂ်မှာ ပြန်သိမ်းထားချင်လို့ပါဗျာ။

အောက်က မူရင်းတင်ထားတဲ့ လင့်ခ်လေးပါဗျာ။။ 

http://www.shwedaungtaung.com/short-story/156-2013-08-10-13-44-24.html

---------------------------------------------------------------------------------------------------------------------------------

ချစ်ခြင်းအားဖြင့်...

ဏီလင်းညို

(တစ်ဖက်သတ်...)