Friday, March 15, 2013

အဘယ့်ကြောင့်...




တစ်ခုသော ညနေခင်း၌ ဏီလင်းညိုဟူ၍ အွန်လိုင်းတွင် မှုန်ဝါးဝါးအမည်ပေါက်သော ကျွန်ုပ်သည် ကော်ဖီ သောက်ရန်အလို့ငှာ လက်ဖက်ရည်ဆိုင်သို့ ထွက်လာခဲ့၏။ လက်ဖက်ရည်ဆိုင်တွင် ကော်ဖီသောက်ရန်အလို့ငှာဟူ၍ ဆိုမိသဖြင့် ကျွန်ုပ်အား ရူးနှမ်းနှမ်းနိုင်သူဟူ၍ မထင်မှတ်စေလိုပါ။ အဘယ့်ကြောင့်ဆိုသော် ကျွန်ုပ်သည် လက်ဖက်ရည်ကိုမကြိုက်၊ ကော်ဖီကိုသာ အူလှိုက်သည်းလှိုက် စွဲမက်နှစ်ခြိုက်တတ်သူ တစ်ယောက်မို့ပင်တည်း။

ကျွန်ုပ်သည် လမ်းထိပ်မှလက်ဖက်ရည်ဆိုင်သို့ ခေါင်းငိုက်စိုက်ငိုက်စိုက်အနေအထားဖြင့် စောင်းငမ်းစောင်းငမ်းနိုင်လှစွာ လမ်းလျှောက်သွားနေရင်း စိတ်အတွင်း၌ တောင်တောင်အီအီ တွေးနေမိခဲ့၏။ တောင်တောင်အီအီ တွေးရခြင်းမှာ အခြားကြောင့်တော့ မဟုတ်ရ။ တဖြည်းဖြည်းနှင့် များစ,ပြုလာပြီဖြစ်သော ရေးလက်စ, စာများထဲမှ ဘယ်တစ်ပုဒ်အား ဘယ်လိုအပြီးသတ်ရေးရလျှင် ကောင်းလေလိမ့်မည်နည်းဟု စဉ်းစားခန်းဖွင့်နေမိသောကြောင့်ပင်ဖြစ်ပါသည်။ စကားမစပ် ပြောပြရမည်ဆိုလျှင် ကျွန်ုပ်သည် အွန်လိုင်းတွင် အလကားရသောနေရာတစ်ခုဖြစ်သည့် ဂူးဂဲလ်၌ ချောက်တီးချောက် ချက်ဘလော့ဂ်တစ်ခုကို တည်ဆောက်ပြီး ဟိုမရောက် ဒီမရောက်၊ မတောက်တခေါက်၊ ကမြောက်ကခြောက်၊ ကပေါက်တိကေ ပါက်ချာ၊ မဖြစ်ညစ်ကျယ်၊ ဗုံမဟုတ် ပတ်မဟုတ်၊ တောင်စဉ်ရေမရ၊ အရည်မရ အဖတ်မရ စာတိုပေစလေးများ အား ရေးသားနေသူတစ်ယောက်ဖြစ်ကြောင်း ပတ္တမြားမျက်ရှုကဲ့သို့သော စာရှုသူအပေါင်းတို့အား ထပ်လောင်း၍ အသိပေးအပ်ပါ၏။ ထို့ကြောင့် စာဖတ်သူများနည်းပါး၍ လူသူလေးပါးကင်းမဲ့ နေသော ဇရပ်ပျက်တစ်လုံးနှင့်ဆင်တူနေသည့် ဘလော့ဂ်ပေါ်တွင် စာအသစ်တစ်ပုဒ်တင်နိုင်ဖို့ရာ စဉ်းစားခန်းဝင် နေခဲ့ရခြင်းသာတည်း။

ထိုကဲ့သို့သော အကြောင်းပြချက်ဖြင့် စဉ်းစားခန်းဝင်ရင်း ကျွန်ုပ်လမ်းလျှောက်နေစဉ်ခဏ နွေဦး၏လေရူးတို့က ပြင်းထန်စွာ တိုက်ခတ်လာခဲ့၏။ ကျွန်ုပ် ဆောက်တည်ရာ မရဖြစ်သွားသည်။ အဘယ့်ကြောင့်ဆိုသော် ပါးလှပ်လှပ် ပိန်ညောင်ညောင် ကျွန်ုပ်၏ခန္ဓာကိုယ်မှာ အပီတန်ကြော်ငြာထဲကလို လေထဲ၌ မျောလွင့်ပါသွားမှာ စိုးရိမ်မိရသော ကြောင့်ပင်ဖြစ်လေ၏။ ထို့ကြောင့် ကြံမိကြံရာဖြင့် အနီးတွင်ရှိသော ဓာတ်တိုင်တစ်တိုင်ကို အားကိုးတကြီးဖြင့် ကျစ်ကျစ်ပါအောင် လှမ်းဖက်ထားလိုက်ရလေတော့၏။

