Friday, December 10, 2010

ထပ်တူ...




“ကိုယ့်ရဲ့ ရင်ခုန်သံတွေကို မင်းမမြင်တာနေမှာပါ”....

“ရင်ခုန်သံဆိုတာ မမြင်နိုင်ဘူးလေ.....။ ကြားပဲ ကြားနိုင်တဲ့အရာမျိုးပါ...။ စပြောကတည်းက မှားနေပြီထင် တယ်နော်....၊ အဟင်း”.......

ပြောရင်းဖြင့်စကားဆုံးကာနီးတွင် မထိန်းနိုင်တော့ပဲ သူမရဲ့ရယ်သံတချို့က ကပ်ငြိပါသွား၏။ ထိုစဉ် ညဥ့်ဦး လေပြေတစ်သုတ်က သူမတို့ကိုဖြတ်သန်းတိုးဝှေ့လို့သွားသည်။ သူမရဲ့ရှည်မျောမျောဆံပင်လေးတွေ လေယူ ရာနောက်လိုက်ပါသွားကြ၏။ ထို့အတူ သူမရဲ့အသားပျော့ပျော့အင်္ကျီစများကလည်း လေထဲတွင် တဖျပ်ဖျပ် အသံပေးကာ လူးလွန့်လှုပ်ခါလျှက်.....။


ညခုနှစ်နာရီခန့်ရှိသေးသော်လည်း သူမတို့နေသော လမ်းသွယ်လေးထဲတွင် လူရှင်းနေခဲ့သည်။ ထို့ကြောင့် လမ်းထိပ်ရှိစာအုပ်ဆိုင်တွင် ငှားထားသောမဂ္ဂဇင်းများပြန်ပို့ရန် အိမ်မှတစ်ယောက်တည်းထွက်လာခဲ့သော သူမကို သူရိန်တစ်ယောက် လွတ်လွတ်လပ်လပ်စကားလိုက်ပြောခွင့်ရနေခြင်းဖြစ်၏။

သူရိန်ဆိုတာ အခြားသူတော့မဟုတ်....။ သူမတို့နေသော လမ်းထဲမှဖြစ်သည်။ အိမ်ချင်းအနည်းငယ်သာ လှမ်းဝေး၏။ လူချင်းလည်း မျက်မှန်းတန်းမိရုံရင်းနှီးပါသည်။ သို့သော် သူငယ်ချင်းများမဟုတ်ခဲ့ပါ..။ ထို့အတူ သူရိန်တို့မိသားစုက သူမတို့နေသောလူလတ်တန်းစားဆိတ်ငြိမ်ရပ်ကွက်လေးထဲသို့ နောက်ကျမှပြောင်းလာ ခဲ့တာလည်းပါသည်။

သူမစကားကြောင့်ထင်သည်။ သူရိန်က သူမမျက်နှာကို ခပ်ဆွေးဆွေးငဲ့ကြည့်ရင်း.....

“ထားပါတော့လေ....၊ ကိုယ်ဘာမှ ဆက်မပြောတော့ပါဘူး....။ ဒါပေမယ့် ကိုယ်မင်းအပေါ်မှာ ဘယ်လောက် ထိချစ်ခဲ့သလဲ..၊ ပေးဆပ်ခဲ့သလဲဆိုတာတွေကိုတော့ မင်းတစ်ချက်လောက်တော့ ငဲ့ကြည့်သင့်ပါတယ်”.......

ဒီတစ်ခါတော့ သူရိန့်ကိုငဲ့ညှာစွာဖြင့် သူမဘာမှ ပြန်မပြောဖြစ်တော့....။ သို့သော် သူမရင်တွင်းထဲမှ သူရိန့်ကို တီးတိုးမေးခွန်းတစ်ခု မေးနေမိလိုက်သည်။ သူရိန်ဘာတွေလာပြောနေတာလည်း....ဟု။ ထို့အတူသူမရဲ့ နှုတ်ခမ်းအစုံကလည်း မရည်ရွယ်စွာဖြင့် ခပ်လွန့်လွန့်လေးပြုံးနေမိခဲ့၏။

