ပူစီ၊ ဘရာနီ၊ မုသာဝါဒနှင့် ကျွန်တော်....

အထက်ပါခေါင်းစဉ်လေးအား ဖတ်ရှုပြီးနောက် ကျွန်တော့်မိတ်ဆွေများ အနည်းငယ် စဉ်းစားသွားကြမည် ထင်ပါသည်။ ကိုဏီတစ်ယောက် ဘာတွေထွင်ပြန်ပြီလဲ ဟူ၍။

ရှင်းပြပါမည်။ အခြေခံမှ စပြောရလျှင် ဤသို့ဖြစ်၏။

~~~@~~~

ကျွန်တော့်အိတ်ဆောင်ကွန်ပျူတာလေးသည် လွန်ခဲ့သော သုံး၊ လေးလခန့်မှစ၍ အခြေအနေ သိပ်မကောင်းတော့။ တစ်ခါတစ်ခါ ကောင်းသည်။ တစ်ခါတစ်ခါ သုံးနေရင်း ဗြုန်းဆို သူ့ဘာသာ တစ်ကိုယ်တော် ပိတ်သွားတတ်၏။ သို့သော် သည်းခံခြင်းငါးပါးဖြင့် ကျွန်တော် ဆက်သုံးခဲ့၏။ မှတ်မှတ်ရရ ပြောရမည်ဆိုလျှင် ဒီနှစ်နွေရာသီ သင်္ကြန်အပြီး၊ ကလောမြို့လေးသို့ ကျွန်တော် အလည်မသွားခင်လောက်က စတင်ခဲ့တာ ဖြစ်၏။ ထို့ကြောင့် ကလောတွင် အေးအေးဆေးဆေး အပန်းဖြေနေထိုင်ခဲ့သည့် ကျွန်တော့်နောက်သို့ ကွန်ပျူတာလေးခမြာ လိုက်ပါမလာနိုင်ရှာခဲ့။

ကလောတွင် နှစ်လနီးပါးခန့် ကျွန်တော်ကြာမြင့်ခဲ့သည်။ အမှန်တကယ်တွင် ထို့ထက်ပို၍ကြာအောင်နေဖို့ ကျွန်တော်စဉ်းစားခဲ့သော်လည်း အဖေနှင့်အမေက ပြန်ခေါ်သောကြောင့် ဇွန်လကုန်ခါနီးတွင် ကျွန်တော်ပြန်လာခဲ့ရသည်။ မိဘများက ပြန်ခေါ်တာ အခြားအကြောင်းကြောင့်တော့ မဟုတ်။ မိသားစုကိစ္စတစ်ခုအား ကျွန်တော်နှင့် တိုင်ပင်ချင်လို့သာ ဖြစ်၏။

တိုတိုပြောရလျှင် အဖေသည် ခုလောလောဆယ်နေသောနေရာတွင် မနေချင်တော့။ ထို့အစား ဈေး၊ ကျန်းမာရေးစောင့်ရှောက်မှု၊ ကားဂိတ် စသည်တို့နှင့် နီးသည့်နေရာတစ်ခုတွင် ကျွန်တော်တို့ သားအမိ သားအဖ သုံးယောက်နေရန် အိမ်ခန်းအသစ်ဝယ်ချင်သည်ဟု ပြောလာတာမို့ဖြစ်၏။ အစ်ကိုဖြစ်သူကလည်း အိမ်ထောင်ဖြင့် အိမ်ခွဲသွားသလို သမီးလေးခွန်းချိုနှင့် အစ်မတို့ဇနီးမောင်နှံကလည်း သမီးလေးကိုနိုင်နိုင်နင်းနင်း ထိမ်းနိုင်ပြီဖြစ်၍ သူတို့အိမ်ပြန်ကြတော့မှာကလည်း တစ်ခုအပါအ၀င်ဖြစ်၏။ လက်ရှိအိမ်နေရာက သိပ်အချက်အချာမကျသလို သူ့သားသမီးတွေလျှော့သွားသော အိမ်မှာ အဖေတို့ မနေချင်တော့တာလား မပြောတတ်တော့ပါ။

ထိုအခါ ပြန်ရောက်ရောက်ချင်း အဖေလိုချင်သည့် နေရာမျိုးများတွင် သင့်တော်သော အိမ်ခန်းများ ကျွန်တော်လိုက်ရှာရ၏။ ပင်ပန်းသည်ဟု သဘောမထားနိုင်။ အကျဉ်းချုပ်ပြောရလျှင် နောက်ဆုံး တွေ့ခဲ့၏။ ၀ယ်ဖြစ်၏။ အိမ်ခန်းကလည်း လူမနေရသေးသော အသစ်စက်စက်၊ တိုက်ကလည်း အသစ်၊ နေရာကလည်း အချက်အချာကျတာမို့ အဖေ့မှာ ပျော်တပြုံးပြုံး။

သို့သော် ကျွန်တော့်မှာ မပျော်နိုင်အားသေး။ ၀ါကျွတ်လျှင် ပြောင်းရွေ့ကြမှာမို့ ၀ါမကျွတ်ခင် အခန်းပြီးအောင် ပြင်ဖို့ လုံးပန်းရပြန်သည်။ သံပန်း၊ လက်သမား၊ ဆေးသုတ်ဆရာ၊ မီးကြိုးသွယ်ဆရာ၊ ရေပိုက်ဆရာ၊ အခန်းပါတေးရှင်းကန့်သောဆရာ၊ ကြမ်းခင်းခင်းသည့်နေရာ၊ အခန်းအေးစက် တပ်ဆင်သည့်နေရာ၊ ကြွေပြားခင်းသည့် ကပ်သည့် ပန်းရံဆရာ စသည်တို့ကို ရှာရ၏။ ဒါတောင် တချို့က ကျွန်တော့် အစ်ကို၏အဆက်အသွယ်နှင့်မို့ လွယ်ကူခဲ့ရခြင်း ဖြစ်၏။ နို့မို့ ကျွန်တော်တစ်ယောက်တည်းဆို မလွယ်ကြော။ နောက်ပြီး အိမ်ဆောက်ပစ္စည်းဆိုင်များကိုလည်း တစ်ဆိုင်ဝင် တစ်ဆိုင်ထွက် လုပ်ရသေး၏။

ရန်ကုန်ပြန်ရောက်လျှင် ကလောမှာ စဉ်းစားခဲ့သမျှ၊ ဗလာစာအုပ်ထဲ ချရေးဖြစ်ခဲ့သမျှ ခေါင်းစဉ်များ၊ ဇာတ်လမ်းလေးများအား ပြန်ရေးမည်ဟု တွေးခဲ့မိသည့်အတိုင်း မအားသည့်ကြားမှ ကြိုးစားရေးမိသော်လည်း ကွန်ပျူတာလေးက ဖောက်ပြန်စမြဲ။ ထိုအခါ ကျွန်တော့်မှာ စိတ်ပျက်ရ၏။ အေးဆေးပြင်ဖို့အတွက် ကျွန်တော့်မှာလည်း မအား။ ထို့ကြောင့် စာရေးချင်သောစိတ်အား ရန်ကုန်ပြန်ရောက်ရောက်ချင်း ယောက်ဖဆီမှ လက်ဆောင်အဖြစ် အလကားရသော ပွတ်သဘင်ဖုန်းသစ်လေးထဲမှာ တို့ထိရေးရင်း စိတ်ဖြေရ၏။

~~~@~~~

နှစ်လနီးပါးခန့်အကြာတွင် အိမ်ခန်းပြင်တာ အားလုံးပြီးစီးသွားခဲ့၏။ ထိုအခါကျမှ စာသေချာရေးပြန်ရေးဖို့ အားယူရ၏။ တစ်ယောက်တည်း နားအေးပါးအေးရေးမည်ဟု အားခဲကာ အကုန်ပြီးစီးသွားသော အခန်းသို့ ကျွန်တော်တစ်ယောက်တည်း အရင်ရွေ့သည်။ အိပ်ယာနှင့် စာအုပ်များ၊ အ၀တ်အနည်းငယ်နှင့် ပန်းကန်အချို့ကို တစ်ခါတည်း ယူခဲ့၏။ အမေနှင့်အဖေက သိပ်သဘောမတူ။ အခြားကြောင့်တော့ မဟုတ်။ ကျွန်တော့်ကျန်းမာရေးအခြေအနေအရ နားနားနေနေမနေပဲ စာရေးခြင်းအား မနှစ်သက်တာမို့ပင် ဖြစ်၏။ သို့သော် ကျွန်တော့်အား အလိုလိုက်နေကျမို့ ကန့်တော့ မကန့်ကွက်ကြ။

အိမ်သစ်တွင် တစ်ယောက်တည်း စာရေးဖို့ ကြိုးစားသော်လည်း နဂိုကတည်းက အမောဖောက်နေခဲ့သော ကျွန်တော့်ကွန်ပျူတာလေးမှာ ဘယ်လိုခေါ်ခေါ် မနိုးထတော့။ ထိုအခါ အသစ်ဝယ်ဖို့ပြင်ရတော့၏။ အဖေနှင့်အမေက အသပြာများ ထုတ်ပေးသည်။ ကျွန်တော်က ရှက်ရှက်နှင့်ယူရသည်။