ထိုစဉ် ကျွန်ုပ်၏အနားမှ မိန်းမ၀၀ကြီးနှစ်ယောက် ဖြတ်လျှောက်သွားကြရင်း ဓာတ်တိုင်အားဖက်ထားသော ကျွန်ုပ်၏အကြောင်းပြ ချက်ကိုမသိပဲ မဲ့ကာရွဲ့ကာဖြင့် ကျွန်ုပ်၏အကြောင်းကို ပေါ်တင် အတင်းတုပ်သွားကြလေသည်မှာ အောက်ပါ အတိုင်း ဖြစ်ပါသည်။

ပထမမိန်းမကြီး။        ။ ဟဲ့... ဟိုမှန်ကြောင်ကောင်က ဓာတ်တိုင်ကို ဘာပြုလို့ဖက်ထားရတာတုန်း။

ဒုတိယမိန်းမကြီး။       ။ အိုအေ.... အဲ့ဒီ ပိန်လှီသေးကွေးတဲ့၊ မျက်နှာမှာ မုတ်ဆိတ်မွှေး၊ နှုတ်ခမ်းမွှေးတွေနဲ့အကောင်ဟာ ကျုပ်တို့နဲ့ နှစ်အိမ်ကျော်လောက်မှာနေတဲ့ ကဗျာရူး၊စာရူး လူပျိုသိုးကောင်ဟဲ့။ ဓာတ်တိုင်ကို ဖက်ထားတာ ဘာအကြောင်းရှိဦးမလဲအေ။ ဒင်းကိုကြိုက်မဲ့သူမရှိတော့ စိတ်ဖောက်ပြန်ပြီး ဓာတ်တိုင်ကို ဖက်ထားတာပဲနေမှာပေါ့။

ပထမမိန်းမကြီး။         ။ ကျွတ်...ကျွတ်...ကျွတ်... သနားစရာပါလားဟယ်။ ငယ်ငယ်ရွယ်ရွယ်နဲ့ မယားတရူးနေရတယ်လို့။

မိန်းမကြီးများကား ကျွန်ုပ်အား ဖုတ်လေသည့်ငပိ ရှိတယ်လို့တောင်မထင်ပဲ ထဆင်ထူးလုံးကြီးတင် ထီမထင်သည့်ဟန်ဖြင့် ကျွန်ုပ်၏အကြောင်းအား ဟောင်ဖွာဟောင်ဖွာပြောရင်း အနားမှ ဖြတ်လျှောက်သွားကြလေ၏။ သူတို့ပြောသွားသော စကားများကြောင့် ကျွန်ုပ်မှာ ငိုရမလို၊ ရယ်ရမလိုလို။

“လူအချို့သည် ကိုယ်တိုင် ဂဃဏနမသိသော အကြောင်းအရာများဖြင့် တစ်ဖက်သားနစ်နာစေအောင်၊ ထိခိုက်စေ အောင် အဘယ့်ကြောင့်များ ဇာတ်လမ်းထွင်ပြီး မဟုတ်တမ်းတရား လျှောက်ပြောချင်ရပါသနည်း။

လေအတန်ငယ် ငြိမ်သွားသည့်နောက် ဓာတ်တိုင်ကိုလွှတ်ကာ ကျွန်ုပ်ဆက်လျှောက်ခဲ့၏။ သို့သော် လေကနောက် တစ်ကျော့ ပြန် တိုက်လာနိုင်သေးသည့် အခြေအနေကို ကျွန်ုပ်စဉ်းစား ဆင်ခြင်မိပြန်၏။ ထို့ကြောင့် လမ်းဘေးမှ ခဲကြီးကြီးနှစ်လုံးကို ကုန်းကောက်မိသည်။ ဘာကြောင့်မှတော့ မဟုတ်။ ဒီတစ်ခါလေတိုက်လာလျှင် ဓာတ်တိုင်ဖက်ထားစရာမလိုပဲ လက်ထဲ၌ရှိသော ခဲလုံးများ၏အလေးချိန်အားကိုးဖြင့် လေယူရာလွင့်မသွားစေဖို့ပဲ ဖြစ်လေ၏။

ထိုစဉ် ကျွန်ုပ်၏အနားသို့ လူရွယ်တစ်ယောက်ရောက်လာပြီး ဒေါနှင့်မောနှင့်ပြော၏။

လူရွယ်။     ။ ဒီမှာ... ယောက်ျားချင်း သတ္တိရှိရင် တစ်ပွေချင်းဆွဲမယ်။ ဘာမှ ခဲလုံးကောက်နေစရာမလိုဘူး။

ကျွန်ုပ်။      ။ (ညောင်နာနာသံဖြင့်) ခင်ဗျာ...

လူရွယ်။     ။ ဘာအခုမှ သွေးကြောင်နေတာလဲ။ ခင်ဗျား ကျုပ်လာနေတာကိုမြင်တော့ ခဲကုန်းကောက်တာ ကျုပ်ကို ခဲနဲ့ထုမလို့ မဟုတ်ဘူးလားဗျ...

ကျွန်ုပ်။      ။ (ပျာပျာသလဲ ဟန်ပန်ဖြင့်) မဟုတ်ရပါဘူးဗျာ...

လူရွယ်။      ။ ဒါဆိုလည်းပြီးရော။ အသည်းကောင်းလို့ ပွဲတောင်းရင်တော့ အကဲမစမ်းနဲ့ ပွဲကြမ်းသွားမယ်နားလည်လား။ မသိရင်မှတ်ထား။ ကျုပ်နာမည် ပွကြီး။ လာမဖြီးနဲ့ ဗလာတီးပစ်လိုက်မယ်...