မိန်းမတစ်ယောက်ကို (သူမကို) အရူးအမူးချစ်နေတယ်ဆိုတာနှင့် သူရိန့်အပေါ်တွင် သူမပြန်ချစ်သင့်သလား ဟုလည်း ပြန်တွေးနေလိုက်မိပြန်သည်။ နောက်ပြီး သူရိန့်ပြောစကားထဲတွင်ပါသော ပေးဆပ်ခြင်းဆိုတာ...။

မိန်းကလေးတစ်ယောက်အတွက် အချိ်န်ကုန်ခံကာ......... နောက်ကနေတစ်ကောက်ကောက်လိုက်နေတတ် တာဟာ ယောက်ျားလေးတစ်ယောက်ရဲ့ စစ်မှန်သောပေးဆပ်ခြင်းတဲ့လား.....၊ အချိန်တိုင်းလိုလို.... မြင်သာ သောနေရာတိုင်းတွင်ရှိနေတတ်တာလည်း ပေးဆပ်ခြင်းလို့ခေါ်သလား....၊ ဒါမှမဟုတ်ရင် အိမ်ရှေ့မှာ...ခဏ ခဏဖြတ်ပြီး လျှောက်တတ်တာမျိုးကိုခေါ်သလား.....။ ညတိုင်း သူမအိမ်နှင့်မလှမ်းမကမ်းနေရာတွင် ဂစ်တာ တီးပြီးသီချင်းဆိုပြတိုင်း ပြန်ချစ်ရမည်တဲ့လား...။ ထိုအတိုင်းဆိုလျှင်........ သူမအတွက် ရည်းစားတော်တော် များများအဖတ်တင်နေလောက်ပြီ....။ သို့သော် ပေးဆပ်ခြင်းဆိုတာရဲ့အဓိပ္ပါယ်ကို သူမလည်း.....ကောင်းစွာ မခွဲခြားတတ်သေးပါ။

တွေးရင်းဖြင့် သူမထပ်ပြီးရယ်ချင်လာသည်။

“သူရိန့်ကို တစ်ခုလောက်မေးချင်တယ်”.....

“မေးပါ....၊ တစ်ခုမဟုတ်ဘူး....။ သစ္စာသာမေးမယ်ဆိုရင် အကုန်ဖြေမယ်”......

သူမကိုရွန်းရွန်းစားစားငဲ့ကြည့်ရင်း သူရိန်ကဆိုသည်။

“တစ်ကယ်လို့များ.....သူရိန့်ကို သစ္စာပြန်မချစ်ရင် သူရိန်ဘာဖြစ်သွားမလဲ...။ မဖြေချင်လည်းရတယ် နော်....၊ သစ္စာက သိချင်ရုံသက်သက်ပါ”.......

သူမအမေးကို သူရိန်က အသက်ရှုသံပြင်းပြင်းစွက်လျှက်.....

“ကိုယ်ခုနေတော့ မပြောပြတတ်သေးဘူး....၊ တစ်ခုခုဖြစ်သွားမှာတော့ သေချာတယ်....၊ ကြေကွဲသွားရမှာ တော့ အမှန်ပဲလေ”......

နားထောင်ရင်း သူမပြုံးလိုက်မိသည်။ သူရိန်တစ်ယောက် သူမ၏မေးခွန်းကို ရေရေရာရာမဖြေနိုင်တာ မို့ဖြစ်၏။

“ဒါဆို အခုလက်ရှိ သူရိန်တွဲနေတဲ့ ကောင်မလေးနဲ့ပြတ်သွားမယ်ဆိုရင်ရော”.....

