Monday, November 22, 2010

ဟန်ချက်ညီညီ




အောက်တိုဘာလရဲ့ လကုန်ခါနီးရက်စွဲတစ်ခုမှာပါပဲ....။ ရက်ကိုအတိအကျမမှတ်မိတော့ပေမယ့် အဲ့ဒီနေ့မှာ ကျွန်တော်အပြင်ထွက်ပြီး ရှော့ပင်းထွက်မိခဲ့တယ်။ ကိုယ့်ဟာကိုဆိုရင်တော့ ထွက်ဖြစ်မှာ မဟုတ် ပါဘူး။ ဒါပေမယ့် အိမ်မှာအတူနေတဲ့သူငယ်ချင်းညီလေးတစ်ယောက်က မြန်မာပြည်ကိုအပြီးပြန်တော့မှာ မို့လို့ သူတို့နဲ့အတူတူလိုက်ရင်း သူ့အတွက်လက်ဆောင်ပစ္စည်းလေးတစ်ခုဝယ်ပေးချင်မိလို့ပါပဲ။ ကျွန်တော် တတ်နိုင်မိခဲ့ရသလောက်ပေါ့ဗျာ။

အဲ့ဒါနဲ့ ကျွန်တော်အပါအ၀င် ပြန်မယ့်ညီလေးရယ်၊ နောက်ထပ်ညီလေးတစ်ယောက်ရယ် စုစုပေါင်းတော့ သုံးယောက်သား မလက္ကာမြို့အနှံ့ခြေဆန့်ခဲ့မိကြတော့တာပေါ့။ အဲ့...ကားနဲ့ ဆန့်တယ်ပြောရင် ပိုမှန်မယ် ထင်မိရ ပါတယ်။ ဒီမှာရှိတဲ့ ရှော့ပင်းစင်န်တာတွေဖြစ်တဲ့ (makota, tesco, jusco, carrifore) ဆိုတဲ့နေ ရာတွေဆီကို တစ်ခုနဲ့ တစ်ခုအကူးမှာ တက္ကစီနဲ့ ရွေ့မိကြလို့ပါပဲ....။

အဲ့ဒီလိုသွားတဲ့အချိန်မှာ ကျွန်တော်ကတော့ သူတို့နှစ်ယောက်နောက်ကနေ ကုပ်ချောင်းချောင်းနဲ့ပေါ့။ ပြီး တော့လည်း ဟိုငေး ဒီငေးနဲ့...။ တွေ့သမျှကို လက်သရမ်းပြီး ဓာတ်ပုံရိုက်သိမ်းထားချင်ခဲ့မိပေမယ့် အငေါက်ခံ ရမှာစိုးလို့ မျိုသိပ်ထားရတဲ့ မှုန်ကုပ်ကုပ်ရုပ်ရည်နဲ့ပေါ့။ (တကယ်လည်း အငေါက်ခံခဲ့ ရဖူးပါတယ်။း))

အဲ့ဒီလိုနဲ့ ပစ္စည်းတွေဝယ်လို့ သူတို့စိတ်ကျေနပ်သလောက်လည်းရှိရော ကျွန်တော်တို့တစ်သိုက် အိမ်အပြန် လမ်းကိုခြေဦးလှည့်ခဲ့မိကြတော့တယ်...။ ဒါပေမယ့် ပြန်တဲ့လမ်းမှာ(ကားပေါ်မှာ)အဲ့ဒီပြန်မယ်ညီလေးက ခရီး ဆောင်သေတ္တာတစ်လုံးဝယ်ရဦးမယ်လို့ပြောလာခဲ့တယ်....။ အဲ့ဒါနဲ့ အိမ်ပြန်တဲ့လမ်းအလယ်လောက်မှာရှိတဲ့ အဝေးပြေးကားဂိတ်ဆီကို ကျွန်တော်တို့ ဦးတည့်လိုက်မိကြတယ်။

ကျွန်တော်တိ်ု့မလက္ကာမြို့လေးမှာရှိတဲ့ အဝေးပြေးကားဂိတ်လေးက တော်တော်လေးကိုကျယ်ဝန်းလှပါတယ်။ ပြီးတော့(ကျွန်တော့်မျက်စိထဲမှာ)လှလည်း လှပါတယ်။ နောက်ပြီး အဲ့ဒီဘတ်စ်ကားဂိတ်ထဲမှာ စားသောက် ဆိုင်တွေ၊ အခြားပစ္စည်းရောင်တဲ့ဆိုင်တွေနဲ့လည်း သေသပ်စွာစည်ကားနေတတ်ပါသေးတယ်။ (ကျွန်တော်နှ စ်သက်တဲ့ တူရိယာပစ္စည်းတွေရောင်းတဲ့ဆိုင်တွေတောင်ရှိပါသေးတယ်။) ပြောရမယ်ဆိုရင် အဲ့ဒီကားဂိတ်နဲ့ လည်းကျွန်တော်နေတဲ့တိုက်ခန်းတွေက သိပ်မဝေးတော့ပါဘူး။ တက္ကစီနဲ့ဆိုပတ်မောင်းရလို့ ဆယ်မိနစ်စာမျှ လောက်ပဲကြာမယ်ထင်ပါတယ်။