အိမ်ခန်းအသစ်သို့ ကျွန်တော်ရွေ့အပြီး သုံးရက်မြောက်တွင် ကွန်ပျူတာ ၀ယ်ဖြစ်၏။ ကွန်ပျူတာဝယ်ရာတွင် ကျွန်တော်က သိပ်နားမလည်၍ ငယ်သူငယ်ချင်းတစ်ယောက်ကို အကူအညီတောင်းရသည်။ သူကလည်း နည်းပညာနှင့်ပတ်သတ်၍ တော်တော်နားလည်တာမို့ ကျွန်တော့်အား လိုလိုချင်ချင် ကူညီပေးသည်။ ကျွန်တော်တတ်နိုင်သည့် ဘတ်ဂျက်ထဲဝင်အောင် သေချာတွက်ချက် ၀ယ်ပေး၏။ စက်ဆင်တာ၊ ဆော့ဖ၀ဲလ်တွေထည့်တာကို စိတ်ရှည်လက်ရှည်စောင့်ကာ သူ့အချိန်များအား ကျွန်တော့်အတွက် သုံးပေး၏။ ပြီးနောက်… သူ့ကားနှင့် အိမ်ခန်းအသစ်ထိ လိုက်ပို့၏။ ကျွန်တော် အဆင်သင့် ထိုင်သုံးလို့ရအောင် သေချာတပ်ဆင်ပေး၏။ အားလုံးပြီးနောက်… သူငယ်ချင်းက…

“ဒီအိမ်မှာ အခုလောလောဆယ် မင်းတစ်ယောက်တည်းပေါ့ ဟုတ်လား”….