သူမအမေးကြောင့် သူရိန့်ခန္ဓာကိုယ် ဆတ်ခနဲဖြစ်သွားသလိုရှိ၏။ ထို့နောက် သူရိန့်ထံမှ ရုတ်တရက် ဘာသံမှ ထွက်မလာနိုင်ခဲ့.....။ ဧကန္နသူရိန်တစ်ယောက် သူ့အကြောင်းတွေကို သူမသိနေတာအံ့သြနေပြီ ထင်သည်။ ဟုတ်သည်...၊ သူရိန့်ကြောင်းတွေကို သူမသိ၏။ တစ်လမ်းတည်းနေတာက တစ်ကြောင်း၊ နောက်ပြီး ရုပ်ချောချော၊ ခပ်ဖြောင့်ဖြောင့်ဖြင့် သူရိန့်အကြောင်းက လမ်းထဲမှမိန်းကလေးများနေ့တိုင်း ပြောချင်စရာ၊ စိတ်ကူးယဉ် ချင်စရာခေါင်းစဉ်တစ်ခုမို့ပင်ဖြစ်၏။ ထို့အတွက် သူရိန့်အကြောင်းများ သူမ နားထဲကိုရောက်လာခဲ့တာ သိပ်ပြီးတော့မဆန်းလှပါ။

သူရိန့်အကြောင်းများကို သူမအနေဖြင့် တမင်တကာနားစွင့်မနေမိသော်လည်း သူရိန်ဆံပင်ပုံစံ အသစ် ပြောင်းလိုက်သည်ကအစ၊ လမ်းထဲသို့ သူ့ပြိုင်ဘီးနီနီလေးဖြင့် အရှိန်ပြင်းစွာ ဘယ်လိုနင်းဝင် လာတတ်သည် အဆုံး တစ်ဆင့်စကားဖြင့် အမြဲလိုလိုသိနေခဲ့ရလေသည်။ ထိုကဲ့သို့သော သတင်းများနှင့် ရည်းစားများတတ် သော သူရိန်က သူမကို စွဲလန်းစွာ ချစ်နေခဲ့သည်တဲ့....။ ဒီသတင်းကို ကြားတုန်းက သူမကိုယ့်နားကိုယ် တောင်ပြန်ပြီးမယုံချင်....။ ဘာရယ်ကြောင့်မှတော့မဟုတ်.....၊ သူမနှင့် သူရိန်က ဆန့်ကျင်ဘက်မျဉ်းနှစ် ကြောင်းလို ကွာခြားလွန်းနေခဲ့တာမို့ဖြစ်၏။

သူမက အေးဆေးတည်ငြိမ်သလောက် သူရိန်ကတက်ကြွဆူပူလွန်းသည်။ သူမက ပညာရေးကိုအလေးထား သလောက် သူရိန်က ဒီခေတ်မှာ ပညာမတတ်လည်းဘာမှမဖြစ်ပါဘူးကွာ...ဟုကြွေးကြော်တတ်သူ....။

သူမခြေလှမ်းတွေကို အရှိန်နည်းနည်းမြှင့်လိုက်မိသည်။ လမ်းထိပ်ကိုရောက်ကာနီးနေပြီမို့ဖြစ်၏။ သူမရဲ့ခြေ လှမ်းတွေကို မှီအောင်လိုက်ရင်း အသက်ရှုသံခပ်ပြင်းပြင်းစွက်လျှက် သူရိန်ကပြောသည်။

“အဲ့ဒါတွေက အပျော်တွဲတာပါ.....၊ သူတို့မရှိလို့ ကိုယ့်ဘ၀က ဘာမှဖြစ်မသွား”......

“ဒီမှာသူရိန်”.....

သူရိန့်စကားမဆုံးခင် သူမကြားဖြတ်ဝင်ကာခေါ်လိုက်တာမို့ သူရိန်က အထိတ်တလန့်ဖြင့် ကြည့်လာသည်။ သူရိန့်ကိုသွေးအေးစွာကြည့်ရင်း....

“အဲ့ဒီကောင်မလေးနေရာမှာ သူရိန့်ရဲ့သွေးချင်းထဲကတစ်ယောက်လို့ မြင်ယောင်ခံစားကြည့်လိုက်ပါ....၊ အဲ့ဒါ ဆိုရင် သူရိန့်စိတ်ထဲမှာဘယ်လိုနေမလဲ....။ ခံစားရမလဲ”.....