လူရွယ်က ဒေါနှင့်မောနှင့် အထက်ပါအတိုင်း ပြောဆိုပြီးလျှင် ကျွန်ုပ်၏ရှေ့မှ ဆောင့်အောင့်ပြီး ထွက်ခွာသွားလေတော့၏။ ထိုအခါမှ ကျွန်ုပ်မှာ သက်ပြင်းတစ်ချက်ကို ၀ူးခနဲ ချမိ၏။

“လူအချို့သည် ကိုယ်တိုင် ဂဃဏနမသိသော အကြောင်းအရာများဖြင့် တစ်ဖက်သားအား စိတ်အနှောက်အယှက် ဖြစ်စေအောင် အဘယ့်ကြောင့် ဒေါသလှိုင်းထန်နေတတ်ကြရပါသနည်း။”

ထိုအချိန်၌ လေမှာ အမှန်တကယ်ပင် ငြိမ်သက်သွားခဲ့လေ၏။ ထို့ကြောင့် ကျွန်ုပ်လည်း လက်ထဲမှခဲနှစ်လုံးကို လမ်းနံဘေးသို့ ဖုတ်ခနဲပစ်ချပြီလျှင် လက်ဖက်ရည်ဆိုင်သို့ ခပ်သွက်သွက် လျှောက်ခဲ့မိလေတော့၏။

လက်ဖက်ရည်ဆိုင်အရောက်တွင် လွတ်နေသော စားပွဲတစ်ဝိုင်း၌၀င်ထိုင်ပြီး သောက်နေကျ နက်စ်ကော်ဖီပလိန်း တစ်ခွက်မှာမိ၏။ ရေနွေးခွက်နှင့် ကော်ဖီထုတ်ရောက်လာသောအခါ အထုတ်ကိုဖောက်ထည့်ပြီး ကော်ဖီဖျော်၏။ ထို့နောက် အိပ်ကပ်ထဲမှ ဆေးပေါ့လိပ်တစ်လိပ်ကို ထုတ်ယူကာ မီးညှိပြီး ဆေးပေါ့လိပ်ကြီးတငေါ့ငေါ့ဖြင့် လောကစည်းစိမ်ကို စတင်ခံစားရန် ဟန်ပြင်မိလေ၏။

ထိုစဉ် ကျွန်ုပ်၏၀ိုင်းသို့ အင်မတန်မှ သားနားရည်မွန်သော လူရွယ်တစ်ယောက် ရောက်ရှိလာခဲ့၏။ လည်ပင်း၌လည်း ကင်မရာဟု ခေါ်တွင်ကြသော ဓာတ်ပုံရိုက်စက်ကြီးတစ်လုံးကို ကြိုးဖြင့်သိုင်းကာ လွယ်ထားသေး၏။

လူရွယ်။      ။ ဆရာဏီလင်းညိုပါလား ခင်ဗျာ။

ကျွန်ုပ်။       ။ (ဆရာဟု ခေါ်ခံလိုက်ရတာမို့ မျက်ခုံးမြင့်တက်သွားလျှက်) ဟုတ်ပါတယ်...

လူရွယ်။      ။ ဒါဆို ကျွန်တော့်ကို ထိုင်ခွင့်ပြုပါခင်ဗျာ။ ကျွန်တော် “အဆင်းကိုဘီးတပ်တဲ့ အတင်းစုံဂျာနယ်”ကပါ။ ဆရာနဲ့ အင်တာဗျူးလေးလုပ်ချင်လို့ပါ။ ဒီဆိုင်ကို ညနေတိုင်း ဆရာလာတတ်တယ်ဆိုလို့ စောင့်နေမိတာပါ။

ထိုလူရွယ်သည် ဘယ်သူကမြှောက်ပေးလိုက်သည် မသိ။ ဗုံမဟုတ် ပတ်မဟုတ် ကျွန်ုပ်ကို အင်တာဗျူးလုပ်ရန်ပြင်နေလေပြီ။ ထို့ကြောင့် ပြီးပြီးရောသဘောဖြင့် ကျွန်ုပ်ခေါင်းငြိမ့်ပြလိုက်တော့ လူရွယ်က ကျွန်ုပ်ရှေ့မှ ခုံပုလေး တစ်လုံးတွင် ၀င်ထိုင်၏။ ပြီးနောက်.. သူ၏ ဓာတ်ပုံရိုက်စက်ကြီးအားဖွင့်ကာ...