အဲ့ဒါနဲ့တိုတိုပြောရရင် ကားဂိတ်ထဲကခရီးဆောင်သေတ္တာတွေ၊ အိတ်တွေချည်းပဲရောင်းတဲ့ဆိုင်တစ်ဆိုင်ထဲ ကိုဝင်ခဲ့မိကြတယ်။ ဆိုင်ထဲမှာကတော့ များပြားလှတဲ့အိတ်တွေအမျိုးမျိုး၊ ခရီးဆောင်သေတ္တာတွေအမျိုးမျိုး နဲ့အတူ ဈေးကလည်းအစားစားပါပဲ။ ၀ယ်ဖို့အစီအစဉ်မရှိတဲ့ ကျွန်တော်ကတော့ ဟိုငေး၊ ဒီငေးနဲ့ပေါ့။ အပေါ စားကျောပိုးအိတ်လေးတွေကို ကိုင်ကြည့်မိလိုက်သေးတယ်။ အခုလက်ရှိအလုပ်သွားရင်း လွယ်နေဆဲဖြစ်တဲ့ အိတ်ကလေးကလည်း နည်းနည်းစုတ်နေခဲ့ပြီကိုး။ ဒါပေမယ့် ဆိုင်ထဲမှာစိတ်တိုင်းကျတာမတွေ့မိတာရယ်၊ လက် ရှိလွယ်နေဆဲဖြစ်တဲ့အိတ်ကလေးကလည်း သုံးလို့ဖြစ်နေသေးတာရယ်မို့ မ၀ယ်ဖြစ်လိုက်တော့ပါဘူး။ အငြိမ်မ နေနိုင်တဲ့မျက်စိက ဟိုဟိုဒီဒီလျှောက်ကြည့်ရင်း ခရီးဆောင်သေတ္တာတွေဆီအကြည့်ရောက်မိ သွားပြန်တယ်။ အချို့အိတ်တွေဆို ဈေးအတော့်ကိုကြီးတယ်။ ၀ယ်မဲ့သူရှိမှရှိပါ့မလားလို့ တွေးကြည့်ချင် စရာဖြစ်ပေမယ့် ၀ယ်သူရှိလို့တင်ထားတာမျိုးပဲနေမှာပါလို့တွေးမိပြန်တယ်။

တကယ်တော့ ခရီးဆောင်အိတ်တွေ၊ သေတ္တာတွေဆိုတာ ခရီးသွားမှသုံးဖြစ်မယ့်အရာမျိုးတွေပါ။ ခဏခဏပဲ ခရီးထွက်ရတဲ့သူတွေအတွက်ဆို အဆင်ပြေချင်ပြေနေနိုင်ပေမယ့် တစ်ခါတရံလောက်မှခရီးသွားတတ်သူ တွေအတွက် အဲ့ဒီလိုသေတ္တာတွေမျိုးကိုဈေးကြီးကြီးပေးပြီးဝယ်သိမ်းထားမယ့်အစား အခြားအသုံးဝင်မယ့် ပစ္စည်းလေးတွေဝယ်ရင်ပိုကောင်းမယ်လို့လည်း တွေးမိလိုက်သေးတယ်။ ဥပမာ လက်ပတ်နာရီဈေးကြီးကြီး လှလှလေးဆိုရင် လူမြင်အောင်လည်း ပတ်ထားလို့ရ၊ ကြွားချင်လည်း ကြွားလို့ရ၊ ကိုယ့်အတွက်လည်း အသုံး ၀င်နဲ့ တော်တော့်ကိုအဆင်ပြေမှာပဲလို့လည်း ရူးကြောင်ကြောင်တွေးမိလိုက်တာကို ကိုယ့်ဘာသာပြန်ပြီး ရယ် ချင်မိသွားပြန်တယ်။ ဒါပေမယ့် ဒါမျိုးတွေဆိုတာကလည်း ပစ္စည်းကောင်းကိုမှကြိုက်တတ်၊ သုံးတတ်တဲ့သူ တွေ၊ ပိုက်ဆံဝါးလားတွေ စတဲ့သူတွေအတွက်နေမှာပေါ့လို့ စဉ်းစားမိလိုက်ပါတယ်။ လူဆိုတာအကြိုက် တစ်မျိုးစီဆိုတော့ ကျွန်တော်သာဆိုရင် ဈေးသင့်တဲ့၊ အဆင်ပြေခိုင်ခံ့တဲ့ သေတ္တာမျိုးလောက်ပဲ ၀ယ်ဖြစ်မှာ ထင်ပါရဲ့လေ။

အဲ့ဒီလိုနဲ့ဆိုင်ထဲမှာကျွန်တော်လျှောက်ကြည့်နေခဲ့တုန်း ကျန်တဲ့နှစ်ယောက်ကခရီးဆောင်သေတ္တာတွေကို မြေလှန်ပြီးသေသေချာချာရွေးနေခဲ့ကြတယ်။ ကြာလာတော့ အဲ့ဒီဆိုင်ထဲမှာ ကျွန်တော့်အတွက် ကြည့်စရာ ကဘာမှမရှိခဲ့တော့သလို၊ ဆိုင်ထဲမှာလည်း ဆိုင်ရှင် တရုတ်ဖွားဖွားတစ်ယောက်ကလွဲလို့ ငေးချင်စရာ ဘယ် သူမှမရှိခဲ့တာနဲ့ ကျန်တဲ့နှစ်ယောက်ကိုပြောပြီး ဆိုင်အပြင်ဘက်ကို ကျွန်တော်တစ်ယောက်တည်းထွက်ခဲ့ မိလိုက်တယ်။

အိတ်ဆိုင်ရဲ့အရှေ့မှာ ကားဂိတ်အဆောက်အဦးကြီးထဲက စင်္ကြန်လမ်းမတစ်ခုရှိပါတယ်။ အဲ့ဒီလမ်းမအလယ် မှာ အချို့ကသံဇကာကွက်လေးတွေကာ၊ အချို့က ခုံခင်းပြီးရောင်းတဲ့(ရွေ့နိုင်ပြောင်းနိုင်တဲ့)ဆိုင်ငယ်လေးေ တွရှိကြတယ်။ ဆိုင်ခန်းနဲ့အတည်တစ်ကျဖွင့်ထားတာမျိုးမဟုတ်ပါဘူး။ ရောင်းတဲ့ပစ္စည်းလေးတွေကလည်း ဆိုင်အမျိုးမျိုးမို့ အမျိုးအစားစုံလင်လှပါတယ်။ လူငယ်ကြိုက်လက်စွပ်၊ လက်ကောက်၊ နားကပ်၊ ဆွဲကြိုးစတဲ့ ဖန်စီပစ္စည်းလေးတွေရောင်းတဲ့ဆိုင်လေးတွေ၊ ဓာတ်ခဲနာရီလှလှလေးတွေ၊ ပိုက်ဆံအိတ်လေးတွေ၊ မီးခြစ်ပုံစံ ခပ်ဆန်းဆန်းလေးတွေ၊ အင်္ကျီဘောင်းဘီလှလှလေးတွေ၊ သော့ချိတ်လေးတွေ၊ လက်ကိုင်ဖုန်းထည့်တဲ့ အိတ် လေးတွေ၊ ကာဗာလေးတွေ၊ မိန်းကလေးတွေအကြိုက် ခေါင်းစည်း၊ ပုဝါလှလှလေးတွေ စတာတွေကိုရောင်း တဲ့ဆိုင်လေးတွေဆိုတာ တန်းစီနေတာပါပဲ..။ လိုချင်စရာပစ္စည်းလှလှလေးတွေပေမယ့် ဈေးမများတတ်ပါ ဘူး။