လမ်းမဆီသို့ဖျာဆင်းနေသော မီးတိုင်မှအလင်းရောင် တစ်စွန်းတစ်စ,အောက်တွင် သူရိန့်မျက်နှာက ယိုယွင်းစွာဖြင့်.....။ သူမတစ်ချက်ငဲ့ကြည့်ရင်း ဆက်ပြောမိသည်။

“နောက်ပြီး သူရိန်တစ်ခုကိုသေသေချာချာမှတ်ထားစေချင်တယ်.....။ သစ္စာအနေနဲ့ သူရိန့်ကို ဘယ်လို နည်းနဲ့မှပြန်ချစ်လာနိုင်မယ် မထင်ဘူး...။ ဘာဖြစ်လို့လည်းဆိုတော့ သစ္စာရဲ့ရင်ထဲမှာ သူရိန့်အတွက် နေရာ မရှိတာကိုယ့်ကိုယ်ကို သေချာနေလွန်းလို့ပါပဲ.....။ အဲ့ဒါကြောင့် သူရိန့်အတွက် အချိန်ကုန်တာပဲ အဖတ်တင် နေပါလိမ့်မယ်...။

ပြီးတော့ သူရိန်နဲ့ သစ္စာတို့ရဲ့အနေအထားတွေကလည်း ကွာခြားလွန်းလှပါတယ်...။ အရှေ့နဲ့အနောက် လိုပါပဲ .....။ အနားသတ်မညီနိုင်မယ့် တြိဂံတစ်ခုကို သစ္စာရေးဆွဲဖို့ဝါသနာမပါသလို စိတ်ကူးလည်း မယဉ်တတ်ပါဘူး၊ ဒါပေမယ့် တကယ်လို့ စိတ်ကူးယဉ်ဖြစ်မယ်ဆိုရင်တောင်မှ မဖြစ်နိုင်တာတွေကို ဘေးဖယ် ထားမိမယ်ထင်ပါတယ်သူရိန်”....

စကားအဆုံးတွင် သူမခြေလှမ်းတွေကို ခဏတာရပ်တန့်ပစ်လိုက်သည်။ လမ်းထိပ်ရောက်ဖို့ သိပ်မလိုတော့ တာမို့ပင်ဖြစ်၏။ ထို့ကြောင့် သူရိန့်ခြေလှမ်းတွေလည်း ရပ်တန့်သွားရလေတော့သည်။ လမ်းထိပ်ဖက်ဆီသို့ လှမ်းမျှော်ကြည့်လိုက်ရင်း သူရိန့်ကို တစ်ချက်ကြည့်မိလိုက်သည်။ သူမ၏ အကြည့်များထဲတွင် သူရိန့်ရဲ့ ပုံစံက ဆွဲဆောင်အားပြင်းနေခဲ့သေးသလိုလို....။ သူမခေါင်းတစ်ချက်ယမ်းပစ်လိုက်မိသည်။

“ဘာဖြစ်လို့လဲ....သစ္စာရယ်”....

သူရိန်က တိုးခတ်စွာမေးလာသည်။ သူမ၏ ခေါင်းယမ်းလိုက်သည့်အမူအယာကြောင့်ထင်၏။ ထို့ကြောင့် သူ မခေါင်းကို တစ်ခါထပ်ရမ်းလိုက်ရင်း.....

“ဘာမှမဟုတ်ပါဘူး သူရိန်....၊ ကဲ...သစ္စာသွားတော့မယ်နော်....။ လမ်းထိပ်ရောက်တော့မှာ မို့လို့ပါ”....

သူရိန်က ခေါင်းငြိမ့်ပြသည်။ လမ်းမီးရောင် ခပ်သဲ့သဲ့အောက်တွင် သူရိန့်ကိုတစ်ချက်ကြည့်ရင်း ဖြူစင်စွာဖြင့် သူမပြုံးပြမိလိုက်၏။

“အခု သစ္စာရဲ့နောက်ကနေ ကပ်လိုက်မလာပါနဲ့နော်....။ မလိုအပ်ပဲနဲ့ သစ္စာနဲ့ပတ်သတ်တဲ့အကြောင်းတွေ ကိုဒီပတ်ဝန်းကျင်မှာ မပျံ့နှံ့စေချင်တဲ့စိတ်တစ်ခုတည်းနဲ့ပြောတာပါ။ တစ်ခြားဘာရည်ရွယ်ချက်နဲ့မှ မဟုတ် ပါဘူး။ သူရိန့်ကို သစ္စာခင်ပါတယ်”......