ဟု အိမ်ခန်းအား တစ်ခန်းဝင် တစ်ခန်းထွက်ကြည့်ကာ မေးလာ၏။ ကျွန်တော်က…

“ဟုတ်တယ်၊ သီတင်းကျွတ်မှ ငါ့အဖေနဲ့အမေ လိုက်လာမှာ။ ဒါပေမယ့် မင်းတို့ ငါ့အိမ်မှာ အခု ငါတစ်ယောက်တည်း နေတာဆိုပြီး ဘာမှလာသောင်းကျန်းဖို့ စဉ်းစားမနေနဲ့”… ဟု လောလောလတ်လတ် သူကူညီထားခဲ့သော မျက်နှာကိုမှ မထောက်။ အရင် ရာဇသံပေးလိုက်မိ၏။ ဧည့်နှင်စကား ပြောမိ၏။ သို့သော် သူငယ်ချင်းက ကျွန်တော့်အား စိတ်မဆိုးရှာပါ။ ထို့အစား… သူနှင့် နှစ်တန်း၊ သုံးတန်းလောက်ကတည်းက ပေါင်းလာခဲ့သော အေးဆေးနေချင်သည့် ကျွန်တော့်အကြောင်းကို သိသူပီပီ ခပ်ပြုံးပြုံးမျက်နှာဖြင့် နှုတ်ဆက်ပြန်သွားခဲ့၏။

~~~@~~~

ဝယ်သောနေ့၏ နောက်တစ်ရက်တွင် အိမ်ခန်းသစ်မှာ တစ်ယောက်တည်းနေသော ကျွန်တော့်သည် မနက်စောစောတွင် နိုးလာလေသည်။ နိုးတာနှင့် ကွန်ပျူတာအသစ်ကိုဖွင့်သည်။ အင်တာနက် ချိတ်သည်။ နောက် ကော်ဖီတစ်ခွက်ဖျော်ကာ ဖေ့စ်ဘွတ်ခ်ပေါ်တက်၍ လမ်းသလားသည်။

ပြီးလျှင် အရင်ကွန်ပျူတာဟောင်းထဲတွင် ကျွန်တော်ရေးထားသမျှစာလေးများကူးထည့်ထားသော ဖလက်ရ်ှဒရိုက်ဗ်ထဲမှ စာများအား စက်အသစ်ထဲသို့ အကုန်ကူးထည့်ကာ ရေးလက်စများ၊ ရေးပြီးသားများ၊ ရေးရန်များအား လိုက်ဖွင့်ကြည့်၏။ ဖုန်းထဲတွင် ရိုက်ထားသော စာများအားလည်း ကွန်ပျူတာထဲသို့ ပြန်ရိုက်ထည့်ရ၏။ သို့နှင့် နေ့လယ် နှစ်နာရီခွဲသွားသည်။ ဗိုက်က ဆာလာသည်။ မနက်ကတည်းက တမော့မော့ဖြင့် ကွန်ပျူတာနေသော ကျွန်တော်၊ ကော်ဖီတစ်ခွက်မှလွဲ၍ ဗိုက်ထဲတွင် ဘာမှမရှိ။

ယောင်တိယောင်တောင်ဖြင့် မီးဖိုချောင်သို့ သွားကြည့်မိသေး၏။ သို့သော် အိမ်သစ်မှာမို့ ခါတိုင်းလို အမေချက်ထားသော ဘာဟင်း၊ ဘာထမင်းမှလည်း မရှိ။ သို့သော် ကိစ္စမရှိ။ လွန်ခဲ့သောရက်တွေကလည်း ထမင်းဖြူဝယ်၍ ကျွန်တော်ကြိုက်သော အသုပ်တစ်မျိုးမျိုးဝယ်ကာ မနက်စာ ညစာကို ကျွန်တော်စားခဲ့သေးတာ။ အသုပ်များကိုသာ ၀ယ်စားတာက အခြားကြောင့်မဟုတ်။ ကိုယ်တိုင်ချက်သောဟင်းနှင့် အမေချက်သော ဟင်းများမှလွဲ၍ တော်ရုံဟင်းကို ကျွန်တော် မစားတတ်တာမို့သာ ဖြစ်၏။

ထို့ကြောင့် စားစရာဝယ်ရန် ပိုက်ဆံအိတ်လေးနှင့် ဖုန်းကိုယူကာ ဆံပင်စုတ်ဖွား၊ ဘောင်းဘီတို၊ အင်္ကျီ ကပိုကရိုတို့ဖြင့် ထီးကောက်ရှည်ကြီးဆွဲ၍ တံခါးသော့ပိတ် အိမ်အောက်ဆင်းရ၏။

လမ်းထိပ်မှ ၀ယ်နေကျ ထမင်းဆိုင်လေးတွင် ထမင်းဖြူ တစ်ရာဖိုးဝယ်သည်။ တစ်ရာဖိုးဝယ်တာမို့ ကပ်စေးနဲသည်ဟု ကျွန်တော့်ကို မထင်စေလိုပါ။ အရင်ရက်တွေက ကျွန်တော် နှစ်ရာဖိုးဝယ်ပါသည်။ သို့သော် တစ်ယောက်တည်း စားလို့မကုန်။ ထို့ကြောင့် နောက်တစ်ကြိမ် နှစ်ရာဖိုးဝယ်ခိုက် ထမင်းထည့်ပေးသော ကောင်လေးအား…

“ထမင်းဖြူနှစ်ရာဖိုး၊ နည်းနည်းလောက်… လျှော့ထည့်ပေးပါဗျာ”…

ဟု ခပ်တိုးတိုး ပြောမိခဲ့၏။ ထိုအခါ ထမင်းထည့်နေသော ကောင်လေးက ကျွန်တော့်ကို အထူးအဆန်းလို လှည့်ကြည့်လာခဲ့သေး၏။ နောက်… ထမင်းကို ကျွတ်ကျွတ်အိတ်ထဲ ဆက်ထည့်၏။ နောက်… ထမင်းအိတ်လေးအား ကျွန်တော့်ကို ကမ်းပေး၏။ ကျွန်တော်က ထမင်းထုပ်ကို ကြည့်ရင်း…၊ ပိုက်ဆံနှစ်ရာတန်ကို ထိုးပေးရင်း…

“တစ်ဇွန်းလောက် ထပ်လျှော့ပေးပါဦးဗျာ၊ ကျွန်တော်က တစ်ယောက်တည်းစားရတော့ မကုန်ပဲ သွန်ပစ်ရတာ နှမြောလို့ပါ” ဟု တောင်းပန်သံဖြင့် ထပ်ပြောမိ၏။ ထိုအခါ ဆိုင်ရှင်ကောင်လေးက…ပြုံး၍…

“ဒါဆို တစ်ရာဖိုးပဲ ယူပါလားအစ်ကိုရာ”… ဟု ပြောလာခဲ့၏။ ကျွန်တော်က “တစ်ရာဖိုးဝယ်ရမှာ ကျွန်တော် အားနာလို့ပါ” ဟုပြောသော်လည်း ကောင်လေးက ပြုံးရင်း ခေါင်းခါ၏။ နောက်… ထမင်းပြန်လျှော့ပြီး ကျွန်တော့်ကို တစ်ရာပြန်အမ်း၏။ ထိုအချိန်မှစ၍ သူ့ဆိုင်မှာ ကျွန်တော်ထမင်းဝယ်တိုင်း သူက တစ်ရာဖိုးပဲ ရောင်းတော့တာမို့ပင် ဖြစ်သည်။

ထမင်းတစ်ရာဖိုးဝယ်ပြီးနောက်… ဘာနဲ့စားရရင် ကောင်းမလဲဟု အနီးအနား မျက်လုံးဝေ့ကြည့်သည်။ ကျွန်တော့်ပတ်ဝန်းကျင်ကတော့ နေ့ခင်း နှစ်နာရီခွဲလောက်ကြီးတွင်ပင် စည်ကားသိုက်မြိုက်နေခဲ့သည်။ ထိုအထဲတွင် ၀က်ခေါင်းသုပ်သည်ကို သွားတွေ့၏။ တစ်ပွဲဝယ်ကာ အိမ်ပြန်ခဲ့သည်။

အိမ်ပေါ်အရောက်တွင် ကွန်ပျူတာရှေ့ပြန်ထိုင်ကာ စာရိုက်လိုက်၊ ထမင်းဖြူ၊ ၀က်ခေါင်းသုပ်တို့ကို တစ်ဇွန်းစီခပ်စားလိုက်၊ ရေတစ်ကျိုက်သောက်လိုက်ဖြင့် အကျအန ပွဲတော်တည်နေဆဲ တံခါးဖွင့်သံနှင့်အတူ ဗြုန်းဆို အဖေက ရောက်လာသည်။ အမှန်အတိုင်းပြောရမယ်ဆို အဖေရောက်လာ၍ ကျွန်တော်လန့်သွားသည်။ အခြားကြောင့်တော့ မဟုတ်။ ၀က်ခေါင်းသုပ်၊ ထမင်းဖြူ၊ ရေတစ်ခွက်တို့နှင့် ကျွန်တော်ထမင်းစားနေပုံအား အဖေမြင်သွားတာမို့ပင်တည်း။

ထင်သည့်အတိုင်းပင် အဖေသည် ကျွန်တော့်ထမင်းပွဲအား တစ်ချက်စွေကြည့်၏။  နောက်… အလိုမကျသလိုမျက်နှာဖြင့် သူ့လက်မှ နာရီကိုကြည့်သည်။ အဖေသည် အိမ်မှာဆို ကျွန်တော့်အား ထမင်းစားချိန်တန်၍ မစားသေးလျှင် ခဏခဏ သတိပေးတတ်၏။ ထို့ပြင် ထမင်းစားလျှင် ဘာမှလိုက်ရှာမနေပဲ မျက်စိရှေ့တွေ့သည့်ဟင်းဖြင့်သာ စားတတ်သော ကျွန်တော့်အား၊ ဘယ်အိုးထဲမှာ ဘာဟင်းချက်ထားတယ်၊ ဘယ်ဘူးထဲမှာ ဘာကြော်လေးတွေရှိတယ် စသဖြင့် လာလာ ပြောနေကျ။ ကျွန်တော်မကြိုက်သည့် ဟင်းများချက်ထား၍ မစားလျှင်လည်း ကောင်းပါတယ်ကွ… ဟု ဆွယ်တရားဟောကာ ဖွယ်ဖွယ်ရာရာ စားစေချင်သူ။ အမေလည်း ထိုနည်းလည်းကောင်း။ ထို့ကြောင့် အဖေဘာမှ မပြောသေးခင် ကျွန်တော် ပြာပြာသလဲ ညာရ၏။

“သားက ခုမှ ဒီမှာ ထိုင်တာအဖေ။ မနက်တုန်းက ဆယ်နာရီလောက်မှ အိပ်ယာထပြီး ခေါက်ဆွဲပြုတ်တွေသောက်ထားတာနဲ့ ဗိုက်မဆာလို့ ထမင်းက ခုမှစားတာ။ ဒီလမ်းထိပ်က ၀က်ခေါင်းသုပ်က ကောင်းတယ် အဖေရ။ မြည်းကြည့်ပါလား”…

“မစားတော့ပါဘူးကွာ။ ရော့… ဒီမှာ လျှပ်စစ်နဲ့ဟင်းချက်တဲ့ ဒယ်အိုးအသစ်တဲ့။ မင်းအမေ ပို့ခိုင်းလိုက်တာ”…

ဟု အဖေကပြောကာ… သူ့လက်ထဲမှ စက္ကူဘူးကြီးထည့်ထားသော အိတ်အား လှမ်းပေး၏။

နောက်… မီးဖိုချောင်ထဲသို့ ၀င်ကြည့်ကာ “အဆာပြေစားဖို့ ဘာမှလည်း ၀ယ်မထားပါလား။ အခု လာပို့တဲ့ အိုးအသစ်နဲ့ မင်းစားချင်တာလေးတွေ ချက်စားလို့ မင်းအမေက မှာလိုက်သေးတယ်”… ဟု ညည်းညူသံတစ်ဝက်ဖြင့်ပြောသည်။ နောက်… အသစ်ဝယ်ထားသော ကျွန်တော့်စက်ကို ထိုင်ကြည့်၍ ခဏသာနေကာ ပြန်သွား၏။ ကျွန်တော်ကလည်း စာဆက်ရိုက်ရင်း ထမင်းဆက်စားသည်။ ထမင်းစားပြီးတော့လည်း စာဆက်ရိုက်နေမိပြန်၏။ စိတ်ထဲမှာတော့ အဖေ့ကို ညာလိုက်မိတာ စိတ်မကောင်း။

သို့နှင့် ညနေစောင်းအရောက်တွင် ကွန်ပျူတာရှေ့မှာ ကျွန်တော် အိပ်ပျော်သွားခဲ့၏။ ခြောက်နာရီလောက်တွင် အိပ်ယာက ပြန်နိုးသည်။ အိမ်တစ်ခုလုံး တိတ်ဆိတ်နေသည်။ ကွန်ပျူတာက ပွင့်လျှက်သား။ ထို့ကြောင့် ကွန်ပျူတာရှေ့တွင် ပြန်ထိုင်သည်။ ပြန်ထိုင်ရင်း ဆေးပေါ့လိပ်တိုကိုကောက်၍ မီးညှိဖွာကာ ဘာမှ မလုပ်ရသေးခင် တစ်ခု သွားစဉ်းစားမိသည်။ နေ့ခင်းတုန်းက အဖေလာသွားသော ကိစ္စကိုပင်တည်း။

အဖေသည် နေ့ခင်းတုန်းက ကျွန်တော် အချိန်မမှန်ထမင်းအား ဖြစ်သလိုစားနေပုံကို၊ မီးဖိုထဲတွင် ဘာစားစရာအခြောက်အခြမ်းမှ အသင့်ဝယ်မထားခြင်းတို့ကို အမေ့အား အချိန်မရွေး ပြန်ဖောက်သည်ချမည်မှာမလွဲ။ ထိုအခါ အဖေ့ထက် ပိုဆိုးသော အမေသည် တက္ကစီစီး၍ ခဏတွင်းချင်း ကျွန်တော့်အိမ်သို့ ရောက်လာနိုင်သည်။ ဒီည မရောက်လျှင်တောင် နက်ဖြန် ရောက်လာနိုင်သည်။ ထိုအခါ  အိမ်အသစ်တွင် ကွန်ပျူတာအသစ်ဖြင့် ဇောင်းထဲမှ လွှတ်လိုက်သော မြင်းကဲ့သို့ တစ်ယောက်တည်း ဖြစ်ချင်တိုင်းဖြစ်နေသော ကျွန်တော့်အား….

“မင်းကို ဆူရတာလည်း လူကြားမကောင်းဘူး၊ သူများလို အရက်သောက်၊ ဖဲရိုက်၊ အပျော်လိုက်လို့ ရုံးရောက်ဂတ်ရောက်ဖြစ်နေရင် လူသိရှင်ကြားဆူရတာ တော်သေးတယ်။ ခုတော့ ဒီအသက်အရွယ်ကြီးနဲ့ စားချိန်မှန်မစား၊ အိပ်ချိန်မှန် မအိပ်ပဲ စာတွေ တချောက်ချောက်ရေးနေလို့ ပြောနေရတာ လူကြားမကောင်းပါဘူးဟယ်”…. ဟု ညည်းရင်း စိတ်ဆိုးတော့မှာ…။ စိတ်မကောင်း ဖြစ်နေတော့မှာ။

ထို့ကြောင့် မနက်ကတည်းက ကွန်ပျူတာနေ၍ ရေမချိုး၊ မျက်နှာပင်မသစ်ရသေးသော ကျွန်တော်သည် ရေချိုးခန်းထဲပြေးဝင်ကာ ရေးချိုးမိ၏။ နောက် အ၀တ်လဲကာ အောက်ဆင်း၏။

စားစရာရှာသည်။ မိဘများစိတ်ချမ်းသာအောင် အာဟာရပြည့်စရာ ဘာစားရင်ကောင်းမလဲဟု ကျွန်တော်စဉ်းစားသည်။ ဟင်းလည်း မချက်ချင်၊ ဆိုင်ဟင်းတွေလည်း ၀ယ်မစားချင်။ ထို့ပြင် အကယ်၍ ညကျ အမေဖုန်းဆက်လာလျှင် ထပ်မလိမ်ချင်။ စားသည့်အစားအစာ အမှန်ကို ပြောချင်သည်။ စဉ်းစားရင်း လျှောက်ရင်း မလေးရှားတွင် ဘရာနီဟု ခေါ်ကြသည့် ဒံပေါက်ဆိုင် သွားတွေ့၏။ ဒါအာဟာရဖြစ်တာပဲဟု တွေးကာ တစ်ပွဲဝယ်၏။ အမှန်အတိုင်းပြောရလျှင် ထိုဒံပေါက်တစ်ပွဲသည် ကျွန်တော့်ဘ၀တွင် ကိုယ့်ဆန္ဒနှင့်ကိုယ် ပထမဦးဆုံးဝယ်စားဖြစ်သော ဒံပေါက်တစ်ပွဲသာ ဖြစ်၏။

နောက်… အဆာပြေစားဖို့ တွေ့ကရာ မုန့်ကျွပ်တစ်ထုပ်ဝယ်သည်။ ၀ယ်ပြီးမှ တံဆိပ်ကို ကြည့်မိသည်။ နာမည်က ပူစီ။ ကျွန်တော် ရယ်ချင်သွားသည်။ စိတ်ထဲမှလည်း ပေးစရာနာမည်ရှားလို့ မုန့်ကျွပ်နာမည်များ ပူစီတဲ့။ ပူစီဆိုတာ ငါတို့နိုင်ငံမှာသာ ကြောင်လေးတွေကို ချစ်စနိုးနဲ့ ခေါ်တာ။ ငါရောက်ဖူးတဲ့ နိုင်ငံနဲ့ သူများနိုင်ငံတွေမှာဆို ပူစီဆိုတာ…. ဘာညာ စသဖြင့် တွေးရင်း ဘယ်သူမှမသိပဲ ကိုယ့်ဘာသာကိုယ် ရှက်လာမိသေး၏။ ဒါပေမယ့် ပူစီဆိုတာ… ကျွန်တော်မသိသော တခြားအဓိပ္ပါယ်လည်း ရှိချင်ရှိနေမှာ။

ကော်ဖီကတော့ ရှိနေသေးတာမို့ မ၀ယ်တော့။ အိမ်ပြန်ခဲ့လိုက်သည်။

