ပြေးလမ်းပေါ်က လေးနှစ်သား ကျွန်တော်...

တကယ်တမ်းပြောရမယ်ဆိုရင် အွန်လိုင်းပေါ်မှာရေးတဲ့ မြန်မာစာလုံးတွေနဲ့ ကျွန်တော် စတင်ထိတွေ့မိခဲ့တာက ၂၀၀၈ခုနှစ် နှောင်းပိုင်းလောက်ကမှပါပဲ။ ကျွန်တော် ဘယ်လိုပုံနဲ့ စတင်ထိတွေ့ခဲ့ရတယ်ဆိုတာ နည်းနည်းလေး ပြောပြချင်ပါတယ်။

ဘ၀ပေးအခြေအနေအရ အရှေ့တောင်အာရှနယ်နိမိတ်အတွင်းမှာရှိတဲ့ ပြည်ပ နိုင်ငံငယ်လေးတစ်ခုမှာ ၀မ်းရေးအတွက် အလုပ်လုပ်နေရင်း နှစ်တွေကြာလာတဲ့ တစ်နေ့မှာ ကိုမျိုးကျော့မြိုင်တို့၊ ကိုညီထွဋ်(ဇော်ဝင်းထွဋ်)၊ ဆရာငှက် (ကိုထူးအိမ်သင်) တို့ရဲ့ သီချင်းဟောင်းလေးတွေကို ပြန်နားထောင်ချင်စိတ် ပြင်းပြလာမိတယ်။

အဲ့ဒါနဲ့ နီးစပ်ရာမေးကြည့်တော့ အဲ့ဒီလို အခွေဟောင်းတွေက ပြန်ရှာဖို့ မလွယ်တော့ဘူး။ အွန်လိုင်းမှာတော့ ဒေါင်းလုပ်ခ်လုပ်ယူလို့ရတယ်ဆိုပြီး သိခဲ့ရတယ်။ ပြောပြသူကို ခေါင်းငြိမ့်ပြခဲ့မိပေမယ့် သီချင်းတွေကို ဘယ်လိုမျိုး လိုက်ရှာရတယ်၊ ဘယ်လို ဒေါင်းလုပ်ခ် လုပ်ရတယ်ဆိုတာကို ကျွန်တော် တကယ်မသိခဲ့ပါဘူး။

အဲ့ဒါနဲ့ အလုပ်ထဲမှာရှိတဲ့ ကွန်ပျူတာလေးကို အလုပ်အားချိန်၊ ပါးချိန်တွေမှာ ခိုးကြောင်ခိုးဝှက်နဲ့သုံးပြီး အွန်လိုင်း ပေါ်ကို မလယ်မ၀ယ်နဲ့ ကျွန်တော်ရောက်ခဲ့ရတယ်။ အဲ့ဒီမှာ သီချင်းတွေတင်ထားတဲ့ ဆိုဒ်တွေလိုက်ကြည့်ရင်း ညကဗျာ၊ သံယောဇဉ် စတဲ့ မြန်မာဆိုဒ်လေးတွေကို သွားတွေ့တယ်။ အွန်လိုင်းပေါ်မှာ ပထမဦးဆုံး မြန်မာစာလုံး တွေကို မြင်ရခြင်းပါပဲ။ အဲ့ဒီနေရာလေးတွေကနေတစ်ဆင့် “အိပ်မက်” www.ainmat.com ဆိုတဲ့ ဆိုဒ်လေးကို ရောက်သွားရတယ်။ အဲ့ဒီမှာ အွန်လိုင်းပေါ်က မြန်မာစာတွေနဲ့ကျွန်တော် တစ်လုံးတစ်ခဲကြီး စ,တွေ့တော့တာပါပဲ။