ပြောပြီး မျက်လုံးအကြည့်ဖြင့် နှုတ်ဆက်ပြီး သူရိန့်ရှေ့မှသူမနေထွက်လာမိသည်။ ညဥ့်ဦးလေပြေက ခပ်တိုး တိုးတိုက်ခတ်လာပြန်လေသည်။ မျက်နှာပေါ်ကို လာရောက်ထိမှန်သော ဆံပင်ရှည်ရှည်အချို့ကို အသာ အယာ ဖယ်ရှားလိုက်ရင်း နောက်သို့ မသိမသာတစ်ချက်ငဲ့ကြည့်ဖြစ်၏။ သူရိန်တစ်ယောက် သူမနောက်သို့ ဆက်လိုက်မလာတော့ပါ။ သူမထပ်ကာ ကြိတ်ပြုံးလိုက်မိပြန်သည်။

“ကိုယ်နဲ့ စရိုက်မတူတဲ့ယောက်ျားလေးတစ်ယောက်ကို နောက်ပိုင်းမှာ ငါပြုပြင်ကြည့်မယ်”ဆိုပြီး ရူးရူးမူးမူးချစ် တတ်သော စွန့်စားခြင်းတစ်မျိုးကို သူမသိပ်အယုံအကြည်မရှိလှပါ။ မိန်းကလေးတစ်ယောက် အတွက်သိပ်ကို အရေးကြီးတယ်ဟု သူမ၏ မိခင်ဖြစ်သူကတော့ ရံဖန်ရံခါပြောပြတတ်သည်။