လူရွယ်။      ။ အင်တာဗျူးမစခင် ဆရာ့ကို ဓာတ်ပုံလေးတစ်ပုံလောက် ရိုက်ပါရစေ။

ကျွန်ုပ်။        ။ ရိုက်ပါ...ရိုက်ပါ။

ပြောပြီးသကာလ မိရိုးဖလာအတိုင်း လက်နှစ်ချောင်းထောင်ကာ ကျွန်ုပ်ဓာတ်ပုံရိုက်ခံလိုက်လေ၏။ ဓာတ်ပုံရိုက်ခြင်းအမှု ပြီးစီးသောအခါ လူရွယ်က ၎င်း၏အသံဖမ်းစက်လေးအားထုတ်ပြီး ကျွန်ုပ်၏နှုတ်ဖျား၌တေ့ကာ ကျွန်ုပ်အား အောက်ပါအတိုင်း စတင်မေးမြန်းလေတော့၏။

လူရွယ်။        ။ စောစောက ဓာတ်ပုံရိုက်တော့ ဆရာ လက်နှစ်ချောင်းထောင်တယ်။ တော်တော်များများလည်း ဓာတ်ပုံရိုက်တိုင်း လက်နှစ်ချောင်းထောင်ကြပါတယ်။ အဲ့ဒါ ဘာဖြစ်လို့ပါလဲ ဆရာ။

ကျွန်ုပ်။          ။ သူများတွေတော့မသိဘူး။ ကျုပ်ကတော့ ကျုပ်မှာ ပလိန်းတစ်ခွက်စာ နှစ်ရာပဲပါတယ်လို့ ခင်ဗျားကို အသံတိတ်ပြောလိုက်တာပါ။ ရှင်းရှင်းပြောရရင် ခင်ဗျားကို လက်ဖက်ရည်တိုက်ဖို့ ကျုပ်မှာ ပိုက်ဆံအပိုပါမလာ ဘူးဆိုတဲ့ သဘောပါပဲ။

လူရွယ်။        ။ သြော်...ဟုတ်ပါပြီ။ မှတ်သားထားလိုက်ပါ့မယ်ဆရာ။ ဒါနဲ့ ဆရာ ဘယ်အချိန်က စာစ,ရေးဖြစ်တာပါလဲ။

ကျွန်ုပ်။         ။ ပြောရမယ်ဆိုရင်တော့ နည်းနည်းရှည်မယ်။ ဒါကြောင့် အတိုချုပ်ပြီးတော့ပဲ ပြောလိုက်တော့မယ်။ ကျုပ်စာစ,ရေးတာက ငါးနှစ်သားအရွယ် သူငယ်တန်းတက်တုန်းကတည်းကပါ။ လေးကြောင်းမျဉ်းစာအုပ်ထဲမှာ ၀လုံးလေးတွေ ညီညာအောင်ရေးရင်း စခဲ့တာပေါ့။

လူရွယ်။        ။ (အံ့သြဟန်ဖြင့်) သြော်... စာရေးသက် တော်တော်ကြာခဲ့ပြီပဲနော်။

ကျွန်ုပ်။         ။ (မိန့်မိန့်ကြီးပြုံးလျှက်) ဟုတ်ပါတယ်။

လူရွယ်။        ။ ဒါနဲ့ဆရာ...၊ ဆရာစာရေးရင် ဘယ်လိုရေးပါသလဲ။

ကျွန်ုပ်။        ။ ဒါလည်း ပြောရင်ရှည်နေမှာစိုးလို့ အတိုချုံးပြီးတော့ပဲ ပြောပါတော့မယ်။ သူငယ်တန်းကနေ လေးတန်းအထိက ဗလာစာအုပ်ထဲမှာခဲတံနဲ့ရေးတယ်။ လေးတန်းကနေ ဆယ်တန်းနှစ်ခါကျတဲ့အထိ၊ ပြီးတော့ အခုချိန် ထိကြုံရင်ကြုံသလို ဘောပင်နဲ့ရေးတယ်။ ကွန်ပျူတာလေးတစ်လုံး အောက်ဈေးနဲ့ရလို့ဝယ်နိုင်တော့ ကွန်ပျူတာနဲ့ ရေးပါတယ်။

လူရွယ်။       ။ မှတ်သားစရာပါပဲဆရာ။ တော်တော်နည်းပညာတွေ စုံခဲ့တာပဲ။ လေးစားမိပါတယ်ဆရာ။ နောက် ထပ်မေးချင်သေးတာက ဆရာက အွန်လိုင်းမှာ စာရေးတယ်ဆိုတော့ အွန်လိုင်းကို ဘယ်လိုသဘောထားပါသလဲ။

ကျွန်ုပ်။        ။ (မေးစေ့ကိုပွတ်ကာ ဟန်လုပ်ရင်း) အင်း... ပြောရမယ်ဆိုရင်တော့ နည်းနည်းနက်နဲမယ်ဗျ။ အွန်လိုင်းဆိုတာ အင်တာနက်လိုင်းကို အွန်ထားမှ လိုင်းရတတ်တာမို့ အွန်လိုင်းဖြစ်တယ်လို့ သဘောရတာပါပဲ။

လူရွယ်။     ။ ဂန္ထ၀င်တွင်လောက်တဲ့ အဖြေစကားပါပဲလားဆရာရယ်။ ဒါ့ထက်...ဆရာက ဘလော့ဂ်ရေးတဲ့ ဘလောဂါဆိုတော့ ဘလောဂါဆိုတာ ဘာလဲဆိုတာ ပရိတ်သတ်ကြီး သိသွားအောင် နည်းနည်းရှင်းပြပေးပါဦးဆရာ

ကျွန်ုပ်။       ။ ခမ်းနားကြီးကျယ်တဲ့ စကားလုံးတွေနဲ့ဖြေရမယ်ဆိုရင်တော့ ဘလော့ဂါဆိုတာ ဗလာဂေါ်ပါပဲ...