အိပ်မက်က စာလေးတွေဖတ်ကြည့်မိတော့ ကျွန်တော်လည်း စာရေးချင်စိတ်တွေ တဖွားဖွားပေါ်လာတယ်။ ကျောင်းသားဘ၀ တစ်လျှောက်လုံး စာစီစာကုံးမှာ ဘယ်တော့မှ အမှတ်ကောင်းကောင်းမရခဲ့ပေမယ့်၊ ပြိုင်ပွဲဝင်ဖို့ ဆရာမတွေ မျက်နှာသာပေးမခံရတဲ့ ကျွန်တော်က စာရေးရတာကိုမှ ၀ါသနာ ပါနေမိခဲ့တာကိုး။ အဲ့ဒါနဲ့ စာရေးလို့ရဖို့အတွက် အိပ်မက်မှာ အသင်းဝင်ဖြစ်အောင် နားမလည်ပါးမလည်နဲ့ တစ်ယောက်တည်း ကြိုးစားလုပ်ခဲ့ရတယ်။ နည်းပညာပိုင်းနဲ့ပတ်သတ်လို့ သိပ်မခက်ခဲတဲ့ အလုပ်လေးဖြစ်ပေ မယ့် ဘာမှမသိတဲ့ ဇီးရိုးကျွန်တော့်အတွက်ကတော့ တော်တော်လေး ခက်ခဲခဲ့တာ အမှတ်တရပါပဲ။ မေးရမြန်းရမယ့် အသိမိတ်ဆွေတွေက အနီးအနားမှာရော၊ အွန်လိုင်းမှာပါ မရှိလွန်းလို့ပါ။ တိုတိုပြောရရင် နောက်ဆုံးမှာတော့ အိပ်မက်မှာ ကျွန်တော် စာလေးတွေ တင်လို့ရသွားတယ်။ အဲ့ဒါနဲ့ မတောက်တခေါက်လေးတွေ စ,ပြီး ရေးတင်ဖြစ်ခဲ့တယ်။ စကားမစပ်ပြောရရင် ကျွန်တော်တို့အခေါ် မလေး (အိမ့်ချမ်းမြေ့)နဲ့ အိပ်မက်မှာ စာလေးတွေ စတင်ဖြစ်ကတည်းက ခင်မင်ခဲ့ရတာ၊ယနေ့ထက်ထိတိုင်ပါပဲ။

အိပ်မက်ကနေတစ်ဆင့် အဲ့ဒီဆိုဒ်လေးရဲ့ အခြားဘလော့ဂ်များဆိုတဲ့ စာမျက်နှာလေးကိုရောက်သွားတော့ အိပ်မက်မှာ စာရေးနေသူတချို့ရဲ့ ကိုယ်ပိုင် ဘလော့ဂ်လိပ်စာလေးတွေကို တွေ့လိုက်ရတယ်။ အဲ့ဒီအခါကျမှ ဘလော့ဂ်ဆိုတာကို ကျွန်တော် စတင်ထိတွေ့မိရတာပါ။ အဲ့ဒီဘလော့ဂ်လေးတွေလိုက်ဖတ်ရင်း တိတ်တဆိတ် ဘလော့ဂ်ဖတ်သူတစ်ယောက်အဖြစ် ကျွန်တော် အချိန်တော်တော်ကြာခဲ့ပါတယ်။

လူကြောက်တတ်တဲ့ ကျွန်တော့်အကျင့်အတိုင်း ဘလော့ဂ်ပိုင်ရှင်တွေကို နှုတ်မဆက်ဖြစ်ခဲ့သလို၊ နှုတ်ဆက်ရ ကောင်းမှန်းလည်း မသိခဲ့ဘူး။ နောက်ပိုင်းကျတော့မှ လက်ပ်တော့လေးတစ်လုံးကို စာရေးဖို့သက်သက်ဝယ်ပြီး ကျွန်တော် ဘလော့ဂ်တစ်ခုကို ခက်ခက်ခဲခဲ ဆောက်မိတော့တယ်။ တကယ်ကို ကျွန်တော့်အတွက် ခက်ခဲခဲ့တာပါ။ (အခုဆို ပြန်မဆောက်တတ်တော့ပါဘူး။ အကုန်မေ့သွားပါပြီ။ အသက်ကြီးလာသလို ဥာဏ်လည်း ပိုထိုင်းလာလို့ပါ။) အဲ့ဒီတုန်းက “စေတန်ဂေါ့”ရဲ့ ဘလော့ဂ်လုပ်နည်း အီးဘွတ်ခ်လေးက ကျွန်တော့်အပေါ်မှာ တော်တော်လေး ကျေးဇူးကြီးမားခဲ့ပါတယ်။ (အဲ့ဒီစာအုပ်ထဲမှာ ကိုရန်အောင်ရေးတဲ့ နည်းပညာပိုင်းလေးတွေပါတာလည်း ကျွန်တော်မှတ်မိနေပါသေးတယ်။) နည်းပညာနဲ့ပတ်သတ်လို့ ကျွန်တော်ကျွမ်းလား မကျွမ်းဘူးလားဆိုတာ ကျွန်တော့်ဘလော့ဂ်လေးရဲ့ ခေါင်းစည်းစာတန်းလေးကိုကြည့်ရင် မောင်နှမတွေ သိနိုင်မှာပါ။