အတွေးနှင့်အတူ သူမဆက်လျှောက်နေခဲ့၏။ လမ်းထိပ်သို့ရောက်သောအခါ ပတ်ဝန်းကျင်က ရုတ်တရက် ဆူညံစွာ သက်ဝင်လာခဲ့သလိုဖြစ်လာသည်။ ညသည် လတ်ဆတ်စွာ နုပျိုသက်ဝင်နေဆဲ။ ထို့အတူ သူမ၏ နှလုံး သားတစ်စုံသည်လည်း အစွန်းအထင်းကင်းမဲ့လွန်းစွာဖြင့် လတ်ဆတ်နုပျိုစွာ ရှင်းသန့်နေခဲ့ဆဲ...။

~~~~~@@@~~~~~

လက်ဖက်ရည်ဆိုင်အတွင်းသို့ သူရိန်လှမ်းဝင်လိုက်သောအခါ သူငယ်ချင်းများက သူတို့ထိုင်နေသော စားပွဲဝိုင်းမှနေပြီး ၀မ်းသာအားရအော်ခေါ်ကြသည်။ ဆံပင်ကို တစ်ချက်သပ်တင်ကာ ခြေလှမ်းကျဲကျဲဖြင့် ထိုစားပွဲဝိုင်းဆီသို့ သူရိန်လျှောက်သွားလိုက်၏။ ဆိုင်အတွင်းမှ အချို့သောလူများက ချောမောသန့်ပြန့်နေခဲ့ သော သူ့ကို အားကျသလို ၀ိုင်းကြည့်နေကြတာကိုလည်း သတိထားမိလိုက်သေးသည်။

စားပွဲဝိုင်းတွင် ခုံပုလေးကိုဆွဲကာဝင်ထိုင်လိုက်တော့ သူငယ်ချင်းတစ်ယောက်က....

“ဘယ်လိုလဲ...သူရိန်....။ ဒီညမင်းရဲ့ အရေးတော်ပုံအောင်ခဲ့ပြီလား”.....

စိတ်ဝင်တစားမေးလိုက်သော အသံကြောင့် သူရိန်နှုတ်မှ ဟက်ခနဲတစ်ချက်ရယ်လိုက်မိသည်။ ထို့အတူ စော စောက သူ့ကို ချိုသာသောစကားများဖြင့်နှိပ်ကွပ်ကာထားခဲ့သော သစ္စာရဲ့မျက်နှာကိုမြင်ယောင်လာမိပြန် ၏။ ကျန်သောသူငယ်ချင်းများရဲ့မျက်နှာများကလည်း စိတ်ဝင်စားမှုများဖြင့်ရုတ်ရုတ်သဲသဲနိုင်လွန်းလှစွာဖြင့်။

သူရိန်ခေါင်းယမ်းပြလိုက်သည်။ ထိုအခါ သူငယ်ချင်းများထံမှ အသံပေါင်းစုံထွက်လာလေတော့သည်။ ပြီး တော့ ပြောကြသည်မှာ တစ်ယောက်တစ်ပေါက်....။ စကားများအားလုံး သူရိန့်နားထဲသို့မ၀င်ပါ။ ထို့ကြောင့် လက်ကာပြလိုက်ပြီး....

“တိတ်ကြစမ်းကွာ....၊ ထားလိုက်တော့ အဲ့ဒီကိစ္စကို။ ငါက ရမလားလို့ လိုက်ကြည့်တာပါပဲ။ စီးရီးယပ်စ်လည်း မဟုတ်ပါဘူး။ ဒီမှာ မင်းတို့မှတ်ထား။ ငါ့ကို ကြိုက်တဲ့မိန်းမတွေမှ အများကြီးပဲ။ အဲ့ဒီထဲက ငါကြိုက်တာကို ရွေးရုံပဲ။ သစ္စာဆိုတဲ့ တစ်ယောက်ကို လိုက်ခဲ့တာလည်း ငါ့ကိုပြန်ကြိုက်နိုင်မယ်ထင်လို့ပဲ။ ဒါပေမယ့် သူက ငါ့ကိုမခံစားနိုင်ဘူးဆိုတော့လည်း ငါ့အတွက် နောက်တစ်ယောက်ပြောင်းရုံပေါကွာ....။ လောကကြီးထဲမှာ မိန်းမဆိုတာ သူတစ်ယောက်တည်းမဟုတ်ပါဘူး။ အခြားလူတွေထက်တောင်မှ ငါ့အတွက်က ပေါပါသေး တယ်။ ဟုတ်တယ်ဟုတ်”.....