အဲ့ဒီလိုနဲ့ ကျွန်တော်လည်း ရပ်နေမိတဲ့အိတ်ဆိုင်ရဲ့အရှေ့ဖက်၊ ဘယ်ဖက်ခပ်စွန်စွန်မှာရှိတဲ့ဆိုင်လေး တစ်ဆိုင်နားကို ဘာရယ်မဟုတ်ပဲသွားရပ်ကြည့်မိလိုက်ပါတယ်။ ဆိုင်ကလေးက သံဇကာအပေါ့စား ခပ်နိမ့် နိမ့်လေးကို လေးဖက်ခပ်ကျဉ်းကျဉ်းကာထားပြီး သံဇကာကွက်လေးတွေမှာ အရုပ်သေးသေးလေး တွေကို ချိတ်ဆွဲထားပြီးရောင်းတဲ့ဆိုင်ငယ်သေးသေးလေးပါ။ သော့ချိတ်လိုချိတ်နိုင်တဲ့ အရွယ်အစားနဲ့ အရုပ်မျိုးစုံ သေးသေးလေးတွေ လိုက်ငေးရင်းနဲ့ ကျွန်တော့်ရဲ့မြင်ကွင်းထဲကို အရုပ်ကလေးတချို့က တိုးဖွစွာဝင်ရောက် လာခဲ့ကြတယ်။ အဲ့ဒီအချိန်မှာ ကျွန်တော့်နှုတ်ခမ်းတွေပြုံးမိသွားပြီး မျက်နှာကလည်းမချို မချဉ်ဖြစ်သွားခဲ့မိ ပါတယ်။

ကျွန်တော့်ကို အဲ့ဒီလိုဖြစ်သွားစေတဲ့အရုပ်ကလေးတွေကတော့ လက်ညှိုးတစ်ချောင်းစာလောက်ပဲအရပ်အေ မာင်းရှိတဲ့ မိန်းကလေးအရုပ်လေးတွေပါပဲ။ အရုပ်ကလေးတွေက သိုးမွှေးဦးထုပ်လေးတွေဆောင်းထားကြတ ယ်။ အဲ့ဒီဦးထုပ်နဲ့ အရောင်တူဂါဝန်သေးသေးလေးတွေကိုလည်း ၀တ်ထားကြသေးတယ်။ ပြီးတော့ လည်ပင်း မှာ လည်စည်းမာဖလာလေးတွေမခို့တရို့ပတ်ထားကြရုံတင်မကသေးပဲ၊ ရှုးဖိနပ်အနက်ရောင် သေးသေး လေးတွေကိုလည်း အကျအနကိုယ်စီစီးထားကြသေးတယ်။ အဲ့ဒီလိုပုံစံနဲ့အရုပ်ကလေးတွေကို ငေးရင်း သ ဘောကျလွန်းလို့ အသံထွက်ပြီး ဟက်ခနဲတစ်ချက် ကျွန်တော်ရယ်လိုက်မိတော့တယ်။ ပြီးတော့ ကြည့်ရင်းနဲ့ အားမလို အားမရဖြစ်လာပြီး အရုပ်ကလေးတစ်ရုပ်ကိုလက်ညှိုးနဲ့ တို့ထိကြည့်မိလိုက်တော့ အရုပ်ကလေးက ပြုံးစေ့စေ့ မျက်နှာထားလေးနဲ့ ကျွန်တော့်ကိုပြန်ကြည့်နေခဲ့တယ်။ ကျွန်တော်စိတ်ထဲမှာ ချစ်စနိုးနဲ့ မျက်စိ တစ်ဖက် ပြန်ပြီး မှိတ်ပြလိုက်မိတော့တယ်။

အဲ့ဒီအချိန်မှာပဲ လေးဖက်လေးတန်ကာထားတဲ့ ဆိုင်အတွင်းဖက်နေရာကျဉ်းကျဉ်းလေးကနေ အရောင်းစာ ရေးမလေးတစ်ယောက်ထွက်လာတယ်။ ကောင်မလေးမျက်နှာက ပြုံးစိစိနဲ့။ စောစောက ကျွန်တော်တစ် ယောက်တည်း အရုပ်မလေးကိုစ,နေတာကို အတွင်းထဲကနေမြင်သွားပြီလားလို့တွေးရင်း ကျွန်တော်နည်း နည်းလေးရှက်သွားတယ်။ အဲ့ဒါကြောင့်မျက်နှာကိုအရှိန်သပ်လိုက်ရင်း အခြားအရုပ်တွေကို လိုက်ငေးနေမိ လိုက်တယ်။ ဒါပေမယ့်မရပါဘူး၊ အရောင်းစာရေးမလေးက ကျွန်တော့်နားကိုတိုးကပ်လာပြီး“ကြည့်ရုံပဲလား၊ ၀ယ်သွားပါဦး” လို့ မလေးရှားလိုပြောတယ်။ မျက်နှာကတော့ပိုပြီး ပြုံးစိစိဖြစ်လာနေသလိုပါပဲ။

ကျွန်တော်လည်း ပိုရှက်သွားပြီး နားရွက်တွေတောင်ပူလာရသလိုပါပဲ။ ကောင်မလေးကို တစ်ချက်လှည့် ကြည့်လိုက်တော့ ကျွန်တော့်ပုံကိုကြည့်ပြီး ရယ်ချင်နေတဲ့ပုံကိုတွေ့လိုက်ရပါတယ်။ ကျွန်တော်ကလည်း ကျွန်တော်ပါပဲ....... ကြည့်လေ။ မျက်မှန်ကထူထူ၊ ဆံပင်က စုတ်ဖွား၊ လူက၀ါးခြမ်းပြား၊ နှုတ်ခမ်းမွှေး၊ မုတ်ဆိတ်မွှေးခပ်ရှည် ရှည်အချို့နဲ့အတူ လူပုံစံက ကုပ်ချောင်းချောင်း။ ပြီးတော့ ငေးနေမိတာက ကလေးကစားစရာလိုအရုပ်မျိုးတွေ ဆိုတော့...။ ဒါပေမယ့် ဒီအရုပ်လေးတွေကို ကျွန်တော်လိုချင်သွားပါပြီ။ ဒါကြောင့်မို့လို့ အသက်ကိုခပ်ပြင်းပြင်း တစ်ချက်ရှုသွင်းလိုက်ရင်း အားတင်းမေးလိုက်မိပါတယ်...။ “တစ်ခုဘယ်လောက်လဲ”...လို့ပါ။