လူရွယ်။      ။ တော်လိုက်တာ ဆရာရယ်။ မှတ်သားထိုက်ပါတယ်။ ဒါ့ထက် အွန်လိုင်းနဲ့ ပုံနှိပ်မီဒီယာဆိုပြီး ကွဲပြားနေကြတဲ့ အမြင်တွေပေါ်မှာ ဆရာ့ရဲ့ သုံးသပ်ချက်လေးကိုလည်း သိချင်မိပါတယ်။

ကျွန်ုပ်။        ။ (မျက်မှောင်ကိုကုပ်၊ လေးနက်သည့်အသွင်ကိုဆောင်ပြီးသကာလ) ကွဲပြားတာကတော့ အတော်လေးကို ကွဲပြားတာဗျ။ အွန်လိုင်းမီဒီယာစာဆိုတာ ကွန်ပျူတာနဲ့၊ ဖုန်းနဲ့ဖတ်ရပြီးတော့ ပုံနှိပ်မီဒီယာကစာတွေကို စာအုပ်နဲ့ ဖတ်ရတာမျိုးလေ။ ပြီးတော့ အွန်လိုင်းစာက မြားကလေးကို အောက်ဆွဲချပြီး ဖတ်ရတယ်။ ပုံနှိပ်စာက စာရွက်တွေ တစ်ရွက်ချင်းစီလှန်ဖတ်ရတယ်။ အဲ...တစ်ခါတစ်လေ စာရွက်အချင်းချင်း ကပ်နေရင် လက်ညှိုးကို တံတွေးဆွတ်ပြီး လှန်ဖတ်ရတာပေါ့။

လူရွယ်။        ။ ဗဟုသုတဖြစ်စရာမို့ လေးလေးစားစား မှတ်သားမိပါတယ်ဆရာ။ ဒါ့ထက် ဆရာ ဖေ့စ်ဘွတ်ခ်သုံးလားဆရာ။

ကျွန်ုပ်။          ။ သုံးပါတယ်။

လူရွယ်။        ။ ဖေ့စ်ဘွတ်ခ်သုံးတာ ဘယ်လိုအကျိုးအမြတ်ရှိပါသလဲဆရာ။ လူငယ်တွေသိအောင် အသေးစိတ် ရှင်းပြပေးဖို့ တောင်းဆိုပါတယ်။

ကျွန်ုပ်။          ။ ဖေ့စ်ဘွတ်ခ်သုံးရတဲ့အတွက် အကျိုးကတော့ အင်တာနက်သုံးရင် ဖုန်းနဲ့ဆို တစ်နာရီတစ်ရာ့နှစ်ဆယ်။ အင်တာနက်ဆိုင်မှာဆို တစ်နာရီ လေးရာ ပေးရတာပါပဲ။ အဲ... အမြတ်ကျတော့ “နင့်ကိုမလွမ်းချင်လို့ ငါ သေရင်တောင် အမျှမဝေပါနဲ့”...ဆိုတဲ့ ရင်ကွဲမှောက်ရက်လမ်းဆုံရဲ့ မှတ်သားဖွယ်ရာစာသားတွေ။ မသောက်ချင်ပဲ သောက်နေရတဲ့ ကြက်စွပ်ပြုတ်စာသားတွေ၊ ဆဲနည်းဆိုနည်း သင်တန်းကို အခမဲ့စာပေးစာယူစံနစ်နဲ့ တက် ရောက်နိုင်ခြင်းတွေ၊ ဓာတ်ပုံရိုက်ရင် အိုက်တင်ပေးနည်းတွေ၊ လူအချင်းချင်း စိတ်ဆင်းရဲကိုယ်ဆင်းရဲဖြစ်အောင် လုပ်တတ်ခြင်းတွေ၊ ကမ်းကုန်အောင် ပုတ်ခတ်တတ်လာခြင်းတွေ၊ မဟုတ်မမှန်သတင်းတွေကို အဟုတ်ထင်လာ အောင် ခပ်တည်တည်နဲ့ ဖြီးတတ်လာခြင်းတွေ... စတာတွေပါပဲ။

လူရွယ်။        ။ ဟုတ်ပါပြီဆရာ။ ကျေးဇူးတင်ပါတယ်။ ဒီနေ့မေးချင်သလောက်လည်း ပြည့်စုံသွားပါပြီ။ ဒါပေမယ့် စကားဝိုင်းလေး အပြီးမသတ်သေးခင် ဆရာလက်ကိုင်ထားတဲ့ ဆောင်ပုဒ်လေးရှိရင် တစ်ခုလောက် ပြောပြပါလား ဆရာ။

ကျွန်ုပ်။       ။ “ကိုယ့်ဂုဏ် ကိုယ်ဖော်...၊ မသာပေါ်”အဲ့လေမှားလို့။ “ကိုယ့်ဂုဏ်ကိုယ်ဖော်... ကမ္ဘာကျော်”...တဲ့။

လူရွယ်။       ။ (ခေါင်းကုပ်ပြီး ဇဝေဇ၀ါဟန်ဖြင့်) ကိုယ့်ဂုဏ်ကိုယ်ဖော်... မသူတော် မဟုတ်ဘူးလားဆရာရယ်...