နောက်ဆုံးတော့ ကျွန်တော်ဘလော့ဂ်မှာ စာလေးတွေ စ,တင်ဖြစ်လာတယ်။ အစပိုင်း ဘယ်သူမှ မသိကြပေမယ့် နောက်ပိုင်း သူများဘလော့ဂ်တွေမှာ စာသွားဖတ်ရင်း ခြေရာလေးတွေချန်ဖြစ်ခဲ့တာမို့ ကျွန်တော့်ဘလော့ဂ်လေး ကို တစ်ယောက်စ,နှစ်ယောက်စ ဆိုသလို ပြန်လာလည်ပေးခဲ့ကြတယ်။ ရေးတဲ့စာလေးတွေကို မှတ်ချက်လေးတွေ ရေးပေးသွားကြတယ်။ ကျွန်တော့်ဘလော့ဂ်ရဲ့ လင့်ခ်လေးတွေကို သူတို့ဘလော့ဂ်လေးတွေ မှာ ချိတ်ပေးခဲ့ကြတယ်။ ပြောရမယ်ဆို ဘလော့ဂ်ရပ်ဝန်းမှာ တဖြည်းဖြည်းနဲ့ အပေါင်းအသင်းတွေ များလာခဲ့တယ်။ အသစ်ဝင်လာတဲ့ ကျွန်တော့်ကို နွေးနွေးထွေးထွေး ဆက်ဆံခဲ့ကြတယ်။ ကြိုဆိုခဲ့ကြတယ်။ အဲ့ဒါလေးတွေကြောင့် ကျွန်တော် အားပိုတက်လာခဲ့ရတယ်။ စာတွေ ရေးဖြစ်လာတယ်။ ခင်မင်စရာကောင်းတဲ့ စာရေးဖော်ရေးဖက် ညီအစ်ကို မောင်နှမတွေ၊ စာဖတ်သူတွေနဲ့လည်း အွန်လိုင်းမှာ ဆုံဆည်းခဲ့ရတယ်။ ခင်မင်ခွင့် ရခဲ့တယ်။ ခုတော့ တချို့တွေလည်း ခြေရာဖျောက်၊ ရေလည်းနောက်သွားကြပေမယ့် တချို့တွေနဲ့ကတော့ ခုထိ ခင်မင်မှုရင်းမြစ်တွေ ခိုင်မြဲနေတုန်းရယ်။ ဘာပဲဖြစ်ဖြစ် အဲ့ဒီအဖြစ်က ကျွန်တော့်ဘ၀မှာ အမှတ်တရပါပဲ။

အဲ့ဒီနောက်မှာတော့ ကိုယ်ပိုင်ဘလော့ဂ်ရေးရင်း တစ်ဖက်ကနေ အိပ်မက်၊ လောကအလှ အွန်လိုင်းမဂ္ဂဇင်း၊ အဝေးဆီက မလေးရောက်ခရီးသည်၊ ကိုရင်ညိန်းရဲ့ မာတာပီတု၊ ညီလေးဗညားရှိန်(လင်းခေတ်ဒီနို)၊ ညလင်းအိမ်၊ နေ၀ဿန်တို့နဲ့ ခုနှစ်စဉ်ကြယ် စတဲ့ နေရာလေးတွေမှာ စာလေးတွေ တစ်ပုဒ်စ,နှစ်ပုဒ်စ ရေးဖြစ်လိုက်ပါသေးတယ်။ နောက်ပိုင်းကျတော့ ကိုယ်တိုင်လည်း မအားတာများလာတာမို့ အဲ့ဒီနေရာတွေမှာ မရေးဖြစ်တော့ပဲ ကျွန်တော့်ရဲ့ ဏီလင်းညိုဆိုဒ်လေးမှာပဲ စာတင်ဖြစ်ခဲ့တော့တာ။ နောက်ဆုံး တိုတိုပြောရရင်တော့ အဲ့ဒီကနေ စ,ပြီး ဘလော့ဂ်လောကမှာ ကျင်လည်ဖြစ်ခဲ့တာ ယနေ့ထက်ထိတိုင်ပါပဲ။