အဲ့ဒီမှာ အရောင်းစာရေးမလေးမျက်နှာက ပိုပြီးမချိုမချဉ်ဖြစ်သွားကြရင်း “သုံးခုတစ်ဆယ်ပါ”လို့ ကျွန်တော့်ရဲ့ မျက်စိရှေ့နားကနေရာလေးကို လက်ညှိုးထိုးပြီးပြောတယ်။ ဟုတ်ပ..၊ ကျွန်တော့်မျက်စိနားမှာတင် “သရီးဖော် တန်းန်” ဆိုတဲ့ဆိုင်းဘုတ်ကဒ်ပြာလှလှလေးက ထင်ထင်ရှားရှားကြီး ရယ်။ အဲ့ဒါနဲ့ ကျွန်တော်လည်း အငွေ့ပျံပြီး ပြေးချင်စိတ်ပေါက်သွားရင်း အိတ်ထဲက ဆယ်တန်တစ်ချပ်အရင် ထုတ်ပေးလိုက်တယ်။ ပြီးမှ စောစောကအရု ပ်လေးတွေထဲက အရောင်မတူတာ သုံးရုပ်ကိုရွေးယူရင်း လှမ်းပေးမိလိုက်တယ်....။ အဲ့ဒါနဲ့ အဲ့ဒီအရောင်းစာ ရေးမလေးက ကျွန်တော်ဝယ်ဖြစ်သွားတဲ့အရုပ်ကလေး သုံးရုပ်ကို ကျွတ်ကျွတ်အိတ်သေးသေးလေးနဲ့ထုတ်ပိုး ပြီး ကျွန်တော့်လက်ထဲကမ်းပေးရင်း “ကျေးဇူးတင်ပါ တယ်” လို့ ရယ်ကျဲကျဲနဲ့ဆိုပြန်တယ်....။

ကျွန်တော်လည်း အရုပ်လေးတွေထည့်ထားတဲ့အိတ်လေးကိုဆွဲပြီး ရှက်ရှက်နဲ့ပြန်ခေါင်းငြိမ့်ပြခဲ့ရင်း စောစော က အိတ်ဆိုင်လေးဆီကို ပြန်ပြီးသုတ်ခြေတင်မိခဲ့တော့တယ်....။

~~~~~~@@@~~~~~~

အိမ်ပြန်ရောက်တာနဲ့ အိပ်ခန်းထဲမှာအ၀တ်တောင်မလဲနိုင်သေးပဲ အရုပ်ကလေးသုံးရုပ်ကို ထုတ်ကြည့်မိတော့တယ်။ ပြီးတော့ တစ်ယောက်တည်းအသံထွက်ပြီးတော့ကို အော်ရယ်မိလိုက်ပါတယ်။ တစ်လမ်းလုံးမှာအောင့်ထားခဲ့ရတာကိုး....။ ကျွန်တော်ရယ်မိတာက အရုပ်ကလေးတွေကို လှောင်ရယ်ရယ် မိတာမဟုတ်ပါဘူး။ ရင်ထဲမှာ နှစ်သက်စွာနဲ့ သဘောတကျဖြစ်လွန်းလို့ပါပဲ။ အကျအန၀တ်စားထားတဲ့အရုပ် ကလေးသုံးရုပ်အတွက် ကျသင့်ငွေဟာ တစ်ဆယ်ပဲပေးခဲ့ရပါတယ်။ တွေးကြည့်ရင် လက်ခတောင်မရှိပါဘူး။ ဒါပေမယ့် ကျွန်တော့်ရဲ့ စိတ်ကိုရွှင်ပျော်စေနိုင်ခဲ့တယ်။ ကဲ....အရာရာကိုငွေနဲ့တန်ဖိုးဖြတ်ချင်သူအချို့ ဘာပြောကြမလဲ..။ ကျွန်တော် နားထောင်ချင်မိပါသေးတယ်။

အရုပ်လေးတွေကို ကျွန်တော်အိပ်ယာဘေးကနားကျပ်ချိတ်တဲ့ သံငုတ်လေးမှာအသာချိတ်ပြီး ထပ်ကြည့်နေ မိလိုက်တယ်။ ကြည့်ရင်းနဲ့ ကျွန်တော့်ခေါင်းထဲမှာ ဖြတ်ခနဲအတွေးတချို့ပေါ်လာတယ်။ ဒီအရုပ်ကလေး သုံး ရုပ်ကို ဓာတ်ပုံရိုက်ဖို့ရယ်၊ နောက်ပြီး အွန်လိုင်းမှာ ၀ါသနာအရင်းခံပြီး၊ ၀င်ငွေတစ်ခုမှမမျှော်လင့်ပဲနဲ့ အလကား ဖတ်နိုင်တဲ့ဘလော့ဂ်လေးတွေကို၊ အလကားဖတ်ရပေမယ့်လည်း စာဖတ်သူမောင်နှမ တွေကိုအချိန်ကုန်ရ ကြိုးနပ်အောင် သေသေချာချာကျကျနနရေးတတ်တဲ့ အများစုသော ဘလော့ဂ်ရေးသူ တွေထဲက ကျွန်တော်နဲ့ ရင်နှီးနေခဲ့တဲ့ အစ်မသုံးယောက်အဖြစ်နဲ့၊ ကျွန်တော်ပိုင်တဲ့ ဒီနားခိုရာရပ်ဝန်း လေးပေါ်တင်ထားပြီး ခင်မင်စွာနဲ့ အမှတ်တရထားရစ်ခဲ့ဖို့ပါပဲ။ ရှက်ရှက်နဲ့၊ နှစ်သက်စွာဝယ်ခဲ့မိတဲ့ အရုပ်က လေးတွေမို့လို့လည်းပါပါသေးတယ်..။

အရုပ်ကလေးသုံးရုပ်ထဲက အနီရောင်လေးဟာ....အစ်မမြသွေးနီပါ။
အဖြူရောင်လေးကတော့ ကျွန်တော်ဘလော့ဂ်မရေးဖြစ်ခင် အိပ်မက်မှာစာစရေးမိကတည်းက ကျွန်တော်နဲ့ ခင်မင်နေခဲ့ရတဲ့ မလေး(မအိမ့်ချမ်းမြေ့)ပါ။
အနက်ရောင်လေးကတော့ မချော(အစိမ်းရောင်လွင်ပြင်)ပါပဲ။
သူတို့ကိုယ်ကိုယ်စားပြုတဲ့ အရုပ်ကလေးသုံးရုပ်ရဲ့ပုံလေးတွေကို ကျွန်တော်လက်စွမ်းပြထားတာ ကြည့်လိုက် ကြပါဦးဗျာ။