ပြောရင်း သူရိန်ကခေါင်းကိုမော့ကာရယ်၏။ ဒီစကားသည် သူရိန့်ရင်ထဲမှ............ တကယ်လာသောစကား ဖြစ်သည်။ ထို့အတွက် သူရိန့်အကြောင်းကိုသိနေကြသော သူငယ်ချင်းများကလည်း အတူတူလိုက်ရယ်ကြ လေတော့၏။ ရယ်သံများဖြင့် သူတို့စားပွဲဝိုင်းလေးက အနည်းငယ်ဆူညံစွာကျယ်လောင်သွားရသည်။

ထိုစဉ် လက်ဖက်ရည်ဆိုင်မှ ဖွင့်ထားသောသီချင်းလေးတစ်ပုဒ်က မတိုးမကျယ် လွင့်ပျံ့လာတာကို သူရိန်တစ်ယောက်ကြားလိုက်ရလေတော့၏။          ။

                                    ~~~~~@@@~~~~~@@@~~~~~@@@~~~~~

==================================
ထပ်တူညီသော ချစ်ခြင်းများ ပိုင်ဆိုင်နိုင်ကြပါစေခင်ဗျာ...။
==================================
ချစ်ခြင်းအားဖြင့်......
ဏီလင်းညို
(ထပ်တူ......)

21 comments:

အိမ့်ချမ်းမြေ့ said...

ရှ.. တ.. တ.. လေး..
ခံစားလိုက်ရပါသည်။

အဖြူရောင်နတ်သမီး said...

ပြတ်သားစွာ ဆုံးဖြတ်ရဲတဲ့ သတ္တိရှိတဲ့ သစ္စာကို လေးစားမိတယ်..။
အချစ်ကို အလေးနက်မထားတတ်သူ..ကိုယ့်ကိုယ်ကို အထင်ကြီးလွန်းသော သူရိန်လို ယောက်ျားလေးမျိုး လောကမှာအများကြီးရှိနေပါတယ်..။

Anonymous said...

အဲဒီလိုလေးဘဲ ကောင်းပါတယ်...
သီချင်းလေးလည်း ခံစားသွားပါတယ်။
မေ

သိင်္ဂါကျော် said...

ပတ်ဝန်းကျင်မှာ မြင်မြင်နေပါတယ်.. ဒီလို ယောက်ျားမျိုးတွေ အများကြီးပဲ.. မိန်းကလေး တစ်ယောက်ကို ကြိုက်လှပါချည်ရဲ့ ဆိုတာ ခဏပါပဲ.. ဒီမိန်းကလေးက မကြိုက်ဘူး ဆိုတာနဲ့ နောက်တစ်ယောက် ပြောင်းကြိုက်လိုက်ကြတာပါပဲ။ မိန်းကလေး တွေ အတွက်တော့ ဒီလောက် မလွယ်ပါဘူး..။

Anonymous said...

ဖတ်သွားပါတယ် ကိုဏီရေ

ခင်မင်စွာဖြင့်
ရွှေစင်ဦး

မိုးယံ said...

သစ္စာကတော့ ဟုတ်တုတ်တုတ်ပဲ.... ဘာတဲ့ ကိုယ်ပြန်ကြိုက်ပြီးမှ ပြင်ကြည့်မယ့် အူကြောင်ကြောင်... ဟုတ်ပ။

ဟိုတစ်ယောက်ကလည်း ကြောင်ပ မိန်းမတွေကိုများ လိုက်ပြီး အောက်ကျို့ခံနေတယ်... တုံးပ။

ညယံ said...

ကိုဏီ ဝတ္တုတွေ ဖတ်ပြီးတိုင်း တစ်ခုခုကိုခံစားရသလိုပဲ။
ဒီဝတ္တုထဲ့က သူရိန့် လို ယောကျာင်္းတွေကလည်း အပြင်မှာ အများကြီးရှိပါတယ်...

ညိမ်းနိုင် said...

သူရိန်လိုယောင်္ကျားတွေလည်း ရှိပါရဲ့...။ချစ်ခြင်းတွေကို ရင်ဘတ်နဲ့အပြည့်
ခံစားတတ်သူတွေလည်း ရှိပါသေးတယ်ဗျာ..။

TYZ said...

ဟုတ်တယ်နော် ထပ်တူကျတဲ့ ချစ်ခြင်းတွေနဲ့သာဆိုရင် ဘယ်လောက်သာယာစရာကောင်းလိမ့်မလဲ...။ သူရိန်လိုမျိုးလူတွေ တော်တော်ဆိုးတယ်လို့ပြောရမယ်နော်။

ချော(အစိမ်းရောင်လွင်ပြင်) said...