~~~@~~~

အကယ်၍ ခုည အမေဖုန်းဆက်လာပါက ညစာကောင်းကောင်းစား၍ အဆာပြေစားစရာ အခြောက်အခြမ်းဝယ်ထားသည်ဟု ကျွန်တော်ပြောနိုင်လေပြီ။ နက်ဖြန်ကျလျှင်လည်း နေ့လယ်စာ၊ ညစာတို့အား သေချာ စားမည်။ မိဘများအား မုသားသုံးစရာ မလိုတော့။

နောင်လည်း ခုလို မညာဖြစ်အောင် ကျွန်တော် အတတ်နိုင်ဆုံးကြိုးစားရမည်။

အခြားကြောင့်တော့ မဟုတ်။

မိဘက မသိလျှင်တောင်မှ မိဘစိတ်မချမ်းသာစရာ ကိစ္စမျိုးများအား ရှေ့တွင်ဖြစ်စေ၊ နောက်ကွယ်တွင်ဖြစ်စေ၊ ဖြစ်နိုင်လျှင် တတ်နိုင်သလောက် ကျွန်တော်ရှောင်ကျဉ်ချင်မိတာကြောင့်သာ ဖြစ်၏။          ။

~~~@~~~

စာကြွင်း…
-------------

ထိုအကြောင်းများလေးများအား စာရေးချင်စိတ်ပေါက်လာပြီးနောက် အထက်ပါခေါင်းစဉ်ကို ကျွန်တော်ပေးမိခြင်းသာ ဖြစ်ပါသည်။

---------------------------------------------------------

=:::= အဖေနဲ့ အမေ့အတွက် အမှတ်တရ =:::=

-----------------------------------------------------------

ချစ်ခြင်းအားဖြင့်……
ဏီလင်းညို

၂၂၊ စက်တင်ဘာ၊ ၂၀၁၄။

တနင်္လာနေ့။

(၂၂း ၃၈)နာရီ

ရန်ကုန် - မြန်မာပြည်။

ရှေ့တိုး/ နောက်ဆုတ် သင်္ကြန်

နားထဲကြားနေရသော အနောက်တိုင်း ဒီဂျေသံစဉ်များက မြူးကြွလွန်းလှသလို ဆူလည်း ဆူညံလွန်းလှသည်ဟု ကျွန် တော်ထင်မိ၏။ အကယ်၍ တစ်စုံတစ်ယောက်က ဘယ်လောက်တောင် ဆူညံလို့လဲဟု မေးလာခဲ့မည်ဆိုပါစို့။ ကျွန်တော် ဖြေပါမည်။ ကျွန်တော့်ဘေးပတ်ဝန်းကျင်မှလူအားလုံး တစ်ယောက်နှင့်တစ်ယောက် စကားပြောချင်လျှင် အသံကုန်ဟစ်ကာ အော်ပြောကြရသည့်အထိပင်။

ဒါတင်မကသေး၊ ကျွန်တော်တို့ရေကစားမဏ္ဍပ်တွင် တပ်ဆင်ထားသော ဆောင်းဘောက်စ်ကြီးများမှာ ခုနှစ်လုံး၊ ရှစ်လုံးမျှရှိ နေတာမို့ ထိုဆောင်းဘောက်စ်ကြီးများထံမှ ထွက်လာသည့် ဘေ့စ်သံ တဒုန်းဒုန်းတို့ကလည်း ရင်ကို အရှိန်ပြင်းပြင်း တုန်ခါ စေနိုင်နေခဲ့သေး၏။ သို့သော် ကျွန်တော် ပျော်နေမိသည်။

“ဟေ့ကောင် နိုင်မိုး၊ ငါ့ရေပိုက် ခဏကိုင်ထားစမ်းကွာ၊ ဒီမှာ ဖုန်းလာနေလို့”

အလောတကြီးအော်ရင်း နံဘေးမှ ရဲနောင်က သူ့လက်ထဲမှ ရေပိုက်အား ကျွန်တော့်လက်ထဲသို့ အတင်းထိုးပေးလာသည်။ ကျွန်တော်လှမ်းယူလိုက်တော့ ရဲနောင်က သူ့လည်ပင်းမှာ ကြိုးဖြင့်တွဲလောင်းဆွဲထားသည့် ဖုန်းရေမစိုအောင် ထည့်ထား သော ပလတ်စတစ်အိတ်ပျော့ အကြည်လေးအား လက်မှကိုင်မြှောက်ကာ ရေကစားမဏ္ဍပ်နောက်သို့ ဆင်းပြေးသွား၏။

ထို့ကြောင့် ရေပိုက်နှစ်ချောင်းအား ဘယ်ညာ တစ်ဖက်စီ ဆုပ်ကိုင်လိုက်၏။ နောက်... ခန္ဓာကိုယ်အား ဒီဂျေတီးလုံးများနှင့် ဟန်ချက်ညီညီ စည်းချက်လိုက်ရင်း မဏ္ဍပ်ရှေ့ထိုးရပ်လာသော ရေပက်ခံကားပေါ်မှ လူများကို ရေပက်ဟန်ပြင်မိ၏။ ထိုစဉ် စောစောက အချမ်းပြေသောက်ထားသော ဘီယာ၏အရှိန်ဖြင့် ကျွန်တော့်ခန္ဓာကိုယ်က ယိုင်ခနဲ တစ်ချက်ဖြစ်သွားမိသည်။

“အိုး... ဘယ်လိုဖြစ်နေတာလဲ”

“ဆောရီး”

ကျွန်တော့်ဘေးတစ်ဖက်မှ ပေါင်ရင်းနားလောက်ရောက်သည့် အနားဖွာဂျင်းဘောင်းဘီတိုနှင့် စွပ်ကျယ်လိုမျိုး အင်္ကျီတိုတို လေးဝတ်ထားသော ရွယ်တူကောင်မလေးတစ်ယောက်၏ ငြိုငြင်စွာ အော်လိုက်သံကြောင့် ခပ်ကျယ်ကျယ်လေးအော်ကာ တောင်းပန်လိုက်ရသည်။ အခြားကြောင့်တော့ မဟုတ်။ ရှူးဖိနပ်ပျော့ပျော့လေးဝတ်ထားသော သူမ၏ခြေထောက်အား ရေ စိုခံရှူးဖိနပ်ဝတ်ထားသည့် ကျွန်တော့် ခြေတစ်ဖက်ဖြင့် မတော်တဆ တက်နင်းမိသွားတာမို့ပင်တည်း။

ပြောရမယ်ဆို ကျွန်တော်တို့လက်မှတ်ဝယ်ကာ ရေကစားရသောဒီမဏ္ဍပ်က ရန်ကုန်မြို့တွင်းမှ နာမည်ကြီးမဏ္ဍပ်တစ်ခုမို့ လူသိပ်စည်လွန်း၏။ မဏ္ဍပ်မျက်နှာစာတွင် တန်းစီကာ ရေပက်ကြရသူများမှာ တစ်ယောက်နှင့် တစ်ယောက်အသားချင်း ထိလုမတတ် ကျပ်တည်းနေခဲ့၏။ ထို့ကြောင့် အမှတ်တမဲ့ နင်းမိသွားခြင်းသာ။

သို့သော်... ထိုကောင်မလေးက ကျွန်တော့်အား သိပ်ပြီး ကျေအေးချင်ပုံမရ။ တော်တော်နာသွားဟန်ဖြင့် သူတပ်ထားသော မျက်မှန်အမည်းကြီးအားချွတ်ကာ ကျွန်တော့်အား မျက်စောင်းထိုး၏။ နောက်... ရေစိုသဖြင့် အချောင်းလိုက်စီ ကောက် ကောက်ကွေးကွေးဖြစ်နေသော ကျောလည်မရောက်တရောက် ဆံပင်များအား ၀ဲခနဲခါကာ သူမဟိုဘက်ဘေးမှ ကောင် တစ်ကောင်အား တီးတိုး တီးတိုးလုပ်သည်။ ထိုအခါ ကျွန်တော်နှင့် ရွယ်တူလောက်ရှိမည်ထင်ရသော ထိုကောင်က သူတပ် ထားသော မျက်မှန်အမည်းကြီးကိုချွတ်ကာ ကျွန်တော့်အား ဘုရှိုး၊ ရှိုးလာလေတော့သည်။

ဘုရား... ဘုရား၊ မတော်တဆလေး နင်းမိတာကို ဒီကောင်မလေး ဘာတွေများ ချဲ့ကားပြီးပြောလိုက်တာပါလိမ့်။

တွေးရင်း ကျွန်တော့်ရင်ထဲ ထိတ်ခနဲ ဖြစ်သွားသည်။ ဖြစ်နိုင်လျှင် သင်္ကြန်အတွင်းမှာ ကျွန်တော်ရန်မဖြစ်ချင်ပါ။ ပြီးတော့ ကျွန်တော်က ဒီမဏ္ဍပ်မှာ သင်္ကြန်ရက်အားလုံးစာ ရေပက်ခွင့်လက်မှတ်ဝယ်ကာ လာကစားသော်လည်း စောစောက ဖုန်း ပြောဖို့ထွက်သွားသော ရဲနောင်မှလွဲ၍ ဘော်ဒါတွေမရှိ။ အသိမိတ်ဆွေမရှိ။ ဒီနေ့မနက် မဏ္ဍပ်ကိုရောက်ရောက်ချင်း ရဲ နောင်က ကျွန်တော်နှင့်မျက်နှာစိမ်းသော  သူ့ဘော်ဒါတစ်ယောက်နှစ်ယောက်နှင့်တော့ ကျွန်တော့်ကို မိတ်ဆက်ပေးခဲ့သေး သည်။ သို့သော် သိပ်ရင်းနှီးမှုမရှိခဲ့သလို သူတို့ကိုလည်း အခု ကျွန်တော်မတွေ့ရတော့။ ဘယ်မှာ သွားမူးနေကြပြီလည်း မသိ။

နောက်ပြီး ဒီနေ့အကျနေ့မနက်မှ စကစားဖြစ်တာ နေ့ဝက်တောင် မကျိုးသေးတာမို့ မဏ္ဍပ်မှလူများနှင့်လည်း ရင်းနှီးဖို့မပြော နှင့် မျက်မှန်းတန်းမိရုံတောင် မရှိခဲ့သေး။

သင်္ကြန်အတွင်းမှာ ရန်ဖြစ်ကြပြီဟေ့ဆို.... ဆွမ်းကြီးဝိုင်းလောင်းတတ်ကြတာ ထုံးစံမဟုတ်ပါလား။ ပြီးတော့ ဒီနေရာမှာဖြစ် ရင် ကျွန်တော့်ဘက်က ကူမယ့်သူတစ်ယောက်မှ ရှိနိုင်မှာ မဟုတ်ဘူးဆိုတော့။

အရမ်းကြောက်တတ်သူ တစ်ယောက်မဟုတ်သော်လည်း ပတ်ဝန်းကျင်စိမ်းမှာမို့ ကျွန်တော့်စိတ်ထဲ စိုးရွံ့လာမိသလိုလို၊ အားငယ်လာသလိုလို ခံစားရ၏။ သို့သော် တော်သေးသည်ဟု ဆိုရမည်။ ထိုကောင်က ကျွန်တော့်ကို ဘုကြည့်ကြည့်ကာ နံ ဘေးမှ သူ့ကောင်မလေးနှင့် နေရာချင်းလဲလိုက်ရုံမှတစ်ပါး ဘာမှထပ်မတုန့်ပြန်လာခဲ့တော့။ ထို့ကြောင့် ကျွန်တော်လည်း လမ်းမဘက်မျက်နှာမူကာ မဏ္ဍပ်ရှေ့ထိုးရပ်လာသော ရေပက်ခံကားများအား ရေပိုက်ဖြင့် လိုက်ထိုးပက်နေမိတော့၏။

သို့သော် ကျွန်တော့်ခန္ဓာကိုယ်က ဒီဂျေတီးလုံးများနှင့်အတူ စည်းချက်မလိုက်မိတော့။ စိတ်ထဲတွင်လည်း မလွတ်လပ်တော့ ပဲ တစ်ခုခု ကျဉ်းကျပ်လာခဲ့ရသလိုလို ဘာလိုလို။