~~~~~@@@@~~~~~



 သဘာဝတရားကို မြတ်နိုးတတ်ကြတယ်တဲ့.....။



ဂီတ၊ သံစဉ်တွေကိုလည်း......ခုံမင်တွယ်တာမြတ်နိုးတတ်ကြသေးတယ်.....


ကော်ဖီလည်းကြိုက်တတ်ကြသေးတယ်တဲ့ဗျာ.......။


 စာဖတ်တာလည်း အရမ်းဝါသနာပါကြတယ်ဆိုပဲ......



စာရေးနေရရင်တော့ ကျန်တာအားလုံးကိုမေ့နေရလောက်အောင် ပျော်ရွှင်တတ်ကြသေးတယ်ဆိုပဲလေ...။


ကျွန်တော့်ရဲ့ နားခိုရာရပ်ဝန်းလေးဆီကိုလည်း လာပြီးစာဖတ်တတ်ကြသေးတယ်လေခင်ဗျာ.......။

                                    ~~~~@@@~~~~@@@~~~~@@@~~~~

နောက်ဆက်တွဲ.....

အရုပ်လေးသုံးရုပ်ကို သစ်ပင်လေးတွေပေါ်တင်ပြီးရိုက်ချင်မိလို့ စက်ရုံကို ကျွန်တော်ခေါ်သွားရပါတယ်။ ကျန် တဲ့ပုံလေးတွေကတော့ အိမ်မှာ ညပိုင်းအလုပ်ကနေပြန်လာမှ ရိုက်ထားတာမို့ အလင်းရောင်သိပ်မလုံ လောက်ခဲ့ပါဘူး။ (ကျွန်တော့်ဖုန်းအစုတ်လေးမှာပါတဲ့ ကင်မရာအစုတ်လေးနဲ့ရိုက်ရတဲ့အတွက် အရည်အ သွေးမပြည့်တာလည်းပါမယ်ထင်ပါတယ်။)
မှတ်မှတ်ရရပါပဲ.........။
အရုပ်လေးသုံးရုပ်ကို စက်ရုံကိုခေါ်သွားပြီး ကျွန်တော်တို့ကင်န်တင်းဘေးနားက ရိုက်ဖို့စိတ်ထဲကနေရွေးချယ် ထားတဲ့ နေရာလေးနားမှာ ဓာတ်ပုံရိုက်ဖို့အတွက် လူရှင်းတဲ့အချိန်ကိုရွေးပြီး သွားမိပါတယ်။ များသောအား ဖြင့် ကင်န်တင်းမှာ ဆေးလိပ်သောက်တတ်တဲ့ လူတွေလာတဲ့အချိန်နဲ့၊ လက်ဖက်ရည်သောက်ချိန်၊ ထမင်းစား ချိန်တွေကို သတိထားရှောင်ပြီး ညနေသုံးနာရီကျော်ကျော် အလင်းရောင်လုံလောက်တဲ့အချိန်မှာ ကျွန်တော် တစ်ယောက်တည်း ဆင်းခဲ့မိပါတယ်။

ကျွန်တော်ရွေးချယ်ထားတဲ့ အပင်လေးတွေပေါ်မှာ အရုပ်လေးတွေကို စိတ်ကြိုက်နေရာချ၊ ဦးထုပ်လေးတွေ ပြင်ဆောင်းပေး၊ ဂါဝန်လေးတွေဆွဲဆန့်ပေးနဲ့ အရုပ်လေးတွေကို သေချာစီရင်း ရှု့ထောင်အမျိုးမျိုးကနေပတ် ပြီး ဖုန်းကင်မရာလေးနဲ့ တစ်ဖျပ်ဖျပ်ရိုက်နေမိလိုက်ပါတယ်။ ဒါပေမယ့် ကျွန်တော်ရိုက်နေတုန်း သိပ်မကြာခင် မှာပဲ စက်ရုံပေါ်ကနေ ကျွန်တော်နဲ့ခင်နေတဲ့ ဒီနိုင်ငံသားမလေးရှားလူမျိုးတစ်ယောက်ဆင်းလာပြီး ကျွန်တော့် အနားမှာ လာရပ်ပါတယ်....။ အရုပ်ကလေးတွေကို အပင်လေးတွေပေါ်တင်ပြီး ဓာတ်ပုံရိုက်နေမိတဲ့ကျွန်ေ တာ့်ကိုခဏရပ်ကြည့်တယ်။ ပြီးတော့ ကျွန်တော့်ကို ဟေ့...လို့လှမ်းခေါ်တယ်။ ကျွန်တော်က ခေါင်းမော့ကြည့် ပြီး ၀တ်တရားအရ ပြုံးပြလိုက်တော့ အဲ့ဒီသူငယ်ချင်းက ကျွန်တော့်ကိုမဲ့ပြုံးပြုံးပြီးကြည့်ပါတယ်...။ ပြီးတော့ မင်းတစ်ယောက်ကတော့ မနိုင်ဘူး....ဆိုတဲ့ သဘောနဲ့ သူ့ခေါင်းကို ဘယ်ညာယမ်းပြပါတယ်...။ ကျွန်တော် ဘာမှ ပြန်မပြောဖြစ်ခဲ့ပါဘူး။ စိတ်တိုင်းကျပုံတွေ ရိုက်ပြီးသွားခဲ့လို့ အရုပ်ကလေးသုံးရုပ်ကိုအသာကောက်ပြီး ကျွန်တော့် ဂျာကင် အင်္ကျီအိတ်ထဲခပ်ဖွဖွလေးထည့်လိုက်မိပါတယ်...။ ပြီးတော့ ဆေးလိပ်သောက်ဖို့ပြင်နေ တဲ့ သူ့ကိုပြုံးပြ၊ လက်ပြ နှုတ်ဆက်ပြီး ကျွန်တော် စက်ရုံထဲကို ပြန်ဝင်မိခဲ့ပါတယ်...။