ကျွန်ုပ်။       ။ ခေတ်ပြောင်းသွားပြီလေ... ခုခေတ်က “ကိုယ့်ဂုဏ် ကိုယ်ဖော်...၊ ကမ္ဘာကျော်”...ပဲ။

လူရွယ်။       ။ ဟုတ်ပါပြီဆရာရယ်။ မှတ်သားထိုက်ပါတယ်။ ကိုင်း... ကျွန်တော့်ကို ခွင့်ပြုပါဦး။ ဒီတစ်ပတ်ထွက်မဲ့ဂျာနယ်ထဲမှာ ဆရာ့ရဲ့အင်တာဗျူးကို တစ်ခမ်းတစ်နားနဲ့ကို ဝေေ၀ဆာဆာဖော်ပြပေးမှာပါ။ သွားလိုက်ပါဦးမယ်ခင်ဗျာ။

ပြောပြောဆိုဆိုဖြင့် ထိုလူရွယ်လေးမှာ ကျွန်ုပ်ရှေ့မှနေ သုတ်သီးသုတ်ပြာဖြင့် ထွက်ခွာသွားလေတော့၏။ ထိုအခါမှ ကျွန်ုပ်လည်း ချုပ်တည်းထားမိသမျှ ပွင့်အန်ကာ ခွက်ထိုးခွက်လန် ရယ်မိတော့သည်။

အမှန်တော့ ကျွန်ုပ်သည် လက်ဖက်ရည်ဆိုင်သို့ လာရာလမ်းတစ်လျှောက်၌ ကြုံတွေခဲ့ရသော အဖြစ်အပျက်နှစ်ခုအတွက် စိတ်အဆာမကြေဖြစ်နေခဲ့စဉ် ရှုတ်ရှုတ်ရှက်ရှက်လာပြီး အင်တာဗျူးခံရတာမို့ စိတ်ပေါက်ပေါက်ဖြင့် တလွဲတွေချည်း သာ လျှောက်ဖြေခဲ့ခြင်းဖြစ်၏။ ထိုကဲ့သို့ ကျွန်ုပ်၏မဟုတ်မဟတ်စကားများကို ခေါင်းတငြိမ့်ငြိမ့်ဖြင့် (လေးလေးစားစား) ဒိုင်ခံထောက်ခံသွားရုံမျှမကသေးပဲ ၎င်းတို့၏ဂျာနယ်၌ပင် တစ်ခမ်းတနားဖော်ပြဦးမည်ဆို၍ ရယ်မိခြင်းသည်သာတည်း။