~~~@~~~

ကြာဇံကြော်ထည့်ထားသော ဖော့ဘူးလေးအား လက်မှကိုင်ကာ မဏ္ဍပ်နောက်ဘက်သို့ ကျွန်တော်ဆင်းခဲ့၏။ ကျွန်တော် တို့မဏ္ဍပ်၏ ထမင်းစားနားချိန်မို့ သူ့အုပ်စုနှင့်သူ ပျော်ရွှင်စွာ စားသောက်နေကြသူများအား ရေစိုစိုအ၀တ်များဖြင့် တွေ့ရ၏။ အချို့စုံတွဲတွေက လူမြင်ကွင်းမှာပင် တစ်ယောက်နှင့်တစ်ယောက် ဖက်လျှက် အပြန်အလှန် ယုယကြင်နာနေကြသည်။ သို့ သော် ထမင်းစားချိန်မနားခင်ကတည်းက ဖုန်းပြောဖို့ထွက်သွားခဲ့သည့် ရဲနောင်က အခုထိ ပြန်ရောက်မလာသေးပဲ ပျောက် ချက်သား ကောင်းနေခဲ့တာမို့ ကျွန်တော့်မှာတော့ အဖော်မရှိ။

ဖြစ်နိုင်လျှင် ဒီကောင့်ကို ဖုန်းဆက်ကာ “ဘယ်ရောက်နေလဲ”ဟု လှမ်းမေးကြည့်ချင်မိ၏။ သို့သော် ကျွန်တော့်မှာ ဖုန်းမပါ။ “ဖုန်းထည့်တဲ့အိတ်က ရေလုံပေမယ့် ရေငွေ့ရိုက်တတ်တယ်၊ ပျက်သွားရင် အသစ်လုံးဝ ထပ်မ၀ယ်ပေးနိုင်ဘူး။ ယူမသွားနဲ့” ဟု ခပ်ပြတ်ပြတ်ပြောခဲ့သော အမေ့စကားကြောင့် မထားချင်ပဲ အိမ်မှာ ထားခဲ့ရတာမို့ပင်။

အုပ်စုများနှင့် ခပ်လှမ်းလှမ်းမှ မြက်ခင်းပေါ်ထိုင်ချကာ လက်ထဲမှ ကြာဇံကြော်ဘူးလေးအားဖွင့်၏။ အသင့်ပါသော ကော်ဇွန်းဖြူဖြူလေးဖြင့် တစ်ဇွန်းခပ်စားလိုက်သည်။ လျှာပေါ်တွင် ဖွယ်တယ်တယ်နှင့် အရသာကင်းမဲ့မှုတစ်ခုအား အလုံး အရင်းခံစားလိုက်ရ၏။ ကြည့်စမ်း၊ မဏ္ဍပ်က အလကားကျွေးသည်ဆိုသော ကြာဇံကြော်ဟာ ဒါမျိုးလား။ သို့သော် ဗိုက်ဆာနေတာမို့ ၀င်သလောက်စားဖို့ ဆုံးဖြတ်မိသည်။

ထိုစဉ် ကျွန်တော့်နားထဲသို့ ဆူညံစွာ အော်ဟစ်ရယ်မောလိုက်သံတို့က စူးခနဲ ၀င်လာသည်။ အသံလာရာဆီ လှမ်းကြည့်မိ လိုက်တော့ စားရင်းသောက်ရင်း အချင်းချင်း စနောက်ပျော်ရွှင်နေကြသည့် လူတစ်စုအား တွေ့ရသည်။ ထိုအုပ်စုအား ငေးခ နဲ တစ်ချက်ဖြစ်သွားမိစဉ် တခြားအုပ်စုများ၏ တစ်ယောက်နှင့်တစ်ယောက် စနောက်သံများကို ထပ်ကြားရပြန်သည်။