ချစ်ခြင်းမေတ္တာနဲ့ သစ္စာတရားဆိုတာကို တန်ဖိုးထားရကောင်းမှန်းမသိဘဲ.. မိန်းခလေးတွေကို ကစားစရာတစ်ခုလို သဘောထားတတ်သူတွေဟာ စစ်မှန်တဲ့ ချစ်ခြင်းမေတ္တာနဲ့ ဝေးနေဦးမှာပါ.. ကိုဏီရဲ့ ပိုစ့်လေးဖတ်ပြီး လူနှစ်ဦးရဲ့ ထပ်တူညီတဲ့အချစ် ဖြစ်ဖို့ ဘယ်လောက် ခဲယဉ်းတယ်ဆိုတာ သဘောပေါက်မိတယ်... ထပ်တူမကျတဲ့အချစ်ဟာလည်း ရေရှည်မခံနိုင်ပါဘူး.. အထူးသဖြင့် သစ္စာတရားဆိုတာ ဘာလဲလို့ မသိ နားမလည်သူတွေအတွက်...

စိတ်၏ဖြေရာ said...

သူရိန်ရဲ့စိတ်ဓါတ်သဘောမကျပါဘူး။
သစ္စာရဲ့အတွေးအခေါ်နဲ့စိတ်ဓါတ်ကိုလေးစားမိပါတယ်။
ခင်မင်စွာဖြင့်
စိတ်၏ဖြေရာ

ယွန်း said...

မိန်းကလေးတွေ ဖတ်သင့်တဲ့ ပို့ စ်လေးပါပဲ ။

မြတ်မွန် said...

ရမလားလို့ ကစားချင်တဲ့ သူတွေအတွက်ပေါ့နော် ကိုဏီးရေ..။
သီချင်းလေး မိုက်တယ် ခုမှ နားထောင်ဖူးတယ်။

ဂျစ်တူး ( မုံရွာ ) said...

ကျန်းမာပါစေမင်္ဂလာပါခင်ဗျာ
သီချင်းတွေလည်းနားထောင်ရင်းစာတွေလည်းဖတ်သွားတယ်။
အတုယူစရာတွေလည်းယူသွားပါတယ်။
လေးစားစွာဖြင့်
ဂျစ်တူး(မုံရွာ)

Anonymous said...

:):):)

rose of sharon said...

ဖတ်သွားတယ်... ဝထ္တုလေးက ကောင်းတယ်... ကော်မန့်တော့ ဘယ်လိုပေးရမှန်းမသိဘူး... ကိုယ်က ဒါမျိုးတွေနဲ့ အလှမ်းဝေးတဲ့ အရွယ်ဆိုတော့လေ...

သဒ္ဓါလှိုင်း said...

ထပ်တူညီတဲ့ချစ်ခြင်းမျိုးနဲ့တယောက်နဲ့တယောက် မာယာမပါပဲ
စစ်မှန်တဲ့သစ္စာနဲ့ ချစ်နိုင်ကြပါစေ.။ ထပ်တူမညီတဲ့ချစ်ခြင်းမျိုးကတော့
ဘယ်လောက်ကြာအောင်ဟန်ဆောင်နိုင်မှာလဲ..။ ဟန်ဆောင်တတ်တဲ့
သူတွေရဲ့ချစ်ခြင်းကလည်း လိပ်ပြာသန့်ပါရဲ့လား..။
ခင်မင်တဲ့
သဒ္ဓါ

မြစ်ကျိုးအင်း said...

ဘယ်သူ့ဘယ်သူမှ အရှုံးမရှိတဲ့ ပွဲပါပဲ။
ဆိုလိုတာက ဘယ်သူကြောင့်မှ တဖက်သား ထိထိရှရှ မဖြစ်လိုက် ရဘူး။ ရပ်ကွက်ထဲမှာ ဒါတွေက များတယ်။

noblemoe said...

ဒါမျိုးဇတ်လမ်တွေများကြီးမြင်ဖူးတယ်။
တော်သေးတာပေါ့ ဇတ်လမ်းဒီမှာတင်ပြီးလို့ 
ထပ်တူညီသော ချစ်ခြင်းများ ပိုင်ဆိုင်နိုင်ကြပါစေခင်ဗျာ...စာသားလေးကောင်းလိုက်တာ။ သီချင်းကအိမ်ရောက်မှနားထောင်ရတော့မယ်။

သာယာချမ်းမြေ့ပါစေရှင်း
မိုး

marlartun said...

အပြင်လောကမှာ အဲ့လို ရုပ်ရည်မာန်တက်နေတဲ့ ယောကျာင်္းလေးတွေ တော်တော်များများကိုရှိတာ။

marlartun said...

အပြင်လောကမှာ အဲ့လို ရုပ်ရည်မာန်တက်နေတဲ့ ယောကျာင်္းလေးတွေ တော်တော်များများကိုရှိတာ။