“လူအချို့သည် မဟုတ်မမှန်သော စကားများအပေါ် အဘယ့်ကြောင့် ယုံကြည်သက်ဝင်လွယ်တတ်လွန်းကြပါသ နည်း။”

~~~~~@~~~~~

စားပွဲပေါ်မှ အေးစက်နေပြီဖြစ်သောကော်ဖီကို ကျွန်ုပ်တစ်ငုံသောက်လိုက်မိသည်။ ကော်ဖီ၏အရသာက ကျွန်ုပ်၏လျှာဖျားတွင် ခါးသက်သက်နိုင်လေစွ။ သို့သော် ကျွန်ုပ် နှစ်ခြိုက်မိ၏။        

----------------------------------------------------------------------------------------------------------------------------
မရည်ရွယ်ပဲ ရေးဖြစ်သွားတဲ့ သရော်စာလေးပါ။ ဘယ်သူ့ကိုမှ ထိခိုက်နစ်နာစေလိုတဲ့ ဆန္ဒမရှိကြောင်း ပြောပါရစေ ခင်ဗျာ။
----------------------------------------------------------------------------------------------------------------------------

ချစ်ခြင်းအားဖြင့်...
ဏီလင်းညို
၁၆၊ ၀၃၊ ၂၀၁၃
နံနက်(၀၁း ၀၈) နာရီ
စနေနေ့
(ရန်ကုန်- မြန်မာပြည်)
(အဘယ့်ကြောင့်...)

24 comments:

Anonymous said...

ဟိုက်ရှားးး ထိတယ်မိတယ်ရိတယ် မိုက်တယ် ကြိုက်တယ်ကွာာာာ


ပုံ

လူပျိုသိုးမဟုတ်တော့သော
မောင်ဘကြိုင်း)

ရန်မင်းအောင် said...

ကိုဏီရေ...ပို့အသစ်တွေတာနဲ့ ဝင်ဖတ်သွားတယ်နော်..ဖတ်ပြီး ပြုံးမိပါတယ်...အဲဒီဂျာနယ်ထွက်ရင် ဖေ့ဘုတ်မှာ တင်ပေးပါလား...ဆရာဏီလင်းညိုရဲ့ အင်တာဗျူးလေးဖတ်ချင်လို့..:)..ကျန်းမာရေးဂရုစိုက်ပါ..ဘရို

ချော(အစိမ်းရောင်လွင်ပြင်) said...

ကိုဏီဒီလောက် အင်တာဗျူးအဖြေကောင်းမှန်းခုမှ သိတော့တယ်
ဗိုက်ထဲက ကလိကလိတောင်ဖြစ်တယ် အသံထွက်ပြီး အော်ရယ်မိမှာစိုးလို့....
ကိုယ့်ဂုဏ်ကိုယ်ဖော် ကမ္ဘာကျော်တဲ့လား
ကမ္ဘာကျော်တဲ့ နည်းလမ်းတော့တွေ့ပြီ
လုပ်ဦးမှ :P

Anonymous said...

ကော်မန့် ရေးလိုက်တာ ဘယ်ရောက်သွားပါလိမ့်
spam ထဲ ရောက်သွားတယ်ထင်တယ်
ပြန်ရှာပေးဦး

ချော(အစိမ်းရောင်လွင်ပြင်)

~ဏီလင်းညို~ said...

ကိုဘကြိုင် >>> ဟားဟား... ကပ်ကြွားသွားတယ်ပေါ့လေ...။ အေးဗျာ... အိုင်အိုမင်းအောင်...အဲ့..မှားလို့၊ အိုအောင်မင်းအောင် ပေါင်းနိုင်ပါစေဗျာ...။

ကိုရန်မင်းအောင်>>> စိတ်ချဘရို။ တင်ပေးပါ့မည်... :P

မချော>>> spam ထဲကို ခုမှ တစ်ခေါက်ဝင်ကြည့်မိတယ်။ ဘလော့ဂ်ရေးတဲ့သက်တမ်းထဲမှာ ခုမှဝင်ဖူးတာရယ်...။ အခြား မောင်နှမတွေရဲ့ ကော်မန့်တချို့နဲ့ မချောကွန်မန့်တွေ လေးငါးခြောက်ခုလောက်တောင်တွေ့တယ်...။ အစက မသိခဲ့ဘူးလေ...။ ခုအားလုံး နော့စပန် လုပ်ပစ်လိုက်ပြီ...အင်တာဗျူးဖြေတာကတော့ ဒါတောင် လျှော့ပေါ့ထားသေးတာ... :)

---------------
ခင်မင်ခြင်းအားဖြင့်...
ဏီလင်းညို

ayesnake said...

ဖတ်နေရင်းနဲ့ ပြုံးစိပြုံးစိ ဖြစ်လာတယ်။
သူများတွေမြင်ရင် ရူးကြောင်ကြောင် ဖြစ်နေတယ် ထင်တော့မှာ သေချာတယ်။

ပန်းအိ said...

ရီ (ရယ်)သွားပါကြောင်း .. ဒီလိုတွေကြောင့် ဏီလင်းညိုမည်၏ ..

အားပေးပါတယ် ဘရာ ...

ကျိတ်ကျိတ်လေးတော့ ရီ(ရယ်)သွားခဲ့ပါကြောင်း :)

ချောစုဝင်း said...

အင်တာဗျုး အခန်းဖတ်ရင်း ရယ်တာ အသံထွက်သွား လို့ ရှေ့က ဖြတ်လျှောက်သွားတဲ့ အဖေ က ဘာဖြစ်လို့ရယ်နေရတာလဲ လို့အမေးခံလိုက်ရအောင် စာရေးသရုပ်ဖော်ပီပြင်လွန်းပါကြောင်း ထောက်ခံခဲ့ပါတယ်၊
( စာဖတ်ရင်း ရယ်သံထွက်သွားတာ ကိုယ့်ဘာကိုယ်တောင်သတိမထားမိပါ)
လေးစားစွာဖြင့်.....

Aunty Tint said...

အော်.... အခုမှ ကိုယ့်ကိုယ်ကို သိတော့တယ် 'ဗလာဂေါ်ပါလား' :P
အင်တာဗျူးလေးတွေဖြေသွားတာ ရွှေစင်ဆုပေးရမယ် ဆိုရင် ဏီလင်းညိုကိုပဲ ပေးလိုက်ပါရဲ့ :D