ပတ်ဝန်းကျင်မှ အဖော်စုံသူတွေရဲ့ပျော်ရွှင်ရွှင်မှုက အဖော်မဲ့နေခဲ့သော လူတစ်ယောက်၏စိတ်ခံစားမှုကို သတ်ဖြတ်နိုင်စွမ်းရှိ ပါသလား။ ကျွန်တော် သေချာမသိပါ။ သို့သော် သူတို့၏ပျော်ရွှင်မှုက သင်္ကြန်မဏ္ဍပ်ကြီးတစ်ခုမှာ အဖော်မရှိပဲ တစ်ဦးတည်း ယောင်ချာချာ ဖြစ်နေခဲ့ရသည့် ကျွန်တော့်အတွက် အထီးကျန်သလိုလို ဘာလိုလို ခံစားစေနိုင်စွမ်းရှိတာ အမှန်ပင် ဖြစ်၏။

ဒါဆို.. သူငယ်ချင်းသွားရှာလေ။ သင်္ကြန်ဆိုတာ တစ်ယောက်နဲ့တစ်ယောက် သိသိ မသိသိ၊ ပျော်ပျော်ရွှင်ရွှင် ခင်ခင်မင်မင်နဲ့ စနောက်နေကြရမယ့် အချိန်...ဟု ရင်တွင်းမှ ကိုယ့်ကိုယ်ကို တိုက်တွန်းစကား ဆိုမိ၏။ သို့သော် ကျွန်တော့်သိစိတ်တို့က လက်မခံပါ။

ဟုတ်သည်၊ သူတို့ပုံစံတွေကြည့်ရတာ ပိုက်ဆံရှိကြပုံတွေ။ ရွယ်တူ လူငယ်အချင်းချင်းမို့ သူတို့ ၀တ်စားထားသော အသုံး အဆောင်ပစ္စည်းများက သာမန်လူတန်းစားဖြစ်သည့် ကျွန်တော့်အ၀တ်အစားတွေထက် ဈေးကြီးမည်ဆိုတာ မြင်ရုံနဲ့ပင် ကျွန်တော်သိသည်။ နှိုင်းယှဉ်ကြည့်စရာ မလိုလောက်အောင် ကျွန်တော်နှင့် ကွာခြားလွန်းနေခဲ့၏။ ထို့ကြောင့် ကိုယ့်ဘက် က သဘောရိုးနဲ့ ခင်မင်ချင်လို့ မိတ်သွားဖွဲ့ရင်တောင် သူတို့တွေက ဘလိုင်းကြီး ဘာလာရောတာလဲ၊ ဘာလာကြောင်တာ လဲ၊ ဘာလုပ်ချင်လို့လဲ... ဟူသော မယုံသင်္ကာမျက်ဝန်းများနှင့် ကြည့်လာကြမှာ။ ထို့ကဲ့သို့ အကြည့်ခံရမည့်အစား တစ် ယောက်တည်းနေရတာက ပိုကောင်းလိမ့်မည်ဟု ကျွန်တော် ထင်ပါသည်။

သက်ပြင်းတစ်ချက်ချရင်း တစ်ဝက်ကျော်ကျော်ကျန်နေသေးသော ကြာဇံကြော်ဘူးအားဆက်မစားချင်တော့တာမို့ ပိတ်ကာ ဘေးချထားလိုက်သည်။ ပြီးနောက် မြက်ခင်းပေါ်မှထကာ ခပ်လှမ်းလှမ်းရှိ ယမကာများရောင်းနေသော ဆိုင်သေးသေးလေး သို့သွား၍ ဘီယာတစ်ဗူးနှင့် စီးကရက်တစ်ဗူးဝယ်ဖြစ်သည်။ တစ်ယောက်တည်း အဖော်မဲ့နေရသူ ကျွန်တော့်အတွက် ဒီနှစ် ခုက လောလောဆယ် အဖော်မွန်ကောင်း ဖြစ်လာနိုင်၏။

စောစောကနေရာလေးသို့ ပြန်လျှောက်လာစဉ် ကျွန်တော်ထိုင်ခဲ့သော နေရာလေးတွင် ရုတ်ရုတ်သည်းသည်း မြင်ကွင်းတစ် ခုကို တွေ့လိုက်ရ၏။ ရင်ထဲ ထိတ်ခနဲဖြစ်သွားမိပြန်သည်။ ကြည့်စမ်း... စောစောက ရယ်မောနေခဲ့သည့် အုပ်စုများထဲမှ အုပ်စုနှစ်စု၏ ရန်ပွဲဖြစ်နေခဲ့ပါလား။ ဘာကိစ္စကြောင့်ဖြစ်တယ်၊ ဘယ်သူတွေလည်း ဆိုတာကိုတော့ ကျွန်တော်မသိ။ ပြောရ မယ်ဆို ကျွန်တော်နှင့်သိသူတွေ တစ်ယောက်မှ မပါ။ တစ်ဖက်နှင့်တစ်ဖက် ဆွဲကြ၊ လွဲကြနှင့် ကြမ်းတမ်းစွာ အော်ဟစ်ဆဲ ဆိုနေခဲ့ကြသေး၏။