ဒါပေမယ့် ကျွန်တော်ဘလော့ဂ်ရေးလို့ အရှိန်ရမယ်ကြံရုံရှိသေးတယ်။ ကံကြမ္မာက ကျွန်တော့်ကို မျက်နှာသာမပေးပဲ ဘလော့ဂ်လောကနဲ့ အဝေးကိုနှင်ဖို့ကြိုးစားခဲ့တယ်။ ၂၀၀၉ သြဂုတ်လ ၃၁ နေ့မှာ ပို့စ်တစ်ခု စတင်ခဲ့တဲ့ ကျွန်တော်ဟာ... ၂၀၁၀ ဇွန်လပိုင်းလောက်မှာ အကြီးအကျယ် နေမကောင်းဖြစ်ခဲ့ရတယ်။ (တကယ်တော့ သြဂုတ် ၃၁ ရက်နေ့ဟာ ဘလော့ဂ်ဒေးမှန်း အဲ့ဒီတုန်းက ကျွန်တော် မသိရိုးအမှန်ပါ။) နားတွင်းအာရုံကြောနဲ့ သက်ဆိုင်တဲ့ ရောဂါတစ်မျိုးပါပဲ။ အဲ့ဒါနဲ့ အလုပ်ဆက်လုပ်ဖို့ လုံးဝမဖြစ်နိုင်တော့တာမို့ ကျွန်တော့်စာချုပ်သက်တမ်းပြည့်ဖို့ ၂နှစ်ခွဲလောက် လိုသေးပေမယ့် သူဌေးကိုခွင့်တောင်းပြီး

မြန်မာပြည်ကို အပြီးပြန်ခဲ့ရတယ်။

မြန်မာပြည်ပြန်ရောက်တော့ အင်တာနက်နဲ့ ကျွန်တော်ဝေးသွားသလို၊ ဘလော့ဂ်နဲ့လည်း အဆက်ပြတ်လုလု ဖြစ်သွားတယ်။ ဖဘကတော့ ၂၀၀၉ ထဲကဖွင့်ထားခဲ့ပေမယ့် သိပ်မသုံးဖြစ်ခဲ့သလို ခုလောက်လည်း ခေတ်မစား သေးတော့ သိပ်စိတ်မ၀င်စားခဲ့တာ အမှန်ပါပဲ။

၂၀၁၁၊ ၂၀၁၂ ခုနှစ်တွေမှာ ဘလော့ဂ်ပေါ်ကို စာဆယ်ပုဒ်လောက်တောင် တင်ဖြစ်တယ် မထင်ပါဘူး။ မြန်မာပြည်မှာ ကွန်မကောင်းလို့ပါပဲ။ ပြီးတော့ ကျွန်တော်ကိုယ်တိုင်လည်း ခုလို ဖုန်းနဲ့အင်တာနက်မသုံးဖြစ်သေးတော့ လူများတဲ့ အင်တာနက်ဆိုင်တွေကို သွားချင်စိတ် ကျဲပါးလွန်းလို့ပါပဲ။ ပြောရရင် ဘလော့ဂ်လောကနဲ့ ကျွန်တော် နည်းနည်း သွေးအေးသွားသ လိုမျိုးပါ။ ဒါပေမယ့် လုံးလုံး ပြတ်တောက် သွားတာမျိုးတော့ မဟုတ်ပါဘူး။