ဖေ့ဘုတ်ပေါ်မှာ အစားအသောက်တွေတင်ရမှာတောင့် စိုးထိတ်မိပါရဲ့ ဟိဟိ
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

Anonymous said...

ပိန်တယ်ဆိုလို့ ၀မ်းသာသွားတယ် အဖော်ရသွားပြီးးး)


Anonymous said...

အပေါ်က ပိန်တယ်ဆိုတာ မောင်မျိုး ပါ ။

Unknown said...

မောင်ဏီလင်းညို
အခုမှဘလော.လေးကိုစဖတ်ဖူးတာပါ။နံမည်လေးတော.
ကြားဖူးတာကြာပါပြီတီတင်.ထဲမှာတွေ.ဖူးတယ်။
စာပို.စ်လေးဖတ်ပြီးရယ်မောပျော်ရွှင်သွားရပါတယ်။
ရယ်မောစရာလေးတွေဖတ်ပြီးခါးနာနေတာတောင်မေ.သွား
သလားလို.အားပေးလျှက်ပါ။
ခင်တဲ.အန်တီလေးမေခင်

Anonymous said...

တကယ်စကားပြောကောင်းတဲ့ ကိုဏီ ပါလား။ အင်တာဗျူးဖြေပုံ ဖြေနည်းလေး မှတ်သားရပါတယ်။
ရယ်လိုက်ရတာ အူတောင်နာတယ်။
လူ့ လောကနဲ့ တော်တော်အံဝင်ဂွင်ကျတဲ့ သရော်စာလေးပဲ။
တွေးတတ် ရေးတတ်လိုက်တာ။

ခင်မင်စွာဖြင့်
SMT

မိုးညချမ်း said...

သရော်စာလေးဖတ်ပြီး ပြုံးရသလို သရော်စာထဲကပဲ မှတ်သားထိုက်ဖွယ်လေးတွေလည်း ခေါင်းထဲတစ်ပါတည်း မှတ်သားယူဆောင်သွားပါတယ် ကိုဏီရေ ... :)

San San Htun said...

မှတ်သားလောက်ပါပေတယ်..း) အင်တာဗျူး နေရာလည်းရောက်ရော မပြုံးဘဲ ဝါးလုံးကွဲ ရယ်မိတော့တယ်..း)

Cameron said...

ကောင်းလိုက်တဲ့သရော်စာ အစကနေ အဆုံးထိ တလုံးမကျန်ကြိုက်၏

ရွှေအိမ်စည် said...

ဟားဟားးး
ရယ်လိုက်ရတာ ကိုဏီရာ..
မနေ့ကတည်းက ကိုဏီ ပို့စ်တင်ထားတာ တွေ့တော့တွေ့တယ်။
လူက ပင်ပန်းနေတာနဲ့ လာမဖတ်ဖြစ်သေးတာ..။
ဒီနေ့ လာဖတ်ဖြစ်တော့မှ တော်တော်ပြုံးဖြစ်တယ်..။
လမ်းသွားတာ ခဲကြီးတောင် ကောက်ကိုင်ထားရတဲ့ အဖြစ်..ငါ့ အကိုနှယ် :D
အင်တာဗျူးတော့ သဘာကျသဗျာာ...
ဂျာနယ်လေးထွက်ရင် လက်ဆောင်ပေးပါဦး..

သြော် ဒါကြောင့်လည်း အိုင်ဆေးဏီလင်းညို နာမည်တွင်ပေတာကိုးး..။ :P :P

ခင်မင်သော

ဆွေလေးမွန် said...

ပေါ့ပေါ့ ပါးပါး ပညာသားပါပါ နဲ့
သရော်စာလေး ဖတ်လဲဖတ်သွားတယ်
ရီလည်းရီသွားတယ်

blackroze said...

အို..ဘာဘဲဖြစ်ဖြစ်ပါ အကိုရယ်..
လက်နှစ်ချောင်းထောင်ရင်
ပလိန်းတခွက်စာဘိုးဘဲပါတယ်ဆိုတာ
သိသွားပြီ
ညီမပြန်လာလို့ အပြင်မှာတွေ့ဆုံပွဲလေးများရှိခဲ့ရင်
လက်4 ချောင်းထောင်ပြီး
ပလိန်းတခွက်တော့ ဝယ်တိုက်ပါ အကို.. :)

မြသွေးနီ said...

ကိုဏီ့မှာ ဟာသ ဇ၀နဥာဏ်ရှိတယ်၊ တကယ့် စတိုင်ရာပဲ၊ ဖတ်ပြီး စိတ်လက်တွေပေါ့ပါးသွားတယ်၊ အသံထွက် ရယ်မိလိုက်လို့လေ..
အဲ့ဂလိုမျိုးလေးတွေ ဆက်ဖတ်ချင်တယ်..

Angelhlaing(May everybody be happy and healthy! said...

ခေတ်နဲ့ အလျော်ညီဆုံး သရော်ပို့စ်လေးပါပဲအကို ..:)
ဖတ်ရင်း နဲ့ အတွေးတွေလည်းဝေသွားရတယ် ..
တစ်ကယ်လည်း ရေးတက်ပ ...:D

Nway La Min Nyo said...

ဖတ်ရတာ တမျိုးပဲ ။
လူဂျစ်ကန်ကြီးတစ်ယောက်ရဲ့ အဖြေမျိုးပေါ့ :P

ဟန်ကြည် said...

သည်ရက်ပတ်အတွင်း ဖွဘုတ်ပေါ်မှာ ဟိုသတင်းတွေတက်လာ သည်သတင်းတွေတက်လာ ဆဲစာတွေတက်လာနဲ့ စိတ်ညစ်နေတာ အခုမှပဲ ဖွဘုတ်ကောင်းပုံ ပြောမကုန်ကို ဂဃနဏ သိရတော့တာကလား...

ဦးဟန်ကြည်ရဲ့ တပည့်လေးတွေ ဓာတ်ပုံရိုက်လို့ လက်ညှိုးနှစ်ချောင်းထောင်လိုက်ရင် အနှီဟာက ဆယ်တန်းကို နှစ်ခါဖြေမယ်ဆိုတဲ့သင်္ကေတလားလို့ မေးလိုက်ရင် သကောင့်သားလေးတွေ တစ်ချောင်းဖြစ်သွားပါလေရော...ကိုဏီ့ပို့စ်သာ သင်းကလေးတွေ ဖတ်မိရင် မုန့်ဖိုး နှစ်ရာပါတာကို ပြောတာပါ ဆရာလို့များ စောဒကတက်ကြလေရော့မလားမသိး)

လရိပ်အိမ် said...

ဟာသလဲ ရေးနိုင်တာပါလား အကိုရ။
ဓာတ်တိုင်တော့မဖက်ပါနဲ့၊ဓာတ်လိုက်မှာစိုးလို့ပါ။