ချက်ချင်းဆိုသလို မဏ္ဍပ်ဘက်မှ လူတွေပြေးလာကာ ဖျန်ဖြေတာ တွေ့ရ၏။ သိပ်မကြာလိုက်။ ရန်ပွဲက ငြိမ်းသွားသည်။  နည်းနည်းပါးပါးတော့ ကွဲပြဲသွားကြသည်ထင်၏။ စောစောက ကျွန်တော်ထိုင်ခဲ့သော နေရာလေးသို့ပြန်အရောက်တွင် မြက် ခင်းပေါ်မှာ သွေးစက်တချို့ကို တွေ့လိုက်ရသောကြောင့်ပင် ဖြစ်သည်။ ကျွန်တော် မစားချင်တော့၍ ချထားမိခဲ့သော ကြာဇံ ကျော်ဗူးလေးမှာလည်း ရန်ပွဲကြားတွင် တက်နင်းခံလိုက်ရတာမို့ ကွဲအက်ကြေမွလို့ နေခဲ့လေတာ တွေ့လိုက်ရသေး၏။

~~~@~~~

တက္ကစီကားနောက်ခန်းပြတင်းဝမှ တိုးဝင်လာသော တန်ခူးလေအေးတို့က ကျွန်တော့်မျက်နှာပေါ်သို့ တိုးဝေ့လာကြ၏။ သ င်္ကြန်အကျနေ့ ညနေခင်း၏စည်ကားနေဆဲ ရေစိုစိုမြင်ကွင်းများက ကားဘေးနှစ်ဖက်မှာ ရိပ်ခနဲ၊ ရိပ်ခနဲ ကျန်ရစ်ခဲ့ကြသလိုရှိ သည်။

“ပြတင်းပေါက် ပိတ်လိုက်ပါလား ငါ့ညီ။ တော်ကြာ ကူရှင်တွေ ရေစိုကုန်ဦးမယ်”

“ဟုတ်ကဲ့ အစ်ကို”

တက္ကစီမောင်းသူအစ်ကိုကြီး၏ သတိပေးစကားကြောင့် ကားပြတင်းမှန်ကို မတင်ချင်သော်တင်လိုက်ရ၏။ နောက်.. ထိုင်နေ သော ကားနောက်ခန်းမှ ကူရှင်ပေါ်တွင် ကျောမှီကာ ဖြေလျှော့ချလိုက်သည်။

မျက်လုံးများအား ခဏမှိတ်ထားလိုက်သည်။ ထိုစဉ် နေ့ခင်းတုန်းက အဖြစ်အပျက်များက ကျွန်တော့်အာရုံမှာ ထင်ဟပ်လာ ကြသလိုလို။

နေ့ခင်းတုန်းက ထမင်းစားချိန်နားပြီးနောက် ရေပြန်ပက်ချိန်တွင် ရဲနောင်က မဏ္ဍပ်သို့ပြန်ရောက်လာခဲ့၏။ သူ့ကို မြင်မြင် ချင်း အားတက်သရောဖြင့် အပြစ်တင်စကားပြောဖို့ ကျွန်တော်ကြိုးစားမိဆဲ...

“ဆောရီး နိုင်မိုးရာ၊ မနက်က ဖုန်းဆက်တဲ့ငါ့ဘော်ဒါတွေက သူတို့ကား ငါတို့မဏ္ဍပ်နားရောက်တော့ ငါ့ကိုဖုန်းဆက်လို့ ခဏ သွားတွေ့ရင်း သူတို့က ကားနဲ့လည်ဖို့အတင်းဆွဲခေါ်သွားလို့ ပါသွားတာကွ။ ထမင်းစားနားပြီးတော့ ငါက ဒီကိုပြန်လာမယ် လည်းလုပ်ရော သူတို့က ဒီတစ်နေ့လုံး သူတို့နဲ့လည်ရမယ်ဆိုပြီး ငါ့ကို ၀ိုင်းရစ်နေကြတာနဲ့ ငါလည်း ကတိပေးလိုက်ရတယ်။ ဒါပေမယ့် မင်းတစ်ယောက်တည်း ကျန်ရစ်ခဲ့တာ သတိရလို့ မင်းကို အခုပြန်လာပြီး ၀င်ခေါ်တာ။ လာကွာ... ငါနဲ့ ဒီညနေ ကားလိုက်လည်။ ငါ့ဘော်ဒါတွေက အေးဆေးပဲ။ မဏ္ဍပ်ကတော့ နက်ဖြန်မနက်မှ အတူတူ ပြန်ထိုင်ကြတာပေါ့”

ဟု ရဲနောင်က ဆိုလာခဲ့၏။ ထို့ကြောင့် မဏ္ဍပ်တွင် တစ်ယောက်တည်းငေါင်နေရမည့်အတူတူ ရဲနောင်ဘော်ဒါများကားဖြင့် ကျွန်တော်လိုက်ခဲ့မိ၏။ သူ့ဘော်ဒါတွေကလည်း ကျွန်တော်လိုက်လာတာကို မကန့်ကွက်တာမို့ စိတ်ထဲ ပေါ့ပါးပျော်ရွှင်သွား ခဲ့ရသေးသည်။

ပြည်လမ်းပေါ်အရောက်၊ လေးဖြူ၊ အငဲ၊ မျိုးကြီးတို့ပါသော အိုင်စီရှိုးပွဲရှိသည့် မဏ္ဍပ်ရှေ့ရောက်ခါနီးတွင် ကားတွေပိတ်နေ တာမို့ ကားပေါ်မှ အားလုံးလိုလို ဆင်းကြ၏။ ထို့ကြောင့် ကျွန်တော်လည်း လိုက်ဆင်းမိသည်။ နောက်... အဆိုတော် များသီချင်းဆိုရာ စတိတ်စင်ရှေ့သို့ကြိုသွားကာ ခုန်ပေါက်ပျော်ရွှင်စွာဖြင့် ကြိုတင်ရေပက်ခံကြ၏။

မဏ္ဍပ်တွင် တစ်မနက်လုံး မပျော်ခဲ့ရသော အရှိန်နှင့် အခုကားပေါ်တွင်သောက်ထားခဲ့သောအရှိန်၊ နှစ်ခုတို့ပေါင်းကာ ရေမှုန် ရေမွှားများကြားထဲခုန်ပေါက်၍ သင်္ကြန်အကျနေ့ညနေခင်းထဲ အတော်ကြာကြာ ကျွန်တော်စီးမျောပျော်ရွှင်သွားမိခဲ့သည်။ ကိုယ့်အရှိန်နှင့်ကိုယ် ခေါင်းမော့မကြည့်နိုင်လောက်သော ရေမှုန်ရေမွှားများကြားမှာမို့ ရဲနောင်အပါအ၀င် ကားပေါ်မှ တခြားလူများနှင့် လူစုကွဲသွားကြတာကို ကျွန်တော်သတိမထားမိလိုက်။

ထို့ကြောင့် ကားရပ်ထားရာနေရာဆီသို့ ပြန်ရောက်သောအခါ ကျွန်တော်စီးခဲ့သော ကားကိုလည်း မတွေ့ရတော့။ အနီးတစ် ၀ိုက်တွင် ကျွန်တော်အထပ်ထပ် လိုက်ရှာခဲ့သေးသည်။ သို့သော် လုံးဝမတွေ့ရတော့ပါ။ ကားထွက်ခါနီးတွင် ကျွန်တော့်ကို မတွေ့ရတာတာမို့ စောင့်မနေကြတော့ပဲ ချန်ထားရစ်ကာ ထွက်သွားနှင့်ခဲ့ကြလေပြီ။

ဘာရယ်မဟုတ်ပဲ ကျွန်တော့်စိတ်ထဲ ၀မ်းနည်းသွားမိ၏။ အားလည်း ငယ်မိသွားရသလိုလို။ မနက်တုန်းက ရေကစားခဲ့သော မဏ္ဍပ်သို့လည်း မပြန်ချင်တော့တာမို့ ပြည့်ကျပ်နေသော ကားတန်းကြီးထဲမှ ကျွန်တော်တစ်ယောက်တည်း လမ်းလျှောက် ထွက်လာခဲ့တာ။ နောက်... စည်ကားနေဆဲ သင်္ကြန်အကျနေ့ညနေခင်းအား ကျောခိုင်းခဲ့ကာ သင်္ကြန်အတွင်း ပုံမှန်ဈေး ထက်ပိုကြီးသော တက္ကစီတစ်စီးငှားစီး၍ အောင်မြင်စွာ အိမ်ပြန်ခဲ့ရတော့တာ။

ငြိမ့်ခနဲရပ်သွားသော တက္ကစီကားလေးကြောင့် ကျွန်တော်မျက်လုံးဖွင့်ကြည့်လိုက်သည်။ တက္ကစီဆရာက နောက်လှည့်၍ ရောက်ပြီ၊ မင်းပြောခဲ့တာ ဒီနေရာမဟုတ်လားဟူသော အကြည့်ဖြင့် ကျွန်တော့်အား ကြည့်လာသည်။ မြောက်ဒဂုံမှ ကျွန်တော်တို့နေသော ရပ်ကွက်ထိပ်ရှိ လမ်းမကြီးပေါ် ရောက်နေခဲ့တာမို့ ခေါင်းငြိမ့်ပြကာ ကားအတွင်းမှ ကျွန်တော်ဆင်းလိုက်၏။ နောက်..တက္ကစီခရှင်းပေးရန် ဘောင်းဘီနောက်အိတ်ထဲမှ ပိုက်ဆံအိတ်အား ထုတ်လိုက်သည်။ သို့သော် ကျွန်တော့်အိတ်ကပ်ထဲတွင် ပိုက်ဆံအိတ်က မရှိတော့။ ဒါ... ဒါဆို ဘယ်နေရာမှာ ကျပျောက်ခဲ့ပြီလဲ။ မဏ္ဍပ်က မထွက်ခင်ကတော့ ရှိသေး၏။ ဒါဆိုရင် ပြည်လမ်းပေါ်က မဏ္ဍပ်ရှေ့မှာ ဂီတသံစဉ်တွေနဲ့အတူ ရေမှုန်ရေမွှားတွေကြား ရီဝေေ၀ဖြင့် ခုန်ပေါက်ပျော်ရွှင်နေမိတုန်း တစ်စုံတစ်ယောက်ယောက်ကများ ကျွန်တော့် ဘောင်းဘီအိတ်ထဲက နှိုက်ယူထားလိုက်တာလား။ ကျွန်တော် မတွေးတတ်တော့။ ပိုက်ဆံအိတ်မရှိတော့တာကတော့ သေချာလွန်းလှစွာ။

ဘာပဲဖြစ်ဖြစ်၊ လောလောဆယ် အရေးကြီးနေတာက တက္ကစီကားခရှင်းပေးရန်ကိစ္စ။