၂၀၁၂ စက်တင်ဘာလောက်မှာ ကိုရန်အောင်စီစဉ်တဲ့ သက်တံ့ဆယ်စင်း စာအုပ်လေးထဲမှာ ပါဝင်ခွင့်ပေးခဲ့လို့ စာရေးဖို့ အားတွေပြန်တက်လာပြီး ဘလော့ဂ်ပို့စ်လေးတွေ ကြိုးစားတင်ဖြစ်တယ်။ အဲ့ဒီစာအုပ်လေးကို ရီဗျူးလေးတွေ ရေးပေးခဲ့ကြတဲ့ ညီမ ရွှေအိမ်စည်တို့ မောင်မျိုးတို့ကိုလည်း ကျေးဇူးတင်တယ်။ စာအုပ်စီစဉ်ချိန်မှာ ကိုရန်အောင်ကနေတစ်ဆင့် ကျွန်တော့်ကို ဆက်သွယ်ဖို့ခက်လို့ ကိုယ်စား ကျွန်တော့်ကို ဆက်သွယ်ပေးခဲ့တဲ့ အစ်မ မြသွေးနီကိုလည်း ကျေးဇူးတင်တယ်။ အဲ့ဒီစာအုပ်လေးကနေတစ်ဆင့် ကိုသတိုး၊ ကိုညီလင်းသစ်၊ စတဲ့ ညီအစ်ကိုတွေနဲ့လည်း ရင်းနှီးခွင့်ရခဲ့တယ်။ နောက်ပြီးတော့ တွေ့ တိုင်း ကိုဏီ...စာရေးပါဆိုပြီး သူကတော့ ဓာတ်ပုံတွေချည်းရိုက်နေတဲ့ အစိမ်းရောင်လွင်ပြင်သူ မချောကိုလည်း ကျေးဇူးတင်တယ်။ ကိုဏီလေး နေကောင်းလားဆိုပြီး မေးတတ်တဲ့ အစ်မချစ်ကြည်အေးကိုလည်း ကျေးဇူးတင်တယ်။ နောက်ပြီး... ဏီဏီ နေကောင်း လား၊ ၀တ္ထုလေးတွေဖတ်ချင်လို့ လုပ်ပါဦးဆိုပြီး... ဂျီတော့ခ်မှာတွေ့တိုင်း ပြောတတ်တဲ့ မမိုး (မိုးငွေ့) ကိုလည်း ကျေးဇူးတင်တယ်။ သူတို့တွေပြောတဲ့စကားတွေက ကျွန်တော်စာရေးဖို့အတွက် တကယ့် ခွန်အားတွေ ဖြစ်စေပါတယ်။ နောက်ပြီး မေးလ်ကနေတစ် ဆင့်၊ မက်ဆေ့ခ်ျကနေတစ်ဆင့် တိုက်တွန်းအားပေးခဲ့ကြတဲ့ စာဖတ်သူမောင်နှမတွေရောပါပဲ။ ဆိုင်းလန့်ရီဒါ(တိတ်တဆိတ်စာဖတ်သူ) တွေကိုလည်း ကျေးဇူးတင်ဖို့ ကျွန်တော်မမေ့ပါဘူးဆိုတာ သိစေချင်လှပါသေးတယ်။

ခုနောက်ပိုင်း ဖုန်းနဲ့အင်တာနက်သုံးဖြစ်တဲ့အခါ ဖဘကို ကျွန်တော်ဝင်ဖြစ်လာတယ်။ အဲ့ဒီမှာ စာရေးတဲ့သူငယ်ချင်းတွေ၊ စာဖတ်သူ မောင်နှမတွေနဲ့ ထပ်ပြီး မိတ်ဆွေတွေဖြစ်ကြရတယ်။ သူငယ်ချင်းအဟောင်းတွေရော၊ အသစ်တွေကပါ ကျွန်တော့်ကို စာတွေရေးဖို့ တိုက်တွန်းကြတယ်။ အားပေးခဲ့ကြတယ်။ နွေးနွေးထွေးထွေး ဆက်ဆံပေးခဲ့ကြတယ်။ ပရိုဖိုင်ဓာတ်ပုံမရှိ၊ ကိုယ်ပိုင်ဓာတ်ပုံမတင်တတ်တဲ့ ကျွန်တော့်ကို ယုံကြည်မှုပေးခဲ့ကြတယ်။ နားလည်ပေးခဲ့ကြတယ်။ လာအက်ဒ်ပေးကြတယ်။ ကျွန်တော်ရေးသမျှ မတောက်တခေါက်စာလေးတွေကို ကောင်းသည်ဆိုးသည်မရွေး ဖတ်ရှုပေးခဲ့ကြတယ်။ မှတ်ချက်လေးတွေ ရေးပေးခဲ့ကြတယ်။ နောက်တော့ ကျွန်တော်ရေးတဲ့ စာလေးတွေ မဂ္ဂဇင်းစာမျက်နှာပေါ်မှာ တစ်ခုတစ်လေ ပါလာတယ်။ တချို့မောင်နှမတွေ စာအုပ်လေးတွေ စီစဉ်ကြတဲ့အခါ ကျွန်တော့်ကိုမေ့မနေပဲ စာမူလေးတွေတောင်းကြတယ်။ အဲ့ဒီအတွက် ကျွန်တော်ပျော်မိတယ်၊ ကျေးဇူးလည်း တင်မိတယ်။ မဂ္ဂဇင်းတွေမှာရေးဖို့ တိုက်တွန်းကြတဲ့ မောင်နှမတွေ၊ ကူညီခဲ့သူတွေကိုလည်း ကျေးဇူးတင်မိတယ်။