ဟုတ်ပါတယ်..။ လူတစ်ယောက်နဲ့ တစ်ယောက်ခံစားချက်ခြင်း၊ ရည်ရွယ်ချက်ခြင်း၊ ခံယူချက်ခြင်း ...စတာတွေဟာ လုံးဝမတူညီနိုင်ပါဘူး။ ပြီးတော့ ကျွန်တော် ဘလော့ဂ်ရေးနေတာကိုမသိတဲ့၊ ရသစာတွေမဖတ်တတ်တဲ့ သူ့က ကျွန်တော် ဒီလိုပုံလေးတွေရိုက်နေတာကို နားမလည်နိုင်တာ၊ ကျွန်တော့် ကို အပြစ်တင်ချင်နေတာ မထူးဆန်းပါဘူး....။ အနေအထားခြင်း၊ စိတ်ခံစားချက်ခြင်းမတူပဲ ရင်ခုန်သံတွေကို ဝေမျှခံစားဖို့ဆိုတာ မလွယ် ကူလှပါဘူး။ ခက်ခဲနေမှာအမှန်ပါပဲ။ ပြီးတော့ စိတ်လိပ်ပြာရဲ့ အတောင်ပံခတ် သံတချို့ကို သူများနားထောင် ချင်မှန်းမသိ၊ ဆန္ဒရှိမှန်းမသိပဲ အတင်းပြောပြနေခဲ့မယ်ဆိုရင် အားနာစရာ ကောင်းနေမှာ အမှန်ပါပဲ.....။ ကျွန်တော်ကိုယ်တိုင်လည်း အဲ့ဒီလိုလူမျိုးတွေကို ပြောပြဖို့ ဆန္ဒမရှိခဲ့မိပါ ဘူး.....။

ဘာပဲဖြစ်ဖြစ် လူဆိုတာ ကိုယ့်ရဲ့အဓိပ္ပါယ်နဲ့ကိုယ်....၊ ကိုယ့်ရဲ့ ရှင်သန်ရပ်တည်မှုနဲ့ကိုယ်... မသေခင်အတိုင်း အတာအထိတော့ ဟန်ချက်ညီညီထိန်းသိမ်းပြီးနေသွားရမယ်လို့ ကျွန်တော်ထင်တာပါပဲ.....။ သူများနဲ့ တူ တာမတူတာ အပထားပေါ့ဗျာနော့်....။             ။
                                                ~~~~~@@@~~~~~@@@~~~~~@@@~~~~~~

===========================================================================
နာမည်လေးတွေအသုံးပြုခွင့်ပေးခဲ့သော မလေး၊ မချောတို့ကို ကျေးဇူးတင်ပါတယ်ခင်ဗျာ....။ အစ်မမြသွေးနီ ကတော့ သူအွန်လိုင်းတက်ချိန်နဲ့ ကျွန်တော်တက်ချိန်တွေမှာမတိုက်ဆိုင်ဖြစ်ခဲ့တဲ့အတွက် ခွင့်မတောင်းဖြစ် မိခဲ့ရပါဘူး.....။ ဒါပေမယ့် ကျွန်တော့်ကို ခွင့်ပြုမယ်လို့ထင်မိရင်း ကျေးဇူးတင်စွာဖြင့်.......။
===========================================================================

ချစ်ခြင်းအားဖြင့်.......
ဏီလင်းညို

24 comments:

အင်္ဂါဟူး said...

အန်တီညို့ကိုတော့ မနိုင်ဘူးဟေ့။ အရုပ်မတောင် မျက်စိမှိတ်ပြတယ်။ မျက်မှန်ကတော့ ပါဝါ ထပ်တင်ရမလားပဲ။ သုံးရုပ်တစ်ဆယ် မမြင်ဖူးတစ်ကယ်။

ခွိခွိ.... ပို့စ်တစ်ပုဒ်ရဖို့ ဒီလောက်ပြုစုမှတော့ ဒီလောက်ကောင်းတာ ကိုး။ မင်းခိုက်စိုးစံ တွေများများဖတ် လူကမင်းခိုက်စိုးစံ ရုပ်ပေါက်နေပြီ။ ဗိုက်သာထပ်ပူ လာလို့ကတော့ ကိုဏီရာ............. ဂွီ။

TYZ said...

အရုပ်လေးတွေဆိုပေမဲ့ မျက်စိမှိတ် စနောက်မိတဲ့အထိ စွဲဆောင်အားကောင်းတဲ့ အရုပ်ကလေးတွေကို ကြည့်ခွင့်ရတာ ကျေးဇူး။ တကယ်လည်း ချစ်စရာကောင်းပါတယ်။ ညီမကတော့ အနက်ရောင်ကြိုက်လို့ အနက်လေးကို ပိုချစ်တယ်။ မျက်နှာလိုက်တာမဟုတ်ဘူးနော်.........

ရွှေရတုမှတ်တမ်း said...

အရုပ်တောင်ချမ်းသာမပေးဘူး...
အပျိုကြီး ၃ ယောက်တော့ လာသမျှမျက်စေ့မှိတ်ပြနေရတော့မှာပေါ့လေ...

နှင်းနဲ့မာယာ said...

ကိုဏီရေ

ဝယ်ပြီး ပို့ပေးပါလား....
၂၀ ဘိုးဆို ၆ ရုပ်ရမှာပေါ့နော်...
၂၀ ဘိုးမှာမယ်နော်...
ထပ်သွားဝယ်ပေး...

(ပန်းရောင် အဝါရောင် အပြာရောင် အဖြူရောင် အနက်ရောင် အညိုရောင်)

မနှင်း(နှင်းနဲ့မာယာ)

မေပယ်လ် said...