တက္ကစီဆရာကလည်း အခြေအနေကို ရိပ်မိသလိုပုံစံမျိုးဖြင့် ကျွန်တော့်အား စိုက်ကြည့်လာသည်။ သူ့ထံမှ အကြည့်တို့ကို ရှောင်လွှဲကာ ကျွန်တော်နှင့် လေးငါးဆယ်လှမ်းအကွာရှိ ရပ်ကွက်ထိပ်မှ အုန်းလက်မဏ္ဍပ်သေးသေးလေးဆီသို့ အားကိုး တကြီး လှမ်းကြည့်ဖြစ်သည်။ တွေ့ပါပြီ။ ဘာခမ်းနားမှုမှမရှိတဲ့ လမ်းဘေးမှ ယိုင်နဲ့နဲ့ အုန်းလက်မဏ္ဍပ်သေးသေးလေးထဲမှာ ရေတိုင်ကီလေးနှစ် လုံးအားရှေ့ချ၊ ရေဖလားများ၊ ရေပုံသေးလေးများဖြင့် ဖြတ်သွားသမျှကားများအား လက်ပြတားရပ်ခိုင်း ကာ ညာသံပေး၍ ရေလိုက်ပက်နေသော ကျွန်တော်တို့ရပ်ကွက်ထဲမှသူငယ်ချင်းတွေ။ ရေကစားရင်း ဆောင်းဘောက်စ် သေးသေးလေးနှစ်လုံးမှ ထွက်ပေါ်လာသော အနောက်တိုင်းသံစဉ်များအတိုင်း စည်းချက်လိုက်ရင်း ပျော်ရွှင်စွာ ကခုန်လို့။

“ခဏလေးနော်... အစ်ကို”

တက္ကစီဆရာအား ခွင့်ပန်ရင်း မဏ္ဍပ်ဘက်သို့လှည့်ကာ အားရပါးရ ကျွန်တော်အော်ခေါ်လိုက်သည်။

“ကျော်ဖြိုး၊ အောင်ဇော်၊ ချမ်းမြေ့... ဟေ့ကောင်တွေ”

ဆတ်ခနဲဆိုသလို သူတို့မျက်နှာများက ကျွန်တော့်ဘက်လှည့်လာကြ၏။ နောက်... ရေပုံးသေးသေးလေးများအား ဆွဲကာ ကျွန်တော့်ထံသို့ ပြေးလာကြ၏။ အနားအရောက်တွင် ညာသံပေး၍ ကျွန်တော့်အား ခေါင်းပေါ်မှနေ အားရပါးရ ၀ိုင်းလောင်း ကြလေတော့သည်။ ကျွန်တော့်တစ်ကိုယ်လုံး အေးခနဲ။ တစ်နေ့လုံး ညစ်နေမိသော စိတ်တို့လည်း အဝေးသို့ လွင့်စင်သွား ကြသလိုလို။

“ခဏ.. ခဏ နေကြဦးကွာ။ ဒီမှာ ငါတက္ကစီခရှင်းပေးဖို့ ပိုက်ဆံမရှိလို့ မင်းတို့ကို လှမ်းခေါ်လိုက်တာ။ ငါ့ပိုက်ဆံအိတ် ပျောက်ခဲ့လို့ကွ။ မင်းတို့မှာ ရှိသမျှ ငါ့ကို ခဏချေးထားစမ်းကွာ”

ကျွန်တော့်စကားအဆုံးတွင် သူတို့က ရေပုံးများအား အသံစုံမြည်သွားအောင် ခြေရင်းပစ်ချကြ၏။ နောက်... သူတို့အိတ် ကပ်ထဲမှ ရှိသမျှ ရေစိုစိုပိုက်ဆံလေးများအား ကမန်းကတမ်းရှာကာ ကိုယ်စီထုတ်ပေးလာကြသည်။

ပိုက်ဆံများအား စုပေါင်းကာ ကျသင့်ငွေအား တက္ကစီဆရာလက်ထဲ ကျွန်တော်ထည့်ပေးလိုက်၏။ ပိုသောပိုက်ဆံများအား သူတို့လက်ထဲ ပြန်ပေးသောအခါ...

“ဒီပိုက်ဆံတွေ မင်းခဏယူထား နိုင်မိုး။ ပြီးရင် နည်းနည်းထပ်ဝယ်ဖို့။ အခု လက်ကျန်လေးတွေ ကုန်တော့မယ်ကွ”

“ဟုတ်တယ်၊ အခု မင်းပြန်လာပြီဆိုတော့ ငါတို့သူငယ်ချင်းတွေစုံစုံညီညီ ပျော်ရတော့မယ့်အတွက် ထပ်ဝယ်ပြီး အတူတူ ကစ်ရမယ်”

“အဲ့ဒီပိုက်ဆံတွေ အကုန်လုံးသာ ၀ယ်ပစ်ကွာ”

သူတို့က တစ်ယောက်တစ်ပေါက်။ သို့သော် ကျွန်တော် ဘာဖြစ်လာသလဲ၊ ဘာဖြစ်လို့ အစောကြီးပြန်လာခဲ့သလဲ သူတို့က မမေးကြ။ ကျွန်တော့်ပခုံးအား တစ်ဖက်တစ်ချက်စီမှ အလုအယက်ဖက်ကာ မဏ္ဍပ်လေးဆီသို့ ဆွဲခေါ်သွားကြ၏။ အလိုက် သင့်ခြေလှမ်းများဖြင့် သူတို့ခေါ်ရာနောက်လိုက်ရင်း၊ သူတို့စကားများအား နားထောင်ရင်း ကျွန်တော့်စိတ်ထဲ ၀မ်းနည်းသွား မိသည်။ တစ်နေ့လုံး တင်းထားသမျှစိတ်တို့က ပြိုလဲချင်လာမိသလိုလို။ ထို့ပြင် သူတို့အပေါ်မှာလည်း အားနာမိလာရသလို လို။

ဟုတ်သည်။ သင်္ကြန်မတိုင်ခင်က “သင်္ကြန်မှာ ပိုက်ဆံတွေ သိပ်မသုံးနိုင်ပါဘူးကွာ” ဟုဆို၍ ရပ်ကွက်ထိပ်မှာပင် အုန်းလက် မဏ္ဍပ်လေးဆောက်ကာ ရေအတူပက်ကြဖို့  ကျွန်တော့်အား ဒီကောင်တွေ တိုင်ပင်ခဲ့သည်။ သို့သော် ကျွန်တော်က ငယ်သူ ငယ်ချင်းဖြစ်သော ဒီကောင်တွေကို ငြင်းပယ်ကာ ကြီးမှ တက္ကသိုလ်မှာခင်ရသည့် ရဲနောင်အားကိုးဖြင့် ကိုယ်နဲ့အလွှာမတူ သည့် နာမည်မဏ္ဍပ်ကြီးတစ်ခုမှာထိုင်ဖို့ စိတ်ကူးမိခဲ့တာ။ မရှိမဲ့ ရှိမဲ့ ပိုက်ဆံလေးများအားစု၊ နောက်... အမေ့ထံမှ အငြိုငြင် ခံတောင်းကာ မဏ္ဍပ်ဖိုးအတွက် ပိုက်ဆံတွေအများကြီး သုံးခဲ့မိတာ။ ရှိတဲ့အထဲက အကောင်းဆုံးဖြစ်မယ်ထင်သော အ၀တ် အစားလေးတွေကိုဝတ်ပြီး ခမ်းနားတဲ့မဏ္ဍပ်ကြီးထဲက အလွှာမတူတဲ့ လူတွေကြားမှာ ပထမဦးဆုံးအကြိမ်အဖြစ် ပျော်ဖို့ ကြိုး စားမိခဲ့တာ။

သို့သော် ကျွန်တော်ရရှိခဲ့တာကတော့.... အေးစက် စိမ်းကားမှု၊ သိမ်ငယ်မှု၊ စိုးရိမ်ထိတ်လန့်မှု၊ နောက်... အစွန့်ပစ်ခံတစ် ယောက်လို။ ပြီတော့... ဆုံးရှုံးမှု။ ဒါတင်မကသေး... ရဲနောင်။ ငယ်သူငယ်ချင်းနဲ့ ဘော်ဒါဆိုတာ ဒီလိုပုံစံမျိုးတွေ ကွဲပြား တတ်ကြသေးသလား။

မဏ္ဍပ်လေးအောက်သို့ရောက်လာသည်။ ဆောင်းဘောက်စ်သေးသေးလေးများမှတစ်ဆင့် ကျွန်တော့်နားစည်ကို လာရိုက် ခတ်ကြသော အနောက်တိုင်းသံစဉ်တို့က ကျွန်တော့်နားထဲ မဏ္ဍပ်ကြီးမှဖွင့်သော ဒီဂျေတီးလုံးများထက် ပိုမိုတက်ကြွ၍ ရင် ခုန်ချင်စရာ ကောင်းနေခဲ့သလိုလို။ ရေစိုစို သင်္ကြန်အကျနေ့ညနေခင်းကတော့ နေညိုလုလု။ သို့သော် လမ်းမပေါ်မှာတော့ ရေပက်ခံ ကားငယ်လေးများက ဖြတ်သန်းသွားနေကြဆဲ။ မဏ္ဍပ်ထဲမှ ကျွန်တော့်သူငယ်ချင်းများကလည်း လာသမျှကား လေးများအား ခုန်ပေါက်ကရင်း လက်ပြတားကာ တ၀ုန်းဝုန်းဖြင့် ပျော်ရွှင်စွာ ရေပက်ကစားနေကြဆဲ။

တစ်ယောက်က ကျွန်တော့်လက်ထဲသို့ တစ်ပိုင်းပြတ် ပလတ်စတစ်ပုံးလေးတစ်ပုံး လာပေး၏။ ပလတ်စတစ်ပုံးလေးအား ငုံ့ကြည့်ကာ ရေတိုင်ကီထဲနှစ်ခပ်ရင်း ကျွန်တော်နှစ်နှစ်ခြိုက်ခြိုက် ပြုံးလိုက်မိသည်။ စိတ်တို့ ရွှင်လန်းလာမိသည်။

မနက်ဖြန် အကြတ်နေ့နှင့် သဘက်ခါ အတက်နေ့များတွင်...။            ။

---------------------------------------------------------------------------------------------------------------------------------
မကြာခင်ရက်ပိုင်းအတွင်း ရောက်ရှိလာတော့မယ် ၂၀၁၄ခုနှစ် သင်္ကြန်အတွက် အမှတ်တရရေးမိတဲ့ ၀တ္ထုလေးနဲ့အတူ ခင်မင်လေးစားရတဲ့ စာဖတ်သူများအားလုံးနဲ့ စာရေးဖော်မောင်နှမများအားလုံး ပျော်ရွှင်ချမ်းမြေ့ကြပါစေလို့ ဆုတောင်းပေးပါရစေ ခင်ဗျာ။ အားလုံး ပျော်ရွှင်အောင်မြင်သော နှစ်သစ်ဖြစ်ကြပါစေ။      ။

-----------------------
ချစ်ခြင်းအားဖြင့်....
ဏီလင်းညို
၀၅၊ ဧပြီ၊ ၂၀၁၄။

စနေနေ့။
(၂၀း ၁၀) နာရီ

ရန်ကုန် - မြန်မာပြည်။
(ရှေ့တိုး/ နောက်ဆုတ် သင်္ကြန်)

**** ပုံလေးကို အင်တာနက်မှ ယူသုံးပါတယ်ခင်ဗျာ။ မူရင်းရိုက်ခဲ့သူကို ခရက်ဒစ်ပေးပါတယ်။