အခုနောက်ပိုင်း ရွှေဒေါင်းတောင် အွန်လိုင်းမဂ္ဂဇင်းမှာလည်း စ,ရေးဖြစ်လာတယ်။ ကျွန်တော့်စာမူလေးတွေကို သုံးပေးခဲ့တဲ့ ကိုကမ္မာနီလာကိုလည်း ကျေးဇူတင်ရတယ်။ (စာအုပ်လေးတွေ လက်ဆောင်ပို့ပေးလို့လည်း ကျေးဇူးတင်တာပါပဲ။)

ဘလော့ဂ်ရေးခဲ့တဲ့ ကျွန်တော့်ကို အကြာကြီးပျောက်နေခဲ့ပေမယ့်လည်း မေ့မနေခဲ့ကြတဲ့ ရင်းနှီးရာ မောင်နှမတွေကိုလည်း အံ့သြစိတ်နဲ့ ကျေးဇူးတင်မိတယ်။ နောက်ပြီး ကျွန်တော့်ကို ပရင့်ဘက်မှာ ပရိတ်သတ်ရထားပြီးဖြစ်ကြတဲ့ စာရေးဆရာ၊ ဆရာမတွေကလည်း အွန်လိုင်းကလူဆိုပြီး မခွဲခြားပဲ ရင်းနှီးခင်မင်စွာ ဆက်ဆံပေးခဲ့ကြသေးတယ်။ အဲ့ဒီအတွက်လည်း သူတို့ကို ကျွန်တော်ကျေးဇူးတင်တယ်။

ပြောရမယ်ဆိုရင် ကျွန်တော်ကံကောင်းတယ်ထင်မိတယ်။ ဘလော့ဂ်လောကထဲဝင်ချိန်ကနေ ခုထိ ကျွန်တော့်ကို နှိမ်တဲ့လူ၊ ကျော သွားတဲ့လူ၊ အသုံးချသွားတဲ့လူဆိုပြီး သိပ်မကြုံခဲ့ရဘူး။ လက်ချိုးရေတွက်ကြည့်လို့ရလောက် အောင်ကိုပဲ ရှားပါးလွန်းပါတယ်...။ တချို့မောင်နှမတွေကဆို ကျွန်တော့်ကို ပြောကြတယ်။ ကိုဏီ့ကို အားကျတယ်။ လူချစ်လူခင်ပေါလို့တဲ့။ အဲ့ဒီလိုပြောခံရတိုင်း ကျွန်တော့်ကို ယုံကြည်နားလည်မှုများနဲ့ ခင်မင်ပေးကြတဲ့ သူငယ်ချင်း မောင်နှမတွေကို ကျေးဇူးတင်တာပါပဲ။

၂၀၁၃ သြဂုတ်လ ၃၁ရက်နေ့ “ဘလော့ဂ်ဒေး”အထိမ်းအမှတ်အဖြစ် အမှတ်တရ ရေးဖြစ်သွားတဲ့ ဒီပို့စ်လေးထဲမှာ ကျွန်တော် ဘလော့ဂ်စ,ရေးဖြစ်ပုံနဲ့၊ ကျေးဇူးတင်ရတဲ့အကြောင်းတွေကိုပဲ ရေးဖြစ်ခဲ့ပါတယ်။ ရေးဖို့သတိပေးသူ ကိုရန်အောင်နဲ့ မလေး(အိမ့်ချမ်းမြေ့)တို့ကို ကျေးဇူးတင်ပါတယ်။ စကားမစပ်ပြောရရင် ဒီနှစ်မှာ တိုက်တိုက် ဆိုင်ဆိုင် ကျွန်တော့်ဘလော့ဂ်လေး လေးနှစ်ပြည့်သွားပါပြီ။ ဒီလိုပို့စ်လေးတွေကို အားလုံးဝိုင်းပြီး ညီညီညွတ်ညွတ်နဲ့ ရေးခဲ့ကြတဲ့ ဘလော့ဂါမောင်နှမများအားလုံးကိုတွေ့ရတော့ ၀မ်းလည်းသာမိတာပါပဲ။