ချစ်ရှာလေးတွေ...
စာအရှည်ကြီးကို တမေ့ကြီးဖတ်လာရင်းက ဇာတ်ထဲ မျောနေရင်း
ခလေးသုံးယောက်ကို တွေ့လိုက်ရတော့ ကိုဏီလိုတော့ မရီမိဘူး
ရင်ခွင်ထဲ စိတ်ကူးနဲ့ထည့်ရင်း ထွေးပိုက်ထားမိတယ်...
(ဟို မမသုံးယောက်ကို ပြောတာဟုတ်ဘူးနော်) :P

ဝက်ဝံလေး said...

များ အတွက်ကျ မပါဘူး သွားပြန်သွားဝယ်ချေ အပြာနုရောင်လေး ဟွင့်
ကောက်တယ် လူဂျီးးးး

ကိုရီး{ကိုကြီး} said...

ဦးဏီ

ကြံကြံဖန်ဖန် မြင်တတ်တာပဲ
စိတ်ကူးလေးကို သဘောကျတယ်ဗျ
မျက်စိပသာဒ ဖြစ်စေတာတော့ အမှန်ပဲ။

ခင်မင်စွာဖြင့်
ကိုရီး{ကိုကြီး}

အိမ့်ချမ်းမြေ့ said...

ကိုဏီရဲ့ ဒီပိုစ်လေးဟာ အခြားပိုစ်တွေလိုပဲ အလွန်ဆွဲဆောင်မှုရှိပါတယ်။ အရုပ်လေးတွေက အရမ်းချစ်ဖို့ကောင်းတယ်။ ကိုဏီ့ဘလောဂ်ကို လာဖတ်တဲ့ ညီမတွေ အစ်မတွေ အကုန်လုံးကို တစ်ယောက်တစ်ရုပ် လက်ဆောင်ပေးရန်သင့်၏...း)) ဖိနပ်ကလေးတွေကလည်း ချစ်စရာကွယ်...

အရုပ်ကလေးကို မျက်စိမှိတ်ပြတာလား။ ဆိုင်ရှင်မလေးကို မျက်စိမှိတ်ပြတာလား ဆိုတာကိုလည်း စဉ်းစားနေပါတယ်။

မည်သို့ပင်ဖြစ်စေ.. မင့်အစ်မကို ဘောပင်ကြီး ပိနေတယ်.. မချောတို့ကလည်း ဒီတိုင်းကြည့်နေကြတယ်... ဟွန့်။

လေးစားတာ တစ်ခုက စာတွေကို သေချာ စာအုပ်ထဲ ချရေးထားတာကိုပါပဲ...။

ဒီပိုစ်လေးလည်း ရောင်စုံကာလာနဲ့ ပရင့်ထုတ်ထားလိုက်ပါပြီ။

ခင်မင်လျှက်..
မလေး

အိမ့်ချမ်းမြေ့ said...

မေပယ်လ်က အရုပ်ကိုပဲ ဖက်ချင်ပြီး ဒီအစ်မကြီးသုံးဦးကိုတော့ မဖက်ချင်ဘူးဆိုတော့ ၀မ်းနည်းသွားကြောင်း :P

Anonymous said...

ီဒီပို့လေးကို စဖတ်တော့ ဘာမှမထူးသလို ဖတ်ရင်းဖတ်ရင်း တမြေ့မြေ့နဲ့ စာဖတ်သူကို ဆွဲဆောင်ခဲ့တယ်၊ဲကိုယ့်ပုံကိုယ်ပုံဖော်ထားတာ ဖတ်ပြီးတော့ ပြုံးရသေးတယ် ပုံဖော်ပုံအရဆို အဆိုတော် ထူးအိမ်သင် ကိုပြေးမြင်မိတယ်း)် အရုပ်ကလေးတွေက အရမ်းချစ်ဘို့ ကောင်းတယ် အရုပ်ကလေးတွေနဲ့ ဓါတ်ပုံရိုက်ပြီ စာရေးတတ်တဲ့ အတွေးလေးက အရမ်းကောင်းတယ် အဲဒီနောက်မှာတော့ ခပ်ပြုံးပြုံးလေးလုပ်ပြီး ကိုဏီဘလောက်က ပြန်ခဲ့တယ်
ခင်တဲ့

Anonymous said...

သူ့ အတွက်လက်ဆောင်က ဘာဝယ်ခဲ့တာလဲဟင်
လိုရင်းမေ့ကျန်နေပါလား
ဒီအရုပ်တော့မဖြစ်နိုင်ဘူး

ရီမိုးပြည့်  said...

ကိုဏီရေ...
အရုပ်လေးတွေကချစ်စရာလေးနော်။ ကိုဏီက မြင်တက်တာ အရမ်းပဲ။ အင်း.... ပုံဖော်ထားတဲ့ အထဲမှာ မျက်မှန်ထူထူကြီးတပ်ထားတယ်ဆိုတော့ ပိုမြင်တက်တာပေါ့လေ...

သိင်္ဂါကျော် said...

အရုပ်ကလေးတွေက ချစ်စရာ ကောင်းလိုက်တာ..

ညီမလေး said...

အရုပ်ကလေးတွေက ချစ်စရာ.... ကိုလင်းညို မျက်စိမှိတ်ပြချင်ရင်လဲ ပြစရာပဲးD

ညီမလေးက ဂစ်တာကြီးကိုလဲ ကြိုက်တယ် ။ ပိုင်စိုးမှုဧကရီကို တီးတာ အဲ့ဒီဂစ်တာကြီးနဲ့ပေါ့နော်း)

စာတွေကို အဲ့လိုအမြဲချရေးသလားတဲ့ ... ချီးကျူးစရာပါပဲ ။

မြသွေးနီ said...

ကိုဏီရေ...
ကိုယ့်အစ်မတွေကို အခုလို သတိတရနဲ့ရေးတာ ကျေးဇူးတင် ပီတိဖြစ်ရပါတယ်။
မြသွေးနီနှစ်သက်တဲ့ အနီရောင်နဲ့ ဆက်စပ်မှတ်ထားတဲ့အတွက်လည်း ကျေးဂျူးကမ္ဘာပါ။
ဟဲ... အနီရောင်အရုပ်ကလေးမှာ မျက်လုံးပြူးပြူးလေးက မြသွေးနီနဲ့ အတူဆုံးပဲ..။
ဓာတ်ပုံလေးတွေကို စိတ်ကူးကောင်းကောင်းနဲ့ ရိုက်လာတာကတော့
ဏီလင်းညိုရဲ့ စတိုင်ပဲလေနော်..။
ကဲ... ဟန်ချက်ညီကြစို့ရဲ့..။ ကိုယ့်စတိုင်နဲ့ကိုယ်ပေါ့..။ :)

ချော(အစိမ်းရောင်လွင်ပြင်) said...