အခုနောက်ပိုင်းမှ ရေးကြတဲ့ (ကျွန်တော်သိသော၊ မသိသော) ဘလော့ဂါအသစ်တွေ၊ ရှေးရှေးကတည်းက ရှိခဲ့ပေမယ့် ကျွန်တော်မနှံစပ်လို့ မသိခဲ့ရတဲ့ ဘလော့ဂါတွေကိုလည်း လေးစားနေဆဲပါ။ မရောက်ဖြစ်လို့ မသိ၊ သိပေမယ့်လည်း မရောက်ဖြစ်ခဲ့ရင် စီနီယာ၊ ဂျူနီယာခွဲတယ်လို့ အမြင်မလွဲစေချင်တာ အမှန်ပါပဲဗျာ။ အခွင့်ရရင် ခင်မင်ချင်ပါတယ်။

မှန်တာပြောရရင် တစ်ခါတစ်ခါကျတော့ ကျွန်တော့်ဘလော့ဂ်က စာအဟောင်းလေးတွေကိုပြန်ဖတ်ရင်း စိတ်ထဲမှာ ရှက်ကိုးရှက်ကန်းဖြစ်ရသလို၊ လိုအပ်ချက်လေးတွေလည်း ပြန်တွေ့ရတယ်။ ဘာပဲဖြစ်ဖြစ် ဘ၀ဆိုတဲ့ ပြေးလမ်းပေါ်က ကျွန်တော်ဟာ ကိုယ်ပိုင်ဘလော့ဂ်လေးကို လည်ပြန်လှည့်ကြည့်မိတဲ့ခဏငယ်တိုင်း စိတ်ထဲမှာ ကြည်နူးမိတာပါပဲ။ စာပေနဲ့ပတ်သတ်တဲ့ အရေးအသားတွေ၊ စာလုံးပေါင်းတွေ၊ လိုအပ်ချက်တွေကို ပြင်ဆင်ဖို့ကြိုးစားရင်းနဲ့ ဘလော့ဂ်လေးကို အခွင့်ရှိနေသရွေ့ အသက်ဆက်သွင်းနေမိဦးမှာပါ။ အဲ့... ဘလော့ဂ်မှာ စာရေးတာ ပိုက်ဆံဘယ်လောက်ရသလဲလို့ မေးတတ်တဲ့ လူတွေနဲ့တွေ့ရင်တော့ ကျွန်တော်ထွက်ပြေးမှာ၊ အနေခက်နေမှာကို မြင်ယောင်ကြည့်ပေးကြပါ။

တစ်ခါတစ်လေလည်း အွန်လိုင်းပေါ်မှာ ကျွန်တော် ဆက်တိုက်ရှိချင် ရှိနေပါလိမ့်မယ်။ တစ်ခါတစ်လေကျတော့လည်း ပျောက်ချင် ပျောက်နေမှာပါ။ ဒါပေမယ့် စာလေးတွေတော့ ရေးဖြစ်၊ (ကော်ကောင်းရင်) ဘလော့ဂ်ပေါ် တင်ဖြစ်နေဦးမှာပါ။

သူငယ်ချင်း မောင်နှမတွေ အားလုံး စိတ်ချမ်းသာ ကိုယ်ကျန်းမာ ရှိနိုင်ကြပါစေ...

--------------------------------------------------------------------------------------------------------------

ဝတ္ထုတိုလေးတွေအရေးကောင်းပြီး၊ FB မှာရော၊ ဘလော့ဂ်ရပ်ဝန်းကပါ ခဏခဏပျောက်နေတတ်တဲ့ ညီမ ရွှေပြည်သူကို ဘလော့ဂ်ဒေးနဲ့ပတ်သတ်ပြီး တစ်ခုခုရေးဖို့ ကိုဏီ တိုက်တွန်းချင်ပါသေးတယ်။ ဟုတ်တယ်နော်...ကိုရန်... J

---------------------------------------------------------------------------------------------------------------

ချစ်ခြင်းအားဖြင့်...

ဏီလင်းညို

၀၁၊ စက်တင်ဘာ၊ ၂၀၁၃။

(၁၉း ၀၀) နာရီ

တနင်္ဂနွေနေ့။

(ရန်ကုန် - မြန်မာပြည်)

ပြေးလမ်းပေါ်က လေးနှစ်သားလေး ကျွန်တော်....