မိညိုရေ
ဒီလောက်ချစ်စရာအရုပ်တွေ တွေ့လဲတွေ့တတ်ပ
ပြန်လာရင်တော့ ညီးတကယ် အဲဒီအရုပ်လေး လက်ဆောင်ပေးပေတော့နော်...
ဒီပိုစ့်ကို ညကတည်းက လာဖတ်ပြီးပြီ ကော်နက်ရှင်ကြောင့် ခုမှ လာမန့်ရတယ်အေ... မလေးက အစောကြီး ဦးသွားတယ် (မကျေနပ်ဘူး ) :)
ဟွန်း အရုပ်အားလုံးအတူတူချင်းကို မမြသွေးက သူ့အနီရုပ်လေးက မျက်လုံးအပြူးဆုံးဆိုဘဲ... တို့တော့ အနက်လေးက အလှဆုံးလို့ ထင်တာဘဲ ဟိဟိ..
ကော်ဖီကြိုက်တာတော့ မှန်ပါရဲ့... ကော်ဖီတစ်ခွက်ထဲကို သုံးယောက်လုံးကို ပစ်ထည့်ထားတာတော့ ဆိုးပါတယ်အေ... အင်း ကိုယ့်ရုပ်ကို မြင်ဖူးထားသူများကတော့ ဒီရုပ်ဆိုးတွေနဲ့ ဒီလောက်ချစ်စရာအရုပ်တွေ နှိုင်းမှ နှိုင်းရက်ပလေလို့ ပြောတော့မယ်..
ဘာဘဲဖြစ်ဖြစ် သတိတရနဲ့ အရုပ်ကလေးတွေနဲ့ နှိုင်းပြီးရေးထားတာလေး ဖတ်ပြီး ပီတိဖြစ်ရပါတယ်.. ကျေနပ်ပါတယ်... ကျေးဇူးလဲတင်ပါတယ်..
မိတ်ဆွေတွေကို နေရာပေး အလေးထားတတ်တဲ့ ကိုဏီရဲ့ စိတ်ကလေးကို ထင်ထင်ရှားရှား တွေ့လိုက်ရပါတယ်..
ပြီးတော့ အများနဲ့မတူတဲ့ စိတ်ကူးလေးတွေနဲ့ စာရေးတတ်တဲ့ ကိုဏီရဲ့စတိုင်လေးတွေက တကယ်ကို အိုင်ဒီယာကောင်းလေးတွေပါ။
သူများလုပ်လို့ လိုက်လုပ်တာ၊ လိုက်အတုခိုးတာထက်
ကိုယ့်စတိုင်နဲ့ကိုယ်၊ ကိုယ့်ရပ်တည်မှုနဲ့ကိုယ် ဟန်ချက်ညီညီလေး သွားကြတာက အကောင်းဆုံးဆိုတာ လက်ခံပါတယ်..

မြစ်ကျိုးအင်း said...

စာတပုဒ်ရဲ့ ရည်ရွယ်ရာကို နားမလည်သူတွေ ရှိနေလို့ ရေးရတာ
စိတ်ပျက်ပေမယ့် ခင်မင်သူတွေ နားလည်သူတွေ အတွက်
ဟန်ချက်ညီတဲ့ စာတွေ ဆက်ရေးသွားအုံး သူငယ်ချင်းရေ။
ဒါနဲ့ အမ ၃ယောက်ကို ထမင်းရော ကျွေးရဲ့လား။

sosegado said...

ဇာတ်လမ်းတွေထဲကလို အရုပ်လေးတွေအသက်ဝင်လာရင်………
ရေးသွာတဲ့ဟန်လေးကိုကြိုက်မိပါတယ်၊

★Craton said...

အရုပ်မလေးကို မျက်လုံးမှိတ်ပြတယ်ဆိုပဲ။ စိတ်ပိန်တဲ့အထဲ အဲ့ဒါတွေလည်းပါတယ်။ :D
ဆံပင်စုတ်ဖွား မျက်မှန်ထူ ဝါးခြမ်းပြား မုတ်ဆိတ်.. အင်း ပုံဖော်သွားပါပြီ။

Anonymous said...

ဟုတ်ပ အရုပ်လေး တွေက ချစ်စရာလေးတွေ စိတ်ကူးလေးက မိုက်တယ်

ခင်တဲ့
အမရွှေစင်

သော်ဇင်စိုး said...

အရုပ်ကလေးတွေကိုမှ မျက်လုံးမှိတ်ပြရတယ်လို့.. :D
နေရာလေးတွေအနှံ့မှာ သွားထားပြီး.. ဓါတ်ပုံရိုက်ထားတာလေးတွေကို သဘောကျတယ်.. အောက်က စာလေးတွေရေးထားတာတွေလည်း.. မိုက်တယ်အကိုကြီး..
အကို့ ကွန်ပြူတာလေးထဲက အကို့ဘလော့က နာရီလေးကိုတွေ့တော့.. ရင်ထဲ တစ်မျိုးလေးခံစားရတယ်.. ငယ်ချစ်ဟောင်းနဲ့တွေ့ရသလို.. ရှိုင်းမြမြနဲ့.. :))))))))))

မောင်လေး said...

ဆြာဏီ...အရုပ်လေးတွေက ချစ်စရာလေးတွေ...။
အရုပ်လေးတွေမြင်ရင်မငေးပဲမနေနိုင်ဘူး..။သဘောကျတယ်..။
ဒါနဲ့ လင့်ချိတ်ထားလိုက်ပြီဗျိုး

အဖြူရောင်နတ်သမီး said...

ငါ့အကိုနဲ့...
အရုပ်လေးတွေနဲ့ကစားနေတယ်ပေါ့လေ...
လူပျိုကြီးနော်...
စိတ်ကူးတွေယဉ်တတ်နေတယ်..ခုတလော...း)

orchidgirl222@gmail.com said...

ဆရာ..
အရုပ်လေးတွေက အရမ်းချစ်ဖို့ ကောင်တယ်နော်။ တစ်ကယ့် ကို ဟန်ချက်ညီညီ လေး မြင်ယောင်မိနေတယ်။